Tag: ڈالر برآمد

  • کراچی میں عزیز سیکھا نامی شخص کی رہائش گاہ پر چھاپا، ہزاروں ڈالر، پرائز بانڈز برآمد

    کراچی میں عزیز سیکھا نامی شخص کی رہائش گاہ پر چھاپا، ہزاروں ڈالر، پرائز بانڈز برآمد

    کراچی: شہر قائد میں عزیز سیکھا نامی شخص کی رہائش گاہ پر ایف آئی اے کے چھاپے میں ہزاروں ڈالر اور پرائز بانڈز برآمد ہوئے۔

    تفصیلات کے مطابق کراچی کے علاقے پی ای سی ایچ ایس میں عزیز سیکھا کے گھر پر 26 ستمبر کی رات 8 بجکر 45 منٹ پر چھاپا مارا گیا، انٹیلیجنس بیسڈ آپریشن میں حساس ادارے کے ساتھ ایف آئی اے اور پولیس نفری بھی شامل تھی۔

    ذرائع کے مطابق عزیز سیکھا کے گھر سے چھاپے کے دوران 23 ہزار ڈالر، 2 کروڑ 60 لاکھ روپے سے زائد پاکستانی کرنسی برآمد ہوئی، 5 لاکھ 40 ہزار روپے مالیت کے پرائز بانڈ اور 2 موبائل فون بھی ایف آئی اے کے ہاتھ لگے۔

    ایف آئی اے کے مطابق برآمد رقم اور موبائل فون ایف آئی اے کرائم سرکل منتقل کر دیے گئے ہیں، جب کہ ملزمان کے خلاف ایف آئی اے تھانے میں مقدمہ درج کیا جائے گا۔

  • کوئٹہ میں ایک شخص سے 5 لاکھ ڈالر برآمد ہونے کا انکشاف

    کوئٹہ میں ایک شخص سے 5 لاکھ ڈالر برآمد ہونے کا انکشاف

    اسلام آباد : سینیٹر دنیش کمار انکشاف کیا کہ کوئٹہ میں ایک شخص سے پانچ لاکھ ڈالر پکڑے گئے ہیں، تین بارڈرز بند کردیں ڈالرخود بخود نیچے آ جائے گا۔

    تفصیلات کے مطابق سلیم مانڈوی والا کی زیرصدارت سینیٹ کی قائمہ کمیٹی خزانہ کا اجلاس ہوا ، جس میں سینیٹر دنیش کمار نے کہا کہ ڈالر کی اسمگلنگ کی وجہ سے ڈالر کے نرخ بڑھے۔

    دنیش کمار نے انکشاف کیا کہ کوئٹہ میں ایک شخص سے پانچ لاکھ ڈالر پکڑے گئے ہیں، تین بارڈرز بند کردیں ڈالرخود بخود نیچے آ جائے گا۔

    سنیٹر کا کہنا تھا کہ وزارت خزانہ میں معیشت دان بیٹھے ہیں ،بیوروکریسی ہے لیکن کرکچھ نہیں رہے۔

    ان کا کہنا تھا کہ ایران سےتیل کی درآمد کی جائے تو پاکستان میں پٹرول 150 روپے کاملے گا، ڈالر کا موجودہ ریٹ اس وقت 219 روپے ہونا چاہیے۔

    انوار الحق کاکڑ نے بتایا کہ ایران سے تیل لایا گیا تو ہماری صوبائی قیادت متاثر ہوگی، ایک رات میں اہم لوگ 5 کروڑ روپے اکھٹے کرتے ہیں۔