Tag: ڈاکٹر طاہرالقادری

اسلام آباد:  ڈاکٹرطاہرالقادری نے کہا ہے کہ قوم جمہوریت کے ثمرات سے محروم ہے ۔

اسلام آباد میں انقلابی دھرنے کے شرکاء سے یوم جمہوریت کے موقع پرخصوصی خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ جمہوریت کا وجود انتخابات سے پہلے کا ہے، جمہوریت صرف انتخابات نہیں اور بہت کچھ ہے، جمہوریت کا مقصد غریب اور امیر میں فرق ختم کرنا ہے، جمہوریت کا نام جعلی ووٹ لے کراسمبلی میں پہنچنا نہیں ہے ۔

ان کا کہنا تھا کہ جمہوریت کی بنیاد عدل وانصاف پر مبنی ہوتی ہے،جمہویت کا نام اقتدار کا نچلی سطح تک پہنچنا ہے،حقیقی جمہوریت کے لئے نظام کو بدلنا ہوگا، ناانصافی کو ختم کرنا ہوگا،معاشرے میں انسانی حقوق کی فراہمی جمہوریت ہے

طاہرالقادری نے کہا کہ انقلاب کے بعد ہر بے گھر کو گھر دیں گے،عوام کو ان کے تمام بنیادی حقوق گھر کی دہلیز پر مہیا کئے جائیں گے، بے روز گاروں کو پیسے دیئے جائیں گے، ضرورت مندوں کو25 سال کی آسان قسط پر قرضے دیں گے ۔

علامہ طاہرالقادری نےکہاہےکہ وہ عوامی مفادکی خاطرکرنسی نوٹوں پرگونوازگولکھنےکی مہم سےدستبراردارہوتےہیں۔

انہوں نے کہا کہ انقلاب کے بعد کرپشن کرنے والوں کے ہاتھ توڑے جائیں گے، میٹرک تک ہر جگہ تعلیم مفت کی جائے گی، معاشرے میں حقوق کی مساوی تقسیم کی جائے گی، تحریک طالبان کا جنگ بندی کا اعلان خوش آئند ہے، انقلابی پالیسی سے دہشتگردی کا خاتمہ کریں گے۔

اسلام آباد:  ڈاکٹرطاہرالقادری نے کہا ہے کہ نواز شریف نے آئی بی کو انقلاب مارچ کو روکنے کے لئے پونے تین ارب روپے دیئے۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ ملک میں اتنی بربرریت ہے کہ غریب زندہ نہیں رہ سکتا ،بد قسمتی کی انتہا ہے کہ ملک میں آئینی تحفظ حاصل نہیں ہے، 11 ستسمبر کو فیصل آباد سے لڑکی کو اغواء کیا گیا، ن لیگ کے ایم این اے بیٹوں نے متاثرہ لڑکی کو فیصل آباد سے اغوا کرکے اجتماعی زیادتی کا نشانہ بنایا،انہوں نے متاثرہ لڑکی کا میڈیکل ٹیسٹ بھی کروانے نہیں دیا، ھمکی دے کر ایف آئی آر واپس لے لی گئی ، لڑکی سے زیادتی کی ایف آئی آر میرے پاس ہے، ن لیگ کے درندوں کے نام کے بجائے ایف آئی آر میں نامعلوم لکھا گیا۔

ان کا کہنا تھا کہ ملک میں رہنے والے غریب غیر محفوظ ہیں ، ملک میں قانون اور جمہوریت کو بھی بھوک ہرتال کرنی چاہیٗے، کیا ملک میں بیٹیوں کی عزت اسی طرح لٹتی رہیں گی، کہاں ہے پارلیمنٹ اور کہاں ہے آئین، ہم ایسا نظام چاہتے ہیں جہاں غریب اور امیر کے لئے یکساں قانون ہو ، یہ دھرنا صرف سانحہ ماڈل ٹاون کے لئے نہیں ہے پورے ملک کے لئے ہے۔

طاہرالقادری نے کہا کہ حکومت اور ظلم وجبر کے خاتمہ تک احتجاج جاری رہنا چاہیئے،آئین کو پامال کیا جارہا ہے،ایک عرصے سے ملک میں باریاں لگی ہوئی ہیں،کرپٹ حکمران کو اسمبلی میں جانے سے روکنے کا نظام چاہتے ہیں ،ہم امانت دیانت اور شفافیت کا نظام چاہتے ہیں۔

