Tag: چینی وزیر خارجہ

اسلام آباد :چین کے وزیر خارجہ وانگ یی کی وزارتِ خارجہ آمد پر نائب وزیراعظم و وزیر خارجہ سینیٹر اسحاق ڈار نے پرتپاک استقبال کیا۔

تفصیلات کے مطابق چین کے وزیر خارجہ وانگ یی اسلام آباد پہنچ گئے، جہاں وزارتِ خارجہ آمد پر نائب وزیراعظم و وزیر خارجہ سینیٹر اسحاق ڈار نے ان کا پرتپاک استقبال کیا۔ دونوں رہنماؤں نے گرمجوشی سے مصافحہ کیا ، اس موقع پر روایتی ملبوسات پہنے بچوں نے بھی معزز مہمان کو خوش آمدید کہا۔

پاکستان اور چین کے درمیان اسٹرٹیجک ڈائیلاگ کا چھٹا دور آج اسلام آباد میں ہوگا، اسٹریٹجک ڈائیلاگ کی مشترکہ صدارت وزیر خارجہ اسحاق ڈار اور ان کے چینی ہم منصب کریں گے۔

مذاکرات کا مقصد دونوں ممالک کے درمیان ہمہ موسمی اسٹریٹجک کوآپریٹو پارٹنرشپ کو مزید گہرا کرنا اور دوطرفہ تعاون کے تمام پہلوؤں کو فروغ دینا ہے۔

ترجمان دفتر خارجہ کی جانب سے بتایا گیا کہمذاکرات میں اسٹریٹجک، سیاسی، اقتصادی، دفاعی اور سلامتی کے امور پر تبادلہ خیال کیا جائے گا۔ تجارت، سرمایہ کاری، ثقافتی تعاون اور عوامی سطح کے روابط کو فروغ دینے کے اقدامات بھی زیر غور آئیں گے۔ علاقائی امن، ترقی اور استحکام کے لیے مشترکہ عزم کا اعادہ بھی ایجنڈے کا حصہ ہے۔

سالانہ اسٹریٹجک ڈائیلاگ کے لیے وزارت خارجہ نے متعلقہ وزارتوں اور اداروں سے تجاویز بھی طلب کی ہیں۔

خیال رہے گزشتہ برس اس مذاکراتی عمل کا پانچواں دور 15 مئی 2024 کو بیجنگ میں منعقد ہوا تھا۔

یاد رہے گذشتہ روز چینی وزیر خارجہ وانگ ژی کی قیادت میں اعلیٰ سطح وفد گزشتہ روز اسلام آباد پہنچا تھا، پاکستان اور چین کے درمیان چھٹے سٹریٹجک ڈائیلاگ سمیت اہم ملاقاتیں کریں گے.

اسلام آباد : وزیرخارجہ بلاول بھٹو نے چینی وزیر خارجہ کو چینی شہریوں اور منصوبوں کے تحفظ کی یقین دہانی کرادی۔

تفصیلات کے مطابق پاکستانی دفتر خارجہ میں پاک چین وزرائےخارجہ کی مشترکہ نیوز کانفرنس ہوئی ، وزیرخارجہ بلاول بھٹو نے پریس کانفرنس میں بتایا کہ مذاکرات کے دوران چینی ہم منصب کے ساتھ اہم معاملات زیرغورآئے۔

بلاول بھٹو نے کہا کہ مذاکرات میں طے ہوا ہے کہ پاکستان اورچین تزویراتی تعلقات کو مزید مستحکم کریں گے اور پرامن افغانستان کےبارے میں دونوں ملک متفق ہیں۔

وزیر خارجہ کا کہنا تھا کہ پاکستان اور چین نے ہمیشہ ایک دوسرے کی مدد کی، چین نے کشمیر سمیت ہر معاملے پرپاکستان کی حمایت کی۔

انھوں نے کہا کہ پاکستان اور چین کی دوستی کو70سال ہوچکےہیں ، چین اورپاکستان کے درمیان تزویراتی شراکت داری بہت اہم ہے اور پاکستان ون چائنہ پالیسی کی حمایت کرتاہے۔

بلاول بھٹو نے چینی شہریوں اور منصوبوں کے تحفظ کی یقین دہانی کراتے ہوئے کہا چینی شہریوں،منصوبوں کونشانہ بنانے والوں کوانصاف کے کٹہرےمیں لایا جائے گا۔

وزیر خارجہ کا کہنا تھا کہ دہشت گردی ہمارے لیے ریڈ لائن ہے، تینوں فریق سیکیورٹی تحفظات اوران کےحل پرسہہ فریقی مذاکرات میں بات چیت کریں گے اور پرامید ہوں کہ سہہ فریقی مذاکرات سے ہم آگے بڑھیں گے اور خوشحالی کا راستہ اپنائیں گے۔

اسلام آباد : وزیر خارجہ بلاول بھٹو اور چینی وزیر خارجہ چن گینگ کے درمیان ملاقات میں پاک چین تعلقات اور سی پیک سمیت باہمی دلچسپی کے امور پر تبادلہ خیال کیا گیا۔

