لاہور : پاکستان عوامی تحریک کے سربراہ ڈاکٹر طاہر القادری نے کہا عمران خان کومبارک ہو ،نئے پاکستان میں قانون سب کیلئےبرابرہو گیا، قتل کرنے اور کرانے والے آزاد گھوم رہے ہیں، حکومت بدلی مگر شہدائے ماڈل ٹاؤن کے ورثا و اسیران کیلئے کچھ نہ بدلا۔
تفصیلات کے مطابق پاکستان عوامی تحریک کے سربراہ ڈاکٹر طاہر القادری نے اپنے بیان میں کہا عمران خان کومبارک ہو ،نئےپاکستان میں قانون سب کیلئے برابرہو گیا، سزا یافتہ مجرم بیرون ملک جانے کے لیے آزاد ہیں۔
طاہرالقادری کا کہنا تھا کہ سانحہ ماڈل ٹاؤن کے اسیروں کی آپریشن تھیٹرمیں ہتھکڑیاں نہیں کھلتیں، قتل کرنے اور کرانے والے آزاد گھوم رہے ہیں، قتل عام پرپرامن احتجاج کرنےوالے107 کارکنوں کوسزائیں سنا ئی گئیں۔
پاکستان عوامی تحریک کے سربراہ نے مزید کہا کہ ساڑھے5 سال بعد بھی شہدائے ماڈل ٹاؤن کےورثاکو انصاف نہیں ملا، حکومت بدلی مگر شہدائے ماڈل ٹاؤن کے ورثا و اسیران کیلئے کچھ نہ بدلا۔
ان کا کہنا تھا کہ نیا پاکستان ہے جہاں قانون سب کےلیےبرابر ہے، محمد سلطان کے ساتھ جو ہوا وہ ہر اعتبار سے شرمناک ہے۔
خیال رہے لاہور ہائی کورٹ نے سانحہ ماڈل ٹاون کی نئی جے آئی ٹی کو کام سے روکنے کے حکم امتناعی دے رکھا ہے اور دونوں جے آئی ٹیز کی رپورٹس پیش کرنے کا حکم بھی دیا اور کہاکہ آخری موقع دے رہے ہیں، ریکارڈ پیش نہ کیا تو ذمے دار افسران کو طلب کریں گے۔
واضح رہے کہ جون 2014 میں لاہور کے علاقے ماڈل ٹاؤن میں واقع منہاج القرآن کے مرکزی دفتر اور پاکستان عوامی تحریک کے سربراہ علامہ طاہر القادری کی رہائش گاہ کے باہر بیرئیر ہٹانے کے لیے خونی آپریشن کیا گیا تھا، جس میں خواتین سمیت 14 افراد جاں بحق جب کہ 90 افراد زخمی ہو گئے تھے۔
لاہور: پاکستان عوامی تحریک کے سربراہ ڈاکٹر طاہر القادری سانحہ ماڈل ٹاؤن کیس میں سپریم کورٹ پہنچے تو سانحہ ماڈل ٹاؤن مرکزی ملزم گلو بٹ نے انہیں گلے لگانے کی کوشش کی ، عوامی تحریک کے کارکنان نے گلو بٹ کو پیچھے دھکیل دیا۔اس موقع پر طاہر القادری کا کہنا تھا کہ آج انصاف ملے گا۔
تفصیلات کے مطابق سپریم کورٹ آف پاکستان نے عوامی تحریک کی درخواست پر لارجر بنچ تشکیل دے دیا ہے، چیف جسٹس سپریم کورٹ کی سربراہی میں 5رکنی لارجربنچ آج کیس کی سماعت کرے گا، عدالت نے فریقین کو نوٹسز جاری کردیے ہیں۔ چیف جسٹس سپریم کورٹ کی سربراہی میں 5 رکنی لارجربنچ سانحہ ماڈل ٹاؤن کیس کی سماعت کرے گا۔
چیف جسٹس سپریم کورٹ کی سربراہی میں جسٹس آصف سعید کھوسہ،جسٹس عظمت سعید، جسٹس فیصل عرب اورجسٹس مظہرعالم پرمشتمل پانچ رکنی بنچ تشکیل دیا گیا ہے۔
سپریم کورٹ نے بنچ کی تشکیل کے حوالے سے فریقین کو نوٹسز جاری کردیے ہیں۔ سابق وزیراعظم نوازشریف، شہبازشریف ، حمزہ شہباز، رانا ثناء اللہ ، چوہدری نثار، خواجہ آصف، عابد شیرعلی اور پرویز رشید سمیت اٹارنی جنرل اور ایڈوکیٹ جنرل پنجاب سمیت146 افراد کو نوٹسز جاری کردیے ہیں۔ واضح رہے عوامی تحریک نے سانحہ ماڈل ٹاؤن کی تحقیقات کیلئے نئی جے آئی ٹی تشکیل دینے کیلئے سپریم کورٹ سے رجوع کر رکھا تھا۔