انہوں نے کہا کہ حکمران اپنی مل بچانے کے غریبوں کو ڈبو رہے ہیں، شریف فیملی کے شوگر مل بچانے کے لئے بند توڑ کر ہزاروں افراد کو متاثر کیا گیا،سیلاب آنے کے بند کی مرمت ہو رہی ہے، جو کام 4 سال پہلے ہونا تھا وہ اب کیوں ہورہا ہے، نواز فیملی کے دو شوگر مل کے لئے چناب پر بند بنایا گیا

ان کا کہنا تھا کہ پولیس والے ہماری گاڑیوں کے پیڑول اور ڈیزل بھی لے گئی، پولیس والے 20،20 گھنٹے کی ڈیوٹی کرتے ہیں، ان سے ظلم و بر بریت کا کام لیا جارہا ہے ۔

طاہرالقادری کا کہنا تھا کہ نواز شریف نے آئی بی کو انقلاب مارچ سے دو دن قبل مارچ کو روکنے کے لئے پونے تین ارب روپے دیئے، آئی بی کا سالانہ بجٹ 100 کڑور کے اندر اور دھرنوں کے لئے اربوں روپے کیوں دیئے گئے،ایک سال کا بجٹ 42 دن میں ختم کردیاگیا، شریف برادران نہ حکومت نہ اپوزیشن میں بیٹھنے قابل ہیں، افسوس اپوزیشن حکومت بچانے کے لئے ن لیگ کے ساتھ کھڑی ہے ۔

انہوں نے کرنسی نوٹ پر گو نواز گو مہم شروع کرنے کا اعلان کردیا، کارکنوں کو ہدایت کی ہے کہ خریداری کے وقت کرنسی نوٹوں پر گو نواز گو لکھیں

اسلام آباد:  ڈاکٹرطاہرالقادری نے کہا ہے کہ ہم نے حکومتی ٹیم سے مذاکرات معطل کردیئے ہیں، اراکین پارلیمنٹ گونگے بہرے اوراندھے ہیں۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ پنجاب حکومت نے ہمارے خلاف کریک ڈاون شروع کردیا ہے،گھروں میں داخل ہو کر لوگوں کو گرفتار کیا جارہا ہے، لوگوں کے گھروں سے زیورات، سامان اورنقدی لوٹ لی گئی ہے، ہمارے کئی کارکنوں کو گرفتار کیا گیا ہے جبکہ حکومت نے ان کے  سیکورٹی گارڈز سمیت ایک مذاکرات کارکو بھی گرفتارکرلیا ہے۔

ان کا کہنا تھا کہ پاکستان کی بقاء کے خلاف سازش ہورہی ہے، دھرنے میں آنے والے افراد کو گرفتار کیا جارہا ہے،کنٹینر لگا کرلوگوں کو روکا نہ جاتا تو لاکھوں لوگ یہاں موجود ہوتے،ہم نے حکومتی ٹیم سے مذاکرات معظل کردیئے ہیں۔

طاہرالقادری نے کہا کہ ظالموں اس وقت سے بچو! جب خونی انقلاب آئے گا،انقلابی ریلا حکومت کی نسلیں بھی نہیں روک سکتیں، یہ عوام  بپھرےہوئے شیر ہیں اورمیرے کہنے پر خاموش ہیں، ان بپھرے ہوئے شیروں کا ضبط ختم ہوگیا تو وہ تمہاری بوٹیاں کھا جائیں گے۔

انہوں نے کہا کہ سیلاب کے ذمہ دار شریف برادران ہیں،جنہوں نے اس سے نمٹنے کے انتظامات نہیں کئے تھے، اب لوگوں کے گھراجڑ گئے ہیں اوروہاں ڈاکے ڈالے جا رہے ہیں، وزیراعظم جہاں جائیں گو نواز گو کے نعرے لگائیں جائیں،وزیراعظم کے گھر کے لوگ پاکستان کے فیصلے کرتے ہیں، یہ ملک اٹھارہ کروڑ عوام کا ہے شریف خاندان کا نہیں ہے۔

