ARYNews.tv | Urdu – Har Lamha Bakhabar

Tag: ڈاکو

  • کراچی : نقلی پستول دکھا کر شہری کو لوٹنے والے ڈاکو کی عوام نے درگت بناڈالی

    کراچی : نقلی پستول دکھا کر شہری کو لوٹنے والے ڈاکو کی عوام نے درگت بناڈالی

    کراچی : نقلی پستول دکھاکر شہری کو لوٹنے والا ڈاکو کی عوام نے درگت بناڈالی اور پولیس کے حوالے کردیا۔

    تفصیلات کے کراچی کے علاقے لیاقت آباد پل پر ڈاکو شہریوں کےہاتھ چڑھ گیا، ڈاکو نقلی پستول دکھا کر شہری کو لوٹنے کی کوشش کر رہا تھا۔

    پل پر پکڑےجانے والے ڈاکو کی موقع پرموجود لوگوں نے درگت بنا ڈالی، اور پولیس کے حوالے کردیا، تاہم ڈاکو کا ساتھی فرارہوگیا۔

    دوسری جانب تھانہ کورنگی صنعتی علاقہ پولیس نے لوٹ مارمیں مصروف دو ڈاکوؤں کومقابلہ کےبعد زخمی حالت میں گرفتار کرلیا۔

    ڈاکوؤں سےاسلحہ اورچھینےگئے موبائل فون اورموٹرسائیکل برآمدہوئی جبکہ ماڑی پورپولیس نے نرسری کےقریب مبینہ مقابلے کے بعد دو ڈاکوؤں کو زخمی حالت میں گرفتار کیا گیا۔

  • ڈاکو شوروم کے مالک سے لاکھوں روپے اور موبائل فونز چھین کر فرار

    ڈاکو شوروم کے مالک سے لاکھوں روپے اور موبائل فونز چھین کر فرار

    لاہور: نواحی علاقے رائیونڈ میں موٹر سائیکل شوروم کے مالک سے ڈکیت لاکھوں روپے اور موبائل فونز چھین کر فرار ہوگئے۔

    اے آر وائی نیوز کے مطابق لاہور کے نواحی علاقے رائیونڈ میں موٹر سائیکل شوروم میں ڈکیتی کی واردات کا واقعہ پیش آیا ہے جہاں 2 ڈاکو شوروم  کے مالک سے ڈھائی لاکھ روپے، موبائل فونز چھین کر فرار ہوگئے۔

    پولیس کا یہ بھی بتانا ہے کہ  ملزمان نے  شوروم مالک سمیت شوروم پر آئے خریدار کو بھی لوٹ لیا ہے، خریدار  نقدی رقم اور موبائل فونز سے محروم ہوگئے۔

    شوروم میں ڈکیتی واردات کی سی سی ٹی وی فوٹیج سامنے آگئی، سی سی ٹی وی فوٹیج میں دیکھا جاسکتا ہے 2 ڈاکو کیش کاؤنٹر سے لوٹ مار کر رہے ہیں۔

  • اسلحے کے زور پر ڈاکو 84 جانور لوٹ کر فرار

    اسلحے کے زور پر ڈاکو 84 جانور لوٹ کر فرار

    کراچی: شہر قائد میں قربانی کے جانوروں کی لوٹ مار کا سلسلہ جاری ہے، تاہم اب تک کی سب سے بڑی واردات میں ڈاکو نے باڑے والے کو ہی لوٹ لیا۔

    تفصیلات کے مطابق  دھابیجی ریلوے اسٹیشن کے قریب باڑے پر ڈکیتی کی سب سے بڑی  واردات رپورٹ ہوئی ہے جہاں 12 سے زائد ڈکیت اسلحے کے زور پر 84 جانور لوٹ کر فرار ہوگئے۔

    باڑے کے مالک پرویز باری نے ایس ایچ او اسٹیل ٹاؤن کو درخواست دیدی، درکواست گزار نے بتایا کہ ملزمان 4 گھنٹے تک باڑے میں موجود رہے۔

