Tag: ڈاکٹرطاہرالقادری

  • فوج کوثالثی کیلئےنہیں کہیں گے، ڈاکٹرطاہرالقادری

    فوج کوثالثی کیلئےنہیں کہیں گے، ڈاکٹرطاہرالقادری

    اسلام آباد: ڈاکٹرطاہرالقادری کہتے ہیں آئی ایس پی آر کا بیان قابل تحسین ہےتاہم فوج کو ثالثی کیلئےنہیں کہیں گے،عوامی تحریک کے سربراہ ڈاکٹر طاہر القادری کا پارلیمنٹ ہاؤس کے باہر پہنچنے کے بعد اے آروائی نیوز سے خصوصی گفتگو میں کہنا تھا انکا کسی عمارت پر قبضے کا ارادہ نہیں, طاہرالقادری نے کہانوازشریف مستعفی ہوں اور گرفتاری دیں اور قومی حکومت قائم کی جائے ۔

    اسلام آباد ڈی چوک پر انقلاب مارچ سے خطاب میں ڈاکٹر طاہر القادری کا کہنا تھا اب اس ملک میں کرپشن نہیں چلنےدی جائےگی طاہر القادری نے کہا کہ پیمراپاک فوج کےخلاف زہراگلنےوالوں کاتحفظ کرتاہے ,شہبازشریف بڑےبھائی کی رضامندی کےبغیرکوئی کام نہیں کرتے

  • کسی گلوبٹ نے گولی چلانی ہے توسینہ حاضرہے، طاہرالقادری

    کسی گلوبٹ نے گولی چلانی ہے توسینہ حاضرہے، طاہرالقادری

    اسلام آباد: علامہ طاہرالقادری نےکارکنوں نےپرامن رہنے کی اپیل کردی ۔کہتے ہیں کسی گلوبٹ نے گولی چلانی ہے توسینہ حاضرہے۔

    خیابان سہروردی پربسیرا کے انقلاب مارچ کےشرکاکوعلامہ طاہرالقادری نےپنجابی میں تقریر کرکے انتہائی پرجوش کردیا، علامہ طاہرالقادری نےجڑواں شہروں کے کارکنوں کورات دھرنے میں گزارنے کی اپیل کرتے ہوئے کہامنزل دور نہیں جلد انقلاب کاسورج طلوع ہونے والاہے، علامہ طاہرالقادری نے کارکنوں سے پرامن رہنے کی اپیل کرتے ہوئے کسی نے گولی چلانی ہے توان کاسینہ حاضرہے، سربراہ پاکستان عوامی تحریک نےکارکنوں کوثابت قدم رہنے کی نصیحت کرتے ہوئے کہاانقلاب کوکوئی نہیں روک سکتا۔

    ڈاکٹر طاہرالقادری نے کہا کہ نواز شریف اور شہباز شریف اڑتالیس گھنٹوں سے پہلے مستعفی ہوجائیں ، اسمبلیاں تحلیل کردیں اور گرفتاری پیش کردیں، ڈاکٹر طاہر القادری نے کہا کہ انکی جانب سے انقلاب کیلئے ڈیڈ لائن دیئے جانے کے بعد مارچ کے شرکا اور ان پر دہشت گردی کے حملے کا خطرہ ہے، اگر حملہ ہوا تو نواز شریف ، شہباز شریف، ان کی کابینہ اور وزرا کے خلاف مقدمہ درج کرایا جائے گا ۔

    اپنی تقریر کے دوران ڈاکٹر ظاہر القادری نے امیگریشن حکام کو مخاطب کرکے کہا کہ سانحہ ماڈل ٹاؤن کے ذمہ دار رانا ثنااللہ ، رانا مشہود اور حکمرانوں کو ملک سے فرار ہونے کی اجازت نہ دی جائے اور انھیں گرفتار کرلیا جائے، ڈاکٹر طاہرالقادری نے مارچ کے شرکاء سے کہا کہ وہ چوکس رہیں اور سونے اور جاگنے کیلئے باری طے کرلیں، انھوں نے عوام سے اپیل کی کہ وہ گھروں میں نہ رہیں اور انقلاب کا عملی حصہ بننے کیلئے گھروں سے باہر نکل آئیں۔