یا درہے کہ بسمہ امجد نے اپنی والدہ کے قتل کے خلاف سپریم کورٹ میں درخواست دائر کی تھی جس پر سپریم کورٹ نے آج لارجر بنچ تشکیل دے دیا ہے۔ دوسری جانب انسداد دہشت گردی کی خصوصی عدالت میں سانحہ ماڈل ٹاؤن استغاثہ کیس کی سماعت پاکستان عوامی تحریک کے وکلاء کے پیش نہ ہونے کی وجہ سے بغیر کسی کارروائی کے 30 نومبر تک ملتوی کر دی گئی تھی۔
لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ مجرموں کو ریلی کی سہولت دینا قانون سے مذاق ہے۔
ان خیالات کا اظہار انھوں نے لاہور میں میڈیا سے بات چیت کرتے ہوئے کیا، ان کا کہنا تھا کہ تکبر نے شریف خاندان کو ذلت کے آخری درجے پر لا کھڑا کیا ہے۔
طاہر القادری نے مزید کہا ہے کہ ملک کو ایشین ٹائیگر بنانے کے دعوے دار وں نے ملک کو ایشیا کا مقروض ملک بنا دیا ہے، اور آج پاکستان بیرون ملک سے آنے والی ترسیلاتِ زر کے رحم و کرم پر ہے۔
سربراہ پی اے ٹی کا کہنا تھا کہ پاکستان کی تاریخ میں دوسرے کئی لیڈر بھی جیل گئے لیکن کسی نے اعلانِ جنگ نہیں کیا، خیال رہے کہ احتساب عدالت کی طرف سے شریف خاندان کو قید اور جرمانے کی سزائیں سنائی گئی ہیں۔
طاہر القادری نے ملک میں تبدیلی کے حوالے سے کہا کہ یہاں ایسا نظام چاہیے جس میں کوئی شخص ریاست کو بلیک میل نہ کرسکے، ان کا اشارہ کیپٹن (ر) صفدر کی طرف تھا جنھوں نے گرفتاری دینے کے معاملے پر ریلی نکال کر ریاست کو بلیک میل کرنے کی کوشش کی۔
تحریک منہاج القرآن کے بانی کا مزید کہنا تھا کہ سیاسی جماعتیں اشرافیہ نے بنائیں تاکہ اپنے غیر قانونی مال اور خود کو بچانے کے لیے ڈھال کے طور پر استعمال کی جاسکیں، اشرافیہ کا جمہوریت و جمہوری اقدار سے کچھ لینا دینا نہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
لاہور : سربراہ پاکستان عوامی تحریک ڈاکٹر طاہر القادری نے کہا ہے کہ ظالم حکمرانوں کو کٹہرے میں لانے کے لیے 17 جنوری کے احتجاج میں ملک کی تمام جماعتیں شرکت کریں گی۔
وہ ماڈل ٹاؤن میں اپنے مرکزی دفتر میں پریس کانفرنس سے خطاب کر رہے تھے، علامہ طاہر القادری کا کہنا تھا کہ یہ ملکی تاریخ کا پہلا احتجاج ہو گا جس میں پاکستان بھر کی سیاسی و مذہبی جماعتیں محض انصاف کے حصول کے لیے شرکت کریں گی۔
انہوں نے کہا کہ 17 جنوری کو پاکستان عوامی تحریک کے احتجاج کا مقصد سانحہ ماڈل ٹاؤن کے شہداء کے لواحقین کو انصاف دلوانا ہے جس کے لیے ہم وزیراعلیٰ پنجاب شہباز شریف اور وزیر قانون رانا ثناء اللہ کے مستعفی ہونے تک چین سے نہیں بیٹھیں گے۔
انہوں نے مزید کہا کہ حکومت زینب کے قاتل کو گرفتار کرنے میں ناکام ہے جب کہ 10 سال میں 11 ہزار ارب روہے کا بجٹ استعمال کرنے کے باوجود شہباز شریف کی حکومت زینب کے قاتل کو گرفتار کرنے میں ناکام رہی ہے۔
