بیجنگ : چینی وزارت خارجہ کی ترجمان کا کہنا ہے افغان امن مذاکرات میں پاکستان کا کردارقابل تعریف ہے۔
چین افغانستان میں امن کے لئے طالبان سے مذاکرات کی حمایت کرتا ہے۔چینی وزارت خارجہ کی ترجمان کا کہنا تھا افغانستان میں مختلف دھڑوں کے درمیان مفاہمت کی حمایت جاری رکھیں گے۔
امید ہے تمام فریقین افغانستان میں امن کی بحالی کے لئے کوششیں جاری رکھیں گے۔ چین کے نمائندوں نے گزشتہ دنوں پاکستان مِیں افغانستان اور طالبان کے درمیان مذاکرات میں بھی شرکت کی تھی۔
بجینگ: چین میں طوفانی بارشوں اور سیلاب کے باعث پینتیس افراد لقمہ اجل بن گئےجبکہ تیرہ افراد لاپتہ ہیں۔
چین کے چھ صوبے تباہ کن سیلاب کی زد میں ہیں، شدید باشوں اورسیلاب کے باعث مختلف علاقوں میں مٹی کے تودے گرنے سےہلاک ہونےوالوںمیں خواتین اوربچے بھی شامل ہیں۔
سیلاب سے انفراسٹرکچر کو شدید نقصان پہنچا ہے،رہائشی مکانات سیلاب میں بہہ گئے جبکہ کھڑی فصلیں تباہ ہوگئیں، گزشتہ چالیس سال کے دوران چین میں یہ بدترین سیلاب ہے۔
بیجنگ : بھارت اور چین کے درمیان دس ارب ڈالر کے چوبیس معاہدے طے پا گئے۔بھارتی وزیراعظم نریندر مودی کے تین روزہ دورے کے دوسرے روز بھارت اور چین کے درمیان اہم نوعیت کے چوبیس معاہدوں پر دستخط ہوئے۔جن کی مالیت دس ارب ڈالر ہے ۔
تفصیلات کے مطابق بھارتی وزیراعظم نریندر مودی نے اپنے چین کے دورے کے دوسرے روز چینی وزیراعظم لی کیانگ سے ملاقات کی جس میں دونوں رہنمائوں نے ممالک کے درمیان اقتصادی اور معاشی شعبوں سمیت دو طرفہ تعلقات کو فروغ دینے کے لئے بات چیت کی۔
چینی ہم منصب سے ملاقات کے دوران بھارتی وزیراعظم نے چین کے ساتھ اقتصادی اور معاشی تعاون سمیت دس بلین ڈالر مالیت کے چوبیس مختلف معاہدوں پر دستخط کئے معاہدوں پر دستخط کی تقریب میں بھارتی وزیر اعظم اور چین کے ہم منصب لی کیچیانگ بھی موجود تھے۔
مشترکہ پریس کانفرنس سے خطاب کرتے ہوئے دونوں ممالک کے سربراہان کا کہنا تھا کہ ملاقات میں سرحدی امور، ویزا پالیسی اور سٹریٹجک تعلقات سمیت مختلف معاملات کو اتفاق رائے سے حل کر لیا گیا ہے۔
صحافیوں کو بریفنگ دیتے ہوئے بھارتی وزیراعظم کا کہنا تھا کہ بھارت چین کے ساتھ معاشی تعلاقات کو فروغ دینے کا خواہاں ہے۔
چینی وزیراعظم لی کیانگ نے کہا کہ بھارت اور چین ایشیا کے لئے انجن کا کردار ادا کرے گے۔ چین کے صدر شی جی پنگ نے کہا کہ چین اور بھارت کو باہمی تعاون اور اختلافات پر قابو پا کر اعتماد مضبوط کرنا ہو گا۔
دونوں ممالک کے درمیان ہونے والے معاہدوں میں تجارت کا فروغ ،ریلوے کے نظام میں بہتری ،کان کنی اور معدنیات، سیاحت، بحری علوم میں تعاون سیمت دیگر معاہدے شامل تھے۔
بیجنگ: چین میں پالتو کتے کی دلچسپ واک عوام کے توجہ مرکز بن گئی ہے، پوڈل نامی ڈوگ دوکلومیٹرتک انسانوں کی طرح چل سکتا ہے۔
