ARYNews.tv | Urdu – Har Lamha Bakhabar

Tag: چیمپیئنز ٹرافی

  • انضمام الحق نے آئی پی ایل کے بائیکاٹ کا کیوں کہا؟

    انضمام الحق نے آئی پی ایل کے بائیکاٹ کا کیوں کہا؟

    پاکستان کرکٹ ٹیم کے سابق کپتان اور موجودہ تجزیہ کار انضمام الحق کی جانب سے انڈین پریمیئر لیگ کے بائیکاٹ کا مطالبہ سامنے آیا ہے۔

    ثقلین مشتاق کے بعد پاکستان کے ایک اور لیجنڈ کرکٹر انضمام الحق نے چیمپیئنز ٹرافی میں جاری تنازع کے درمیان بی سی سی آئی پر تنقید کی ہے، انھوں نے دیگر بورڈز پر زور دیا کہ وہ انڈین پریمیئر لیگ (آئی پی ایل) کا بائیکاٹ کریں اگر بھارتی اپنے کرکٹرز کو ریلیز نہیں کرتا۔

    انضمام نے دیگر بورڈز کو یاد دلایا کہ بھارت اپنے کھلاڑیوں کو بیرون ملک لیگز میں شرکت کی اجازت نہیں دیتا، لیکن غیرملکی پلیئرز آئی پی ایل کھیلتے ہیں۔

    نجی چینل پر اظہار خیال کرتے ہوئے سابق لیجنڈ کرکٹر کا کہنا تھا کہ "چیمپیئنز ٹرافی کو ایک طرف رکھیں، ٹاپ کرکٹرز آئی پی ایل میں حصہ لیتے ہیں لیکن بھارتی کھلاڑی دوسری لیگز میں حصہ نہیں لیتے۔

    ’بابر اعظم کوئی انضمام الحق نہیں، نیا ٹیلنٹ آزمایا جائے‘

    انضمام الحق نے کہا کہ اگر بی سی سی آئی اپنے کھلاڑیوں کو دوسری لیگز کے لیے ریلیز نہیں کرتا تو پھر دوسرے بورڈز کو بھی موقف اختیار کرنا چاہیے اور اپنے کھلاڑیوں کو آئی پی ایل میں بھیجنا بند کر دینا چاہیے۔

    خیال رہے کہ ناصر حسین اور مائیکل ایتھرٹن چیمپئنزٹرافی میں بھارت کے ‘فائدے’ پر سخت سوالات اٹھا چکے ہیں، ان کا کہنا تھا کہ بلیو شرٹس کے سارے میچ دبئی میں رکھ کر انھیں فائدہ دیا گیا۔

    اس تنازع کے بیچ آسٹریلیا اور جنوبی افریقہ دونوں ٹیمیں بھارت کے خلاف چیمپئنز ٹرافی کے سیمی فائنل میچ کی ممکنہ تیاری کےلیے متحدہ عرب امارات روانہ ہوچکی ہیں۔

    https://urdu.arynews.tv/inzamam-ul-haq-statement-jasprit-bumrah/

  • جب میں کپتان تھا تو ’کول‘ رہنا آسان تھا مگر اب… دھونی نے کیا کہا؟

    جب میں کپتان تھا تو ’کول‘ رہنا آسان تھا مگر اب… دھونی نے کیا کہا؟

    بھارتی کرکٹ ٹیم کے سابق کپتان ایم ایس دھونی نے کہا ہے کہ جب میں کپتانی کیا کرتا تھا تو اس وقت ’کول‘ رہنا آسان ہوتا تھا۔

    آئی سی سی چیمپیئنز ٹرافی کے آغاز میں تین ہفتے سے بھی کم وقت باقی ہے، ایسے میں سابق بھارتی کپتان اور چیمپئنزٹرافی جیتنے والے مہندر سنگھ دھونی شائقین کے لیے اسکرین پر دوبارہ واپس آئے ہیں، بھارتی چینل اسٹار اسپورٹس نے دھونی کا ایک پرومو جاری کیا ہے۔

    دھونی جو کیپٹن کول کے طور پر پہچانے جاتے تھے وہ اس اشتہار میں ایک برفانی جگہ میں بیٹھ نظر آرہے ہیں، اشتہار میں دھونی کہتے ہیں ’جب میں کپتان تھا تو ’کول‘ رہنا آسان تھا لیکن مداح بن کر آئی سی سی چیمپئنز ٹرافی دیکھنا ہو تو، نہیں!

