Tag: ڈاکٹر امیر شیخ

کراچی: ایڈیشنل آئی جی ڈاکٹر امیر احمد شیخ کا کہنا ہے کہ کراچی میں اسٹریٹ کرائم میں پڑھے لکھے نوجوان ملوث ہیں۔

تفصیلات کے مطابق اے آئی جی کراچی امیر شیخ نے کہا ہے کہ بد امنی کا خاتمہ ہوا ہے اب ریکوری کے مرحلے سے گزر رہے ہیں، کراچی میں بد امنی کبھی واپس نہیں آنے دیں گے۔

ڈاکٹر امیر شیخ کا کہنا تھا کہ غربت اور بے روزگاری کے باعث جرائم بڑھ رہے ہیں، پڑھے لکھے نوجوان اسٹریٹ کرائمز میں ملوث ہیں۔

انھوں نے کہا کہ نوکری پیشہ نوجوان موبائل چھینتے ہیں، غربت اور بے روزگاری جرائم بڑھنے کی وجوہات ہیں، نوجوانوں سے جیلیں بھری ہوئی ہیں۔

دریں اثنا، کراچی میں اسٹریٹ کرائم پر قابو پانے کے لیے پولیس نے خصوصی مہم چلانے کا اعلان کر دیا ہے۔

ایک نوٹی فکیشن کے مطابق شہر کے تمام زونز میں ایک ہفتے کی خصوصی اسنیپ چیکنگ مہم چلائی جا رہی ہے، مہم کے دوران ڈبل سواری پر جانے والے افراد، کالے شیشے والے ہیلمٹ اور ماسک لگانے والے افراد کو چیک کیا جائے گا۔

آئی جی سندھ نے ہدایت کی ہے کہ رش والے علاقوں، رات کے اوقات اور اندھیری جگہوں پر اسنیپ چیکنگ کو یقینی بنایا جائے۔

دوسری طرف کراچی میں اسٹریٹ کرائمز کی وارداتوں میں اضافہ ہو گیا ہے، آج کورنگی میں بینک سے رقم نکلوانے والے شہری کو گھر کے باہر لوٹ لیا گیا۔

کراچی: شہر قائد میں موٹر سائیکل چوری کی بڑھتی وارداتوں سے نمٹنے کے لیے کراچی پولیس نے حکمتِ عملی تیار کر لی۔

تفصیلات کے مطابق کراچی میں موٹر سائیکل چوری کی وارداتوں میں اضافہ ہو گیا ہے، کراچی پولیس چیف ڈاکٹر امیر شیخ کا کہنا ہے کہ پولیس نے ان وارداتوں کی روک تھام کے لیے حکمت عملی تیار کر لی۔

کراچی پولیس چیف ڈاکٹر امیر شیخ نے کہا ہے کہ چوری کی گئیں موٹر سائیکلیں کھول کر ان کے اسپیئر پارٹس فروخت کر دیے جاتے ہیں، چوری کے اسپیئر پارٹس خریدنے والوں کے خلاف بھی کریک ڈاؤن کا فیصلہ کر لیا ہے۔

اے آئی جی امیر شیخ کا کہنا ہے کہ بیش تر موٹرسائیکلیں شہر کے اندر ہی فروخت کر دی جاتی ہیں، تاہم چوری اور چھینی گئیں موٹر سائیکلیں دوسرے شہر بھی بھیجی جاتی ہیں۔

خیال ہے کہ دو دن قبل سی پی ایل سی کی جاری کردہ ماہانہ کرائم رپورٹ میں کہا گیا تھا کہ اپریل کے مہینے میں کراچی کے مختلف علاقوں سے 2446 موٹر سائکلیں چوری اور چھینی گئی ہیں۔

یہ بھی پڑھیں:  اپریل کا مہینا شہر قائد کے باسیوں پر بھاری گزر گیا، 40 افراد قتل، ہزاروں موٹر سائیکلیں چوری

دریں اثنا، ملیر سکھن سے کراچی کے مختلف علاقوں میں منشیات کی سپلائی کرنے والے خاتون منشیات فروش سمیت 2 ملزمان کو قاسمانی محلے سے پولیس نے گرفتار کر لیا ہے۔

کراچی پولیس کا کہنا ہے کہ ملزمان پر چھاپا خفیہ اطلاع پر مارا گیا، ملزمان میں زرغونہ اور دولت شاہ شامل ہیں، ملزمان سے آدھا کلو اعلیٰ کوالٹی ہیروئن اور چرس برآمد کیا گیا۔

ایس ایس پی عرفان بہادر نے میڈیا کو بتایا کہ ملزم سکھن سے رکشے کے ذریعے منشیات اسمگل کرتے تھے، منشیات شاہ فیصل، محمود آباد سمیت کئی علاقوں میں سپلائی ہوتی تھی، سپلائی میں استعمال ہونے والا رکشا بھی تحویل میں لے لیا گیا ہے۔

