دنیائے کرکٹ کی دفاعی چیمپیئن ویسٹ انڈیز کے سابق کپتان ڈیوائن براوو نے اپنے پہلے گانے کی کامیابی کے بعد اپنا دوسرا گانا ریلیز کردیا۔
تفصیلات کے مطابق ویسٹ انڈین کرکٹ ٹیم کے سابق کپتان ڈیوائن براوو کا موسیقی سے شدید لگاؤ ان کے شائقین سمیت دنیا بھر میں مشہور ہے، ویسٹ انڈین کرکٹر نے ’چیمپئن چیمپئن‘ گانے کی مقبولیت کے ایک اور گانا ’ایشیا ایشیا‘ بھی ریلیز کردیا۔
ایشیا ایشیا گانے کو کو بھی شائقین کی جانب سے بہت پسند کیا جارہا ہے، جس میں ڈیوائن براوو نے سری لنکا کے مہیلا جے وردنے اور عالمی شہرت یافتہ پاکستان کرکٹ ٹیم کے سابق کپتان شاہد خان آفریدی کو بھی شامل کیا ہے۔
پاکستان کے بوم بوم آفریدی نے ٹویٹر پر گانا شیئر کرتے ہوئے کہا کہ ڈیوائن براوو کا یہ گانا یقیناً سابقہ گانے ’چیمپیئن چیمپیئن‘ سے بہتر ہے کیوں اس میں شامل ہوں۔
Well @DJBravo47, this is definitely an improvement on the ‘Champion’ song, especially since you’ve included me in the lineup 😜. Wishing you all the very best with this new number, & I hope it gets just as popular! pic.twitter.com/VvK0RzsW8J
— Shahid Afridi (@SAfridiOfficial) February 7, 2019
پاکستان کرکٹ ٹیم کے سابق کپتان شاہد آفریدی نے گانے کے لیے نیک خواہشات کا اظہار کرتے ہوئے مزید کہا کہ میں امید کرتا ہوں یہ گانا بھی سابقہ گانے کی مقبولیت کی بلندیاں عبور کرے گا۔
مذکورہ گانے میں ایشیائی کرکٹ ٹیموں کے کھلاڑیوں بھی شامل کیا ہے جس میں افغانستان کے راشد خان، بنگلا دیش کے شکیب الحسن اور بھارتی کپتان ویرات کوہلی و مہندرا سنگھ دھونی دھونی بھی ہیں۔
واضح رہے کہ سنہ 2016 میں کھیلے جانے والے ٹی 20 ورلڈ سے قبل ڈیوائن براوو نے ’چیمپیئن چیمپیئن‘ ریلیز کیا تھا جو شائقین کرکٹ اور براوو کے مداحوں میں بہت مقبول ہوا تھا اور ویسٹ انڈیز کے ٹی 20 ورلڈ کپ کی فاتح ٹیم بننے کے بعد گانے کی مقبولیت دو چند ہوگئی تھی۔
یاد رہے کہ ڈیوائن براوو نے گزشتہ سال عالمی کرکٹ سے ریٹائرمنٹ کا اعلان کردیا تھا۔
