بیجنگ : چین کے صدر شی جن پنگ نے اقتصادی ترقی کے تمام شعبوں میں پاکستان کی مدد جاری رکھنے کا اعلان کردیا اور کہا پاکستان کےاہم ترین اقتصادی شعبوں پر توجہ مرکوز کی جا رہی ہے۔

تفصیلات کے مطابق چین کے صدر شی جن پنگ نے یقین دہانی کرائی ہے کہ چین پاکستان کی معاشی ترقی کے تمام شعبوں میں مدد جاری رکھے گا۔

وزیراعظم شہباز شریف سے ملاقات کے دوران چینی صدر نے کہا کہ سی پیک منصوبہ دوسرے مرحلے میں داخل ہوچکا ہے اور اب توجہ پاکستان کے اہم اقتصادی شعبوں پر مرکوز کی جا رہی ہے۔

ان کا کہنا تھا کہ چین دہشت گردی کے خلاف جنگ میں بھی پاکستان کی مکمل حمایت کرتا ہے۔

ملاقات میں دونوں رہنماؤں نے اس بات پر اتفاق کیا کہ پاکستان اور چین کے تعلقات منفرد اور بے مثال ہیں اور ان تعلقات کی عکاسی باہمی تعاون کو مزید فروغ دینے سے ہونی چاہیے۔

اس موقع پر دونوں ممالک کے رہنماؤں نے اہم علاقائی اور عالمی امور پر بھی تبادلہ خیال کیا اور قریبی تعاون جاری رکھنے کے عزم کا اعادہ کیا۔

مزید پڑھیں : وزیر اعظم کی چینی صدر شی جن پنگ کی قائدانہ صلاحیتوں کی تعریف

وزیراعظم شہباز شریف نے سی پیک کے دوسرے مرحلے پر عملدرآمد کو یقینی بنانے کے عزم کو دہراتے ہوئے کہا کہ پانچ نئے کوریڈورز پاکستان کی اقتصادی ترقی میں اہم کردار ادا کریں گے۔

انہوں نے صدر شی جن پنگ کی وژنری قیادت کو خراج تحسین پیش کیا اور کہا کہ پاکستان چین کی ترقی پر فخر کرتا ہے اور ہر سطح پر بیجنگ کے ساتھ تعاون جاری رکھے گا۔

وزیراعظم نے صدر شی کو اگلے سال پاکستان کے دورے کی دعوت بھی دی، جب دونوں ممالک اپنے سفارتی تعلقات کے قیام کی 75ویں سالگرہ منائیں گے۔

اسلام آباد : چینی صدر شی جن پنگ نے وزیراعظم شہبازشریف کی سالگرہ پر تہنیتی خط میں کہا کہ آپ کے ساتھ متعدد شعبوں میں تعاون اورجدیددورمیں مستقبل کیلئےکام کرنا چاہتا ہوں۔

تفصیلات کے مطابق چینی صدر شی جن پنگ نے وزیراعظم شہبازشریف کی سالگرہ پر تہنیتی خط بھیجا ،چینی صدر کا خط پاک چین سفارتی تعلقات کی مضبوطی کی جانب غیر معمولی پیشرفت ہے۔

شی جن پنگ نے خط میں وزیراعظم کو سالگرہ پر مبارکباد اور نیک تمناؤں کا اظہار کرتے ہوئے کہا کہ پاکستان اورچین کٹھن اوراچھےوقتوں کےاسٹریٹیجک تعاون کےشراکت دارہیں،خط

خط میں کہا گیا کہ تاریخ گواہ ہےدونوں ممالک نےہمیشہ ایک دوسرےپربھروسہ کیااورساتھ دیا، دونوں ممالک میں ایسارشتہ قائم ہواجس پربدلتاہواعالمی منظرنامہ اثراندازنہیں ہوا۔

ان کا کہنا تھا کہ رواں برس جون میں وزیراعظم پاکستان نےچین کا کامیاب دورہ کیا، دورےمیں ہمارے مابین خوشگوارتبادلہ خیال ہوااورمتعددامورپراتفاق ہوا۔

خط میں مزید کہا کہ چین پاکستان تعلقات کی مضبوطی میرےلئےانتہائی اہمیت کی حامل ہے، چین پاکستان اسٹرٹیجک تعاون کے فروغ اورسی پیک کیلئےکام کرنےکاخواہاں ہوں، آپ کیساتھ متعددشعبوں میں تعاون اور جدیددورمیں مستقبل کیلئےکام کرنےکاخواہاں ہوں۔

بینجنگ: چینی صدر شی جن پنگ نے اقتصادی راہداری منصوبے کی دسویں سالگرہ پر پیغام میں کہا کہ عالمی سطح پر تبدیلیوں کے باوجود چین پاکستان کیساتھ کھڑا رہے گا۔

تفصیلات کے مطابق چین کے صدر شی جن پنگ نے چین پاکستان اقتصادی راہداری منصوبے کی دسویں سالگرہ پر مبارکباد کا پیغام دیا۔

چینی صدر نے کہا کہ عالمی منظر نامے میں تبدیلیوں کے باوجود چین پاکستان کے ساتھ کھڑا رہے گا۔

شی جن پنگ کا کہنا تھا کہ 2013 میں اس منصوبے کے اجراء سے اب تک چین اور پاکستان نے سی پیک سے باہمی ترقی کے بے شمار اہداف حاصل کئے ہیں، چین پاکستان اقتصادی راہداری منصوبہ دونوں ممالک کے مابین مضبوط اور دیرینہ دوستی کی واضح سند ہے۔

انھوں نے کہا کہ چین پاکستان اقتصادی راہداری منصوبے کا پاکستان کی معاشی اور سماجی ترقی کو بحال کرنے میں اہم کردار ہے۔

چینی صدر نے چین پاکستان اقتصادی راہداری منصوبے کی دسویں سالگرہ کے موقع پر اس منصوبے کے اعلیٰ معیار کو برقرار رکھنے اور دونوں ممالک کی فلاح و بہبود کے لیے منصوبے کو توسیع دینے کا اعادہ کیا۔

شی جن پنگ نے اپنے پیغام میں سی پیک منصوبے میں دونوں ممالک کے مجموعی منصوبہ بندی کو بہتر کرنے پر اور باہمی تعاون کو توسیع دینے پر زور دیا۔