    درخواست گزار نے بتایا کہ 100 ایکڑ زمین پر 65 بکریاں، 17 بھیڑیں، ایک گائے اور بچھڑا رکھے تھے، ملازمین باڑے میں بیٹھے تھے کہ اچانک 14 سے 15 ملزمان آئے۔

    مالک پرویز باری نے بتایا کہ چار ملزمان کے پاس اسلحہ تھا جنھوں نے ملازمین کو باندھ دیا، ملزمان باڑے میں موجود سارے جانور ساتھ لے گئے۔

    درخواست گزار نے مزید بتایا کہ ملزمان بار بار کسی سے فون پر رابطہ کر رہے تھے، پولیس کی جانب سے باڑےکےمالک کی درخواست وصول کرلی گئی۔

  • کچے کے ڈاکوؤں کے خلاف آپریشن: مورو میں ڈاکوؤں اور پولیس کے درمیان شدید فائرنگ کا تبادلہ

    کچے کے ڈاکوؤں کے خلاف آپریشن: مورو میں ڈاکوؤں اور پولیس کے درمیان شدید فائرنگ کا تبادلہ

    لاہور: صوبہ پنجاب کے شہر راجن پور کے کچے کے علاقے میں ہونے والے آپریشن کے 42 روز گزر چکے ہیں، صوبہ سندھ کے شہر مورو کے کچے کے علاقے میں ڈاکوؤں اور پولیس کے درمیان شدید فائرنگ کا تبادلہ ہوا۔

    تفصیلات کے مطابق ترجمان پولیس کا کہنا ہے کہ انسپکٹر جنرل (آئی جی) پنجاب ڈاکٹر عثمان انور کی ہدایت و قیادت میں کچے کے علاقے میں پولیس کا گرینڈ آپریشن جاری ہے۔

    ترجمان کا کہنا ہے کہ اب تک رحیم یار خان اور راجن پور کے علاقوں میں 10 ڈاکو ہلاک ہوچکے ہیں، 46 کو گرفتار کیا گیا ہے جبکہ 18 نے سرینڈر کیا، کارروائیوں کے دوران 9 مغوی بھی بازیاب کر لیے گئے۔

    ترجمان پنجاب پولیس کا کہنا ہے کہ جزیرہ نما کچا رجوانی میں ڈاکوؤں کے خلاف ڈرون ٹیکنالوجی کا بھی استعمال کیا جارہا ہے، دریائے سندھ کے درمیان خطرناک جزیرہ نما کچے پر ڈرون کی مدد سے ڈاکوؤں کی ریکی کی جارہی ہے۔

    دوسری جانب صوبہ سندھ کے شہر مورو کے کچے علاقے میں جدید ہتھیاروں سے لیس بکتر بند گاڑیوں میں پولیس دستے داخل ہوگئے، پولیس نے وقار عرف وقاری عمرانی، گورا عمرانی اور پٹ گینگز کی کمین گاہوں کا محاصرہ کرلیا۔

    مورچہ بند ڈاکوؤں نے پولیس کے خلاف مزاحمت کی اور شدید فائرنگ کا تبادلہ ہوا۔ بعد ازاں ڈاکو وقار یاسین نے 4 ساتھیوں سمیت سرینڈر کردیا۔

    ترجمان پولیس کا کہنا ہے کہ گینگ اغوا برائے تاوان، ڈکیتی، اسلحہ، اسمگلنگ، قتل اور دیگر سنگین وارداتوں میں ملوث تھا۔

    پولیس اہلکاروں نے ڈاکوؤں کی کمین گاہوں کو بکتر بند گاڑیوں سے تباہ کردیا اور خفیہ ٹھکانوں کو تباہ کر کے جلا دیا گیا۔

    سرینڈر کرنے والے ڈاکوؤں سے بھاری مقدار میں اسلحہ اور ایس ایم جی گنز برآمد کرلی گئیں۔

