Tag: ڈاکو

کراچی : کورنگی میں عوامی کالونی تھانے کی حدودمیں ڈاکو ناکے لگا کر شہریوں کو لوٹنے لگے اور شہریوں کو موبائل فون اور نقدی رقم سے محروم کردیا۔

تفصیلات کے مطابق کراچی کے علاقے کورنگی میں لٹیروں کی ناکہ لگا کر وارداتیں معمول بن گئیں۔

کورنگی دارالعلوم کےقریب ڈکیتی کی سی سی ٹی وی فوٹیج سامنے آگئی، جس میں موٹرسائیکل ملزمان نے شہریوں سےناکہ لگا کرواردات کی، ڈاکوؤں نے پہلے اسلحہ کے زور پر راہگیر کو واردات کانشانہ بنایا۔

بعد ازاں ملزمان نے اسلحہ لہراتے ہوئے موٹرسائیکل سوارشہریوں کوروکا اور چند منٹوں میں موبائل فون اور نقدی رقم سے محروم کیا۔

ملزمان سرے عام پولیس سے بے خوف واردات کرتے رہے اور واردات کے بعد اطمینان سے فرار ہوگئے۔

ڈاکوؤں نے نوجوان سے اے ٹی ایم کا پاسورڈ معلوم کرنے کے بعد اس کے اکاؤنٹ سے 2 لاکھ روپے سے زائد رقم نکال لی۔

تفصیلات کے مطابق سکھر میں سائٹ تھانے کی حدود میں ڈاکوؤں نے اے ٹی ایم میں شہری سے لوٹ مار کی۔ نوجوان اے ٹی ایم سے رقم نکلوا رہا تھا کہ اسی دوران 2 ڈاکوؤں نے وہاں واردات کی۔

پولیس نے بتایا کہ ملزمان نے اسلحے کے زور پر نوجوان سے اے ٹی ایم کا پاسورڈ معلوم کیا، ملزمان نے اے ٹی ایم کارڈ کے ذریعے 2 لاکھ روپے سے زائد نقدی نکال لی۔

ڈاکوؤں نے رقم نکالنے کیلئے شہر کے مختلف اے ٹی ایمز کا استعمال کیا۔ ملزمان نے اے ٹی ایم کارڈ سے موٹر سائیکل میں پیٹرول بھی ڈلوایا۔

سکھر میں ڈاکوؤں کی جانب سے شہری سے اے ٹی ایم چھننے اور گاڑی میں پیٹرول ڈلوانے کی فوٹیج بھی منظرعام پر آگئی ہے۔

ڈکیتی کے دوران مزاحمت کرنے پر بے رحم ڈاکوؤں نے پولیس اہلکار سمیت 2 افراد کو قتل کردیا۔

تفصیلات کے مطابق ڈکیتی میں مزاحمت پر ڈاکوؤں نے ایک اور گھرانے کا چراغ گل کردیا، اس بار نشانہ پولیس اہلکار بن گیا۔ جیکب آباد میں مذکورہ واقعہ تھانہ باہو کھوسو کی حدود میں پیش آیا۔

پولیس نے بتایا کہ ڈاکوؤں نے موٹر سائیکل اور قیمتی سامان چھیننے کی کوشش کی، مزاحمت پر ڈاکوؤں نے دونوں افراد پر فائرنگ کردی۔

فائرنگ کے باعث پولیس اہلکار اور اس کے ساتھ موجود شخص جاں بحق ہوگئے جبکہ مذکورہ علاقہ جہاں یہ واقعہ پیش آیا وہاں چھیننے کی وارداتیں عام ہیں۔

دونوں افراد کی ہلاکت کی اطلاع ملنے پر ایس ایس پی بھی پہنچ گئے، ان کے پہنچنے پر شہریوں کی جانب سے احتجاج بھی کیا گیا۔

کراچی: سخی حسن پل پر شہری نے لوٹنے والے ڈاکو کو دھکا مار کر پل سے نیچے گرادیا، پولیس نے شدید زخمی ڈاکوکو گرفتار کرلیا۔

تفصیلات کے مطابق کراچی میں سخی حسن پل پر ڈکیتی کی واردات کے دوران شہری نے دھکا مار کر ڈاکو کو پل سے گرادیا۔

پولیس حکام نے بتایا کہ واقعہ ڈکیتی مزاحمت کے دوران پیش آیا تاہم ملزم کا ساتھی صورتحال دیکھ کر فرار ہوگیا۔

حکام کا کہنا تھا کہ شدید زخمی ڈاکو کو پولیس نے گرفتار کرلیا، گرفتار ڈاکو سے مذید تفتیش کی جارہی ہے۔

یاد رہے چند روز قبل کراچی میں لیاقت آباد پل پر شہری نے لوٹنے سے بچنے کے لیے موٹرسائیکل چھوڑ کر پل سے نیچے چھلانگ لگا دی تھی۔

پولیس نے بتایا تھا کہ زخمی شہری کو اس کے دوستوں نے اسپتال منتقل کیا، شہری جہاں سے پل شروع ہوتا ہے وہاں سے دوسری طرف کود گیا تھا۔