    اشتہار میں مہندر سنگھ دھونی مزید کہتے ہیں اگرچہ ہماری ٹیم بھلے ہی مضبوط ہے مگر یہاں اگر ایک بھی میچ ہارتے ہیں تو سمجھو باہر۔

    خیال رہے کہ دھونی نے 2013 میں انگلینڈ میں آئی سی سی چیمپئنز ٹرافی میں بھارتی ٹیم کی کپتانی کی تھی، اس ٹورنامنٹ میں بھارت ان کی رہنمائی میں ٹرافی جیتنے میں کامیاب رہا تھا۔

  • پاکستانی نوجوانوں سے محبت کرتا ہوں: رشی کپور نے پٹری بدل لی

    پاکستانی نوجوانوں سے محبت کرتا ہوں: رشی کپور نے پٹری بدل لی

    پاک بھارت میچ سے قبل بھارتی شہریوں اور معروف افراد کی بڑی تعداد بھارتی کرکٹ ٹیم کے حوالے سے بلند و بانگ دعوے کرنے اور پاکستانی کرکٹ ٹیم کو نیچا دکھانے میں مصروف تھی، تاہم بھارت کی عبرت ناک شکست کے بعد ان سب کو مجبوراً پاکستان کی بہترین کارکردگی کا اعتراف کرنا پڑا۔

    چیمپیئنز ٹرافی کے فائنل میں جس طرح پاکستان نے ناقابل یقین شاندار کارکردگی دکھائی وہ ایسی تھی جس نے پوری دنیا کو دنگ کردیا۔ ہندوستانی حسب معمول ٹیم کی شکست کو برداشت نہ کرسکے اور ملک بھر میں توڑ پھوڑ اور جلاؤ گھیراؤ کے واقعات شروع ہوگئے۔

    کشیدگی کے پیش نظر حکومت کو کھلاڑیوں کے گھر کے باہر فوج بھی تعینات کرنی پڑگئی۔

    تاہم ایسے موقع پر بالی ووڈ اداکاروں نے اپنے ملک کی شکست کا غم بھلا کر پاکستان کو ٹوئٹر پر کھلے دل سے مبارکباد دی اور ان کی تعریف کی۔

    اداکار رشی کپور جو 2 دن پہلے تک متعصبانہ ٹوئٹس کے ذریعے جنگ کی فضا قائم کرنے پر تلے ہوئے تھے، اپنے ہی الفاظ اپنے منہ پر پڑجانے کے بعد سخت دلبرداشتہ ہوئے اور بالآخر اپنی شکست تسلیم کی۔

    یہی نہیں اس کے بعد پٹری بدلتے ہوئے انہوں نے پاکستانی نوجوانوں سے محبت کا دعویٰ بھی کر ڈالا۔

    ابھیشک بچن نے پاکستانی ٹیم کی تعریف کرنے کے ساتھ ساتھ اپنی ٹیم کی حوصلہ افزائی بھی کی۔

    کافی عرصہ سے فلموں سے دور رہنے والے اداکار رتیش دیش مکھ نے بھی پاکستانی ٹیم کو مبارکباد پیش کی۔

    ارجن رامپال پاکستانی ٹیم کے کھیل سے کافی متاثر نظر آئے۔ انہوں نے فتح کو پاکستانی ٹیم کا حق قرار دیا۔

    سابق ملکہ حسن سشمیتا سین نے پاکستانی ٹیم کو مبارکبا دیتے ہوئے کہا کہ یہ رحمتوں سے بھرپور ماہ رمضان ہے۔

    سدھارتھ ملہوترا نے دونوں ٹیموں کی حوصلہ افزائی اور تعریف کرتے ہوئے کہا کہ بس آج ہمارا دن نہیں تھا۔

    دیا مرزا نے پاکستانی ٹیم کی تعریف کرتے ہوئے کہا کہ وہ بھارتی ٹیم کے لیے اداس ہیں۔

    اداکار و ہدایت کار فرحان اختر نے کہا کہ پاکستان ٹیم کی کارکردگی تمام شعبوں میں بہترین تھی۔

    ورون دھون نے کہا کہ کھیل میں ایک ٹیم فاتح ہوتی ہے اور ایک شکست خوردہ۔ مجھے یقین ہے کہ بھارت بھرپور طریقے سے کم بیک کرے گا۔

