صادق آباد: چینی ڈیلر شیخ راشد تاجروں کے اربوں روپے لے کر فرار ہوگئے۔
تفصیلات کے مطابق اسسٹنٹ کمشنر کا بتانا ہے کہ صادق آباد میں بڑے چینی ڈیلرز شیخ راشد تاجروں کے اربوں روپے سمیٹ کر روپوش ہوگئے جس سے مختلف شہروں کے چینی کے سیکڑوں تاجر متاثر ہوئے ہیں۔
صادق آباد کے اسسٹنٹ کمشنر کا کہنا ہے کہ انکوائری کے لیے نیب کی ٹیم صادق آباد بھی پہنچی، ٹیم نے انتظامیہ کے ساتھ مل کر مکمل انکوائری کی، انکوائری کے بعد مرکزی ملزم شیخ راشد کی جائیداد اور گودام کو سیل کردیا گیا۔
اسسٹنٹ کمشنر کا مزید کہنا ہے کہ نیب لاہور کی جانب سے تمام متاثرین کو پرامن رہنے اور فوری طور پر اپنے کلیمز نیب لاہور دفتر میں جمع کروانے کی ہدایت کی گئی ہے۔