Tag: ڈاکٹرطاہرالقادری

لاہور میں پاکستا ن عوامی تحریک کی مہنگائی اورکرپشن کیخلاف احتجاجی ریلی، کارکنوں میں جوش وخروش،خواتین اور بچے بھی شریک،ڈاکٹر علامہ طاہر القادری ویڈیو لنک سےخطاب کرینگے،تفصیلات کے مطابق پاکستان عوامی تحریک کے کارکن مہنگائی کے خلاف لاہور مال روڈ کی سڑکوں پر جمع ہوناشروع ہوگئے۔پارٹی جھنڈے ہاتھوں میں اٹھائے مردوں سمیت خواتین اور بچوں کی بھی بڑی تعداد مظاہرے میں شریک ہورہی ہے۔

سردیوں کی ٹھنڈی صبح۔یخ بستہ ہوائیں۔ہر سو سردی کا کا راج۔ لیکن عوامی تحریک کے کارکنان نے اپنے قائدڈاکٹرطاہرالقادری کی آوازپر لبیک کہہ کرسرد موسم کو بھی گرما دیا۔پاکستان عوامی تحریک کے سربراہ ڈاکٹرطاہرالقادری نے ہوشربا مہنگائی کے خلاف لاہور مال روڈ پر احتجاجی مظاہرہ کرنے کا اعلان کیاتھا۔

عوامی تحریک کےکارکنوں کی بڑی تعدادہاتھوں میں قومی پرچم اور پارٹی جھنڈے اٹھائے صبح سے ہی مقررہ مقام پرپہنچنا شروع ہوگئے۔ موسم کو گرماتے پارٹی کارکن پرجوش انداز میں نعرے بازی کرتے نظر آئے۔ شرکا نے فیس پینٹنگ اور ہاتھوں میں پلے کارڈ بھی اٹھا رکھے ہیں۔

بعض منچلے ڈھول کی تھاپ پر رقص کرتے بھی نظر آئے۔ ریلی کے شرکا کا کہناہے کہ بڑھتی ہوئی مہنگائی نے انہیں گھروں سے باہرآنے پر مجبورکردیا ہے۔

ناصر باغ سے پنجاب اسمبلی تک جانےوالی ریلی کے حوالے سے تمام انتظامات مکمل کر لئے گئےہیں۔ریلی سے جماعت کےروح رواں ڈاکٹر طاہرالقادری کینیڈا سے وڈیولنک کے ذریعے خطاب کریں گے۔ مال روڈ ریلی کی قیادت ڈاکٹر طاہر القادری کے صاحبزادے ڈاکٹر حسین محی الدین قادری کررہے ہیں۔