    اس موقع پر ثانیہ مرزا بھی پیچھے نہ رہیں اور انہوں نے دل کے بہلانے کو بھارت کی ہاکی میں پاکستان کے خلاف فتح کو یاد کرتے ہوئے بھارت کو مبارکباد دے ڈالی، تاہم انہیں پاکستان کو بھی مبارک باد دینی پڑی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت کو 180 رنز سے شکست، پاکستان کرکٹ کا چیمپئن بن گیا

    بھارت کو 180 رنز سے شکست، پاکستان کرکٹ کا چیمپئن بن گیا

    اوول: آئی سی سی چیمپئنز ٹرافی کے فائنل میں پاکستانی ٹیم نے روایتی حریف بھارت کو 180 رنز سے شکست دے کر ٹائٹل اپنے نام کرلیا، عمدہ کارکردگی کا مظاہرہ کرنے پر فخر زمان کو مین آف دی میچ جبکہ حسن علی کو ٹورنامنٹ کا بہترین کھلاڑی قرار دیا گیا۔

    تفصیلات کے مطابق آئی سی سی چیمپیئنز ٹرافی 2017 کے فائنل کے لیے پاکستان نے پہلے بیٹنگ کرتے ہوئے بھارت کو مقررہ اوور میں 339 رنز کا ہدف دیا جس کے جواب میں بھارتی ٹیم صرف 158 رنز ہی بنا سکی۔

    پاکستان کی جانب سے تینوں فارمیٹ میں شاندار کھیل کا مظاہرہ کیا گیا، بیٹنگ کے بعد شاہینوں نے باؤلنگ اور فیلڈنگ میں بھی عمدہ کارکردگی کا مظاہرہ کیا، محمد عامر اور حسن علی نے تین تین کھلاڑیوں کو پویلین بھیجا جبکہ شاداب خان نے 2 اور جنید خان نے ایک وکٹ حاصل کی۔

    ایوارڈ تقریب

    فخر زمان کو مین آف دی میچ جبکہ حسن علی کو ٹورنامنٹ کا بہترین کھلاڑی کے اعزاز سے نوازا گیا، اس موقع پر حسن علی نے اپنے خیالات کا اظہار کرتے ہوئے کہا کہ میرے لیے یہ لمحہ بہت اہم ہے جسے الفاظ میں بیان نہیں کرسکتا، اللہ تعالیٰ نے کامیابی عطا کی اس پر اُس کا شکرگزار ہوں۔

    کپتان سرفراز احمد نے جیت کا کریڈٹ تمام کھلاڑیوں کو دیتے ہوئے کہا کہ بھارت سے شکست کے بعد لڑکوں کو کہا کہ ٹورنامنٹ ابھی ختم نہیں ہوا آئندہ میچوں میں اچھی کارکردگی سے ہم ایونٹ اپنے نام کرسکتے ہیں۔ انہوں نے کہا کہ لڑکوں نے اچھی کارکردگی دکھائی محمد عامر سمیت تمام نوجوان کھلاڑیوں نے پاکستان کو فتح دلوانے میں اہم کردار ادا کیا۔

    سرفراز احمد نے کہا کہ نوجوان کھلاڑیوں کی وجہ سے پاکستان کو فتح کا سہرا نصیب ہوا، اچھی کرکٹ کھیلی تو آج ہم چیمپئن بن گئے، دنیا بھر میں موجود پاکستانیوں نے ہماری فتح کے لیے دعا کی اُن تمام لوگوں کا شکر گزار ہوں۔

    بھارتی کپتان ویرات کوہلی نے کہا کہ پاکستان کے پاس بہت ٹیلنٹ ہے، انہوں نے ہرشعبے میں آؤٹ کلاس پرفارمنس کا مظاہرہ کیا اور آج کے میچ میں ہماری کارکردگی مایوس کن رہی۔

    اننگز کی تفصیلات کے لیے اسکرول نیچے کریں

    فتح کے جشن کی تصاویر

    بھارتی اننگز

    اکستویں اوور کی تیسری بال پر بھارت کی آخری امید بھی ختم ہوئی اور اس طرح پاکستان نے 180 رنز سے شکست دے کر ایونٹ اپنے نام کیا۔

    اننگز کے 30ویں اوور میں بھارت نے دو رنز بنائے، اوور کے اختتام پر مجموعی اسکور 159 تک پہنچا۔

    اننگز کے 29ویں اوور میں بھارتی بلے باز حسن علی کی بال کو سمجھنے سے قاصر رہے اور کپیر سرفراز کے ہاتھوں کیچ دے کر پویلین روانہ ہوئے۔

