Tag: ڈاکوؤں

کراچی : ڈاکوؤں نے بینک سے رقم لے کر نکلنے والےعمر رسیدہ شخص کو گھرکی دہلیز پر لوٹ لیا اور زدوکوب بھی کیا۔

تفصیلات کے مطابق شہر قائد میں ڈاکو بے لگام ہو گئے، دن دیہاڑے اسلحے کے زور پر شہریوں کو گھروں کی دہلیز پر لوٹنا شروع کر دیا۔

بینک سے رقم لے کر نکلنے والے عمر رسیدہ شخص کو لوٹ لیا گیا، ایف بی ایریا بلاک 13 میں 3 موٹر سائیکلوں پر سوار 5 ملزمان نے واردات کی۔

عمر رسیدہ شخص رکشے سے اتر کر جیسے ہی گھرکی دہلیزپرپہنچا تو ملزمان لوٹ مار کیلئے آگئے، ملزمان نے عمر رسیدہ شخص کو لوٹ مار کے دوران زدوکوب بھی کیا۔

پولیس کا کہنا تھا کہ متاثرہ شخص سے رابطہ کرکےتفصیلات حاصل کرلی گئی ہیں ، قانونی کارروائی کررہے ہیں،جلد ملزمان کو گرفتار کیا جائے گا۔

مزید پڑھیں : کراچی : ملزمان 45 سیکنڈ میں نوجوان کو لوٹ فرار

یاد رہے کراچی میں گلشن حدید فیز 2 میں ملزمان 45 سیکنڈ نوجوان کو لوٹ کر فرار ہوگئے تھے، واقعے سی سی ٹی وی فوٹیج سامنے آئی تھی، فوٹیج میں نوجوان کو موبائل فون ہاتھ میں پکڑے دیکھا جاسکتا تھا، اسی دوران گلی کی دوسری جانب سے موٹرسائیکل سوار ملزمان آئے جنہوں نے نوجوان کو دیکھتے ہی موٹرسائیکل تیز کردی۔

موٹرسائیکل چلانے والے ملزم نے نوجوان کو گلے سے پکڑا تو نوجوان نے گھبرا کو الٹے قدموں واپس بھاگنے کی کوشش کی، جس کے بعد شلوار قمیض میں ملبوس ملزم گن تان کر پیچھے دوڑا۔

نوجوان نے پہلے موبائل فون پیچھے ہاتھ کرکے بچانے کی کوشش کی لیکن پھر ملزم کے حوالے کردیا، اسی دوران موٹرسائیکل سوار ملزم دوڑتا ہوا آیا اورنوجوان کو تھپڑ مارنے لگا اور تلاشی بھی لی تاہم واردات کے بعد دونوں ملزمان باآسانی فرار ہونے میں کامیاب ہوگئے۔

کراچی : ایم نائن ملیر میں ڈاکوؤں نے پولیس اہلکاروں پر بدترین تشدد کیا اور جاتے ہوئے موبائل فون اور سرکاری اسلحہ بھی چھین کر لے گئے تاہم واقعے کا مقدمہ درج کرلیا گیا۔

تفصیلات کےمطابق کراچی کے علاقے گڈاپ میں ڈاکوؤں نے پولیس اہلکاروں کو لوٹ لیا اور جاتے ہوئے موبائل فون اور سرکاری اسلحہ بھی چھین کر لے گئے۔

پولیس حکام نے بتایا کہ سپر ہائی وے گڈاپ کے علاقے میں سادہ لباس پولیس سب انسپیکٹر شہزاد اور کانسٹیبل ذاکر کو موٹرسائیکل پر سوار مسلح ڈاکوؤں نے لوٹا جبکہ ڈاکو اہلکاروں کا سرکاری اسلحہ بھی لے کر فرار ہو گئے۔

پولیس کا کہنا تھا کہ ڈاکوؤں نے پولیس اہلکاروں پر بدترین تشدد بھی کیا تاہم دونوں اہلکاروں کو طبی امداد کے لیے نجی اسپتال منتقل کر دیا گیا ہے، واردات کے وقت دونوں اہلکار سادہ لباس میں ڈیوٹی پر جا رہے تھے۔

بعد ازاں ایم نائن ملیرمیں پولیس اہلکاروں پرڈاکوؤں کےتشددکا مقدمہ درج کرلیا گیا، گڈاپ تھانےمیں زخمی ایس آئی شہزادکی مدعیت میں مقدمہ درج کیا گیا۔

مقدمے میں کہا گیا کہ ایس ایچ اوکےحکم پرلیڈی ہیڈکانسٹیبل کےہمراہ ڈاکوؤں کی تلاش کیلئےگئے، سرکاری پستول ،نجی گاڑی اورموٹرسائیکل ساتھ تھی، دوپہر2 سےرات 8بجےتک موجود رہے اور رات8بجےخاتون اہلکار کو روانہ کرکےموٹرسائیکل پرجارہے تھے۔

اس دوران ایک موٹرسائیکل پرسوار3مسلح ملزمان نےسرکاری پستول،موبائل،کیش چھینا، مزاحمت پر ملزمان نے سرپرپستول کےبٹ مارے، پستول کےبٹ لگنےسےہم شدیدزخمی ہوئے جبکہ ملزمان فرارہوگئے، شاہین فورس کو اطلاع دی بعدمیں اسپتال پہنچایاگیا،ملزمان کیخلاف کارروائی کی جائے۔