ARYNews.tv | Urdu – Har Lamha Bakhabar

Tag: ڈالر کی قیمت

  • ڈالر کی تیزی بدستور جاری : دوبارہ قدم جمانے لگا

    ڈالر کی تیزی بدستور جاری : دوبارہ قدم جمانے لگا

    کراچی : پاکستانی روپے کے مقابلے میں امریکی ڈالر کی قیمت میں اضافے کا سلسلہ بدستور جاری ہے اور دن بہ دن ڈالر کو مزید تقویت مل رہی ہے۔

    تفصیلات کے مطابق انٹربینک میں ڈالر مزید مہنگا ہوگیا، اسٹیٹ بینک آف پاکستان کی جانب سے جاری اعداد و شمار کے مطابق آج انٹربینک میں ڈالر کے بھاؤ میں ایک روپے 18 پیسےکا اضافہ ہوا ہے۔

    سماجی رابطے کی ویب سائٹ ایکس پر اسٹیٹ بینک کے مطابق آج مارکیٹ میں ڈالر کا بھاؤ 282 روپے 65 پیسے پر بند ہوا ہے جبکہ گزشتہ روز ڈالر کا بھاؤ 52 پیسے کے اضافے کے بعد 281 روپے47 پیسے پر بند ہوا تھا۔

    یاد رہے کہ جمعہ کو کاروباری ہفتے کے آخری روز اوپن مارکیٹ میں 4 دن بعد ڈالر کی قدر میں کمی دیکھی گئی تھی، اوپن مارکیٹ میں ڈالر 50 پیسے سستا ہوکر 281 روپے 50 پیسے پر آگیا جبکہ انٹر بینک میں ڈالر کی 280 روپے 10 پیسے پر ٹریڈ کر رہی تھی۔

  • ڈالر کی قیمت میں مسلسل اضافے کا رجحان

    ڈالر کی قیمت میں مسلسل اضافے کا رجحان

    کراچی : پاکستانی روپے کے مقابلے میں امریکی ڈالر کی قدر میں آج بھی اضافہ ریکارڈ گیا جو گزشتہ کچھ روز سے برقرار ہے۔

    انٹر بینک میں کاروباری ہفتے کے پہلے روز روپے کے مقابلے میں ڈالر تگڑا رہا، فاریکس ڈیلرز کے مطابق ڈالر 37پیسے مہنگا ہو کر 280 روپے 95 پیسے پر بند ہوا۔

    اس کے علاوہ اوپن مارکیٹ میں ڈالر کی قیمت فروخت ایک روپے بڑھ کر 282 روپے 50 پیسے ہوگئی، جمعے کے روز انٹر بینک میں ڈالر 48 پیسے اضافے سے 280 روپے 57 پیسے پر بند ہوا تھا۔

    دوسری جانب پاکستان اسٹاک ایکس چینج میں مثبت رجحان رہا، کاروبار کے اختتام پر ہنڈریڈ انڈیکس 539پوائنٹس اضافے سے 51 ہزار 480 پوائنٹس پر بند ہوا۔

  • ڈالر کی قیمت میں ایک بار پھر اضافہ

    ڈالر کی قیمت میں ایک بار پھر اضافہ

    کراچی : مقامی مارکیٹ میں روپے کے مقابلے میں امریکی ڈالر کی قیمت میں آج پھر اضافہ ریکارڈ کیا گیا ہے جبکہ پاکستان اسٹاک ایکسچینج میں آج ملا جلا رجحان پایا گیا۔

    تفصیلات کے مطابق انٹربینک میں ڈالر کی قیمت میں آج پھر اضافہ ریکارڈ کیا گیا ہے، کاروباری ہفتے کے آخری روز ڈالر کے انٹربینک ریٹ میں 48 پیسے کا اضافہ دیکھا گیا۔

    اسٹیٹ بینک آف پاکستان کی سماجی رابطے کی ویب سائٹ ایکس پر جاری اعداد و شمار کے مطابق انٹربینک میں ڈالر 48پیسے مہنگا ہوا جس کے آج ڈالر 280روپے57 پیسے پر بند ہوا۔ دریں اثنا اوپن مارکیٹ میں ڈالر کی قیمت 281 روپے 50 پیسے پر مستحکم رہی۔

    علاوہ ازیں پاکستان اسٹاک ایکسچینج میں آج ملا جلا رجحان پایا گیا، مارکیٹ میں 241پوائنٹس کی کمی ریکارڈ کی گئی، ہنڈرڈ انڈیکس میں8 پوائنٹس کا اضافہ ہوا،کاروبار 50 ہزار 943 پوائنٹس پر بند ہوا۔