    اگلے ہی 28ویں اوور کی تیسری بال پر  جدے جا سلپ پر کیچ تھما کر پویلین لوٹے، انہوں نے 26 گیندوں کا سامنا کرتے ہوئے 15 رنز بنائے، اوور اختتام پر مجموعی اسکور 156 تک پہنچا۔

    اننگز کا 27واں اوور حسن علی نے کروایا، پانڈیا رن لینے کی جلدی میں آوٹ ہوکر پویلین روانہ ہوئے، اوور میں بھارت کی ٹیم صرف دو رنز حاصل کرسکی اور اختتام پر مجموعی اسکور 7 وکٹ کے نقصان پر 154 تک پہنچا۔

    پچیسویں اوور میں پانڈیا نے شاندار بیٹنگ کا مظاہرہ کیا اور دو چھکوں کی مدد سے ٹیم کے مجموعی اسکور میں 15 رنز کا اضافہ کیا، اوور کے اختتام پر بھارت کا اسکور 152 رنز تک پہنچا۔

    کپتان سرفراز نے چوبیسویں اوور میں ایک بار پھر شاداب خان کو آزمانے کا فیصلہ کیا، اس اوور میں بھارتی ٹیم مجموعی اسکور میں صرف تین رنز کا اضافہ کرسکی، اوور کے اختتام پر ٹیم کا مجموعی اسکور چھ وکٹوں کے نقصان پر 137 تک پہنچا۔

    تیسویں اوور کے اختتام پر بھارت کا مجموعی اسکور 134 رنز تک پہنچا۔

    پانڈیا نے 22ویں اوور میں 31 گیندوں کا سامنا کرتے ہوئے لگاتار تین چھکوں کی مدد سے ففٹی مکمل کی، یہ کسی بھی فائنل کی تیز ترین نصف سنچری ہے، اوور اختتام پر بھارت کا مجموعی اسکور 128 تک پہنچا۔

    اکسویں اوور میں بھارت نے 100 رنز مکمل کیے، اوور کے اختتام پر بھارت کا مجموعی اسکور 106 تک پہنچا۔

    بیسویں اوور کے اختتام پر بھارت کا مجموعی اسکور 6 وکٹوں کے نقصان پر 93 تک پہنچا۔

    انیسویں اوور کے اختتام پر بھارت کا مجموعی اسکور چھ وکٹوں کے نقصان پر 89 تک پہنچا۔

    اننگز کا اٹھارواں اوور حسن علی نے کروایا، اوور میں بھارت کا مجموعی اسکور 80 رنز تک پہنچا۔

    سترہویں اوور میں شاداب نے آخری بال پر بھارتی بلے باز جادیو کو پویلین کی راہ دکھائی، اوور کے اختتام پر بھارت کا مجموعی اسکور 6 وکٹوں کے نقصان پر 72 تک پہنچا۔

    سولہواں اوور حسن علی نے کروایا، مجموعی اسکور میں 5 رنز کا اضافہ ہوا۔

    اننگز کا پندرہواں اوور شاداب خان نے کروایا، اوور اختتام پر بھارت کا مجموعی اسکور 62 تک پہنچا۔

    اگلے ہی چودہویں اوور میں حسن علی نے دھونی کو بھی پویلین کی راہ دکھائی، اوور اختتام پر بھارت نے پانچ وکٹ کے نقصان پر 55 رنز بنائے۔

    اننگز کا تیرہواں اوور شاداب خان نے کروایا جس میں یوراج سنگھ 22 کے انفرادی اسکور پر پویلین روانہ ہوئے۔

    بارہویں اوور میں مجموعی اسکور میں تین رنز کا اضافہ ہوا۔

    گیارواں اوور میڈن رہا۔

    دسویں اوور میں بھارت کی ٹیم نے 14 رنز حاصل کیے۔

    اننگز کا نواں اوور محمد عامر نے کیا اور آخری بال پر شیکر دھون کو پویلین کی راہ دکھائی، اوور اختتام پر مجموعی اسکور تین وکٹوں کے نقصان پر 33 تک پہنچا۔

    اننگر کا آٹھواں اوور جنید خان نے کیا، دو چوکوں کی مدد سے بھارت نے اس اوور میں 9 رنز حاصل کیے، اوور اختتام پر مجموعی اسکور 31 تک پہنچا۔

    اننگز کا ساتواں اوور محمد عامر نے کیا، بھارت کی ٹیم اس اوور میں صرف ایک ہی رن حاصل کرنے میں کامیاب رہی، اوور اختتام پر ٹیم کا مجموعی اسکور 22 تک پہنچا۔