طاہر القادری نے بتایا کہ شہباز شریف نے پولیس کو حکومتی خزانے سے 10 سال میں ساڑھے7 سو ارب مزید دیے لیکن ان
خطیر رقوم کو استعمال کرنے والی پولیس انسانوں کا شکارکر رہی ہے اور یا تو مظلوموں کا خون بہارہی ہے یا جاتی امراء اور شاہی خاندان کا تحفظ کرنے میں مشغول ہے۔
تحریک انصاف کا اظہار یکجہتی، احتجاج میں بھرپور شرکت کا اعلان
دوسری جانب تحریک انصاف نے ماڈل ٹاؤن میں قتل عام کرنے والوں کیخلاف17جنوری کو ہونے والے احتجاج کے پیش نظر اسی دن ہونے والے اپنے پارلیمانی بورڈ کا طے شدہ اجلاس منسوخ کردیا ہے جب کہ چیئرمین عمران خان نے تحریک انصاف کے ذمہ داروں اورعلاقائی صدور کو احتجاج میں شرکت کی ہدایت کی ہے۔
خیال رہے پاکستان تحریک انصاف کے پارلیمانی بورڈ کا اجلاس 16 جنوری کو اسلام آباد میں طلب کیا گیا تھا جو اب چیئرمین پی ٹی آئی کی ہدایت پر منسوخ کردیا گیا ہے تاہم ابھی اجلاس کی نئی تاریخ کا تعین کیا گیا ہے جس کے بعد تحریک انصاف کے ذمہ داروں نے احتجاج میں شرکت کے لیے حکمت عملی طے کرنا شروع کردی ہے۔
پیپلز پارٹی نے بھی احتجاج میں شرکت کے لیے کمر کس لی
اسی طرح پاکستان پیپلز پارٹی پنجاب کے صدر قمر زمان کائرہ نے اپنے ایک بیان میں کہا ہے کہ آصف زرداری اورعمران خان ایک ہی کنٹینر پر ہوں گے، 17 جنوری کے احتجاج میں بھرپور شرکت کریں گے اور پنجاب کے حکمرانوں کوعہدہ چھوڑنے پر مجبورکردیں گے کیوں کہ لاتوں کے بھوت باتوں سے نہیں مانتے۔
انہوں نے مزید کہا کہ ایک روزہ احتجاج کا کوئی سیاسی ایجنڈا نہیں ہے بلکہ یہ محض انصاف کے حصول کی ایک کوشش ہے جہاں تمام جماعتیں جسٹس باقر نجفی رپورٹ کی روشنی میں ذمے داروں کو کیفر کردار تک پہنچانے کے اپنے مطالبے کا اعادہ کریں گی اور اگر احتجاج کے روکنے کے لیے طاقت کا استعمال کیا گیا تو پیپلزپارٹی جواب دینا جانتی ہے۔
خیال رہے جون 2014 میں پاکستان عوامی تحریک کے مرکزی دفتر واقع ماڈل ٹاؤن پر پولیس اور شرکاء کے درمیان جھڑپ میں درجن سے زائد افراد جاں بحق ہو گئے تھے جن میں بزرگ، بچے اور خواتین بھی شامل تھے، علا مہ طاہر القادری نے جسٹس باقر نجفی کمیشن رپورٹ کی روشنی میں نے شہباز شریف اور رانا ثنا سے مستعفی ہونے کا مطالبہ کیا تھا۔
تاہم وزیراعلیٰ شہباز شریف اور وزیر قانون پنجاب رانا ثنا اللہ نے مستعفی ہونے سے انکار کرتے ہوئے موقف دہرایا تھا کہ رپورٹ میں ذمہ داروں کا تعین ہے تو اس پر عدالت کے ذریعے عمل درآمد کرایا جائے اور چوں کہ رپورٹ میں ایسی کوئی بات نہیں اس لیے طاہر القادری عدالت جانے کے بجائے احتجاج میں فرار کا راستہ ڈھونڈ رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : سربراہ پاکستان عوامی تحریک ڈاکٹر طاہر القادری نے کہا ہے کہ 28 دسمبر کو کُل جماعتی کانفرنس کا انعقاد کر رہے ہیں جہاں اپنا لائحہ عمل پیش کرکے دیگر سیاسی جماعتوں سے رائے لیں گے.
