Tag: چینی سفیر

  • چین  کا سی پیک کو خصوصی توجہ دینے پر حکومتِ پاکستان کو شکریہ

    چین کا سی پیک کو خصوصی توجہ دینے پر حکومتِ پاکستان کو شکریہ

    اسلام آباد: چینی سفیر نے نے چیئرمین سی پیک اتھارٹی عاصم سلیم باجوہ سے ملاقات میں سی پیک کو خصوصی توجہ دینے پر حکومت پاکستان سے اظہارِ تشکر کیا۔

    تفصیلات کے مطابق سی پیک اتھارٹی کے چیئرمین عاصم سلیم باجوہ نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان میں تعینات چینی سفیر ایچ ای یاو جینگ نے سی پی ای سی اتھارٹی کا دورہ کیا اور چینی حکومت کی جانب سے سی پیک پرکام کی تیز رفتار اور زیادہ توجہ دینے پر حکومت پاکستان کا شکریہ ادا کیا۔

    چینی سفیر نے سی پیک کومزیدبہتراورمفیدبنانےکےعزم کا اعادہ کرتے ہوئے کہا سی پیک سے دونوں ممالک کے عوام مستفید ہوں گے۔

    یاد رہے چینی صدر شی جن پنگ کا کہنا تھا کہ سی پیک دونوں ملکوں کے درمیان تذویراتی تعاون اور شراکت داری کی اعلیٰ مثال ہے اور چین مشترکہ مستقبل کیلئے پاکستان کے ساتھ کام کرنے کیلئے تیار ہے۔

    شی جن پنگ کا کہنا تھا کہ چین پاکستان اچھےبھائی اورشراکت دارہیں،دونوں میں اسپیشل دوستی ہے، پاکستان اورچین امن وترقی کی رفتار برقرار رکھنے کیلئےکام کررہے ہیں۔

  • ‘پاکستان چین تعلقات میں مزید مضبوطی ،ایم ایل ون پاکستان میں سفری انقلاب لائے گا’

    ‘پاکستان چین تعلقات میں مزید مضبوطی ،ایم ایل ون پاکستان میں سفری انقلاب لائے گا’

    اسلام آباد : چینی سفیر یاؤ جنگ نے وزیرریلوے شیخ رشید کوایم ایل ون منصوبے کی ایکنک سے منظوری پرمبارکباد دیتے ہوئے کہا ایم ایل ون پاکستان میں سفری انقلاب لائے گا اور پاکستان چین تعلقات کومزید مضبوط کرے گا۔

    تفصیلات کے مطابق وزیرریلوے شیخ رشید سے چین کےسفیر یاؤ جنگ کی ملاقات ہوئی، جس میں چینی سفیر نے شیخ رشید کوایم ایل ون منصوبے کی ایکنک سے منظوری پرمبارکباد دی۔

    چینی سفیر نے کہا ایم ایل ون پاکستان میں سفری انقلاب لائےگا اور پاکستان چین تعلقات کومزید مضبوط کرے گا جبکہ شیخ رشید احمد کا کہنا تھا کہ ایم ایل ون جدید ریلوے کی طرف پہلاقدم ہے، یہ منصوبہ ملک کے معاشی استحکام کا باعث بنے گا۔

    وفاقی وزیر کا کہنا تھا کہ ایم ایل ون موجودہ حکومت کا فلیگ شپ اور ملکی تاریخ کا سب سے بڑا ترقیاتی پروگرام ہے، ایم ایل ون پر 6.8 ارب امریکی ڈالرلاگت آئے گی اور کراچی تا پشاور 1872 کلومیٹر تیز رفتار نیا ٹریک تعمیر ہوگا۔

    انھوں نے مزید کہا کہ ایم ایل ون منصوبہ پاکستان عوام کے لئے ایک عظیم منصوبہ ہے ، منصوبے سے ڈیڑھ لاکھ افراد کو روزگار کے مواقع فراہم ہوں گے۔

    ملاقات میں چینی سفیر کی کوروناپرجلد قابو پانے پر حکومت پاکستان، ڈاکٹرزوطبی عملے کی بھی تعریف کی۔

  • سعودی عرب: چینی سفیر کی تاریخی مقامات کی سیر

    سعودی عرب: چینی سفیر کی تاریخی مقامات کی سیر

    ریاض: سعودی عرب میں تعینات چینی سفیر نے اپنی اہلیہ کے ساتھ العلا کے تاریخی مقام کی سیر کی، انہوں نے کہا کہ العلا نہ صرف مقامی بلکہ غیر ملکی سیاحوں کے لیے بھی غیر معمولی دلچسپی کا حامل ہے۔