  • ڈالر کی قیمت میں اضافے کا سلسلہ جاری

    ڈالر کی قیمت میں اضافے کا سلسلہ جاری

    کراچی : پاکستانی کرنسی کے مقابلے میں ڈالر کی قدر میں اضافے کا سلسلہ سست رفتاری سے جاری ہے یومیہ بنیادوں پر قیمت میں چند پیسوں کا اضافہ ہوجاتا ہے۔

    کرنسی ڈیلرز کے مطابق آج کاروبار کے دوران ڈالر کی قدر میں 45 پیسے اضافہ ہوگیا، جس سے انٹر بینک میں ڈالر 279 روپے 88 پیسے کا ہوگیا، دوسری جانب اوپن مارکیٹ میں ڈالر ایک روپے مہنگا ہوکر 281 روپے سے زائد کا ہوگیا۔

    واضح رہے کہ پاکستانی کرنسی کے مقابلے میں ڈالر کی قیمت مسلسل 5 ہفتوں کی کمی کے بعد گزشتہ ہفتے ملا جلا رجحان رہا جبکہ رواں ہفتے کے پہلے کاروباری روز بھی روپیہ کی قدر میں معمولی کمی ریکارڈ کی گئی۔

    اسٹیٹ بینک آف پاکستان کے مطابق انٹر بینک میں ڈالر کی قیمت گزشتہ ہفتے کے آخری کاروباری روز 278.80 روپے کی سطح پر بند ہوئی تھی جو گزشتہ روز یعنی پیر کو 276.83 روپے تھی۔ ڈالر کی قیمت میں رواں ہفتے کے دوران مجموعی طور پر ایک روپے 19 پیسے کا اضافہ ریکارڈ کیا گیا۔

  • ڈالر کی قیمت میں اضافے کا سلسلہ جاری

    ڈالر کی قیمت میں اضافے کا سلسلہ جاری

    کراچی : پاکستانی روپیہ کے مقابلے میں امریکی ڈالر کی قیمت ایک بات پھر بڑھ گئی، کچھ روز کی مسلسل کمی کے بعد ڈالر نے دوبارہ آنکھیں دکھانا شروع کردیں۔

    اسٹیٹ بینک آف پاکستان کے مطابق آج کاروبار کے دوران مجموعی طور پر ڈالر کی قدر میں 32 پیسے اضافہ ہوگیا، انٹر بینک میں ڈالر 279 روپے 12 پیسے پر بند ہوا۔

    فاریکس ڈیلرز کا کہنا ہے کہ اوپن مارکیٹ میں ڈالر ایک روپے مہنگا ہوکر281 روپے پر فروخت ہوا، بینکس نے درآمد کنندگان کو ڈالر 279.50 روپے میں فروخت کیا۔

    کرنسی ڈیلرز کے مطابق کاروباری دن کے آغاز پر انٹربینک میں ڈالر کی قدر میں 25 پیسے کی معمولی کمی ہوئی تھی تاہم بعدازاں ڈالر کی قدر میں کمی کا رجحان برقرار نہ رہ سکا۔

    واضح رہے کہ پاکستانی کرنسی کے مقابلے میں ڈالر کی قیمت مسلسل 5 ہفتوں کی کمی کے بعد گزشتہ ہفتے ملا جلا رجحان رہا۔

    اسٹیٹ بینک آف پاکستان کے مطابق انٹر بینک میں ڈالر کی قیمت جمعے کے روز 278.80 روپے کی سطح پر بند ہوئی تھی جو پیر کو 276.83 روپے تھی۔ ڈالر کی قیمت میں رواں ہفتے کے دوران مجموعی طور پر ایک روپے 19 پیسے کا اضافہ ریکارڈ کیا گیا۔

  • ڈالر کی قیمت میں اضافے کا سلسلہ دوسرے روز بھی جاری

    ڈالر کی قیمت میں اضافے کا سلسلہ دوسرے روز بھی جاری

    کراچی : انٹربینک میں پاکستانی روپے کے مقابلے میں امریکی ڈالر کی قیمت میں ایک بار پھر معمولی اضافہ ہوا ہے جس کے بعد روپیہ مزید نیچے آگیا۔

    تفصیلات کے مطابق انٹر بینک میں روپے کے مقابلے میں ڈالر کی قدر میں آج پھر اضافہ ہوا ہے۔ گزشتہ روز انٹر بینک میں ڈالر 20 پیسے مہنگا ہو کر 277 روپے 3 پیسے پر بند ہوا تھا۔

    اسٹیٹ بینک کی جانب سے ایکس پر جاری اعداد و شمار کے مطابق کاروبار کے اختتام پر امریکی ڈالر پیسے اضافے سے 280 روپے 29 پیسے پر بند ہوا۔

