کراچی : سہراب گوٹھ جونیجو کالونی میں ڈاکوؤں کی فائرنگ سے 6 سالہ بچہ جاں بحق اور نوجوان شدید زخمی ہوگیا۔
تفصیلات کے مطابق کراچی میں بے رحم اسٹریٹ کر منلز کے سامنے پولیس بے بس ہوگئی اور معصوم شہری بے لگام ڈاکوں کے رحم وکرم پر ہے۔
ذرا سی مزاحمت پر جان لے لینا معمول بن گیا ، پولیس حکام عملی کارروائی کے بجائے صرف دعووں و اعلانات تک محدود رہ گئے ہیں۔
رات گئے سہراب گوٹھ کے علاوقے جنیجو کالونی میں ڈاکوں کی فائرنگ سے 6 سالہ بچہ جاں بحق اور 20 سالہ نوجوان زخمی ہوگیا۔
پولیس نے بتایا کہ 8 سالہ بچے کی شناخت اسرار اور زخمی کی بیس سالہ عباس کے نام سے ہوئی ہے۔
اہل خانہ کے مطابق گلی میں دو ڈاکو آپس میں لڑ رہے تھے کہ ملزمان کی فائرنگ بھتیجا جاں بحق اور چچا زخمی ہوگیا، مقتول کا آبائی تعلق مہمند ایجنسی سے تھا، جو کراچی میں اپنے والد کے ساتھ چائے کے ہوٹل میں رہائش پذیر تھا۔
پولیس کا کہنا تھا کہ واقعے میں ملوث ملزم نصر اللہ مبینہ پولیس مقابلے میں مارا گیا تاہم ملزم کا ساتھی فرار ہوگیا۔۔ ہلاک ملزم سنگین جرائم کی وارداتوں میں ملوث تھا۔
خیال رہے شہر قائد میں رواں سال کے 82 دونوں میں اسٹریٹ کرمنلز کے ہاتھوں قتل کیے جانے والوں کی تعداد چالیس سے زائد ہوگئی۔
