Tag: ڈالر اسمگلنگ

کراچی : جناح انٹرنیشنل ایئرپورٹ پر ڈالر اسمگلنگ کی کوشش ناکام بناتے ہوئے چین جانے والے غیرملکی سے38  ہزار سے زائد ڈالرز برآمد کرلئے گئے۔

تفصیلات کے مطابق کسٹمز حکام نے نے کارروائی کرتے ہوئے جناح انٹرنیشنل ایئرپورٹ پر ڈالر اسمگلنگ کی کوشش ناکام بنادی اور چین جانے والے غیر ملکی مسافر سے 38 ہزار سے زائد امریکی ڈالرز برآمد کرلئے۔

حکام نے بتایا کہ ایک کروڑ 68 لاکھ دو ہزار 455 روپے کے مساوی رقم امادو الفا نامی سری لنکن شہری سے برآمد کئے گئے۔

غیر ملکی ایئر لائن سے سفر کے خواہشمند مسافر سے امریکی کرنسی دوران تلاشی برآمد کی گئی، کرنسی ضبط کرکے مسافر کو سفر کی اجازت دے دی گئی۔

قوانین کے تحت پاکستان سے ہر مسافر کو پانچ ہزار ڈالرز کے مساوی کرنسی بیرون ملک جانے کی اجازت ہے۔

ستمبر سے ہونے والے حکومتی کریک ڈاؤن کے بعد ایف آئی اے نے اب تک 900 ملین ڈالر اسٹیٹ بینک میں جمع کروا دیئے۔

تفصیلات کے مطابق ڈالر اسمگلنگ کے خلاف حکومتی اقدامات کے مثبت نتائج سامنے آرہے ہیں، ایپکس کمیٹی اجلاس میں اسمگلرز،ذخیرہ اندوزوں کیخلاف ایکشن کا حکم جاری کیا اور 6 ستمبر سے ڈالر اسمگلنگ اور ذخیرہ اندوزوں کے خلاف مشترکہ ایکشن کا آغاز کیا۔

مشترکہ ایکشن میں ملک سے بےشمار اسمگلرز کی گرفتاری اور ڈالرز کی برآمدگی عمل میں لائی گئی ، انادولو ایجنسی نے بتایا کہ ڈالر ملکی تاریخ کی بلند ترین سطح پرپہنچ چکا تھا حکومتی کاوشوں سے 335سے 280 پر آچکا ہے اور اگست کے اعدادوشمار کے مطابق قومی ذخائر 7.6 بلین تک گر چکے تھے۔

بزنس ریکارڈر نے بتایا کہ ستمبر سے ہونے والے ایکشن کے بعد ایف آئی اے نے نو سو ملین ڈالراسٹیٹ بینک میں جمع کروائے اور ایکشن کے تیسرے روز ہی پاکستانی روپے کی قدرسات فیصد بڑھ گئی۔

بلومبرگ کا کہنا ہے کہ ستمبر 2023 کو ایک ہی دن میں پاکستانی روپے کی قدر میں گیارہ روپے کا اضافہ دیکھنے میں آیا۔

وی او اے کے مطابق ایک ماہ میں ڈالرکی قدرمیں سترہ فیصد کمی ہوئی جبکہ فرنٹیئرپوسٹ نے لکھا کہ یورو کی قیمت تین سو تیس روپے سے کم ہو کر دوسوچھیانوے روپے، برطانوی پاؤنڈ تین سو پچاسی روپے سے کم ہو کر تین سو پینتالیس روپے، درہم تراسی روپے سے چہتر روپے اور سعودی ریال اکیاسی روپے سے پچھتر روپے کا ہوگیا۔