    اننگز کا چھٹا اوور جنید خان نے کیا، جس میں بھارتی ٹیم نے مجموعی اسکور میں 5 رنز کا اضافہ کیا، اوور اختتام پر بھارت کا مجموعی اسکور دو وکٹوں کے نقصان پر 21 رنز تک پہنچا۔

    پانجویں اوور میں دو چوکوں کی مدد سے بھارت کی ٹیم نے 9 رن حاصل کیے، اوور کے اختتام پر ٹیم کا مجموعی اسکور 16 رنز تک پہنچا۔

    جنید خان نے چوتھے اوور میں شاندار باؤلنگ کا مظاہرہ کرتے ہوئے میڈن اوور کیا۔

    تیسرے اوور کی پہلی بال پر ویرات کوہلی کا سلپ پر کینچ نکلا تاہم اظہر کے ہاتھ سے اُن کا کیچ ڈراپ ہوگیا، اگلی ہی بال پر ویرات کوہلی گیند کو پویلین بھیجنے کے چکر میں کیچ دے کر 5 رنز بنا کر پویلین روانہ ہوگئے۔

    دوسرا اوور جنید خان نے کیا ، اختتام پر بھارت کا مجموعی اسکور 2 رنز تک پہنچا۔

    بھارت نے اننگز کا آغاز کیا تو محمد عامر کے پہلے اوور کی تیسری بال پر روہت شرما بغیر کوئی رن بنائے ایل بی ڈبیلو ہوکر پویلین روانہ ہوائے، اوور اختتام مجموعی اسکور ایک وکٹ کے نقصاب پر 2 رنز تک پہنچا۔

    پاکستان کی بیٹنگ

    قبل ازیں اوپنرز بلے باز فخر زمان نے بہترین کھیل پیش کرتے ہوئے 144 رنز بناکر جدیجا کے ہاتھوں کیچ آؤٹ ہوگئے تھے جب کہ ان کے ساتھی بلے باز اظہرعلی 59 رنز بنانے کے بعد اشون کی گیند پر رن آؤٹ ہوئےجب کہ شعیب ملک 12 اور بابر اعظم 46 رنز بنانے کے بعد تیز کھیلنے کی کوشش میں کیچ آؤٹ ہو گئے جس کے بعد محمد حفیظ 57 اور عماد وسیم نے 25 رنز کے انفرادی اسکور کے ساتھ پاکستان کو 338 کے مجموعی رنز تک پہنچانے میں کامیاب رہے۔

    اسکور کارڈ

    فخرزمان کی شاندار سینچری

    پہلی وکٹ کی پارٹنر شپ میں دونوں اوپنرز کی نصف سینچری

    قبل ازیں دونوں اوپنرز کو ابتدا میں مشکلات کا سامنا رہا تاہم جلد ہی دونوں کھلاڑی سیٹ ہوگئے اور نو بال پر کیچ آؤٹ ہونے والے فخر زمان نے موقع ملنے کے بعد پچ کے چاروں طرف خوبصورت اسٹروکس کھیلتے ہوئے نصف اور پھر سنچری مکمل کی جب کہ ان کے ساتھی اظہر علی نے بھی جارحانہ کھیلتے ہوئے نصف سینچری مکمل کی تاہم اظہر علی رن لینے کی کوشش میں آؤٹ ہو گئے۔

     

    اوپنر فخر زمان بہترین کارکردگی دکھانے کے لیے پُر عزم 

    پاکستان ٹیم کے اوپنر فخر زمان کہتے ہیں کہ بھارت کےخلاف میچ میں پرفارم کرکے ہیرو بنے کا بہترین موقع ہے جسے ہر صورت حاصل کریں گے اور  کوشش کریں گے کہ ٹرافی جیت کر وطن لے کرجائیں اور اس ٹورنامنٹ کو یادگار بنائیں۔

    اور فخر زمان نے اپنا وعدہ پورا کیا

    پاکستانی ٹیم ان کھلاڑیوں پر مشتمل ہے 

      بھارتی ٹیم ان کھلاڑیوں پر مشتمل ہے

     

     

    شائقین کرکٹ کی دل دھڑکنیں تیزتر 

    میچ سے قبل پاکستان ٹیم کی پریکٹس

    اوول کا میدان پاکستان کے لیے کتنا خوش قسمت رہا 

    پاکستان اور بھارت کی ٹیمیں لندن کے کئی گراؤنڈز میں مدمقابل آچکی ہیں لیکن اوول کے تاریخی کرکٹ گراؤنڈ میں دونوں کے درمیان یہ پہلا مقابلہ ہے۔