    سعودی ویب سائٹ کے مطابق سعودی عرب میں متعین چین کے سفیر چن وی چنگ نے اپنی اہلیہ کے ہمراہ العلا کے تاریخی مقام کی سیر کی۔

    اس موقع پر انہوں نے خصوصی طور پر جبل الفیل (ہاتھی والی پہاڑی) کے پاس تصویر بنوانے کے بعد اسے اپنے ٹویٹر اکاؤنٹ پر اپ لوڈ کرتے ہوئے چین میں اس پہاڑی سے مشابہ ایک اور تصویر شیئر کرتے ہوئے دونوں میں یکسانیت کی جانب توجہ دلائی۔

    چینی سفیر نے اپنے ٹویٹ میں لکھا کہ العلا نہ صرف مقامی بلکہ غیر ملکی سیاحوں کے لیے بھی غیر معمولی دلچسپی کا حامل ہے۔

    العلا میں قدیم تہذیب و ثقافت کے آثار آج بھی موجود ہیں جنہیں لوگ دلچسپی سے دیکھنے آتے ہیں۔ چینی سفیر نے گذشتہ دنوں اپنی اہلیہ کے ہمراہ العلا کی سیر کے موقع پر ہاتھی والی پہاڑی کی تصویر کے ساتھ جو دوسری تصویر شیئر کی وہ چین میں ایک آبی پہاڑی کی ہے جو العلا کی پہاڑی سے مشابہت رکھتی ہے۔

    دونوں پہاڑیاں قدرتی طور پر ایسے کٹاؤ کی حامل ہیں کہ انہیں دیکھنے میں یہی گمان ہوتا ہے کہ دیو قامت ہاتھی کھڑا ہے۔

    چین کے شہر گویلین میں ہاتھی والی پہاڑی ایک آبی گزر گاہ کے ساتھ واقع ہے جسے دیکھ کر بھی دیو قامت ہاتھی کا گمان ہوتا ہے، العلا کمشنری سے 7 کلو میٹر صحرا میں یہ قدرتی شاہکار بھی ہاتھی کی شبیہ دیتا ہے۔

  • آئی ٹی و ٹیلی کام سیکٹر، چین کا پاکستان کیلے بڑا اعلان

    آئی ٹی و ٹیلی کام سیکٹر، چین کا پاکستان کیلے بڑا اعلان

    اسلام آباد : چینی سفیر نے وفاقی وزیرآئی ٹی سید امین الحق سے ملاقات میں کہا کہ پاکستان کےساتھ آئی ٹی وٹیلی کام سیکٹرمیں تعاون بڑھائیں گے اور چین کورونا سے نمنٹے کیلئے پاکستان کی ہرممکن مدد کرتا رہے گا۔

    تفصیلات کے مطابق وفاقی وزیرآئی ٹی سید امین الحق سے چین کے سفیر ژاؤ جنگ کی ملاقات ہوئی ، ملاقات میں باہمی دلچسپی،انفارمیشن ٹیکنالوجی،ٹیلی کمیونیکیشن کےامورزیر بحث آئے۔

    وفاقی وزیرآئی ٹی سید امین الحق نے کہا کہ پاکستان اورچین میں گہرےدوستانہ تعلقات ہیں،جومزید مستحکم ہوں گے، پاکستان اورچین آئی ٹی، ٹیلی کام سیکٹرمیں تعاون بڑھانابہت اہم ہے، پاکستان آئی ٹی سیکٹر میں چین کےتجربات سےاستفادہ کرناچاہتاہے۔

    چینی سفیر کا کہنا تھاکہ پاکستان کےساتھ آئی ٹی وٹیلی کام سیکٹرمیں تعاون بڑھائیں گے، مشکل وقت میں چین کورونا سے نمنٹے کیلئے پاکستان کی ہرممکن مدد کرتا رہے گا۔

    گذشتہ روز آرمی چیف جنرل قمر جاوید باجوہ سے چینی سفیر نے جی ایچ کیو میں ملاقات کی تھی ، اس موقع پر آرمی چیف جنرل قمر جاوید باجوہ کا کہنا تھا کہ چین نے کورونا وباء کے تناظر میں پاکستان کو فوری طبی امداد دی، چین نے وبا سے نمٹنے کیلئے اپنے طبی ماہرین کو پاکستان بھیجا۔