    گزشتہ روز انٹربینک میں ڈالر کے بھاؤ میں 20 پیسے اضافے سے کمی کی لہر 29 ویں روز ٹوٹ گئی تھی۔

    آج بدھ کو بھی کاروبار کے آغاز سے ہی ڈالر کی قدر میں اضافہ دیکھنے میں آیا اور کاروبار کے دوران ڈالر کی قیمت میں 2 روپے97 پیسے مزید اضافہ ہوا جس سے انٹربینک میں ڈالر 280 روپے کا ہوگیا۔

    فاریکس ڈیلرز کا کہنا ہے کہ انٹربینک میں کاروبار کے اختتام پر ڈالر 3 روپے 26 پیسے مہنگا ہوکر 280روپے 29 پیسے پر بند ہوا ہے، دوسری جانب اوپن مارکیٹ میں بھی ڈالر 4 روپے مہنگا ہوکر 281روپے کا ہوگیا۔

  • امریکی ڈالر مزید سستا، روپیہ بہتری کی جانب گامزن

    امریکی ڈالر مزید سستا، روپیہ بہتری کی جانب گامزن

    کراچی : انٹر بینک اور اوپن مارکیٹ میں امریکی ڈالر کی بے قدری کا سلسلہ جاری ہے، آج بھی ڈالر مزید سستا ہوکر 277 روپے سے بھی نیچے آگیا۔

    تفصیلات کے مطابق انٹربینک مارکیٹ میں روپے کے مقابلے میں ڈالر کی قدر میں مسلسل کمی ریکارڈ کی جارہی ہے اور ڈالر چھ ماہ کی کم ترین سطح پر آ گیا ہے۔

    انٹربینک میں روپے کے مقابلے میں امریکی کرنسی کے نرخ مزید 79 پیسے گرگئے، رپورٹ کے مطابق امریکی ڈالر 276.83 روپے پر بند ہوا۔

    اسٹیٹ بینک آف پاکستان کی جانب سے جاری اعداد و شمار کے مطابق پاکستان میں امریکی ڈالر کی قیمت گزشتہ ہفتے کے آخری روز 277.62 روپے تھی۔

    واضح رہے کہ 5 ہفتوں کے دوران اوپن مارکیٹ میں ڈالر 52 روپے اور انٹربینک میں 43.24 روپے سستا ہوچکا ہے۔

    گزشتہ ماہ پاکستان میں امریکی ڈالر کی قیمت انٹربینک میں 307 روپے اور اوپن مارکیٹ میں 330 روپے سے تجاوز کرگئی تھی۔

    گزشتہ کاروباری ہفتے کے دوران انٹربینک میں پاکستانی روپے کے مقابلے میں امریکی ڈالر کی قدر میں مجموعی طور پر 5 روپے سے زائد کمی ریکارڈ کی گئی۔

  • روپیہ مزید مستحکم، ڈالر کی قیمت میں مسلسل کمی ریکارڈ

    روپیہ مزید مستحکم، ڈالر کی قیمت میں مسلسل کمی ریکارڈ

    کراچی : ملک بھر میں ڈالر کا بھاؤ گرنے کا سلسلہ آج بھی جاری رہا، انٹربینک میں ڈالر کی قیمت میں مزید کمی ریکارڈ کی گئی۔

    تفصیلات کے مطابق حکومتی اقدامات کے پیش ںطر گزشتہ کئی روز سے ملکی کرنسی کی قدر میں مسلسل اضافہ ہو رہا ہے جبکہ امریکی ڈالر کی قیمت میں مسلسل کمی کا رجحان جاری ہے۔

    سماجی رابطے کی ویب سائٹ ایکس پر جاری اسٹیٹ بینک آف پاکستان کے اعداد و شمار کے مطابق انٹر بینک میں آج کاروبار کے اختتام پر ڈالر کا بھاؤ 280 روپے 51پیسے پر بند ہوا۔

    ایس بی پی کے مطابق کاروباری ہفتے کے دوسرے روز امریکی کرنسی کی قیمت میں 1 روپیہ 14پیسے کی کمی ریکارڈ کی گئی۔

    ذرائع کے مطابق غیرقانونی کرنسی کی تجارت اور اسمگلنگ کے خلاف کریک ڈاؤن کے نتیجے میں اوپن مارکیٹ میں 900ملین ڈالر سرپلس ہوئے اور بینکوں میں جمع کرائے گئے۔

    خیال رہے کہ گزشتہ کاروباری روز انٹربینک میں ڈالر کی قیمت 281 روپے 65پیسے ریکارڈ کی گئی تھی۔ حالیہ کئی روز کے دوران پاکستانی روپے کی قدر میں نمایاں اضافہ ریکارڈ کیا گیا ہے۔