  • کچے کا علاقہ ڈاکوؤں سے خالی، اسکول اور ڈسپنسری قائم

    کچے کا علاقہ ڈاکوؤں سے خالی، اسکول اور ڈسپنسری قائم

    لاہور: صوبہ پنجاب کے شہر راجن پور کے کچے کے علاقے میں ہونے والے آپریشن میں اب تک 28 ڈاکوؤں کو گرفتار کیا جاچکا ہے،اندرونی علاقے میں اسکول اور ڈسپنسری قائم کردی گئی ہے۔

    تفصیلات کے مطابق ترجمان پولیس کا کہنا ہے کہ انسپکٹر جنرل (آئی جی) پنجاب قیادت میں 35 دن سے کچے کے ڈاکوؤں کے خلاف آپریشن جاری ہے، اب تک 3 ڈاکو ہلاک، 28 گرفتار اور 5 ہتھیار ڈال چکے ہیں۔

    ترجمان کا کہنا ہے کہ آپریشن کے دوران بھاری مقدار میں اسلحہ قبضے میں لیا گیا ہے۔

    ترجمان کا کہنا ہے کہ آپریشن میں کچے کا اکثریتی علاقہ ڈاکوؤں سے کلیئر کروایا جا چکا ہے، کٹانی چک چراغ شاہ میں اسکول اور ڈسپنسری قائم کر دی گئی ہے، پولیس نے اسکول اور ڈسپنسری اپنی مدد آپ کے تحت قائم کی۔

    ترجمان کے مطابق عمارت نہ ہونے پر ٹینٹ میں اسکول اور ڈسپنسری قائم کر کے عملہ تعینات کر دیا گیا، ہے، اسکول اور ڈسپنسری میں پولیس کا تعلیمی و طبی تربیت یافتہ عملہ تعینات کیا گیا ہے۔

  • راجن پور: کچے کے علاقے سے جرائم پیشہ عناصر کا خاتمہ، چیک پوسٹس قائم

    راجن پور: کچے کے علاقے سے جرائم پیشہ عناصر کا خاتمہ، چیک پوسٹس قائم

    لاہور: صوبہ پنجاب کے شہر راجن پور کے کچے کے علاقے میں ہونے والے آپریشن میں جرائم پیشہ عناصر کا خاتمہ کردیا گیا، متعدد ڈاکو فرار اور کئی گرفتار ہوچکے ہیں۔

    تفصیلات کے مطابق ڈسٹرکٹ پولیس آفیسر راجن پور کا کہنا ہے کہ گزشتہ ایک ماہ سے کچے کے علاقے میں جاری آپریشن میں پولیس کو تاریخ ساز کامیابیاں ملی ہیں۔

    ڈی پی او کا کہنا ہے کہ ہیڈ منی کے مجرمان بھاگنے پر مجبور ہوگئے، دہشت گردوں کی کمین گاہیں تباہ کردی گئی ہیں اور ان پر چیک پوسٹس قائم کردی گئی ہیں۔

    ڈی پی او کے مطابق بنگیانی، سکھانی، عمرانی، دلانی اور سادانی گینگ کے خلاف آپریشن کیا گیا، آپریشن کے دوران پولیس کو بھاری اسلحہ ملا۔

    برآمد کیے گئے اسلحے میں مشین گن، راکٹ لانچرز، جی تھری 2 اور ایس ایم جی 7 شامل ہیں۔

    ڈی پی او کا کہنا ہے کہ اب تک 7 دہشت گرد ہلاک ہوچکے ہیں، 27 سے زائد زخمی اور 23 سہولت کاروں کو گرفتار کرلیا گیا ہے۔

    پولیس کے مطابق راجن پو میں کچے کا 23 ہزار ایکڑ رقبہ وا گزار کروا کر جرائم پیشہ عناصر کا خاتمہ کر دیا گیا، پولیس آپریشن میں ایک پولیس کمانڈو محمد قاسم نے جام شہادت نوش کیا جبکہ 2 اہلکار زخمی ہوئے۔