کتوں کی فنکارانہ صلاحیتوں کاہرکوئی دلدہ ہوتاہے،جو اپنے فن وکمالات سے عوام کے توجہ کا مرکز بن جاتے ہیں چین میں بھی آج کل ایک سالہ پوڈل نامی ڈوگ نے دھوم مچارکھی ہے۔
سرپر کیپ ،شرٹ اور سکرٹ زیب تن کیے پوڈل کی منفرد واک سے کسی اسکول کی بچی کے چلنے گماں ہوتاہے، پوڈل کی منفرد واک کو دیکھ کر راہ گیر بھی داد دئیے بغیر نہ رہ سکے۔
کتے کے مالک کا کہنا تھا کہ پوڈل کو تربیت میں دینے میں دو ماہ کا عرصہ لگا ہے اور وہ شرٹ اورسکرٹ پہن کر دو کلومیٹر تک انسانوں کی طرح چل سکتا ہے۔
منگولیا :چین کے شمال میں واقع علاقے منگولیا حیرت انگیز واقع پیش آیا ، جیسے لوگ دیکھ کر دنگ رہ گئے، جب لوگوں نے آسمان پر ایک ساتھ تین سورج دیکھے۔
مشرق میں طلوع ہونے والے ایک بڑے سورج کے دائیں بائیں چھوٹے سورج کے شاندار نظارے سے لوگ محظوظ ہوتے رہے۔
ماہرین کے مطابق منگولیا میں ہونے والی یہ عام سی بات ہے کہ ایک ساتھ تین سورج دیکھے گئے، ماضی میں ایک ساتھ پانچ پانچ سورج بھی دیکھے گئے ہیں۔
سائنسدانوں کا کہنا ہے ایسا ہونے کی وجوہات ہوا میں برف کے شفاف ذرات ہیں، جب سورج کی روشنی ان ذرات سے منعکس ہوتی ہے تو اس انعکاس سے سورج کا گمان ہوتا ہے۔
ماہرین کے فلکیات مطابق اس انعکاس سے بننے والے سورج کو سن ڈاگ بھی کہا جا تا ہے،
بیجنگ: ایک طرف چین ہر سطح پر اپنی کامیابیوں کے جھنڈے گاڑنے میں مصروف ہے تو دوسری طرف دنیا پر راج کرنے کا خواب دیکھنے والا امریکا پستی کا شکار نظر آتا ہے، چین نے خلائی ریس میں بھی امریکا کو پیچھے چھوڑ دیا۔
چین نے چاند پر اپنا اگلا تحقیقی مشن دو ہزار سترہ میں بھیجنے کا منصوبہ بنایا ہے۔
چینی حکام کے مطابق اس مشن کا مقصد چاند کی سطح سے مختلف نمونے جمع کر کے انہیں زمین پر واپس لانا ہو گا۔ چین کی طرف سے چاند پر اپنا پہلا تحقیقی مشن کامیابی سے اتارا جا چکا ہے۔
یہ روبوٹک گاڑی چاند کی سطح پر موجود حالات اور اس کی سطح کے نمونوں کا جائزہ لے رہی ہے۔ چینی حکمران ملکی خلائی تحقیق کے پروگرام کو مسلسل ترقی دے رہے ہیں۔
خیال رہے کہ چین کا چاند پر تحقیقات کیلئے بھیجا جانے والا تجرباتی مشن کامیابی کے ساتھ واپس زمین پر پہنچ گیا ہے، چینی ایرواسپیس سائنس اور ٹیکنالوجی کارپوریشن کے تیار کردہ اس خلائی جہاز نے اپنے آٹھ روزہ مشن کے دوران چاند کا مختلف اوقات کا تجرباتی ڈیٹا حاصل کیا، جس میں خلاء سے دوبارہ زمین میں داخل ہونے کے لیے رہنمائی، راستہ، گرمی کی شددت اور توازن کے حوالے سے معلومات حاصل کی گئیں ۔
اس مشن کا مقصد سال 2017 میں چینج فائیو نامی تحقیقی خلائی مشن کو چاند پر بھیجنے اور زمین پر وآپس لانے کے لیے مختلف پہلووٴں کی جانچ پڑتال کرنا ہے۔
یاد رہے کہ حال ہی میں دو بڑے واقعات نے امریکی ماہرین کی اہلیت کی قلعی کھول کر رکھ دی تھی، ایک واقعہ میں ورجن گلیکٹک سپیس شپ کرافٹ کیلیفورنیا کے صحرا میں تجرباتی پرواز کے دوران گر کر تباہ ہوگیا تھا۔ جس میں ایک پائلٹ بھی ہلاک ہوا۔