  • گورنرپنجاب چوہدری محمدسرورکا الطا ف حسین سے ٹیلیفونک رابطہ

    گورنرپنجاب چوہدری محمدسرورکا الطا ف حسین سے ٹیلیفونک رابطہ

    لاہور: گورنرپنجاب چوہدری محمدسرورنے متحدہ قومی موومنٹ کے قائدالطا ف حسین سے فون پر رابطہ کیااوران سے موجودہ صورتحال پر گفتگوکی۔

    گورنرپنجاب نے موجودہ سیاسی بحران کے حل کے سلسلے میں الطاف حسین کے کردارکوسراہااوراسے وقت کی ضر ورت قرار دیا۔ الطاف حسین نے موجودہ سیاسی بحران کے سیاسی کے حل کے سلسلے میں گورنرپنجاب کی کوششوں کی تعریف کی، انہوں نے گورنرپنجاب سے کہا کہ آپ سمیت جوشخصیات مسائل کے حل کے لئے سنجیدہ کوششیں کررہی ہیں میں انہیں خراج تحسین پیش کرتاہوں اور دعا کرتاہوں کہ مسئلے کا کوئی ایساحل نکلے کہ اپوزیشن مطمئن ہو اورحکومت کوبھی تسلی ہواورسب ملکرملک کی خدمت کریں۔

  • موجودہ نظام سے عوام کو انصاف نہیں مل سکتا، ڈاکٹرطاہرالقادری

    موجودہ نظام سے عوام کو انصاف نہیں مل سکتا، ڈاکٹرطاہرالقادری

    اسلام آباد: پاکستان عوامی تحریک کے سربراہ ڈاکٹرطاہرالقادری نے کہا ہے کہ ملک کے مالی مسائل کے حل کیلئے تمام وسائل ملک میں موجود ہیں، ان وسائل کو بروئے کار لایا جائے تو ہمیں کسی  سے قرض لینے کی ضرورت نہیں ہوگی ان خیالات کا اظہار سربراہ پی اے ٹی نے اسلام آباد میں دھرنے کے شرکاء سے خطاب کرتے ہوئے کیا، انہوں نے کہا کہ موجودہ حکومت دھاندلی سے وجود میں آئی ہے، اس لئے یہ غیر آئینی حکومت ہے،ہم نظام میں تبدیلی اس لئے چاہتے ہیں کہ جو موجودہ نظام اس ملک میں رائج ہے اس کرپٹ نظام کے ہو تے ہوئے عوام کو انصاف نہیں مل سکتا،

  • ڈاکٹرطاہرالقادری کا چاربجے چارٹر آف ڈیمانڈ پیش کرنے کا اعلان

    ڈاکٹرطاہرالقادری کا چاربجے چارٹر آف ڈیمانڈ پیش کرنے کا اعلان

    اسلام آباد: پاکستان عوامی تحریک کے سربراہ ڈاکٹر علامہ طاہر القادری نے وہ آج شام چار بجے اپنا چارٹر آف ڈیمانڈ پیش کریں گے۔

    علامہ طاہرالقادری انقلاب مارچ  کےاسٹیج پر پہنچے تو پاکستان عوامی تحریک کے کارکنان نے پرجوش استقبال کیا، انقلاب مارچ خواتین کی بڑی تعداد شریک ہیں اورکارکنان انقلاب کیلئے پرعزم ہیں۔

     انقلاب مارچ کے جلسہ سے خطاب میں پاکستان عوامی تحریک کے سربراہ ڈاکٹر علامہ طاہر القادری کا کہنا ہے کہ وہ آج شام چار بجے اپنا انقلاب مارچ کا خاکہ پیش کریں گے، انقلاب آنے میں اب زیادہ دیر نہیں لگے گی، انھوں نے کہا کہ  ایک سیکنڈ کیلئے بھی انقلاب مارچ سے باہر نہیں گیا، طبیعت خراب ہونے کے باوجود کسی کے گھر آرام کیلئے نہیں گیا۔