    آرمی چیف نے چین سے فوری طبی آلات کی فراہمی پر اظہار تشکر کیا اور چینی طبی ماہرین کی پاکستان آمد اور تعاون کو سراہا۔

    چینی سفیر نے ہر فورم پر پاکستان کی حمایت کی یقین دہانی کرائی، آرمی چیف کا چین کی فوری میڈیکل سپلائی کی فراہمی پر بھی شکریہ ادا کیا۔

  • چینی سفیر کی کوویڈ 19 چیلنج سے نمٹنے کیلئے پاکستان کی کاوشوں کی تعریف

    چینی سفیر کی کوویڈ 19 چیلنج سے نمٹنے کیلئے پاکستان کی کاوشوں کی تعریف

    اسلام آباد : چینی سفیر  نے کوویڈ19چیلنج سےنمٹنےکیلئےپاکستان کی کاوشوں کی تعریف کرتے ہوئے کہا کم آمدن رہائشی منصوبے میں سرمایہ کاری کی دلچسپی رکھتا ہے۔

    تفصیلات کے مطابق وفاقی وزیراطلاعات شبلی فرازسے چین کےسفیرہاؤجنگ کی ملاقات ہوئی ، ملاقات میں وزارت اطلاعات اورخارجہ کےحکام شریک تھے، اس موقع پر شبلی فراز نےکوویڈ19سےنمٹنےکیلئےچین کی معاونت کوسراہتے ہوئے کہا مشکل وقت میں چین کی معاونت گہری دوستی کا مظہر ہے۔

    شبلی فراز کا کہنا تھا کہ وزیر اعظم کی سربراہی میں کوروناسےنمٹنےکیلئےاقدامات اٹھائے، غریبوں کی امداد،صنعتوں اورتعمیرات کیلئےریلیف شامل ہے۔

    وفاقی وزیرشبلی فراز نےچین کےاس قدم کاخیرمقدم کیا اور کہا کم لاگت والی رہائش ہماری حکومت کی ترجیحات میں شامل ہے، پاکستان میں سرمایہ کاری کیلئےچین کومکمل سہولت فراہم کی جائے گی۔

    چینی سفیر نے ثقافتی اور میڈیا تبادلے دوبارہ شروع کرنے کے عزم کااعادہ کیا ، وفاقی وزیر نے تبادلے دوبارہ شروع کرنے کے خیال کاخیرمقدم کرتے ہوئے کہا میڈیاتعاون کوبڑھانےکی بھرپورکوشش کی جائےگی، مشترکہ پیداوارکےبارےمیں مجوزہ معاہدےپرعمل درآمدجاری ہے، مسودےکوحتمی شکل دے کر چین کےساتھ شیئر کیا جائے گا۔

    چینی سفیر نے شبلی فرازکووزیراطلاعات ونشریات کی ذمہ داریاں سنبھالنے پرمبارکباد دیتے ہوئے مستقبل کی کوششوں کیلئےنیک تمنایوں کااظہارکیا
    ملاقات میں وزارت اطلاعات اورخارجہ کےحکام شریک تھے

  • وزیر خارجہ کا مشکل وقت میں پاکستان کی مدد کرنے پر چین کا شکریہ

    وزیر خارجہ کا مشکل وقت میں پاکستان کی مدد کرنے پر چین کا شکریہ

    اسلام آباد: وزیر خارجہ شاہ محمود قریشی نے مشکل وقت میں پاکستان کی مدد کرنے پر چین کا شکریہ ادا کیا۔

    تفصیلات کے مطابق وزیر خارجہ شاہ محمود قریشی سے چینی سفیر یاؤ جنگ نے وزارت خارجہ میں ملاقات کی جس میں کرونا وبا سے پیدا ہونے والی صورت حال پر تبادلہ خیال کیا گیا۔

    وزیر خارجہ نے کرونا چیلنج سے احسن انداز میں نمٹنے پر چینی حکومت،عوام کو مبارکباد دیتے ہوئے کہا کہ خوش آئند بات ہے آج چین میں زندگی معمول کی طرف لوٹ رہی ہے۔

    شاہ محمود قریشی کا کہنا تھا کہ چینی ادارے اپنا کام کرتے نظر آ رہے ہیں ٹرانسپورٹ، کا پہیہ حرکت میں آ چکا، آج دنیا اس وبا سے نبرد آزما ہونے کے لیے چین کی پیروی کر رہی ہے۔