    شاہینوں نے اس گراؤنڈ پر اب تک نو میچز کھیلے ہیں جن میں سے دو جیتے جبکہ سات میں ناکامی کا سامنا کرنا پڑا۔

    بھارت کے سورما اب تک اوول میں چودہ میچز کھیل چکے ہیں۔ پانچ جیتے جبکہ آٹھ میں شکست ان کا مقدر ہوئی۔

    مجموعی میچز میں پاکستان کا پلڑا بھاری ہے۔ آئی سی سی ایونٹس میں بھارت آگے ہے۔ اب آج کے میچ میں اوول کے میدان میں جو بھی جیتا وہ تاریخ رقم کرجائے گا

    ٹورنامنٹ کے سب سے بڑے وکٹ ٹیکر حسن علی سورماﺅں کو دھول چٹانے کےلیے تیار ہیں تو وہیں ان فٹ ہونے والے محمد عامر کی بھی قومی ٹیم میں واپسی کا امکان ہے۔

    سرفراز احمد کا کل پریس کانفرنس میں کیا کہنا تھا ؟

    یاد رہےکہ کل پاکستانی کرکٹ ٹیم کے کپتان سرفراز احمد نے پریس کانفرنس کرتے ہوئے کہا تھا کہ فائنل میں بھارت کے خلاف جارحانہ کرکٹ کھیلیں گے،اپنی کارکردگی میدان میں دکھائیں گے۔

    دوسری جانب قومی ٹیم کے ہیڈ کوچ مکی آرتھر کا کہناتھا کہ وہ نوجوان کھلاڑیوں کی کارکردگی سے مطمئن ہیں کیونکہ نئے لڑکوں میں ہار کا خوف کم اور جیت کا جنون زیادہ ہوتا ہے۔

    چیمپیئنزٹرافی: پاکستان انگلینڈ کوشکست دے کرفائنل میں پہنچ گیا

    واضح رہےکہ آئی سی سی چیمپیئنز ٹرافی کے پہلے سیمی فائنل میں پاکستان نے انگلینڈ کو 8وکٹوں سے شکست دی تھی ۔حسن علی مین آف دی میچ کے حقدار قرار پائےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • چیمپیئنز ٹرافی: بھارت ساؤتھ افریقہ کو 8وکٹوں سے ہرا کر سیمی فائنل میں

    چیمپیئنز ٹرافی: بھارت ساؤتھ افریقہ کو 8وکٹوں سے ہرا کر سیمی فائنل میں

    لندن : بھارت نے جنوبی افریقہ کو با آسانی 8 وکٹوں سے شکست دے کر آئی سی سی چیمپیئنز ٹرافی کے سیمی فائنل کیلئے کوالیفائی کرلیا، سیمی فائنل میں بھارت اور بنگلہ دیش کا مقابلہ ہوگا، جنوبی افریقہ کی ٹیم ٹورنامنٹ سے باہر ہوگئی۔

    تفصیلات کے مطابق آئی سی سی چیمپیئنز ٹرافی کے سیمی فائنل میں پہنچنے والی تیسری ٹیم کا فیصلہ ہوگیا، بھارت نے جنوبی افریقہ کو آٹھ وکٹوں سے شکست دیکر سیمی فائنل میں جگہ بنالی۔

    سیمی فائنل میں بھارت اور بنگلہ دیش کا ٹکراؤ ہوگا۔ اوول میں کھیلے گئے ناک آؤٹ میچ میں بھارت نے ٹاس جیت کر جنوبی افریقہ کو بیٹنگ کی دعوت دی۔

    جنوبی افریقی اوپنرز ڈی کاک اور آملہ نے پہلی وکٹ کی شراکت میں چھہتر رنز کی شراکت کی۔ ڈی کاک ترپن رنز بناسکے۔ ڈو پلیسی چھتیس اور ہاشم آملہ نے پینتیس رنز بنائے۔

    پروٹیاز ایک سو اکیانوے رنز پر آل آؤٹ ہوگئے۔ بھارتی ٹیم ہدف کے تعاقب میں تیزی سے آگے بڑھی۔ شیکھر دھون اور کپتان ویرات کوہلی کی شاندار پرفارمنس نے بھارت کو سیمی فائنل میں پہنچا دیا۔

