اسلام آباد: چینی صدر ژی جن پنگ کے پاکستان کے دورے کا شیڈول جاری کر دیا گیا ہے، چین کے صدر پارلیمنٹ کے مشترکہ اجلاس سے خطاب کریں گے۔
چین کے صدر دو روزہ سرکاری دورے پر بیس اپریل کو پاکستان پہنچیں گے ۔ان کی اہلیہ بھی ان کے ہمراہ ہوں گی۔ ان کے وفد میں سینیر وزرا، اور کمیونسٹ پارٹی کے حکام کے علاوہ بڑے سرمایہ کار اداروں کے سربراہان بھی ہوں گے۔
چین کے صدر پارلیمنٹ کے مشترکہ اجلاس سے خطاب کریں گے، پاکستان اور چین کے درمیان مختلف سمجھوتوں پر دستخط ہوں گے۔
صدر ژی جن پنگ کی وزیرِاعظم نواز شریف سے ملاقات ہوگی، جس میں دو طرفہ تعلقات کے تمام پہلوؤں پر تبادلہ خیال ہوگا، چینی صدر کے دورے میں توانائی ، مواصلات ، انفراسٹرکچر کےشعبوں میں سمجھوتے ہوں گے۔
ایک خصوصی تقریب میں انہیں پاکستان کا اعلیٰ ترین سول اعزاز نشان پاکستان دیا جائے گا۔
