Tag: ڈاکٹر شہباز گل

اسلام آباد : تحریک انصاف کے رہنما ڈاکٹر شہباز گل کا کہنا ہے کہ پچھلے 2ماہ کی ریٹنگ دیکھی 67 فیصد پاکستانی عوام اےآروائی دیکھ رہی تھی ، پاکستان کی عوام جودیکھناچاہتی ہے وہ اے آروائی دکھارہا ہے۔

تفصیلات کے مطابق تحریک انصاف کے رہنما ڈاکٹر شہباز گل نے پریس کانفرنس میں اے آر وائی نیوز کے حوالے سے کہا کہ پچھلے 2ماہ کی ریٹنگ دیکھی 67 فیصد پاکستانی عوام اے آر وائی دیکھ رہی تھی جبکہ باقی تمام عوام جیو اور دیگر چینلز دیکھ رہے ہیں۔

ڈاکٹر شہباز گل کا کہنا تھا کہ اے آر وائی نیوز نے اپنی اسکرین واقعی 67 فیصد عوام کو بیچ دی ہے، پاکستان کی عوام جودیکھنا چاہتی ہے، وہ اے آروائی دکھا رہا ہے۔

مریم اورنگزیب کی پریس کانفرنس کے حوالے سے پی ٹی آئی رہنما نے کہا مجھے تو سمجھ نہیں آرہی ہے، اے آر وائی کی لیگل ٹیم چپ کیوں بیٹھی ہے، مریم اورنگزیب نے توہین عدالت کی۔

ان کا مزید کہنا تھا کہ اےآروائی نیوز نے کیا بیچا ہے اس کا حساب آپ جیو ٹی وی سے پوچھ لیں، مریم اورنگزیب جیو ٹی وی کا مقدمہ لڑ رہی ہیں اس لئے ان کے حق میں پریس کانفرنس کی۔

سوات الیکشن میں پی ٹی آئی کی کامیابی پر ان کا کہنا تھا کہ سوات الیکشن میں کامیابی پر مراد سعید اور وزیراعلیٰ کےپی کومبارکباد دیتا ہوں ،سوات ضمنی الیکشن میں13 جماعتیں ایک طرف اور پی ٹی آئی ایک طرف تھی ، اےاین پی نے پہلے سیٹ جیتی تھی آج پی ٹی آئی واضح مینڈیٹ سے جیتی۔

شہباز گل نے کہا کہ کل سندھ اور کے پی میں الیکشنزہوئے،کے پی میں کسی کو ایک کانٹا بھی نہیں چبا جبکہ سندھ میں کل بلدیاتی الیکشن میں اندھیرنگری تھی۔

رہنما تحریک انصاف کا کہنا تھا کہ اسلام آباد کے پریڈ گراؤنڈ میں بہت ساری جماعتیں جلسہ کرچکی ہیں، پریڈ گراؤنڈ میں جلسے سے کوئی روک سکے گا نہ کوئی روک سکتا ہے، پرامن احتجاج اور جلسہ کرنے کا حق سب کو ہے۔

لاہور : ڈاکٹر شہباز گل کے بعد پاکستان تحریک انصاف کے ایک اور رہنما ملک کرامت علی کھوکھر کی گاڑی حادثے کا شکار ہوگئی، گاڑی کو بغیر نمبر پلیٹ سفید کلر کی گاڑی نے ٹکر ماری۔

تفصیلات کے مطابق پنجاب کے دارلحکومت لاہور میں این اے135 کے پی ٹی آئی ایم این اے ملک کرامت علی کھوکھر کی گاڑی حادثے کا شکار ہوگئی، حادثہ کنال روڈ نیوکیمپس کے قریب پیش آیا۔

ڈرائیور نے بتایا کہ گاڑی کو بغیر نمبر پلیٹ سفید کلر کی گاڑی نےٹکر ماری تاہم 15 پر کال کے باوجود پولیس موقع پر نہ پہنچی۔

ذرائع کا کہنا ہے کہ حادثے کے باعث گاڑی کو شدید نقصان پہنچا تاہم ڈرائیوراور سوار افراد محفوظ رہے۔

یاد رہے چند روز قبل پی ٹی آئی رہنما شہباز گل کےساتھ ایساہی حادثہ ہوا تھا، حادثے میں وہ زخمی ہوئے تھے ۔ اس حوالے سے ذرائع کا کہنا تھا کہ لاہور سے اسلام آباد جانے کے دوران موٹر وے پر ان کی گاڑی الٹ گئی۔

ذرائع کے مطابق مبینہ طور پر شہباز گل کی گاڑی کو پیچھے آنے والی گاڑی نے ٹکر ماری۔

اسلام آباد: ڈاکٹر شہباز گل کو پی ٹی آئی کی یوتھ ونگ کا فوکل پرسن مقرر کردیا گیا ، شہبازگل بطور یوتھ ونگ فوکل پرسن نوجوانوں سے متعلق امور دیکھیں گے۔

تفصیلات کے مطابق معاون خصوصی ڈاکٹر شہباز گل پی ٹی آئی کی یوتھ ونگ کے فوکل پرسن مقرر کردیئے گئے ، چیئرمین پی ٹی آئی عمران خان کی منظوری کے بعد نوٹیفکیشن بھی جاری کردیا گیا ہے۔

شہبازگل بطور یوتھ ونگ فوکل پرسن نوجوانوں سے متعلق امور دیکھیں گے، ذرائع کا کہنا ہے کہ مستقبل میں پی ٹی آئی کے یوتھ کو پارٹی ٹکٹس، اہم سیاسی ذمہ داریاں دینے پر غور کیا جارہا ہے۔

یاد رہے مئی 2020میں وزیراعظم عمران خان نے ڈاکٹر شہبازگل کو معاون خصوصی برائے سیاسی روابط مقرر کیا تھا جبکہ شہباز گل پنجاب حکومت کے ترجمان کی حیثیت سے بھی فرائض انجام دے چکےہیں۔