    دھون اٹھہتر اور کوہلی نے چھہتر رنز بنائے۔ بھارتی کھلاڑی بومرا مین آف دی میچ قرار پائے۔

  • بھارت سے شکست : بزرگ خاتون پاکستانی ٹیم پربرس پڑیں

    بھارت سے شکست : بزرگ خاتون پاکستانی ٹیم پربرس پڑیں

    کراچی : چیمپیئنز ٹرافی میں بھارت سے شکست پر ایک خاتون کا خون کھول اٹھا، خاتون شرمناک شکست پر کھلاڑیوں کو مشورہ دیا کہ بیٹ بال وکٹیں سب کو آگ لگا دو، ویڈیو سوشل میڈیا پر وائرل ہوگئی۔

    تفصیلات کے مطابق گزشتہ روز پاکستان اور بھارت کے درمیان برمنگھم میں کھیلے جانے والے انتہائی اہم میچ مین بھارت کے ہاتھوں پاکستان کی شرمناک شکست پر جہاں ہر پاکستانی افسردہ ہے وہیں ایک بزرگ خاتون نے بھی اپنے شدید غم و غصے کا اظہار کیا ہے۔

    سوشل میڈیا پر چلنے والی ایک ویڈیو میں خاتون کا کہنا ہے کہ میرا پیغام ان کھلاڑیوں کہ ملک کی اتنی بے عزتی نہ کراوئیں جتنی کروا رہے ہیں۔

    انہوں نے کہا کہ جہاں کھیلتے ہیں ہمیشہ ہار کر آجاتے ہیں، خاص طور پر انڈیا سے ہمیشہ ہار کر آتے ہیں، ہر بار اپنی بے عزتی کروا کر آجاتے ہیں اور جو ان جیسے کھلاڑیوں کو بھیجھتا ہے اس کو بھی شرم آنی چاہیئے۔

  • بھارت کےخلاف میچ سے قبل وہاب ریاض انجری کاشکار

    بھارت کےخلاف میچ سے قبل وہاب ریاض انجری کاشکار

    برمنگھم : چیمپیئنز ٹرافی کا آغازسےقبل قومی ٹیم کو بڑادھچکا لگ گیا۔فاسٹ باؤلروہاب ریاض ہیمسٹرنگ انجری کا شکار ہو گئے۔

    تفصیلات کےمطابق برمنگھم میں بیٹنگ، باؤلنگ اور فیلڈنگ کی بھرپور پریکٹس میں مصروف پاکستانی ٹیم کی تیاریوں کو اس وقت دھچکا لگا جب وہاب ریاض ہیمسٹرنگ انجری کا شکار ہو گئے۔

    خیال رہےکہ گزشتہ روزایجبسٹن میں ہونے والے پریکٹس سیشن میں وہاب ریاض سے باؤلنگ تو نہیں کروائی گئی البتہ انہوں نے جم سیشن ضرور مکمل کیا۔

    ذرائع کے مطابق فاسٹ باؤلر کے پٹھوں میں معمولی کھنچاؤ ہے لیکن ٹیم مینجمنٹ پرامید ہے کہ بھارت کے خلاف اہم میچ سے قبل وہاب ریاض مکمل فٹ ہو جائیں گے۔

    فہیم اشرف کی شاندار بیٹنگ، شاہینوں نے بنگال ٹائیگرز سے فتح چھین لی

    یاد رہےکہ پاکستانی فاسٹ باؤلر وہاب ریاض نے آئی سی سی ورلڈ کپ 2011ء سیمی فائنل میں بھارت کے خلاف 5/46کی پرفارمنس پیش کی تھی۔

    واضح رہےکہ اکتیس سالہ وہاب ریاض 78ون ڈے میچوں میں اب تک 102وکٹیں حاصل کر چکے ہیں، پاکستان کی موجودہ بولنگ لائن اپ میں وہاب ریاض ایک تجربے کار بولر کی حیثیت رکھتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پاکستان ہاکی ٹیم کا تربیتی کیمپ اسلام آباد سے لاہور منتقل

    پاکستان ہاکی ٹیم کا تربیتی کیمپ اسلام آباد سے لاہور منتقل

    لاہور: پاکستان ہاکی ٹیم کا تربیتی کیمپ اسلام آباد سے لاہور منتقل کردیا گیا ہے، ہیڈ کوچ شہناز شیخ کا کہنا ہے کہ خراب ٹرف کی وجہ سے کھلاڑیوں کو انجری کا سامنا کرنا پڑ رہا ہے۔