    انہوں نے مشکل وقت میں پاکستان کی مدد کرنے پر چین کا شکریہ ادا کرتے ہوئے کہا کہ چین سےآلات، وباسے نمٹنے کے لیے پاکستان کی استعداد کارمیں اضافہ ہوگا،کرونا وائرس پر پاکستان چین کے تجربات سے استفادہ کر رہا ہے۔

    دوسری جانب چینی سفیر یاؤ جنگ کا کہنا تھا کہ مشکل وقت میں چین پاکستان کے ساتھ شانہ بشانہ کھڑا ہے، چین وبائی چیلنج سے نمٹنے کے لیے پاکستان کی معاونت بدستور جاری رکھےگا۔

  • وزیراعظم عمران خان سے چینی سفیر یاؤجنگ کی ملاقات

    وزیراعظم عمران خان سے چینی سفیر یاؤجنگ کی ملاقات

    اسلام آباد: وزیراعظم عمران خان کا کہنا ہے کہ چین کی جانب سے فراہم کردہ طبی سامان سے پاکستان کی طبی صلاحیت میں اضافہ ہوا۔

    تفصیلات کے مطابق وفاقی دارالحکومت اسلام آباد میں وزیراعظم عمران خان سے چینی سفیر یاؤجنگ نے ملاقات کی جس میں کرونا وائرس کا پھیلاؤ روکنے کے لیے دونوں ممالک کی کوششوں پر تبادلہ خیال کیا گیا۔

    وزیراعظم عمران خان نے پاکستان کی مدد کرنے پر چین کا شکریہ ادا کرتے ہوئے کہا کہ چین کےفراہم کردہ طبی سامان سے پاکستان کی طبی صلاحیت میں اضافہ ہوا۔

    دوسری جانب چینی سفیر نے پاکستان کی حمایت پر وزیراعظم عمران خان کا شکریہ ادا کرتے ہوئے کہا کہ چینی قیادت ہر مشکل وقت میں پاکستان کے ساتھ تعاون جاری رکھےگی، دونوں ممالک ترجیحی بنیادوں پر کرونا کے خاتمے کے لیے اقدامات کریں گے۔

    وزیراعظم کی کرونا کے خلاف تمام ملکی وسائل استعمال کرنےکی ہدایت

    اس سے قبل وزیراعظم عمران خان نے کرونا وائرس کے خلاف تمام ملکی وسائل استعمال کرنے کی ہدایت کرتے ہوئے کہا تھا کہ این ڈی ایم اے ملک کی ہر قسم کی پیداواری صلاحیت استعمال کرے۔

    واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1179 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 9 افراد جاں بحق اور 21 مریض صحت یاب ہوچکے ہیں۔

  • پاکستان سے سی پیک کے حوالے سے جو وعدہ کیا ہے پورا کریں گے، چینی سفیر

    پاکستان سے سی پیک کے حوالے سے جو وعدہ کیا ہے پورا کریں گے، چینی سفیر

    اسلام آباد : چینی سفیر یاؤجنگ کا کہنا ہے کہ سی پیک خطےکی تقدیر بدلنے کامنصوبہ ہے ، پاکستان سےسی پیک کےحوالے سےجو وعدہ کیاہےپوراکریں گے۔

    تفصیلات کے مطابق شعبہ توانائی کودرپیش چیلنجز کے موضوع پر سیمینار کے افتتاحی سیشن سیشن سے چینی سفیر یاؤجنگ نے خطاب کرتے ہوئے کہا سی پیک کے پاکستان کی معیشت پرمثبت اثرات مرتب ہورہے ہیں، پاکستان میں بڑے پیمانے پر اصلاحات کاعمل جاری ہے۔

    چینی سفیر کا کہنا تھاکہ سی پیک کےتحت ہر شعبےخصوصاًشعبہ توانائی میں تعاون کیاجارہاہے، پاکستان سے سی پیک کےحوالے سےجو وعدہ کیا ہے پوراکریں گے، معیشت کی ترقی میں اصلاحات کوخصوصی اہمیت حاصل ہے۔

    انھوں نے کہا کہ سی پیک خطےکی تقدیر بدلنے کا منصوبہ ہے، چین میں کرونا وائرس کی صورتحال بہتر ہو رہی ہے، وائرس پر قابو پانے اور علاج میں کامیاب ہو رہا ہے۔

    مزید پڑھیں : پاکستان اور چین کے دشمن سی پیک کو کامیاب ہوتا نہیں دیکھنا چاہتے، چینی سفیر

