Tag: ڈاکٹرعامر لیاقت

کراچی : پولیس نے‌ ڈاکٹر عامر لیاقت کی وجہ موت کی جانچ کیلئے پوسٹ مارٹم کی درخواست دائر کردی ، جس میں کہا کہ ڈاکٹرعامرلیاقت کا قتل ہوا یا طبی موت ہے پتہ کرنا ہے۔

تفصیلات کے مطابق پولیس کی جانب سے رکن قومی اسمبلی ڈاکٹر عامر لیاقت کی وجہ موت کی جانچ کیلئے پوسٹ مارٹم کی درخواست دائر کردی گئی۔

درخواست میں کہا گیا کہ ڈاکٹرعامرلیاقت کا قتل ہوایاطبی موت ہے پتہ کرنا ہے، ہمیں پوسٹ مارٹم کی اجازت دی جائے۔

مزید پڑھیں : ڈاکٹر عامر لیاقت کے ورثا کی لاش حوالگی کیلئے درخواست دائر

دوسری جانب عامر لیاقت کے بیٹے احمد نے پوسٹ مارٹم نہ کرنے اور میت حوالگی کی درخواست دائر کی ، جس میں کہا اہل خانہ پوسٹ مارٹم نہیں کروانا چاہتے، اہل خانہ قانونی ضابطے کےلئےبیان حلفی دینے کو تیار ہیں۔

یاد رہے ڈاکٹر عامر لیاقت حسین کے بیٹے اور بیٹی نے والد کا پوسٹ مارٹم نہ کرانے کا فیصلہ کیا تھا اور اس حوالے سے پولیس کو حلف نامہ بھی لکھا دیا۔

حلف نامہ دینےکےبعدایس ایس پی ایسٹ نے اعلیٰ افسر سے رابطہ کیا ، جس کے بعد اعلیٰ افسرکی جانب سے حلف نامہ لینے سے منع کردیا گیا تھا۔

پولیس آفسروں نے اعلیٰ پولیس حکام سے مشاورت کی اور کہا 174کی کارروائی کےبعدپوسٹ مارٹم ہر صورت لازمی ہے، صرف عدالتی حکم نامہ پوسٹمارٹم رکوا سکتا ہے۔

واضح رہے ڈاکٹر عامر لیاقت حسین اچانک انتقال کرگئے تھے ، ڈاکٹروں نے بتایا تھا کہ پی ٹی آئی ایم این اے کو مردہ حالت میں اسپتال لایا گیا تھا، عامر لیاقت کو ڈرائیور نے ساتھی ملازم کے ساتھ دوپہر ایک بجے اسپتال پہنچایا، جہاں ڈاکٹروں نے موت کی تصدیق کی۔