    طاہر القادری  نے کہا کہ یہ دھرنا نہیں انقلاب مارچ ہے، تین دن کی کوشش کے بعد جلسے کی اجازت دی گئی ،رات 11 بجے اسلام آباد میں داخلے کی اجازت ملی۔

    انھوں نے کہا کہ میرا جینا مرنا کارکنوں کے ساتھ ہےہم آئین ،قانون اور جہموریت پر یقین رکھتے ہیں۔

    طاہرالقادری نے کہاہےکارکنان کو پر امن رہنے کی تلقین کی ہے۔کہتےہیں کوئی گولی بھی چلادے توضبط سے کام لینا۔جان قربان کردیں گےلیکن دہشت گردی پر نہیں اتر سکتے۔

    انہوں نے واضح کیا کہ ہے کہ ہم انقلاب کے بغیر یہاں سے واپس نہیں جائیں گے، اور فتح تک ہم سب اسلام آباد میں رہیں گے، انکا کہنا ہے کہ انقلاب میں جتنا بھی وقت لگے میں کارکنوں کو چھوڑ کر باہر نہیں جاؤں گا۔

    انہوں نے ایک مرتبہ پھر کہا کہ ہم آئین پر یقین رکھتے ہیں اور ‘انقلاب مارچ’ پرامن رہے۔

  • آل پاکستان مسلم لیگ کا انقلاب مارچ کی حمایت کا اعلان

    آل پاکستان مسلم لیگ کا انقلاب مارچ کی حمایت کا اعلان

    اسلام آباد: آل پاکستان مسلم لیگ نے طاہرالقادری کے انقلاب مارچ کی حمایت کا اعلان کردیا ہے۔

    پاکستان عوامی تحریک کے سربراہ ڈاکٹر طاہرالقادری کا انقلاب مارچ کے اعلان کے بعد کئی مختلف سیاسی اور مذہبی جماعتوں نے انقلاب مارچ میں اپنی شرکت کا اعلان کیاجس کے بعد آل پاکستان مسلم لیگ نے بھی انقلاب مارچ کی حمایت کا اعلان کردیا۔

    پارٹی کے سربراہ اور سابق صدر پاکستان پرویز مشرف نے کارکنوں کو انقلاب مارچ میں شرکت کی ہدایت کردی ،اس سے قبل بھی احمد رضا قصوری اپنی پریس کانفرنس میں بھی انقلاب مارچ کی حمایت کی تھی، ترجمان اے پی ایم ایل عرفان میمن کا کہنا ہے کہ انقلاب مارچ کے شرکاء کا زیرو پوائنٹ پر استقبال کیا جائے گا، جس کے لیے استقبالیہ کیمپ قائم کردیا گیا ہے ۔

  • ہمارے لوگ پیدل اسلام آباد آرہے ہیں، ڈاکٹر طاہر القادری

    ہمارے لوگ پیدل اسلام آباد آرہے ہیں، ڈاکٹر طاہر القادری

    لاہور: پاکستان عومی تحریک کے سربراہ ڈاکٹر طاہرالقادری نے اے آروائی نیوز سے خصوصی گفتگو کرتے ہوئے کہا ہے کہ ہماری گاڑیاں بجبر روک لی گئی ہیں نہیں معلوم ہم کتنے دن میں اسلام آباد پہنچیں گے۔

    ان کا کہنا تھا کہ آج ہردیکھنے والا یہ کہہ رہا ہے کہ پاکستان کی تاریخ میں اتنا بڑا مارچ کبھی نہیں ہوا، سات گھنٹے میں عوام ماڈل ٹاؤن سےمال روڈ تک نہیں پہنچ پائے ہیں۔

    انہوں نے کہا کہ پنجاب حکومت نے ہماری بکنگ والی بسوں کوروک رکھا ہے اڈے بند سیل کردئے ہیں اور پیٹرول پمپ بھی بند کرادئے ہیں کہ ہم اسلام آؓباد نہ پہنچ پائیں۔