اس بات کا اعلان انہوں نے سربراہ عوامی مسلم لیگ شیخ رشید کے ہمراہ پریس کانفرنس سے خطاب کرتے ہوئے کہا، طاہر القادری کا کہنا تھا کہ 28 دسمبر کو ہونے والی کل جماعتی کانفرنس میں ملک کی تمام مذہبی اور سیاسی جماعتوں کو مدعو کریں گے اس موقع پر شیخ رشید نے اے پی سی میں شرکت اور مکمل تائید کا اعلان بھی کیا.
طاہر القادری کا کہنا تھا کہ باقرنجفی رپورٹ سے ثابت ہوتا ہے کہ پولیس افسران حقائق بتانے کو تیار نہیں تھے اور میری اطلاعات کے مطابق بھی سانحہ ماڈل ٹاؤن مکمل منصوبہ بندی اور پنجاب حکومت کی آشیرباد سے برپا کیا گیا جس کے لیے 45 تھانوں کی نفری اور نشانہ باز بلوائے گئے تھے.
انہوں نے مزید بتایا کہ خود سرکاری ریکارڈ میں درج ہے کہ پنجاب بھر سے 809 شوٹرز اوراسنائپرز کو ماڈل ٹاون لایا گیا چنانچہ یہ طے ہے کہ اتنا بڑا آپریشن وزیراعلیٰ پنجاب کے احکامات کے بغیرہو ہی نہیں سکتا تھا اس لیے مطالبہ کرتے ہیں کہ 31 دسمبر سے پہلے شہبازشریف اور رانا ثنا مستعفی ہوں.
اس موقع پر عوامی مسلم لیگ کے سربراہ شیخ رشید نے طاہر القادری کی جانب سے بلائی گئی کل جماعتی کانفرنس کی حمایت کرتے ہوئے اپنے تعاون کی مکمل یقین دہانی کرائی اور قصاص کے حصول کے لیے پاکستان عوامی تحریک کے ہمراہ جدوجہد کا اعلان بھی کیا.
شیخ رشید کا کہنا تھا کہ شریف برادران ڈبل گیم کھیل رہے ہیں اور ایسا محسوس ہوتا ہے جیسے ملک میں رام اور شام کی فلم چل رہی ہے،نوازشریف عالمی ایجنڈے پر چل کر تباہی چاہتے ہیں اب بہت ہوگیا ہے یہ روزروز کا مذاق ختم ہوجانا چاہیے.
انہوں نے مزید کہا کہ حکومت نے اپنی حمایت کے لیے 9.3 بلین روپے بانٹے ہیں جو کیپٹن صفدر، شیخ آفتاب اورایک سینیٹر کے ذریعے تقسیم کیے گئے اور وکٹوں کے دونوں جانب کھیلنے والے خاقان عباسی نے جتنا خفیہ فنڈ بانٹا ہے اتنا تو اسحاق ڈارنے بھی تقسیم نہیں کیا تھا.