  • کچے کے ڈاکوؤں کے خلاف آپریشن: کئی ڈاکوؤں نے پولیس کے سامنے سرینڈر کردیا

    کچے کے ڈاکوؤں کے خلاف آپریشن: کئی ڈاکوؤں نے پولیس کے سامنے سرینڈر کردیا

    لاہور: صوبہ پنجاب کے علاقے صادق آباد میں پنجاب پولیس کا کچے میں آپریشن 25 ویں روز بھی جاری ہے، آپریشن کے دوران 5 کارندوں نے سرینڈر کر کے خود کو پولیس کے حوالے کردیا۔

    تفصیلات کے مطابق صادق آباد کچے میں سرگرم عمل عمرانی اور قیصرانی گینگز کے 5 کارندوں نے خود کو پولیس کے حوالے کردیا۔ ایڈیشنل آئی جی جنوبی پنجاب کا کہنا ہے کہ ملزمان ڈکیتی، قتل اور پولیس پر فائرنگ اور دیگر سنگین جرائم میں ملوث رہے ہیں۔

    ایڈیشنل آئی جی کا کہنا ہے کہ سرینڈر کرنے والوں کے مقدمات انصاف کے عین مطابق نمٹائے جائیں گے، دیگر افراد بھی سرینڈر کریں گے تو ان کے ساتھ قانون کے مطابق سلوک کیا جائے گا۔

    پولیس کے مطابق کچے میں آپریشن کے دوران گرفتاریوں کی تعداد 33 ہوگئی جبکہ 3 ڈاکو مقابلوں میں مارے گئے۔

    خیال رہے کہ ڈاکوؤں کے خلاف پولیس کے گرینڈ آپریشن میں اب تک ہزاروں ایکڑ رقبہ کلیئر کروا کر اور خفیہ ٹھکانے ٹریس کر کے تباہ کیے گئے ہیں۔

  • کچے کا ہزاروں ایکڑ نو گو ایریا کلیئر، ڈاکوؤں کی کمین گاہیں نذر آتش

    کچے کا ہزاروں ایکڑ نو گو ایریا کلیئر، ڈاکوؤں کی کمین گاہیں نذر آتش

    لاہور: صوبہ پنجاب کے علاقے روجھان میں کچے کے ڈاکوؤں کے خلاف آپریشن جاری ہے، اب تک ہزاروں ایکڑ اراضی اور نو گو ایریا کلیئر کردیا گیا، جرائم پیشہ عناصر کے ٹھکانوں، کمین گاہوں کو مسمار اور نذر آتش کر دیا گیا ہے۔

    تفصیلات کے مطابق راجن پور کے قریب روجھان میں کچے کے علاقے میں ڈاکوؤں کے خلاف آپریشن 18 ویں روز بھی جاری ہے۔

    ڈسٹرکٹ پولیس آفیسر (ڈی پی او) راجن پور محمد ناصر سیال کا کہنا ہے کہ فائرنگ کے تبادلے میں مزید 5 ڈاکو گرفتار کیے گئے ہیں جن سے اسلحہ اور ایمونیشن برآمد کیا گیا ہے۔

    ڈی پی او کے مطابق پولیس نے کچہ میانوالی میں ڈاکوؤں کی کمین گاہوں پر قبضہ کرلیا ہے جبکہ پولیس کا سرچ آپریشن بھی جاری ہے۔

    محمد ناصر سیال کا کہنا ہے کہ اب تک 4 ڈاکو ہلاک اور 5 کو گرفتار کیا گیا ہے، ڈاکوؤں کے 16 سہولت کاروں کو بھی گرفتار کیا گیا ہے۔

    انہوں نے کہا کہ کچے کا ہزاروں ایکڑ رقبہ کلیئر کر کے پولیس چوکیاں قائم کی گئیں، چک عمرانی، چک بیلے شاہ اور چک کپڑا کے علاقے کلیئر کروائے گئے ہیں۔

    پولیس کے مطابق اب تک ہزاروں ایکڑ اراضی اور نو گو ایریا کلیئر کروا کر پولیس کیمپس قائم کر دیے گئے ہیں، جرائم پیشہ عناصر کے ٹھکانوں، کمین گاہوں کو مسمار اور نذر آتش کر دیا گیا۔