    یاد رہے چینی سفیر یاؤجنگ کا کہنا تھا کہ پاکستان اور چین کے دشمن سی پیک کو کامیاب ہوتا نہیں دیکھنا چاہتے، امریکا، مغربی پروپیگنڈے کا جواب سی پیک، پاک چین عوام کی ترقی ہے۔

    انہوں نے کہا تھا کہ پاکستان اورچین نے 70سالہ دورمیں کئی چیلنجز دیکھے، پاکستان، چین کا 70سال سے مضبوط ترین اور بہترین دوست ہے، چین معیاری معاشی ترقی کے نئے دور میں داخل ہو رہا ہے، سی پیک منصوبہ بھی چین کی جدت بھری ترقی کا مظہر ہے۔

  • ووہان میں پھنسے پاکستانی طلبا کے حوالے سے زلفی بخاری کی چینی سفیر سے اہم ملاقات

    ووہان میں پھنسے پاکستانی طلبا کے حوالے سے زلفی بخاری کی چینی سفیر سے اہم ملاقات

    اسلام آباد: معاون خصوصی برائے اوور سیز پاکستانی زلفی بخاری، معاون خصوصی برائے صحت ڈاکٹر ظفر مرزا اور پاکستان میں چین کے سفیر کی ملاقات ہوئی جس میں ووہان میں پھنسے پاکستانی طلبا کے حوالے سے اہم مشاورت ہوئی۔

    تفصیلات کے مطابق معاون خصوصی برائے صحت ڈاکٹر ظفر مرزا اور معاون خصوصی برائے اوور سیز پاکستانی زلفی بخاری کی چین کے سفیر یاؤ ژنگ سے ملاقات ہوئی۔

    ملاقات میں کرونا وائرس سے متاثرہ چینی شہر ووہان میں پاکستانی طلبا کے حوالے سے مختلف تجاویز پر غور ہوا۔ ڈاکٹر ظفر مرزا کا کہنا تھا کہ اس حوالے سے مشاورت جاری ہے، موجود صورتحال پر گہری نظر ہے۔ وہ ہمارے بچے ہیں ہم ہر طرح سے ان کا خیال رکھیں گے۔

    انہوں نے پاکستان میں کرونا وائرس سے بچاؤ کے اقدامات پر بریفنگ دیتے ہوئے بتایا کہ پاکستان میں اس وقت تک کرونا کا کوئی کیس رپورٹ نہیں ہوا۔

    زلفی بخاری نے تجاویز پیش کرتے ہوئے کہا کہ چین میں موجود پاکستانیوں کی واپسی تک تمام ہم وطنوں کا خصوصی خیال رکھا جائے، اسپیشل کیسز کی صورت میں چینی حکومت خصوصی تعاون کرے، سفارتخانے کے اہلکاروں اور پاکستانی شہریوں میں رابطے آسان بنائے جائیں۔

    ملاقات میں صورتحال میں بہتری پر پاکستانیوں کے انخلا کے آپشن پر بھی غور کیا گیا۔ زلفی بخاری نے صورتحال کی خود نگرانی کے لیے چین جانے کی پیشکش کی، انہوں نے کہا کہ خواہش ہے مشکل وقت میں ہم وطنوں کے پاس جاؤں۔

    چینی سفیر یاؤ ژنگ نے کہا کہ آپ کی سوچ قابل تعریف ہے مگر ابھی وہاں جانا مناسب نہیں، ہم وطنوں کے لیے آپ کی کوششوں کو سراہتے ہیں۔

    زلفی بخاری نے کہا کہ پاکستانیوں کو بہتر رہائش اور خوراک کا انتظام یقینی بنایا جائے، چین میں موجود طالب علموں سے رابطے میں ہوں۔ کوشش جاری ہیں حالات کی جلد بہتری کے لیے پر امید ہیں۔

    چینی سفیر کا کہنا تھا کہ چین میں موجود پاکستانیوں کی دیکھ بھال مزید بہتر کر رہے ہیں، ہر قسم کی پیش رفت سے لمحہ بہ لمحہ آگاہ رکھیں گے۔

  • چین سے پاکستانیوں کی واپسی کا سلسلہ شروع ہوگیا ہے: ظفر مرزا

    چین سے پاکستانیوں کی واپسی کا سلسلہ شروع ہوگیا ہے: ظفر مرزا

    اسلام آباد: وزیر اعظم کے معاون خصوصی برائے صحت ڈاکٹر ظفر مرزا کا کہنا ہے کہ کورونا وائرس سے متعلق حکمت عملی مرتب کرلی گئی ہے، کورونا کے مشتبہ 7 لوگوں کے نمونے نیگٹیو آنا خوش آئند ہے۔