    انہوں نے ایک سوال کے جواب میں کہا کہ پی ٹی آئی کے ساتھ اکھٹے نکلنا ایک آئیڈیل صورتحال تھی لیکن ہر پارٹی کا اپنا طریقہ کار ہے اور اپنے مقاصد ہیں وہ نکل چکے ہیں اور ہم بھی جارہے ہیں۔

    ڈاکٹر طاہر القادری نے کہا ہمارے لوگ پچھلے بارہ دن سے محصور تھے اور آج آپنے دیکھا کہ کس طرح لوگوں نے کنٹینر اٹھا کر پھینک دئے اورہمارے ساتھ آکر شامل ہوئے ہیں اور یہ ایک تاریخ سازمارچ ہے۔

    سوال پوچھا گیا کہ وہ کب تک اسلام آباد میں بیٹھے گے تو ان کا کہنا تھا کہ حکومت کی برطرفی ہمارے انقلاب کا ایک چھوٹا سا حصہ ہے اور ہم اس کے بغیر واپس نہیں پلٹیں گے۔

    ان کا مزیدکہناتھا کہ ہماری ٹرانسپورٹ روک لی گئی ہے جس کے باعث ہمارے لوگ پیدل جارہے ہیں یہ پنجاب حکومت کی جانب سےظلم کی انتہا ہے، ہمیں نہیں معلوم کہ ہم کتنے دن میں اسلام آباد پہنچیں گے اور اس پیدل مارچ کے ہمارے لوگوں کی زندگیوں پر کیا اثرات ہونگے۔

  • انقلاب مارچ کوپرامن رکھاجائے، الطاف حسین کی اپیل

    انقلاب مارچ کوپرامن رکھاجائے، الطاف حسین کی اپیل

    اسلام آباد : ایم کیوایم کے قائدالطاف حسین کی کاوشیں رنگ لے آئیں اورعلامہ طاہرالقادری کوپرامن انقلاب مارچ کی اجازت مل گئی۔

    ایم کیو ایم کے قائد الطاف حسین نے ملک کو کسی سیاسی عدم استحکام سے بچانے کیلئے گورنر پنجاب چوہدری محمد سرور سے رابطہ کیا اور کردارادا کرنے کی اپیل کی، جس کےبعد الطاف حسین نے بتایاکہ ان کی، گورنر پنجاب اورسندھ ، وفاقی کابینہ کے بعض ارکان کی کاوشوں سے علامہ طاہرالقادری کو پرامن لانگ مارچ کی اجازت دے دی گئی ہے۔

    الطاف حسین ہی کی ہدایت پر گورنر سندھ ڈاکٹر عشرت العباد وفاقی اور پنجاب حکومت کے ساتھ صورتحال کو معمول پر لانے کیلئے مصروف رہے،گورنر ڈاکٹر عشرت العباد الطاف حسین نے ڈاکٹر طاہر القادری سے اپیل کی ہے کہ وہ اسلام آباد کے ریڈ زون میں داخل نہ ہوں اور احتجاج پر امن رکھیں۔

  • ڈاکٹرطاہرالقادری کا انقلاب مارچ روانہ ، 10نکاتی ایجنڈا پیش

    ڈاکٹرطاہرالقادری کا انقلاب مارچ روانہ ، 10نکاتی ایجنڈا پیش

    لاہور: ڈاکٹرطاہرالقادری کی زیر قیادت انقلاب مارچ ماڈل ٹاؤن سے اسلام آباد روانہ ہوگیا۔ روانگی سے قبل پاکستان عوامی تحریک کے سربراہ طاہر القادری نے انقلاب مارچ کا دس نکاتی ایجنڈا پیش  کردیا، انکا کہنا تھا کہ مارچ کے ذریعے سے ملک کو آئینی، قانونی اور جمہوری حق دلائیں گے۔

       ڈاکٹر طاہرالقادری نے انقلاب مارچ کے لئے دس نکاتی ایجنڈا پیش کرتے ہوئے کہا کہ میں انقلاب مارچ کا مقصد بیان کرنا چاہتا ہوں، طاہر القادری نے جشن آزادی کی مبارک باد دیتے ہوئے کہا کہ ہمارے ایجنڈا کا پہلا نکات یہ ہے کہ انقلاب مکمل طور پر پر امن اور جمہوری ہو گا، یہ وقت ملک میں حقیقی جمہوریت کی بحالی کا ہے۔