  • دوران افطار ڈاکوؤں کی دکان میں لوٹ مار کی ویڈیو سامنے آگئی

    دوران افطار ڈاکوؤں کی دکان میں لوٹ مار کی ویڈیو سامنے آگئی

     کراچی: صدر میں کپڑے کی دکان سے ڈاکو کیش کاؤنٹر اور دکان میں موجود تمام افراد کی جیبیں خالی کرگئے۔ 

    تفصیلات کے مطابق عید قریب آتے ہی ڈکیتی کی واردات میں اضافی دیکھا جارہا ہے تاہم کراچی صدرکوآپریٹومارکیٹ میں کپڑے کی دکان میں ڈاکو دکاندار اور دکان میں موجود افراد کو 2 منٹ 10 سکینڈ میں لوٹ کر کے فرار ہوگئے۔ 

    ذرائع کا کہنا ہے کہ 3 مسلح ملزمان موٹر سائیکل سوار افطار شروع ہوتے ہی دکان میں داخل ہوئے جس میں سے ایک ڈاکو لوٹنے والوں سے بات بھی کرتا رہا اور ہنستا رہا جبکہ دوسرا ڈاکو کندھے پر ہاتھ رکھ کر پوچھ گچھ کرتا رہا۔

    ذرائع کا کہنا ہے کہ ایک ملزم اندرگیا اورکیش کاؤنٹر خالی کرنےلگا، کیش کاؤنٹر خالی کرنےکے بعد ملزم کودکرباہرآیا جبکہ ملزمان کا ایک ساتھی مسلسل داخلی راستے پرکھڑارہا۔ 

  • ویڈیو: خاتون کا موبائل چھیننے والے ڈاکو کی عوام نے درگت بنادی

    ویڈیو: خاتون کا موبائل چھیننے والے ڈاکو کی عوام نے درگت بنادی

    ڈاکو کو خاتون کا موبائل چھیننا مہنگا پڑگیا، عوام نے لڑکے کی سڑک پر ہی درگت بنادی جس کی ویڈیو سوشل میڈیا پر وائرل ہوگئی۔

    سوشل میڈیا پر وائرل ہونے ویڈیو میں دیکھا جاسکتا ہے کہ ایک نوجوان خاتون فٹ پاتھ پر کھڑی اپنا سیل فون استعمال کررہی ہوتی ہے کہ  ایک ڈاکو سائیکل سوار  خاتون کے سامنے سے اسکا فون چھینتے ہوئے بھاگنے کی کوشش کرتا ہے۔

    واقعے کی ویڈیو قریب لگے سی سی ٹی وی کیمرے میں محفوظ ہوگئی۔

    کلپ میں دیکھا جاسکتا ہے کہ جیسے ہی ڈاکو خاتون کے ہاتھ سے فون چھین کر بھاگنے کی کوشش کرتا ہے اسی وقت فٹ پاتھ کے مخالف سمت سے ایک کار آتی ہے اور اسے ہٹ کرکے نیچے گرادیتی ہے۔

    ڈاکو گرتا ہے لیکن بھاگنے میں کامیاب ہو جاتا ہے ایک اور کلپ میں دیکھا جاسکتا ہے کہ اسے چوٹ لگتی ہے جس کی وجہ سے اسے نیچے گرتے ہوئے دیکھا گیا۔

    جیسے ہی وہ اٹھ کر بھاگنے لگتا ہے ویسے ہی ایک اور نوجوان اسے  لات مارتا ہے جس سے وہ سڑک پر موٹربائیک سے ٹکرا کر گرتا ہے، لوگ اسے پکڑ کر مارتے پیٹتے ہیں۔

    خیال رہے کہ کسی مجرم کو پکڑنے کی کوشش کرنا ایک عام شہری کے لیے بہت قابل تحسین بات ہے لیکن اسے مارنا ایک جرم ہے کیونکہ ہمارا فرض ہے کہ کسی بھی  ڈاکو، حملہ آور کو پولیس یا کسی اور قانون نافذ کرنے والے ادارے کے حوالے کریں ناں کہ اپنے ہی ہاتھ میں قانون لیں۔