    دورہ آسٹریلیا اور کوریا کی تیاری کیلئے پاکستان ہاکی ٹیم کا تربیتی کیمپ اسلام آباد کے نصیر بندہ ہاکی اسٹیڈیم میں جاری تھا کہ اچانک کھلاڑیوں کو آرام کا موقع دے دیا گیا۔

     ہیڈ کوچ شہناز شیخ کا کہنا ہے کہ ناقص ٹرف کی وجہ سے کھلاڑیوں کو انجری کا سامنا کرنا پڑ رہا تھا۔اب تک چھ کے قریب کھلاڑی انجری کا شکار ہوچکے ہیں۔

     کھلاڑیوں کو دس اپریل کونیشنل ہاکی اسٹیڈیم لاہور میں رپورٹ کرنے کی ہدایت کی ہے، قومی ہاکی ٹیم اٹھائیس اپریل کو ہوبارٹ روانہ ہوگی جہاں چار ملکی سیریز کھیلی جائیگی۔

     اگلے مرحلے میں پاکستان ہاکی ٹیم کوریا کے دورہ کیلئے روانہ ہوگی جہاں پانچ میچوں کی سیریز شیڈول ہے، رواں ماہ پاکستان نے سلطان اذلان شاہ ہاکی ٹورنامنٹ میں شرکت کیلئے ملائیشیا جانا تھا، فنڈز کی عدم دستیابی کی وجہ سے ٹیم ایونٹ میں شرکت سے محروم ہوگئی۔

  • قومی ہاکی ٹیم کا وطن پہنچنے پروالہانہ استقبال

    قومی ہاکی ٹیم کا وطن پہنچنے پروالہانہ استقبال

    لاہور: چیمپیئنز ٹرافی ہاکی ٹورنامنٹ میں سلور میڈل جیتنے کے بعد پاکستان ہاکی ٹیم براستہ واہگہ بارڈر وطن واپس پہنچ گئی ہے۔ وطن واپسی پر کھلاڑیوں کا والہانہ استقبال کیا گیا۔

    پاکستان ہاکی ٹیم کے کھلاڑی بھارتی ریاست اڑیسہ میں چیمپیئنز ٹرافی میں رنر اپ رہنے کے بعد جب براستہ واہگہ بارڈر وطن واپس پہنچے تو انکا والہانہ استقبال کیا گیا۔

    پی ایچ ایف کے سربراہ اختر رسول،سیکٹریٹری رانا مجاہد سمیت اولمپیئنز اور عوام نے رنر اپ ٹیم کے کھلاڑیوں پر پھولوں کی پتیاں نچھاور کیں گئیں ۔

    پاکستان ہاکی ٹیم میگا ایونٹ کے فائنل میں جرمنی کیخلاف سلور میڈل کی حقدار ٹہری لیکن روایتی حریف بھارت کو اُسی کی سر زمین پر شکست دیکر کھلاڑیوں نے عوام کا دل ضرور جیت لیا ہے۔

  • چیمپیئنز ٹرافی : قومی ہاکی ٹیم پہلا میچ آج بیلجیئم کیخلاف کھیلے گی

    چیمپیئنز ٹرافی : قومی ہاکی ٹیم پہلا میچ آج بیلجیئم کیخلاف کھیلے گی

     بھوبانیسور : پاکستان ہاکی ٹیم کی بھوبانیسور کی مسجد میں نماز جمعہ کی ادائیگی , تفصیلات کے مطابق پاکستان ہاکی ٹیم نے چیمپیئنز ٹرافی کے آغاز سے قبل بھارتی شہر اڑیسہ کی مقامی مسجد میں نماز جمعہ ادا کی۔

    پاکستان ہاکی ٹیم چیمپیئنز ٹرافی کھیلنے کیلئے بھارتی ریاست اڑیسہ میں موجود ہے۔ کھلاڑیوں نے جمعہ المبارک کے موقع پر بھوبانیسور پولیس ہیڈ کوارٹرز کی مسجد میں نماز جمعہ ادا کی۔

    قومی ٹیم کا مقامی افراد نے گرمجوشی سے استقبال کیا۔کھلاڑیوں نے میگا ایونٹ میں کامیابی کیلئے دعائیں کیں۔ اس موقع پر سیکیورٹی کے فول پروف انتظامات کیے گئے تھے۔ پاکستان ہاکی ٹیم اپنا پہلا میچ آج بیلجیئم کیخلاف کھیلے گی۔