Tag: چینی کمپنی

اسلام آباد : چینی کمپنی کی جانب سے پاکستان کی بحری صنعت میں سرمایہ کاری میں دلچسپی کا اظہار کردیا گیا۔

تفصیلات کے مطابق ایس آئی ایف سی کےتعاون سے چین کی سرمایہ کاری کے ذریعے بحری صنعت کے فروغ کا آغاز ہوگیا۔

ایس آئی ایف سی کی معاونت سے چین کی معروف تعمیراتی کمپنی کی جانب سے بحری صنعت میں سرمایہ کاری میں دلچسپی کا اظہار کیا گیا۔

پورٹ قاسم، کراچی پورٹ اور گوادر جیسی بندرگاہوں میں سرمایہ کاروں کیلئے پرکشش مواقع موجودہیں، اس ضمن میں پورٹ قاسم پر نمکین پانی کوپینے کے قابل بنانے کا پلانٹ لگانے کی تجویز زیرغور ہے۔

چینی کمپنی کی جانب سے ڈی سیلینیشن پلانٹ کی تنصیب کے ذریعے پانی کی قلت کے مسئلے کے حل کیلئے پاکستان کو بھرپور تعاون کی یقین دہانی کرائی گئی ہے۔

چین نے پاکستان کی وزارت بحری امور کے ساتھ مستقبل میں بھی مشترکہ ترقیاتی منصوبوں پر کام جاری رکھنے پراتفاق کیا۔

ایس آئی ایف سی کی سہولت کاری سے چین کی سرمایہ کاری کے باعث بحری شعبےمیں جدیدسہولیات اور ترقی کی نئی راہیں ہموار ہوں گی۔

اسلام آباد : چین کی ٹیلی کام کمپنی ’’ہواوے‘‘ نے 60 ہزار پاکستانی نوجوانوں کے لیے بڑا اعلان کردیا۔

تفصیلات کے مطابق ٹیلی کام سیکٹر میں سرمایہ کاری اور ترقی کیلئے ایس آئی ایف سی کا اہم کردار ہے۔

ایس آئی ایف سی کی معاونت سے چین کی ٹیلی کام کمپنی ’’ہواوے‘‘ نے 3لاکھ پاکستانیوں کو آئی ٹی تربیت فراہم کرنے کا اعلان کردیا۔

ہواوے کی جانب سے 60 ہزار پاکستانیوں کو جدید آئی ٹی تربیت جبکہ 2 لاکھ 40 ہزار شرکا کو بنیادی آئی ٹی ٹریننگ فراہم کی جائے گی۔

ایس آئی ایف سی کے تعاون سے ہواوے اور ایچ ای سی کا اشتراک ہے ، جس میں 15جامعات میں جدید آئی ٹی کورسز متعارف کرائے جائیں گے۔

نوجوانوں کوجدید تکنیکی مہارتوں سے آراستہ کرناحکومت کی اولین ترجیح ہے ، ہواوے ٹریننگ پروگرام سے آئی ٹی برآمدات میں اضافہ اور روزگار کے مواقع پیدا ہوں گے۔

ایس آئی ایف سی کی سہولت کاری سے اس اہم اقدام کی بدولت ڈیجیٹل انفراسٹرکچرمیں بہتری اورآئی ٹی انقلاب کی راہیں ہموار ہوگی اور پاکستانی معیشت کو ڈیجیٹل ترقی کی راہ پر گامزن کرنے میں یہ منصوبہ سنگ میل ثابت ہوگا۔

ہواوے کے تربیت یافتہ ماہرین مقامی سطح پر نوجوانوں کو آئی ٹی مہارتوں پر تربیت دی جائے گی، ایس آئی ایف سی ٹیکنالوجی کی ترقی سےمعاشی استحکام اور ٹیلی کام سیکٹر کے فروغ کے لیے کوشاں ہیں۔

اسلام آباد : چینی کمپنی نے پاکستان میں ٹیکسٹائل پارکس کے قیام کا اعلان کردیا، جس کا مقصد دونوں ممالک کےدرمیان اقتصادی تعاون کوبڑھانااوردو طرفہ تعلقات کوفروغ دینا ہے۔

تفصیلات کے مطابق ایس آئی ایف سی کی سہولت کاری سے چین نے پاکستان میں ٹیکسٹائل پارکس کے قیام کا اعلان کردیا۔

چین کے رُویِی شینڈونگ گروپ نے سندھ اورپنجاب میں پارکس قائم کرنے کا اعلان کیا ، جوٹیکسٹائل پارکس کا قیام سی پیک کا حصہ ہے، اسکامقصد دونوں ممالک کےدرمیان اقتصادی تعاون کوبڑھانااوردو طرفہ تعلقات کوفروغ دینا ہے۔