    دوسری جانب پاکستان اسٹاک ایکسچینج میں آج بھی تیزی کا رجحان ہے۔ پاکستان اسٹاک ایکسچینج میں 70 دن کے بعد 48 ہزار پوائنٹس کی حد بحال ہوگئی۔

    پاکستان اسٹاک ایکسچینج میں مسلسل ساتویں سیشن میں تیزی کا رجحان ہے۔ہنڈریڈ انڈیکس کی 307پوائنٹس کے اضافے سے 48030 پوائنٹس پر ٹریڈ کررہا ہے۔

  • گاڑیوں کی قیمتوں میں نمایاں کمی

    گاڑیوں کی قیمتوں میں نمایاں کمی

    کراچی : پاکستان میں یومیہ بنیادوں پر ہونے والے امریکی ڈالر کی قیمت میں کمی کے بعد گاڑیوں کی قیمتوں لاکھوں روپے کی کمی سامنے آئی ہے۔

    تفصیلات کے مطابق حالیہ معاشی اقدامات کے نتیجے میں ملک میں روپے کی قدر میں بہتری کے اچھے نتائج آنا شروع ہوگئے ہیں۔

    پاکستان میں گاڑیوں کے اسمبلر ’’کیا‘‘ لکی موٹر کارپوریشن نے ڈالر کے مقابلے میں روپے کی قدر میں اضافے کے پیش نظر اپنی گاڑیوں کے مختلف ماڈلز کی قیمتوں میں ایک سے 5 لاکھ روپے تک کی کمی کردی۔

    KIA Motors

    رپورٹ کے مطابق پیکانٹو اے ٹی، اسپورٹیج ایف ڈبلیو ڈی، اے ڈبلیو ڈی اور بلیک لمیٹڈ ایڈیشن اب بالترتیب 38 لاکھ 50 ہزار روپے، 80 لاکھ 40 ہزار روپے، 87 لاکھ 70 ہزار روپے اور 93 لاکھ روپے میں دستیاب ہوں گی، یہ قیمتوں میں ایک لاکھ روپے سے 3 لاکھ 50 ہزار روپے تک کمی کو ظاہر کرتی ہے۔

    Car prices

    اسی طرح سورینٹو 2.4 ایل ایف ڈبلیو ڈی، 2.4 ایل اے ڈبلیو ڈی اور 3.5 ایل ایف ڈبلیو ڈی کی نئی قیمتیں ایک کروڑ 3 لاکھ، ایک کروڑ 12 لاکھ اور ایک کروڑ 12 لاکھ 90 ہزار روپے ہوں گی، ہر گاڑی کی قیمت میں 5 لاکھ روپے کی کمی کی گئی ہے۔

    واضح رہے کہ لکی موٹر کارپوریشن لمیٹڈ نے 6 ستمبر کو متعدد ماڈلز کی قیمتوں میں 3 لاکھ 50 ہزار روپے تک اضافہ کیا تھا، تاہم اس کی کوئی وجوہات نہیں بتائی تھیں۔

  • ڈالر کی قدر میں مزید کمی، روپیہ کی اڑان جاری

    ڈالر کی قدر میں مزید کمی، روپیہ کی اڑان جاری

    پاکستانی روپے کے مقابلے میں امریکی ڈالر کی قدر میں مسلسل کمی کا سلسلہ گزشتہ کئی روز سے جاری ہے، جس کے بعد انٹر بینک میں ڈالر ڈیڑھ ماہ کی کم ترین سطح پر آگیا۔

    تفصیلات کے مطابق کاروباری ہفتے کے پہلے روز انٹربینک میں ڈالر کی قدر میں 98 پیسے کی کمی سامنے آئی ہے، جس سے ڈالر 286 روپے 76 پیسے کا ہوگیا۔

    سماجی رابطے کی ویب سائٹ ایکس پر اسٹیٹ بینک کی جانب سے جاری کیے گئے اعداد و شمار کے مطابق انٹربینک میں ڈالر 287.74 روپے سے کم ہوکر 286.76 روپے پر بند ہوا۔

    دوسری جانب اوپن مارکیٹ میں بھی ڈالر مزید سستا ہوا جس کے تنتیجے میں روپیہ اور بھی تگڑا ہوگیا، اوپن مارکیٹ میں ڈالر 1 روپے 50 سستا ریکارڈ کیا گیا ہے۔ اوپن مارکیٹ میں ڈالر 286 روپے 50 پیسے کا ہوگیا۔

    اس کے علاوہ یورو 306 روپے پر مستحکم ہے، برطانوی پاؤنڈ 1 روپے مہنگا ہوکر 354 روپے کا ہوگیا جبکہ اماراتی درہم 1 روپے کمی سے78.80 روپے اور سعودی ریال 76 روپے 20 پر مستحکم ہے۔