طاہرالقادری کا کہنا تھا کہ تمام جماعتیں کہتی ہیں کہ الیکشن میں دھاندلی ہوئی ہے ،الیکشن کمیشن ٖخود غیر آئینی اورغیر قانونی ہے اوراس کے تحت ہونے والا الیکشن بھی غیر قانونی تھا،اراکین پارلیمنٹ گونگے بہرے اوراندھے ہیں،اگر یہ حکمران رہے تو ریاست اورملک نہیں بچے گا۔

ان کا کہنا تھا کہ میرے جاسوس حکومت کی ہر میٹنگ میں ہوتے ہیں، جو وزراء کہتے ہیں  پیسے دے کریہ لوگ لائے گئے ہیں وہ وزراء میرے پاس آئیں میں ضمانت دیتا ہوں، تم پر حملہ نہیں ہوگا ، ایک نعرہ تمھارے خلاف نہیں لگے گا ، عزت سے تمھارا استقبال کریں گے، یہاں آئیں اور پوچھیں ان لوگوں سے کہ کیا یہ لوگ پیسے لے کر آئیں ہیں؟ وزراء سے شرکاء کی ملاقات کے بعد اگرکارکنان نے کہا تو دھرنا ختم کردوں گا۔

اسلام آباد: علامہ طاہرالقادری نےحکومت کے خاتمے کی ڈیڈ لائن دے دی، انہوں نے کہا کہ رواں ماہ میں ہی حکومت ختم ہوجائےگی۔

اسلام آباد میں اپنے کنٹینرمیں میڈیاسے گفتگو کرتے ہوئے پاکستان عوامی تحریک کے سربراہ علامہ طاہرالقادری نے ایک مرتبہ پھر حکومت کے خاتمے کی ڈیڈ لائن دیتے ہوئے کہا کہ فتح یاب ہوکرجائیں گےاور حکومت ستمبرکے اختتام تک ختم ہوجائےگی۔

ڈاکٹرطاہرالقادری کا کہنا تھا کہ ہم اپنی جدوجہد کوفرانسیسی اورروسی انقلاب کی بنیاد پر آگے بڑھائیں گے، انہوں نے کہا کہ جب نواز شریف وزیرِاعظم بنتے ہیں تو فوج سے کشیدگی شروع ہو جاتی ہے، عوامی تحریک نے انتخابات میں صرف ایک دو بار ہی حصہ لیا، ہم حقیقی جمہوریت اور انتخابی اصلاحات کیلئے جدوجہد کررہے ہیں۔

ڈاکٹر طاہرالقادری نے پارلیمنٹ میں جمہوریت کے چیمپئنز بننے والوں پرحیرت کااظہارکیا،ان کاکہناتھا پہلےفیصلے جی ایچ کیو اور اب این ایچ کیو یعنی نوازشریف ہیڈ کوارٹراورآرایچ کیو یعنی رائے ونڈ ہیڈ کوارٹر میں ہوتے ہیں۔

ایک سوال کے جواب میں ڈاکٹرطاہرالقادری کاکہناتھا کہ انہوں نے زندگی بھر ٹیکس ادا کیا ہے۔

اسلام آباد:  طاہرالقادری نے کہا کہ حکمرانوں کو آرٹیکل 9 یاد کیوں نہیں آتا جو لوگوں کو تحفظ فراہم کرتا ہے۔

اسلام آباد میں جاری انقلا بی دھرنے سے خطاب میں پا کستان عوامی تحریک کے سربراہ ڈاکٹر طاہرالقادری کا کہنا تھا کہ نیا عمرانی معاہدہ چاہتے ہیں،جس میں صوبوں کوبرابری کے اختیارحاصل ہوں،یہ اسمبلیاں جاگیردار اور وڈیروں کی ہیں غریبوں کی نہیں۔

انہوں نے کہا ہے کہ آئین میں 21 ویں آئینی ترمیم کر دو کہ حکمران کاکسی کا قتل کریں تو پرچہ نہ ہو، دھرنا ختم کر کے واپس چلے جائیں گے۔پارلیمینٹ میں بیٹھے اراکین اپنے آپ کو عوام کا نمائندہ کہتے ہیں لیکن کسی نے بھی اسمبلی کے اجلاس میں سانحہ ماڈل ٹاﺅن پر بات نہیں کی۔