ایک سوال کے جواب میں شیخ رشید نے کہا کہ عمران خان ڈاکٹر طاہر القادری کے شانہ بشانہ کھڑے ہیں شریف خاندان عدالتوں میں تاخیری حربے استعمال کر رہا ہے اگر کو اسحاق ڈار کرپشن سے پاک ہیں تو انہیں وطن واپس آکر مقدمات کا سامنا کرنا چاہیے.
شہبازشریف کے وزیراعظم بننے سے متعلق پوچھے گئے سوال کے جواب میں طاہر القادری نے کہا کہ شریف برادران ایک ہی جسم کے دو چہرے ہیں اس لیے اگر نوازشریف ہٹے اور شہبازشریف آ جائیں تو ظلم کے راج پر کوئی فرق نہیں پڑے گا.
لاہور : سربراہ پاکستان عوامی تحریک ڈاکٹر طاہر القادری نے کہا ہے کہ اشرافیہ کے دن گنے جا چکے ہیں ظالم حکمراں جلد قانون کے کٹہرے میں ہوں گے.
طاہر القادری لاہور میں واقع اپنے مرکزی دفتر میں جماعت کے اعلیٰ سطح کے رہنماؤں سے گفتگو کررہے تھے انہوں نے کہا کہ حکومت نے اداروں کو تباہ کر دیا ہے.
ڈاکٹر طاہر القادری نے کہا کہ جب ملک میں انصاف دستیاب نہیں ہوگا تو لوگوں کو مجبوراً انصاف کے لیےعوام سڑکوں پر آنے پر مجبور ہیں اور اب وقت آگیا ہے کہ ظالم حکمرانوں کو قانون کٹہرے میں لایا جائے.
انہوں نے مزید کہا کہ منصوبہ بندی کے تحت آئین بے حیثیت اورادارے پامال کیے گئے ہیں جس کے باعث بڑی اور واضح تبدیلی کے بغیر ریاست کو دوباہ آئین کی پٹڑی پر نہیں لایا جاسکتا ہے.
طاہر القادری نے کہا کہ پاک فوج کے افسران اور جوان ملکی بقا کی جنگ لڑ رہے ہیں اور قوم و ملک کے دفاع میں اپنی جانیں قربان کر رہے ہیں جس پر انہیں خراج تحسین پیش کرتے ہیں.
انہوں نے مزید کہا کہ پاک فوج کے افسران اور جوانوں کی قربانیاں رائیگاں نہیں جائیں گی اور اس ملک کی جانب دیکھنے والی ہر تیڑھی نگاہ کو منہ توڑ جواب دیا جائے گا.
لاہور : سربراہ پاکستان عوامی تحریک ڈاکٹر طاہر القادری نے کہا ہے کہ اشرافیہ کے دن گنے جا چکے ہیں ظالم حکمراں جلد قانون کے کٹہرے میں ہوں گے.
طاہر القادری لاہور میں واقع اپنے مرکزی دفتر میں جماعت کے اعلیٰ سطح کے رہنماؤں سے گفتگو کررہے تھے انہوں نے کہا کہ حکومت نے اداروں کو تباہ کر دیا ہے.
ڈاکٹر طاہر القادری نے کہا کہ جب ملک میں انصاف دستیاب نہیں ہوگا تو لوگوں کو مجبوراً انصاف کے لیےعوام سڑکوں پر آنے پر مجبور ہیں اور اب وقت آگیا ہے کہ ظالم حکمرانوں کو قانون کٹہرے میں لایا جائے.
انہوں نے مزید کہا کہ منصوبہ بندی کے تحت آئین بے حیثیت اورادارے پامال کیے گئے ہیں جس کے باعث بڑی اور واضح تبدیلی کے بغیر ریاست کو دوباہ آئین کی پٹڑی پر نہیں لایا جاسکتا ہے.
طاہر القادری نے کہا کہ پاک فوج کے افسران اور جوان ملکی بقا کی جنگ لڑ رہے ہیں اور قوم و ملک کے دفاع میں اپنی جانیں قربان کر رہے ہیں جس پر انہیں خراج تحسین پیش کرتے ہیں.
