کراچی: ڈاکوؤں کی دہشت اور مزاحمت پر شہریوں کے قتل کے واقعات تو آپ نے سنے ہوں گے لیکن ہم آپ کو ایسے رحم دل چوروں سے ملوانے جارہے ہیں جنہوں نے ناصرف لوٹا ہوا سامان واپس کیا بلکہ شہری کو گلے بھی لگایا۔
تفصیلات کے مطابق سوشل میڈیا پر وائرل ہونے والی ویڈیو میں دیکھا جاسکتا ہے کہ کراچی میں ڈیلیوری بوائے کھانے کا سامان دے کر اور پیسے لے کر جیسے ہی اپنی موٹر سائیکل پر بیٹھا تو ملزمان آدھمکے اور اس کی جیب سے بٹوہ نکال لیا جس پر ڈیلیوری بوائے نے ملزمان کو کچھ کہا اور رونے لگا۔
اسٹریٹ کرمنلز نے ڈلیوری بوائے سے لوٹ مار کے بعد جیسے ہی فرار ہونے لگے تو لڑکے نے ڈاکوؤں سے کچھ کہا جس پر ملزمان نے چھینا ہوا سامان ڈلیوری بوائے کو واپس کردیا اور پیارے سے لگے لگا کر چلے گئے۔
لٹیروں کی جانب سے اس رحم دلی کا مظاہرہ کرنے پر سوشل میڈیا صارفین نے بھی ڈاکوؤں کی تعریف کی۔ ایک صارف کا کہنا تھا کہ ڈاکوؤں کے پاس بھی دل ہوتا ہے، کوئی بلاوجہ چور نہیں بنتا۔
www.facebook.com
facebook.com