کراچی: ایڈیشنل آئی جی کراچی ڈاکٹر امیر شیخ نے کہا ہے کہ پولیس جب کسی منشیات فروش کو پکڑتی ہے تو تفتیش میں معلوم ہوتا ہے کہ 80 فی صد خریدار طالب علم ہیں۔

تفصیلات کے مطابق جامعہ کراچی کے سِوک اینڈ سوشل ریسپانسیبلیٹی سوسائٹی کے زیرِ اہتمام منعقدہ سیمینار میں اے آئی جی نے طلبہ میں منشیات کے استعمال کے بڑھتے رجحان پر تشویش کا اظہار کیا۔

[bs-quote quote=”لیٹ نائٹ پارٹیز کا ٹرینڈ بڑھ گیا ہے، جن میں تعلیمی اداروں کے نوجوان اور ہاسٹل کی لڑکیاں شریک ہوتی ہیں۔” style=”style-8″ align=”left” author_name=”ڈاکٹر امیر شیخ”][/bs-quote]

ڈاکٹر امیر شیخ نے اپنے خطاب میں افسوس کا اظہار کرتے ہوئے کہا کہ منشیات فروش پکڑا جائے تو پتا چلتا ہے کہ منشیات کے 80 فی صد خریدار طالب علم ہیں۔

ایڈیشنل آئی جی کراچی کا کہنا تھا کہ کراچی میں نوجوان طلبہ بھی ڈرگ سپلائی کرتے ہوئے پکڑے جا رہے ہیں، جس پر جتنی زیادہ تشویش کی جائے کم ہے۔

کراچی پولیس چیف نے بتایا کہ آج کل لیٹ نائٹ پارٹیز کا ٹرینڈ بڑھ گیا ہے، رات گئے تک جاری رہنے والی ان پارٹیوں میں تعلیمی اداروں کے نوجوان اور ہاسٹل کی لڑکیاں شریک ہوتی ہیں۔

ایڈیشنل آئی جی نے مزید بتایا کہ بچے گھر سے نکلتے ہوئے یہ بتا کر جاتے ہیں کہ ہوٹل جا رہے ہیں، لیکن وہ لیٹ نائٹ پارٹیوں میں جا کر منشیات کے عادی ہو چکے ہیں۔

یہ بھی پڑھیں:  آئی جی سندھ کا وومن پولیس فورس کےمسائل ترجیحی بنیادوں پرحل کرنے کا حکم

ڈاکٹر امیر شیخ نے طلبہ کی گم راہی کی ذمہ داری والدین پر بھی ڈالتے ہوئے کہا کہ گھر والوں کو بھی دیکھنا چاہیے کہ ان کے بچے کہاں جا رہے ہیں۔

آج آئی جی سندھ ڈاکٹر سید کلیم امام نے خواتین پولیس افسران و اہل کاروں پر مشتمل دربار سے خطاب میں کہا ہے کہ ماں کی گود سے بچے کی تعلیم و تربیت کے عمل کا آغاز ہوتا ہے۔عزت، وقار، رتبے اور تعظیم کی لڑیوں سے پروئی گئی عورت کا ہر روپ معاشرے میں قابل احترام اور لائق ستائش ہے۔

کراچی: ایڈیشنل آئی جی کراچی پولیس ڈاکٹر امیر شیخ نے کہا ہے کہ سیلف ڈیفنس کی آڑ میں کسی کو ظلم کرنے کا حق حاصل نہیں ہے۔

تفصیلات کے مطابق ارشاد رانجھانی قتل کیس کے تناظر میں اے آئی جی کراچی ڈاکٹر امیر شیخ نے کہا ہے کہ سیلف ڈیفنس کے حق کی بھی حدود ہیں، کسی کو بھی اس کی آڑ میں ظلم کرنے کا حق حاصل نہیں۔

[bs-quote quote=”تماشا دیکھنے والے دیگر افراد کے خلاف بھی کارروائی پر غور کر رہے ہیں۔” style=”style-7″ align=”left” color=”#dd3333″ author_name=”اے آئی جی کراچی”][/bs-quote]

اے آئی جی کا کہنا تھا کہ جب ارشاد زخمی ہو گیا تو اسے فوراً اسپتال منتقل کرنا ضروری تھا۔

ڈاکٹر امیر شیخ نے کہا کہ اگر ارشاد رانجھانی کسی جرم میں ملوث بھی تھا تو اسے زخمی کرنے کے بعد اسپتال منتقل کرنا لازم تھا۔

کراچی پولیس چیف نے بتایا کہ موقع پر کھڑے تماشا دیکھنے والے دیگر افراد کے خلاف بھی کارروائی پر غور کر رہے ہیں۔