اس سے قبل انتیس اکتوبر کو بھی امریکا کو کچھ ہی سیکنڈز میں اربوں ڈالر کا نقصان اٹھانا پڑا، بین الاقوامی خلائی سٹیشن کے لیے رسد لے جانے والا راکٹ امریکی ریاست ورجینیا میں لفٹ آف کے سات سیکنڈ بعد پھٹ کر تباہ ہو گیا تھا۔
اسلام آباد: چین گوادرسے نوابشاہ تک بچھائی جانے والی ایل این جی پائپ لائن کیلئے پچاسی فیصد سرمایہ کاری فراہم کرے گا,تفصیلات کے مطابق یہ ڈیل بھی چین کی جانب سے کی جانے والی بیالیس ارب ڈالر کے سرمایہ کاری پروگرام کا حصہ ہے ۔
اس منصوبے میں ایل این جی ٹرمینل اور پائپ لائن شامل ہیں۔ تین ارب ڈالر مالیت کے اس منصوبے میں ایک ارب ڈالر پائپ لائن کیلئے جبکہ دو ارب ڈالر ٹر مینل کی تعمیر کیلئے درکار ہونگے۔
چین گودار سے نوابشاہ تک بچھائی جانے کیلئے پچاسی فیصد فنانسنگ فراہم کرے گا۔اس پائپ لائن سے پچاس کروڑ کیوبک فیٹ گیس کی یومیہ ترسیل ہوسکے گی۔
انچیون: جنوبی کوریا کے شہر انچیون میں ایشیا کے بہترین ایتھلیٹس کے درمیان زبردست مقابلے شروع ہوگئے ہیں۔ چین کھیلوں کا شاندار آغاز کرتے ہوئے سب سے آگے ہے۔
چین نے پہلے روز اب تک تین طلائی اور ایک کانسی کا میڈل جیت لیا ہے۔جنوبی کوریا اور بھارت نے بھی ایک ایک گولڈمیڈل سینے پر سجائے ہیں۔
کھیلوں کے ابتدائی روز شوٹنگ، فینسنگ، ویٹ لفٹنگ، جوڈو اور سوئمنگ کے مقابلے بھی جاری ہیں۔ ایشین گیمز میں پینتالیس ممالک کے ایتھلیٹس ایکشن میں ہیں۔
چین: انہترسال قبل جاپان سے جیتی گئی جنگ کا جشن منایا گیا، اس موقع پر دارالحکومت بیجنگ میں خواتین کی پریڈ اور روائتی رقص نے سماں باندھ دیا۔
انہتر سال قبل انیس سو سینتیس میں جاپان سے جیتی گئی جنگ کی یاد میں چین میں اس تاریخی فتح تقریبات جاری ہیں۔
تقریبات کا آغاز دارالحکومت بیجنگ میں ہوا، اس موقع پر بیجنگ کی ایک سڑک پر مقامی بینڈ کی جانب سے خواتین کی پڑید اور روائتی رقص کا انعقاد کیا گیا، جس میں پیپلز لبریشن آرمی کی لباس زیب تن کئے خواتین نے پریڈ کرکے شہریوں کے دل لوٹ لئے جبکہ سرخ لباس میں ملبوس خواتین کے روایتی رقص نے بھی سماں باندھ دیا۔
اس موقع پر شہریوں کے ساتھ ساتھ بچوں کی بڑی تعداد بھی موجود تھی، جو اس تقریب سے لطف اندوز ہوتے رہے۔
بیجنگ : چین کے شہر بیجنگ میں آرٹ میوزیم کے زیر اہتمام پہلی بار تھری ڈی نمائش کا اہتمام کیا گیا۔
بیجنگ میں ہونے والی تھری ڈی نمائش میں شائقین کی بڑی تعداد نے شرکت کی، زیادہ تر شائقین اپنے خاندان کیساتھ شریک ہوئے، جن میں لڑکے لڑکیاں اوربچے بھی شامل تھے۔
شائقین نے نمائش میں رکھی گئی تھری ڈی اشیاء کیساتھ اپنی تصاویر اور وڈیوز بنائیں اور تھری ڈی اشیاء سےلطف اندوز بھی ہوئے ۔ نمائش میں فائر شوٹنگ، بروس لی کک، ویٹ لفٹنگ کی تھری ڈیز کیساتھ کیساتھ مختلف اشکالوں اور اشیاء کی تھری ڈیز بھی شامل تھیں۔
شائقین نے بیجنگ میں ہونے والی اس پہلی تھری ڈی نمائش کو بہت پسند کیا اور اس سے خوب لطف اندوز ہوئے۔