Tag: ڈاکٹرعاصم حسین

کراچی : سابق مشیر پیٹرولیم ڈاکٹرعاصم حسین کا کہنا ہے کہ مسلم لیگ ن کے قائد نواز شریف کو بہادری کے ساتھ مقدمات کا سامنا کرنا چاہیے۔

تفصیلات کے مطابق کراچی میں صحافیوں سے غیررسمی گفتگو کرتے ہوئے پیپلزپارٹی کے رہنما ڈاکٹرعاصم حسین نے کہا کہ نوازشریف کو اپنے کرتوتوں کی سزا مل رہی ہے، عوام کے پیسے لوٹنے کی سزامل رہی ہے۔

صحافی نے سوال کیا کہ نواز شریف کہتے ہیں کہ ان سے بڑا مظلوم کوئی نہیں ہے؟ جس پر ڈاکٹرعاصم حسین نے جواب دیا کہ ہر آدمی کہتا ہے کہ میرے ساتھ ظلم اور زیادتی ہورہی ہے۔

سابق مشیر پیٹرولیم ڈاکٹرعاصم حسین کا کہنا تھا کہ نواز شریف کو بہادری کے ساتھ مقدمات کا سامنا کرنا چاہیے۔

ڈاکٹرعاصم کا کہنا تھا کہ چوہدری نثارکا مستقبل ختم ہوچکا ایسوں کا مستقبل ختم ہی ہونا چاہیے، جو آدمی سسٹم میں فٹ نہیں ہوتا وہ ویسے ہی آؤٹ ہو جاتا ہے۔

پیپلزپارٹی کے رہنما ڈاکٹرعاصم کا کہنا تھا کہ مسلم لیگ ن کے قائد نوازشریف چوہدری نثارکومعاف نہ کریں تو ان کا کوئی مستقبل نہیں ہے۔

صحافی نے سابق مشیر پیٹرولیم ڈاکٹرعاصم حسین سے سوال کیا کہ اگر چوہدری نثار پیپلزپارٹی میں آتے ہیں تو قبول کریں گے؟ جس پر انہوں نے جواب دیا کہ میں اپنی قیادت سے کہوں گا ایسے لوگوں کو لینا ہی نہیں چاہیے۔

ڈاکٹرعاصم حسین کو بیرون ملک جانے کی اجازت مل گئی

خیال رہے کہ 7 اپریل کو پیپلزپارٹی کے رہنما ڈاکٹرعاصم حسین نے علاج کے لیے بیرون ملک جانے کی اجازت کے لیے احتساب عدالت میں درخواست دائر کی تھی جس میں کہا گیا تھا کہ 10 سے 17 اپریل کو بیرون ملک جانا ہے۔

عدالت نے سابق مشیر پیٹرولیم ڈاکٹرعاصم حسین کی درخواست منظور کرتے ہوئے کیس کی سماعت 21 اپریل تک ملتوی کردی تھی۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی: پیپلرپارٹی کے رہنما ڈاکٹر عاصم کا کہنا ہے کہ شریف شریف نہیں رہے، انٹرنیشنل ڈان بن چکے ہیں۔

تفصیلات کے مطابق کراچی میں احتساب عدالت کے باہر میڈیا سے گفتگو کرتے ہوئے کہا کہ لندن سے آنے کے بعد چہرے سے فریش ہوں دل سے نہیں ہوں۔

ڈاکٹرعاصم نے کہا کہ یہاں کے حالات دیکھ کر دل رو رہا ہے، افسوس ہوتا ہے کہ ہماری سیاست، معیشت کہاں جا رہی ہیں۔

پیپلزپارٹی کے رہنما نے کہا کہ شریف شریف نہیں رہے، انٹرنیشنل ڈان بن چکے ہیں، پاکستان کے خلاف سازشیں کی جا رہی ہیں۔

ڈاکٹرعاصم حسین نے کہا کہ ہم نے 5 سال حکومت میں ذاتی دوست کبھی نہیں بنائے۔

پیپلزپارٹی کے رہنما ڈاکٹرعاصم نے کہا کہ شریف برادارن کا بیرون ملک آنا جانا بند کیا جائے، شریف برادران سے پاکستان کو بہت نقصان ہورہا ہے۔

نوازشریف کی سیاست کاسورج ڈوب چکا ہے : شیخ رشید

یاد رہے کہ گزشتہ روزعوامی مسلم لیگ کے سربراہ شیخ رشید کا کہنا تھا کہ نوازشریف کی سیاست کا سورج ڈوب چکا ہے، انہوں نے کہا کہ نوازشریف کو عمران خان کاخوف ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: ڈاکٹر عاصم حسین نے اپنے کینیڈین بیٹے عماد حسین کو پاور آف اٹارنی دیدی جس کے بعد عماد حسین ڈاکٹر عاصم کے اثاثوں کے مالک بن گئے ۔

ڈاکٹر عاصم نے اپنے کینیڈین بیٹے عماد حسین کو پاور آف اٹارنی دیدی جس کے بعد عماد حسین ڈاکٹرعاصم کے بینک اکاؤنٹس، بانڈز، شیئرز، پلاٹس اورکاروبار کےقانونی طور پرمالک ہیں۔

ڈاکٹر عاصم حسین نے متحدہ عرب امارات کے سفارتخانے میں جاکر پاور آف اٹارنی پردستخط کیے اوردستاویزات جمع کرائیں، ڈاکٹر عاصم نے احتساب عدالت سے یو اے ای کے سفارتخانے جانے کی اجازت لی تھی۔

ڈاکٹر عاصم کے خلاف نیب کے دو ریفرنسسز اور دہشت گردی کی دفعات کے تحت ایک مقدمہ قائم ہے۔