Tag: چینی کی برآمد

اسلام آباد: رواں مالی سال کے پہلے7 ماہ میں چینی کی برآمد سے متعلق اعداد و شمار جاری کیے گئے جس میں 2 ہزارفیصد سے زائد اضافہ ہوا۔

تفصیلات کے مطابق پچھلے 7 ماہ میں چینی کی برآمد میں 2 ہزار 188 فیصد سے زائد کا اضافہ ریکارڈ کیا گیا ہے، ادارہ شماریات نے اپنی رپورٹ میں بتایا کہ رواں مالی سال کے 7 ماہ میں 7 لاکھ 57 ہزار میٹرک ٹن سے زائد چینی برآمد کی گئی۔

رپورٹ کے مطابق گزشتہ سال اس مدت میں 33 ہزار 101 میٹرک ٹن چینی برآمد کی گئی تھی، رواں سال جولائی تا جنوری 113 ارب 18 کروڑ مالیت سے زائد کی چینی برآمد ہوئی،

افغانستان کو چینی کی ریکارڈ برآمد، ملک میں چینی مہنگی ہو گئی

ادارہ شماریات نے بتایا کہ گزشتہ سال اس مدت میں 6 ارب 14 کروڑ کی چینی برآمد کی گئی تھی، مالیت کے اعتبار سے گزشتہ سال کی نسبت چینی کی برآمد 1 ہزار 741 فیصد بڑھی، رواں سال جنوری میں 1 لاکھ 24 ہزار میٹرک ٹن سے زائد چینی برآمد کی گئی

جنوری 2025 میں 17 ارب 92 کروڑ روپے سے زائد کی چینی برآمد کی گئی، جنوری 2024 میں چینی کی برآمد صفر تھی،

ادارہ شماریات نے بتایا کہ گزشتہ سال کی نسبت جنوری 2025 میں چینی کی برآمد 100 فیصد بڑھی، دسمبر 2024 میں 2 لاکھ 79 ہزارمیٹرک ٹن سے زائد چینی برآمد کی گئی۔

وفاقی حکوم کی جانب سے ڈیڑھ لاکھ میٹرک ٹن چینی کی برآمد کیلئے طریقہ کارطے کرلیا گیا ہے، صوبوں میں کوٹہ تقسیم کیا جائے گا۔

تفصیلات کے مطابق اس بار بھی ڈیڑھ لاکھ ٹن کے قریب چینی بیرون ملک برآمد کی جائے گی، حکومتی ذرائع کا کہنا ہے کہ چینی کی برآمد کے لیے کوٹہ صوبوں میں تقسیم کیا جائےگا، صوبوں میں گنے کی انسٹالڈ کرشنگ کی صلاحیت کی بنیاد پر کوٹہ تقسیم ہوگا۔

ذرائع نے بتایا کہ پنجاب کیلئے چینی کی برآمد کا سب سے زیادہ 61 فیصد کوٹہ مختص کیا جائے گا، سندھ 32 اور خیبر پختونخوا کیلئے شوگرایکسپورٹ کا 7 فیصد کوٹہ مختص ہوگا۔

شوگر ایکسپورٹ کوٹہ صوبوں کے کین کمشنرز کے ذریعے تقسیم ہوگا، چینی برآمد کیلئے نوٹیفکیشن جاری ہونے کے 7 روز کے اندر کوٹہ مختص کردیا جائے گا۔

حکوم تی ذرائع کا کہنا تھا کہ چینی کی برآمد کیلئے وفاقی اور صوبائی حکومتیں کوئی سبسڈی نہیں دیں گے، اسٹیٹ بینک 15 روز بعد چینی کی برآمد کی صورتحال سے ای سی سی کو آگاہ کرے گا۔

اس سال چینی برآمد کی جائے گی یا نہیں فیصلہ نہ ہوسکا، شوگر ایڈوائزری بورڈ کا اجلاس بے نتیجہ ہی ختم ہوگیا۔

تفصیلات کے مطابق حکومتی وزرا رانا تنویر اور وفاقی وزیر جام کمال نے شوگر ایڈوائزری بورڈ کے اجلاس میں شرکت کی، ذرائع کا کہنا ہے کہ شوگر ملز ایسوسی ایشن چینی کے اسٹاک کی حتمی رپورٹ فراہم نہ کرسکی۔

حکومت حتمی اعداد و شمار کے جائزے کے بعد چینی ایکسپورٹ کی اجازت پر غور کرے گی، شوگر ملز ایسوسی ایشن کے عہدیداران حکومتی موقف سے مطمئن نہ ہوسکے۔

ذرائع نے مزید بتایا کہ وفاقی وزیر رانا تنویر شوگر ایڈوائزری بورڈ کے آئندہ اجلاس کی تاریخ بھی نہ دے سکے۔

خیال رہے کہ اس ماہ کے شروع میں وزیراعظم شہباز شریف نے چینی کی برآمد کا جائزہ لینے کے احکامات جاری کے تھے۔

وزیراعظم نے کابینہ کے اجلاس میں وزارت نیشنل فوڈ سیکیورٹی کو ہدایت جاری کی تھی کہ مقامی ضروریات پوری ہونے کی شرط پر چینی ایکسپورٹ پر غور کیا جائے۔

شہباز شریف کا مزید کہنا تھا کہ چینی کی برآمد پر غور کرتے وقت چینی کی قیمت میں اضافہ نہ ہونے کو بھی یقینی بنانا ہوگا۔

ذرائع نے بتایا کہ گزشتہ ماہ شوگر ایڈوائزری بورڈ کے 2 اجلاسوں میں چینی برآمد کا فیصلہ نہیں ہوسکا تھا، برآمد کو مقامی مارکیٹ میں چینی کی قیمتوں میں استحکام سے جوڑنے کی تجویز دی گئی تھی۔

ذرائع کا کہنا تھا کہ شوگر ملز مالکان نے 15 لاکھ میٹرک ٹن چینی کی برآمد کا مطالبہ کر رکھا ہے، مالکان نے پہلے مرحلے میں 5 لاکھ ٹن چینی کی برآمد کےلیے اجازت مانگی ہے۔