    ایجنڈے کے نکات بتاتے ہوئے انھوں نے کہا  کہ غربت کا خاتمہ کریں گے، لوگوں کو بنیادی سہولتیں گھرکی دہلیز پر فراہم کی جائیں گی، عوام کو کھانے پینے کی اشیاء آدھی قیمت پر فراہم کی جائیں گی، ہر فرد کو روز گار فراہم کیا جائے گا، بچوں کے لئے فری تعلیم ضروری ہوگی۔

    ڈاکٹرطاہرالقادری نے کہا کہ انتخابی اصلاحات بھی انقلاب مارچ کا حصہ ہے، کسانوں کو ان کے حقوق دیئے جائیں گے، امیر اور غریب میں فرق ختم کرکے تمام افراد کو  برابری کی سطح پر حقوق فراہم کئے جائیں گے۔

    ،  ڈاکٹرطاہرالقادری نے کہا کہ مارشل لاء کی اجازت نہیں دی جائے گی، ملک سے دہشت گردی کا خاتمہ کیا جائے گا، نئے صوبے بنائے جائیں گے،  گلگت بلتستان کو آئینی حیثیت دیکر صوبہ بنایا جائے گا ۔

    طاہرالقادری کا کہنا تھا کہ کسی کوکافرکہنے کی اجازت نہیں دیں گے، آئینی ترامیم کرینگے، اقتدار کونچلی سطح تک منتقل کریں گے، ہرشہری کو گھر کے دروازے پرانصاف فراہم کریں گے۔

    طاہرالقادری نے کہا کہ پاکستان میں اقلیتوں کے حقوق کا تحفظ کریں گے، جبکہ خواتین کے حقوق کو ہر سطح پرتحفظ ۔فراہم کیا جائے گا، ڈاکٹرطاہرالقادری نے انقلاب مارچ سے پہلے خصوصی دعا بھی کرائی۔

  • سابق صدر آصف علی زرداری کا ڈاکٹر طاہرالقادری سے ٹیلی فونک رابطہ

    سابق صدر آصف علی زرداری کا ڈاکٹر طاہرالقادری سے ٹیلی فونک رابطہ

    اسلام آباد : سابق صدر آصف علی زرداری نے ڈاکٹر طاہرالقادری کو ٹیلی فون کیا ہے، انقلاب مارچ پر دونوں رہنماوں نے تبادلہ خیال کیا اور جمہوریت کے استحکام پر زوردیا ہے۔

    پیپلزپارٹی کے شریک چیرمین اور سابق صدر آصف علی زرداری نے دو مرتبہ طاہرالقادری سے فون پر بات کی، مجوزہ انقلاب پر تبادلہ خیال کیا،انہوں نے سانحہ ماڈل ٹاون میں پاکستان عوامی تحریک کے جاں بحق ہونے والے کارکنوں کی تعزیت کی، اور دعائے مغفرت بھی کی،سابق صدر نے ڈاکٹر طاہرالقادری کو معاملات مفاہمت اور مذاکرات سے حل کرنے پر زوردیتے ہوئے کہا کہ ایسے اقدام سے گریز کریں جس سے جمہوریت کا نقصان ہو۔

    انہوں نے کہا کہ ملک میں جمہوری استحکام کارکنوں کی محنتوں اور قائدین کے خون سے پیدا ہوا ہے، اسے عدم استحکام سے دوچار نہ کیا جائے،تاہم ڈاکٹر طاہرالقادری نے سابق صدر پر واضح کیا کہ ان کی جدوجہد جدوجہد آئین اور جمہوریت کے لیے ہے،لیکن موجودہ نظام کو جمہوری نہیں کہا جاسکتا، ان کا کہنا تھاکہ یہ دھاندلی کی پیداوار حکومت ہے، اور وہ چاہتے ہیں کہ عوام کو شریک اقتدار کرنے کے لئے ضروری ہے کہ انقلاب لایا جائے۔