    تفصیلات کے مطابق وزیر اعظم عمران خان کے معاون خصوصی برائے صحت ڈاکٹر ظفر مرزا اور پاکستان میں چینی سفیر یاؤ ژنگ نے نیوز کانفرنس کی۔

    نیوز کانفرنس میں ڈاکٹر ظفر مرزا کا کہنا تھا کہ کورونا وائرس سے متعلق حکمت عملی مرتب کرلی گئی ہے، ایئرپورٹ پر آنے والے مسافروں سے متعلق ایس او پیز جاری کردیے۔

    ڈاکٹر ظفر مرزا کے مطابق وزارت صحت کی ٹیمیں تمام ایئرپورٹس پر جائیں گی، وزارت صحت کی ٹیمیں صوبائی عملے کے ساتھ مل کر کام کریں گی، کورونا وائرس کی تشخیص کی کٹس پاکستان میں آچکی ہیں۔ کورونا وائرس کے مشتبہ 7 لوگوں کے نمونے نیگٹیو آنا خوش آئند ہے۔

    انہوں نے کہا کہ چین سے پاکستانیوں کی واپسی کا سلسلہ شروع ہوگیا ہے، چین سے آنے والے مسافروں کا خود استقبال کیا اور انتظامات کا جائزہ لیا۔ چین سے آنے والا کوئی مسافر ایسا نہیں جسے آبزرویشن کی ضرورت ہو، ایئرپورٹ پر جو سسٹم لگائے ہوئے تھے ان کا خود جائزہ لیا۔

    ڈاکٹر ظفر مرزا کا کہنا تھا کہ چین سے کوئی بھی پاکستانی یا چینی 14 دن اسکریننگ سے گزر کر آتے ہیں۔ ہم اپنے نظام اور پورٹ آف انٹریز کو مزید بہتر کریں گے۔

    انہوں نے کہا کہ کورونا وائرس کا تاحال کوئی علاج دریافت نہیں ہو سکا، حکومت وائرس کا پھیلاؤ روکنے کے بھرپور اقدامات کر رہی ہے، مشتبہ مریضوں کو زیر علاج رکھنے کا مقصد مانیٹرنگ کرنا ہے۔ قوت مدافعت بڑھنے پر کورونا وائرس کا مریض صحت یاب ہونے لگتا ہے۔

    چینی سفیر یاؤ ژنگ کا کہنا تھا کہ کورونا وائرس سے چین میں 371 افراد ہلاک ہو چکے ہیں، چین میں صورتحال کافی سنگین ہے، پر امید ہیں وبا سے نمٹ لیں گے۔ پاکستان کی حمایت کو سراہتے ہیں۔ وزیر اعظم عمران خان نے چینی صدر کو خط بھی لکھا۔

    انہوں نے کہا کہ چیلنج سے نمٹنے کی کوشش کر رہے ہیں، مشکلات وقتی ہیں۔ ملک میں تمام تقریبات کو منسوخ کر دیا ہے۔ ڈبلیو ایچ او نے ہمارے اقدامات کو سراہا ہے۔

    چینی سفیر کا کہنا تھا کہ چین میں پاکستانیوں کی کثیر تعداد ہے، تمام پاکستانیوں کے ساتھ رابطے میں ہیں۔ چین میں پاکستانی شہریوں کو اپنا ہم وطن سمجھتے ہیں۔ سفر کے لیے 2 ہفتے معائنے میں رکھا جاتا ہے۔ 8 شہروں میں پاکستانی طلبا موجود ہیں۔ 100 سے زائد ممالک کے شہری ابھی تک چین میں ہیں۔

    انہوں نے کہا کہ وبا کا آغاز اسپرنگ فیسٹول کے دوران ہوا، 21 جنوری سے چینی حکومت نے سخت اقدامات کرنا شروع کر دیے۔ ہم ہر حکمت عملی کا بغور جائزہ لے رہے ہیں۔ تمام ممکنہ اقدامات کیے جا رہے ہیں تاکہ علاج نکالا جا سکے۔

    چینی سفیر کا کہنا تھا کہ 12 چینی شہریوں سمیت 130 شہری آج صبح چین سے پاکستان پہنچے ہیں، 12 چینی شہریوں کا تعلق کورونا سے متاثرہ صوبوں سے نہیں۔