بالی ووڈ کے سلو بھائی سپر اسٹار سلمان خان نے اپنے کیرئیر سے متعلق حیرت انگیز انکشاف کیا ہے۔
بالی ووڈ اداکار سلمان خان نے حال ہی میں اپنے بھتیجے ارہان خان کی پوڈ کاسٹ میں شرکت کی جہاں انہوں نے مختلف موضوعات پر گفتگو کی اور کئی انکشافات کیے۔
اداکار نے اپنی گفتگو میں بھتیجے کو درست کیرئیر کے انتخاب کی نصحیت کرتے ہوئے انکشاف کیا کہ جب میں 17 سال کا تھا تو میرا خواب تھا میں ڈائریکٹر بننا چاہتا تھا۔
سلمان خان نے کہا کہ میں ابتدائی طور پر ڈائرکٹر بننے کے بارے میں بہت پُرعزم تھا اور اس وقت ماڈلنگ کر رہا تھا، میں ہدایت کاری کی طرف آنا چاہتا تھا۔ میں اُس وقت بھی لکھتا تھا اور اب بھی لکھتا ہوں۔
اداکار سلمان نے مزید کہا ’میں تو ڈائرکٹر بننا چاہتا تھا لیکن کسی نے مجھے کام نہیں دیا، جب میری عمر 17 سال تھی تو لوگ کہتے تھے کہ یہ بچہ کیا ڈائریکٹ کرے گا۔‘
سلمان خان کا کہنا تھا کہ میں جہاں بھی جاتا تھا لوگ مجھے اداکاری کرنے کا کہتے تھے، تو میں نے اداکاری شروع کردی، فلموں میں نہ تو کامیڈین تھا اور نہ ہی ولن، میں ہیرو تھا
View this post on Instagram