انہوں نے کہا کہ قانون صرف امیروں کیلئے ہے غریبوں کیلئے نہیں، اس قوم میں آئین کاشعور پیدا کیا ہے اور اپنا حق لینے کی طاقت دی ہے، پارلیمینٹ کا کام آئین بنانا اور اس کی حفاظت کرنا ہے۔

طاہر القادری نے کہا کہ آئین میں 21 ویں ترمیم کر دو کہ حکمران کسی کا قتل کریں تو پرچہ نہ ہو تو دھرنا ختم کر کے واپس چلے جائیں گے،اکیسویں ترمیم کی جائےکہ حکمراں قتل کریں توپرچہ نہیں کٹےگا، پارلیمنٹ نےچوبیس روزمیں مسئلہ حل نہ کیا۔

اسلام آباد: پاکستان عوامی تحریک کے سربراہ ڈاکٹرطاہرالقادری نے انقلاب مارچ کے شرکاء سے خطاب کرتے ہوئے کہا ہے کہ عوام خواب غفلت سے بیدار ہو گئے، ان کو سمجھ آ گئی کہ انقلاب کیا ہے۔

اسلام آباد میں دھرنے کے شرکاء سے خطاب میں پاکستان عوامی تحریک کے سربراہ علامہ ڈاکٹر طاہرالقادری کا کہنا تھا کہ دھرنے میں شرکت کیلئے بیرون ملک سے لوگ آئے ہیں، جنہیں خوش آمدید کہتے ہیں، بہت سے لوگ عوامی تحریک کے شرکاء کیلئے فنڈز دینا چاہتے ہیں لیکن وہ یہاں آنے سے گھبرا رہے ہیں۔

عوام سے اپیل کرتے ہوئے ان کا کہنا تھا کہ لوگ انقلاب مارچ کے شرکاء اور سیلاب متاثرین کیلئے فنڈز جمع کرائیں۔

ان کا کہنا تھا کہ سینکڑوں کی تعداد میں غیر مسلم مسیحی برادری بھی انقلاب مارچ میں آ گئی ہے،  ہماری جدوجہد جمہوریت کے خلاف سازش نہیں، یہ مذہبی تحریک نہیں، یہ پاکستان کے کروڑوں عوام، ہر مذہب اور مکتبہ فکر کے حقوق کی تحریک ہے۔

ڈاکٹرطاہرالقادری کاکہناہےنظام کی تبدیلی موجودہ پارلیمنٹ سےممکن نہیں، قوم کوپتہ چل گیا حکمران جھوٹ بول رہے ہیں، موجودہ نظام جمہوریت نہیں بدترین آمریت ہے، موجودہ اسمبلیاں لٹیروں اور جاگیرداروں کی اسمبلیاں ہیں، چاہتا ہوں بھوکوں اور پیاسوں کے نمائندے بھی پارلیمینٹ میں بیٹھیں، میں جل کر راکھ بھی ہو جاﺅں تو لاکھوں چراغ جل جائیں گے، موت آ جائے، پروا نہیں، کروڑوں لوگ تو جاگ جائیں گے۔

انہوں نے کہا کہ جمہوریت ایسا نظام ہے، جہاں ہر شخص کو کھانا ملے لیکن یہاں ایک ہی گھر کے چار چار لوگ اقتدار میں ہیں، جب تک قوم کو برابر حقوق نہیں ملتے الیکشن شفاف نہیں ہو سکتے، بھوکے عوام کو تنگ نہ کرو، لاوا پھٹا تو اعلان جنگ ہو جائے گا، بزدل حکمرانوں کی گولی سے بہتر بہاد رجوانوں کی گولی کھانا ہے، اعلان جنگ کیا تو بہادر جوانوں کی گولی کھانے کو ترجیح دیں گے، چاہے جان چلی جائے، میں مردہ قوم کو جگانا چاہتا ہوں، اپنی زندگی عزیز نہیں، قوم کا عزت سے جینا عزیز ہے۔

طاہرالقادری کا کہنا تھا کہ میں نظام کی تبدیلی چاہتا ہوں، پہلے معاشی جمہورت لائی جائے ، پھر سیاسی جمہوریت آئے گی، میں ظلم کے نظام کو ٹکڑے ٹکڑے کرنا چاہتا ہوں، معاشرے میں سب کو برابری کی بنیاد پر حقوق دینا چاہتا ہوں کیونکہ سب کو برابر حقوق ملیں گے تو جمہوریت ہو گی۔