اسلام آباد : پیپلزپارٹی کے سینئر رہنما ڈاکٹر رمیش کمار کا کہنا ہے کہ مجھے یہ سسٹم چلتےنظر نہیں آرہا، کچھ بھی ہوسکتا ہے، 10 پندرہ دن انتظارکریں۔
تفصیلات کے مطابق پیپلزپارٹی کے سینئر رہنما ڈاکٹر رمیش کمار نے اے آر وائی نیوز کو خصوصی انٹرویو میں کہا کہ حکومت جائےیانہیں مجھےیہ سسٹم چلتےنظر نہیں آرہا، بظاہر چیزیں کنٹرول میں نظر آرہی ہیں لیکن وہ ہیں نہیں۔
ڈاکٹر رمیش کا کہنا تھا کہ شہبازشریف متحرک ہیں مگر ملک کی تقدیر ان کے ہاتھوں بدلتے کم دیکھ رہاہوں، کچھ بھی ہوسکتا ہے، 10 پندرہ دن انتظارکریں،چیزیں واضح ہوں گی۔
انھوں نے کہا کہ یہ سال عدلیہ کاہےاس حوالے سے قانون سازی بھی ہورہی ہے، تنازعات کےنتیجےمیں آگےچیزیں کنٹرول ہوتی نظرنہیں آرہیں، اندرونی استحکام نہیں ہوگاتو ملک میں عالمی سرمایہ کاری نہیں ہوگی۔
پی پی رہنما کا کہنا تھا کہ میں آگے 3 سے 4 ماہ بہت خراب اور اہم دیکھ رہا ہوں، موڈیزکی رپورٹ آئے یا نہیں، لون رول اوور ہو یا نہیں، لیکن مشکلات دیکھ رہاہوں ، میرا علم اورذرائع بتاتے ہیں چیزیں ابھی کافی مشکلات میں ہیں۔
