کراچی: ایک ہفتے میں روپے کی قدر میں بہتری آئی ہے جبکہ رپورٹ میں یہ بھی بتایا گیا ہے کہ انٹربینک میں ڈالر بھی سستا ہوا ہے۔
رپورٹ کے مطابق ایک ہفتے میں انٹربینک میں امریکی ڈالر 7 پیسے سستا ہوا، انٹربینک میں ڈالر 277.74 روپے سے کم ہوکر 277.67 روپے پر بند ہوا، ایک ہفتےمیں اوپن مارکیٹ میں ڈالر 9 پیسے کمی سے 278.65 روپے پر آگیا۔
اسی ہفتے کے دوران یورو میں 6.93 روپے کمی دیکھنے میں آئی جس سے یورو 292.97 روپے کا ہوگیا، ایک ہفتے میں برطانوی پاؤنڈ 9.58 روپے کمی سے 351.12 روپے کا ہوگیا۔
ایک ہفتےمیں یو اے ای درہم 1 پیسے کمی سے 75.96 روپے کا ہوگیا جبکہ ایک ہفتے میں سعودی ریال 4 پیسے اضافے سے 74.18 روپے پر پہنچ گیا۔
اسٹیٹ بینک نے بتایا کہ اس کے ذخائر میں 8.40 کروڑ ڈالرز کا اضافہ ہوا، اسٹیٹ بینک کے ذخائر بڑھ کر 11 ارب 25 کروڑ 80 لاکھ ڈالرز ہوگئے۔
اس کے علاوہ کمرشل بینکوں کے ذخائر میں کمی ریکارڈ ہوئی جو کہ 5.10 کروڑ ڈالرز کی کمی سے 4 ارب 70 کروڑ ڈالرز رہ گئے، مجموعی ذخائر 3.40 کروڑ ڈالرز اضافے سے 15 ارب 96 کروڑ ڈالرز سے تجاوز کرگئے۔
