موسم سرما میں خواتین اپنی جلد کی حفاظت کے حوالے سے بہت حساس ہوتی ہیں جس کیلئے وہ بازار میں دستیاب ہزاروں روپے مالیت کے سیرمز استعمال کرتی ہیں۔،
آج کل خواتین میں دو قسم کے سیرمز کے کافی چرچے ہیں بس مسئلہ یہ ہے کہ یہ سیرمز بہت مہنگے اور ہزاروں روپے مالیت کے ہیں لیکن ڈاکٹر ام راحیل نے ان کا یہ مسئلہ بہت آسان اور کم قیمت میں بنا کر حل کردیا ہے۔
اے آر وائی ڈیجٹل کے پروگرام گڈ مارننگ پاکستان میں ڈاکٹر ام راحیل نے سیرمز بنانے کا طریقہ بیان کیا، جس میں ایک سیرم کی بازار میں قیمت 12ہزار جبکہ دوسرا 5ہزار میں دستیاب ہے کیونکہ یہ سیرمز جلد کے مسائل کیلئے بہت عمدہ اور مفید ہیں۔
انہوں نے بتایا کہ ہم یہ دونوں سیرمز ملا کر بنا رہے ہیں جو بہت آسان اور سستا نسخہ ہے، اس کو بنانے کی ترکیب بتاتے ہوئے کہا کہ اس اجزاء میں پانی ڈیڑھ گلاس، مکمل گلاب کا پھول ڈنڈی سمیت، گاجر کے بیج، ڈسپرین کی گولی، موسمی، لیموں، مٹر، کشمش اور پپیتا ان اشیاء میں وہ تمام خصوصیات موجود ہیں جو ان دونوں مہنگے سیرمز میں موجود ہیں۔
ترکیب :
ڈیڑھ سے دو گلاس پانی میں گلاب کا پھول توڑ کر ڈال دیں، پھر اس میں ایک چمچ گاجر کے بیج شامل کریں، ساتھ ہی چار سے پانچ کشمش کے دانے اور ایک گولی ڈسپرین بھی ڈال دیں۔
اس کے بعد دو سے تین مٹر کی پھلیاں کھول کر دانے اور چھلکے سمیت شامل کریں اور ساتھ ہی موسمی کی ایک چوتھائی پھانک نچوڑ کر اس کے بیج اور چھلکے سمیٹ دال دیں۔
ڈٓکٹر ام راحیل نے کہا کہ اب ان تمام اشیاء کو اتنا ابالیں کہ پانی صرف آدھا گلاس بچے، اس پانی کو چھان کر ایک بوتل میں ڈال کر فریج میں رکھ لیں اور روزانہ رات کو سونے سے پہلے ہاتھ پیر اور چہرے پر لگائیں۔ اس کے استعمال کے بعد آپ تمام سیرمز بھول جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