کراچی: نجی ایئرلائن کے طیارے کا خراب پرزہ پاکستان پہنچادیا گیا، ذرائع کے مطابق پرزہ کسٹم کلیئرنس کے بعد نجی ایئرلائن کے حوالے کیا جائے گا، پرزہ لگتے ہی نجی ایئرلائن کا طیارہ آج رات چین روانہ ہوگا۔
تفصیلات کے مطابق چین میں پھنسے مسافروں کی پریشانی میں کمی آنے لگی ہے، نجی ایئرلائن کے طیارے کا خراب پرزہ پاکستان پہنچا دیا گیا ہے، پرزہ لگنے کے بعد نجی ایئرلائئن کا طیارہ ایئروردی ہوجائے گا، پرواز کو چین جانے کی اجازت مل جائے گی۔
ترجمان سی اے اے کے مطابق چین سے پاکستان کو لانے والے طیارے کے پرزے آگئے ہیں، پرزے کسٹم کلیئرنس کے مراحل میں ہیں، نجی ایئرلائن کی پرواز آج رات پاکستانیوں کو لینے چین روانہ ہوجائے گی۔
دوسری جانب چین مین پاکستانی سفارتکار کے پہنچنے پر مسافروں نے احتجاج کیا، متعدد پاکستانی مسافروں کے ویزے بھی ختم ہوگئے، مسافروں نے مطالبہ کیا ہے کہ فوری وطن واپس لانے کے لیے اقدامات کیے جائیں۔
مزید پڑھیں: چیف جسٹس کا چین میں پھنسے پاکستانیوں کو 2 دن میں واپس لانے کا حکم
ایک مسافر کا کہنا ہے کہ چین میں پاکستانی ہائی کمیشن گاڑی سے اتر بغیر ہی واپس چلے گئے، دوسری جانب پی آئی اے بھی وطن واپسی کا پلان تاحال منظر عام پر نہیں لاسکی ہے، حج آپریشن نے پی آئی اے کی مشکلات میں اضافہ کردیا ہے۔
واضح رہے کہ چین میں پھنسے تقریباً تین سو مسافر 29 جولائی سے چین کے شہر گوانگزو میں پھنسے ہوئے ہیں، کچھ مسافر ایئرپورٹ اور کچھ ہوٹل میں گزر بسر پر مجبور ہیں۔