کراچی: جب ارشاد زخمی ہو گیا تو اسے فورن اسپتال منتقل کرنا ضروری تھا ۔ ڈاکٹر امیر شیخ

موقعہ پر کھڑے تماشا دیکھنے والے دیگر افراد کیخلاف بھی کارروائی پر غور کر رہے ہیں ۔ ڈاکٹر امیر شیخ

3/3#sindhpolicedmc #ArshadRanjhani #RahimShah

— Sindh Police (@sindhpolicedmc) February 11, 2019

ان کا کہنا تھا کہ ارشاد رانجھانی پر فائرنگ میں ملوث رحیم شاہ کو پولیس نے حراست میں لے لیا ہے، رحیم شاہ کی گرفتاری ڈی آئی جی ایسٹ عامر فاروقی کی سربراہی میں قائم انکوائری کمیٹی کی ابتدائی معلومات کے بعد عمل میں آئی۔

یہ بھی پڑھیں:  کراچی: ارشاد رانجھانی قتل کیس، ملزم رحیم شاہ گرفتار

قبل ازیں، ڈی آئی جی ایسٹ عامر فاروقی نے پریس کانفرنس کرتے ہوئے کہا تھا 6 فروری کو یو سی ناظم کے ہاتھوں ایک شخص ارشاد رانجھانی قتل ہوا، یہ واقعہ رقم چھیننے کا تھا، گاڑی کا شیشہ نیچے کر کے رقم لوٹی گئی، واردات کے ردِ عمل میں رحیم شاہ نے فائرنگ کی۔

عامر فاروقی کا کہنا تھا کہ زخمی کو اسپتال پہنچانے میں تاخیر کی گئی، قانون کسی زخمی کو جائے وقوع پر چھوڑنے کی اجازت نہیں دیتا۔

کراچی: شہرِ قائد کے علاقے ایمپریس مارکیٹ میں تجاوزات کے خلاف بڑا آپریشن مکمل ہو گیا، جس کے دوران 1400 سے زائد غیر قانونی دکانوں اور پتھاروں پر بلڈوزر چلا دیا گیا۔

تفصیلات کے مطابق ایمپریس مارکیٹ میں تجاوزات کے خلاف آپریشن مکمل ہو گیا ہے، پرندہ مارکیٹ، چائے کی پتی اور خشک میوہ جات کی غیر قانونی مارکیٹیں مسمار کر دی گئیں۔

[bs-quote quote=”روزگار چھنتا دیکھ کر کچھ دکان دار دل برداشتہ ہو گئے اور خود ہی دکانوں کو آگ لگا دی۔” style=”style-7″ align=”left” color=”#dd3333″][/bs-quote]

مئیر کراچی وسیم اختر نے کے ایم سی کی غلطی مان لی، کہتے ہیں سابقہ افسران نے لیز غلط دی، تاریخی مارکیٹ کو اصل حالت میں بحال کریں گے، پورے شہر میں قبضہ مافیا کے خلاف ایکشن لیں گے۔

کام یاب آپریشن کے اختتام پر ایڈیشنل آئی جی امیر شیخ نے ایمپریس مارکیٹ کا دورہ کیا، پولیس چیف نے تجاوزات آپریشن کے بعد کی صورتِ حال کا جائزہ لیا، کہا تجاوزات کے خلاف آپریشن سے شہر کا حلیہ تبدیل ہو گیا۔

ایڈیشنل آئی جی نے کہا کہ میئر کراچی وسیم اختر، وزیرِ بلدیات سعید غنی اور کے ایم سی کا شکر گزار ہوں، تجاوزات ہٹانے میں مدد کرنے پر دکان داروں کا بھی شکر گزار ہوں۔

یہ بھی پڑھیں:  کراچی: ایمپریس مارکیٹ میں تجاوزات کے خلاف گرینڈ آپریشن

ڈاکٹر امیر شیخ نے کہا کہ شہر سے تجاوزات کا مکمل طور پر خاتمہ کرنا ہوگا، شہر کی خوب صورتی بگاڑنے کی بجائے سنوارنا ہے، جو دکانیں قانونی ہیں انھیں متبادل جگہ ملنی چاہیے۔

دریں اثنا تجاوزات کے خلاف آپریشن پر تاجروں نے احتجاج کیا، روزگار چھنتا دیکھ کر کچھ دکان دار دل برداشتہ ہو گئے اور خود ہی دکانوں کو آگ لگا دی۔

آپریشن کے دوران ٹن کی چادروں پر  بھی جھگڑا ہوا، مشتعل شخص نے پتھراؤ شروع کر دیا، تاہم عوام نے اسے پکڑ کر مارا پیٹا۔ لوہا چننے والے بھی متحرک نظر آئے، تاہم پولیس نے مستعدی کا مظاہرہ کرتے ہوئے ملبے سے لوہا نکالنے والوں کو موقع پر گرفتار کر لیا۔