تفصیلات کے مطابق چینی وزیرخارجہ چن گینگ پاکستانی دفترخارجہ پہنچے ، جہاں بلاول بھٹو زرداری نے ان کا استقبال کیا، اس موقع پر :وزیرمملکت خارجہ حنا ربانی کھر بھی موجود تھی۔

جس کے بعد پاکستان اور چینی وزرائےخارجہ کے درمیان ملاقات ہوئی ، ملاقات میں پاک چین تعلقات اور سی پیک سمیت باہمی دلچسپی کے امور پر تبادلہ خیال کیا گیا۔

گذشتہ روز چینی وزیرخارجہ چن گینگ گواسےپاکستان پہنچے تھے ، چینی وزیرخارجہ پاک چین اسٹرٹیجک مذاکرات میں شرکت کریں گے ، چوتھے مذاکراتی دور کی صدارت بلاول بھٹو اور چینی وزیرخارجہ کریں گے۔

جس میں پاکستان اور چین کےدرمیان اسٹریٹجک کوآپریٹوشراکت داری کی توثیق ہوگی جبکہ کثیرالجہتی تعاون کےلیےروڈ میپ ، علاقائی اورعالمی منظرنامے پرتبادلہ خیال کیا جائے گا، جس کے بعد وزیرخارجہ بلاول بھٹو چینی ہم منصب کے اعزاز میں ظہرانہ دیں گے۔

اس کے علاوہ چینی وزیرخارجہ پاکستان، چین اور افغانستان کے وزرائے خارجہ کے سہ فریقی مذاکرات میں شرکت کریں گے ، اسٹرٹیجک مذاکرات کاتیسرادورجولائی2021میں چین کےشہرچینگڈومیں ہوا تھا۔

خیال رہے کہ بلاول بھٹو زرداری نے بھارت کے شہر گووا میں ہونے والی شنگھائی تعاون تنظیم (ایس سی او) کے وزرائے خارجہ اجلاس میں شرکت کی تھی۔

اجلاس کے دوران بلاول بھٹو نے چین سمیت مختلف ممالک کے وزراء خارجہ سے ملاقاتیں کیں تھیں۔

اسلام آباد : چینی وزیرخارجہ چن گانگ 5 مئی کو اہم دورے پر پاکستان پہنچیں گے، پاک چین افغان سہ فریقی وزرائے خارجہ سطح کا اجلاس 6 مئی کو اسلام آباد میں ہوگا۔

تفصیلات کے مطابق چینی وزیر خارجہ عہدہ سنبھالنے کے بعد پاکستان کا پہلا دورہ کریں گے، ذرائع نے بتایا کہ چینی وزیرخارجہ چن گانگ 5 مئی کو اسلام آبادپہنچیں گے۔

ذرائع کا کہنا تھا کہ چینی وزیرخارجہ وزیرخارجہ بلاول بھٹو کی دعوت پراسلام آبادپہنچ رہے ہیں، دورے کے دوران پاکستان اور چین کے درمیان 6 مئی کو اسٹریٹجک مذاکرات ہوں گے۔

پاکستان اورچین کا 6 تاریخ کواسلام آباد میں اٖفغانستان کیساتھ سہ فریقی مذاکرات کا بھی امکان ہے ، جس میں شرکت کے لئے فغان عبوری وزیر خارجہ کی 6 مئی کو اسلام آباد آمد متوقع ہے۔

پاکستان، چین اور افغانستان کے وزرائے خارجہ کے موجودہ میکنزم کا سہ فریقی اجلاس 6 مئی کو اسلام آباد میں ہوگا۔

یاد رہے پاکستان، چین اور افغانستان کے وزرائے خارجہ میکنزم کا آخری اجلاس ستمبر 2019 میں اسلام آباد میں ہوا تھا۔

خیال رہے گذشتہ ماہ کے آخر میں وزیراعظم شہباز شریف اور چینی وزیراعظم لی کیانگ کے درمیان ٹیلیفونک رابطہ ہوا تھا، جس میں شہباز شریف نے چینی وزیراعظم کو اعلیٰ عہدے کے انتخاب پر مبارک باد پیش کی تھی۔

دونوں وزرائے اعظم کے درمیان گفتگو روایتی گرمجوشی اورہم آہنگی پر مبنی تھی اور اس میں پاک چین ہمہ موسمی اسٹریٹجک پارٹنر شپ نمایاں تھی۔ دوران گفتگو سی پیک سمیت اہم شعبوں میں تعاون کا جائزہ بھی لیا گیا۔

وزیراعظم شہباز شریف نے مسئلہ کشمیر پر چین کے اصولی مؤقف پر تہہ دل سے شکریہ ادا کیا جب کہ چینی وزیراعظم لی کیانگ نے چین کے لیے پاکستان کی حمایت کو سراہا تھا۔