دورہ پاکستان پرآئےرُویِی شینڈونگ گروپ کےوفدنےپاکستان بورڈآف انویسٹمنٹ کیساتھ مفاہمتی یادداشت پردستخط کیے ، چین کے وفد نے پاکستان میں سرمایہ کاری کو آسان بنانے کیلئے ایس آئی ایف سی کے اقدامات پر اپنے مکمل اعتماد کا اظہار کیا۔

ٹیکسٹائل کی برآمدات میں 5 بلین ڈالر تک اضافہ اور عالمی ٹیکسٹائل حب کے طور پر پاکستان کی پوزیشن کو بہتر بنانا ہے، چین کی تقریباً 100بڑی ٹیکسٹائل کمپنیوں کی سرمایہ کاری کے ذریعے برآمدات میں 2 بلین ڈالر سے 5 بلین ڈالر تک اضافہ متوقع ہے

اس کےعلاوہ یہ منصوبہ مقامی باشندوں کیلئے5لاکھ تک ملازمتیں پیداکرکےمعاشی ترقی میں اہم کرداراداکرسکے گا ،ان پارکس کوجدیدٹیکنالوجیزاورشمسی توانائی کےذریعےکام کرنے کے لیے ڈیزائن کیا جائے گا، جن میں کاربن کا اخراج صفر ہوگا۔

اسلام آباد : چینی کمپنی نے وزیراعظم شہباز شریف سے ملاقات میں پاکستان میں موبائل بنانے کے یونٹ میں سرمایہ کاری بڑھانے میں دلچسپی کا اظہار کردیا۔

تفصیلات کے مطابق وزیراعظم شہباز شریف سے چینی کمپنی ترانشیئن ہولڈنگزو چیئرمین ژوژاؤ جیانگ نے شینزن میں ملاقات کی، ملاقات میں چینی کمپنی نے پاکستان میں موبائل بنانے کے یونٹ میں سرمایہ کاری بڑھانے میں دلچسپی کا اظہار کیا۔

وزیر اعظم سے اس ملاقات میں چینی کمپنی نے موبائل فونز تیاری، الیکٹرک بائیکس، جدید زراعت، فن ٹیک میں سرمایہ کاری پر بھی دلچسپی کا اظہار کیا، وزیراعظم نے وفاقی وزرا اور چینی سفیر کو ٹرانشیئن ہولڈنگز کے ساتھ ملکر لائحہ عمل تیار کرنے کی ہدایت جاری کردی۔

وزیر اعظم شہباز شریف نے کہا کہ غیر ملکی سرمایہ کاروں، کاروباری شخصیات کو سہولیات کی فراہمی یقینی بنارہے ہیں، پاکستان کے پاس ہر قسم کے وسائل ہیں، سب سے بڑی طاقت نوجوان افرادی قوت ہے۔

اسلام آباد : چینی کمپنی نے وزیراعظم شہباز شریف سے ملاقات میں پاکستان میں سرمایہ کاری بڑھانے میں دلچسپی کا اظہار کردیا۔

تفصیلات کے مطابق وزیراعظم شہباز شریف کی قیادت پر بیرونی سرمایہ کاروں کا اعتماد بحال ہورہا ہے۔

چینی کمپنی نے پاکستان میں سرمایہ کاری کو وسعت دینے میں گہری دلچسپی کا اظہار کیا۔

اس سلسلے میں وزیراعظم سےچیئرمین وانگ جائیچنگ کی زیرقیادت ایم سی سی ٹونگسن ریسورسز کے وفد کی ملاقات ہوئی۔

چینی کمپنی نے معدنیات و کان کنی کےشعبےمیں سرمایہ کاری بڑھانے میں دلچسپی کا اظہار کیا۔

چینی کمپنی نے وزیراعظم کو منرل پارک کے قیام اور مزید سرمایہ کاری کے منصوبوں پر بریفنگ دی۔

شہباز شریف نے بتایا کہ حکومت بیرونی سرمایہ کاری کےفروغ کیلئےترجیحی بنیادوں پراقدامات اٹھارہی ہے، چین پاکستان کا دیرینہ دوست اور ترقی میں اہم شراکت دار ہے، ہر مشکل وقت میں مددکرنےپرپاکستانی قوم چینی قیادت وعوام کی مشکور ہے۔

وزیراعظم نے چینی کمپنی کو برآمدی اشیا کی تیاری کیلئےسرمایہ کاری کرنے کی دعوت دیتے ہوئے متعلقہ وفاقی وزرا،افسران کوچینی کمپنی کے ساتھ مشاورت کی ہدایت کردی۔

انھوں نے کہا کہ مشاورتی عمل میں وزیراعلیٰ بلوچستان و دیگر اسٹیک ہولڈرز کو بھی شامل کیا جائے۔