انہوں نے مزید کہا کہ پاک فوج کے افسران اور جوانوں کی قربانیاں رائیگاں نہیں جائیں گی اور اس ملک کی جانب دیکھنے والی ہر تیڑھی نگاہ کو منہ توڑ جواب دیا جائے گا.
لاہور : سابق صدر آصف علی زرداری آج ڈاکٹر طاہر القادری سے لاہور میں ملاقات کریں گے جبکہ سابق صدر نے طاہر القادری کو سانحہ ماڈل ٹاؤن کے متاثرین کیساتھ کھڑے ہونے کا یقین دلا دیا۔
تفصیلات کے مطابق سانحہ ماڈل ٹاؤن پر پیلزپارٹی بھی میدان میں آگئی،عمران خان کےبعدسابق صدرآصف زرداری نےبھی ڈاکٹرطاہرالقادی کی حمایت کااعلان کردیا۔
آصف علی زرداری نے رات گئے طاہر القادر ی سے ٹیلیفونک رابطہ کیا اور سانحہ ماڈل ٹاؤن اور باقر نجفی رپورٹ پر تبادلہ خیال کیا گیا جبکہ ملک کی سیاسی صورتحال پر بھی بات چیت ہوئی۔
پیپلز پارٹی کے شریک چئیرمین نے طاہرالقادری کو سانحہ ماڈل ٹاؤن کے متاثرین کیساتھ کھڑے ہونے کا یقین دلایا اور کہا سانحےکے ذمہ داران کو کیفرکردار تک پہنچناچاہیے ۔
ٹیلیفون پر بات چیت کے بعد آئندہ کا لائحہ عمل طے کرنے کیلئے سابق صدر آصف علی زرداری آج طاہرالقادری سےانکی رہائشگاہ پر ملاقات کریں گے
ذرائع کے مطابق دونوں رہنماؤں کے درمیان ملکی سیاسی صورتحال پر گفتگو ہوگی جبکہ پی پی پی اورپی اےٹی میں انتخابی تعاون پر بھی بات چیت کا امکان ہے۔
یاد رہے کہ گذشتہ روز سربراہ پاکستان عوامی تحریک ڈاکٹر طاہر القادری نے کہا تھا کہ شہباز شریف و رانا ثناء کا جرم ثابت ہوگیا، میرا کنٹینر تیار ہے اور اب کارکنان بھی تیار رہیں انہیں کسی بھی وقت کسی بھی قسم کی کال دی جاسکتی ہے اور جب اصل رپورٹ ملے گی تو کاپی سے اس کا موازنہ کیا جائے گا۔
طاہر القادری نے کہا کہ عمرہ نفلی عمل ہے جب کہ شہیدوں کے خون کا حق فرض ہے اس لیے اس فرض کی ادائیگی کے لیے سب لوگ کمر کس لیں اور شہداء کا قصاص لینے کا وقت آگیا ہے جو وزیر اعلیٰ پنجاب اور وزیر قانون رانا ثنا کے استعفیٰ سے پورے ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہےتو اسے اپنی وال پر شیئر کریں۔
لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ اشرافیہ کی سیاست ختم ہوگئی، ملک بیرون ملک سےچل رہا ہے، لٹیروں نے لندن میں پڑاؤ ڈال لیا۔
ان خیالات کا اظہار انہوں نے اپنے ایک جاری بیان میں کیا، ڈاکٹر طاہرالقادری کا کہنا تھا کہ آئندہ الیکشن اسی نظام کے تحت ہوئے تو مزید نوازشریف جنم لیں گے۔
الیکشن کب اور کس نظام کے تحت ہونگے اس حوالے سے ابھی کچھ نہیں کہہ سکتا، ٹیکنوکریٹ حکومت سے متعلق معلومات میڈیا سےمل رہی ہیں۔
انہوں نے کہا کہ نیب آئینی دستوری ادارہ ہے،اس کے فیصلوں کا گہراتعلق ہے، امید ہے کہ سانحہ ماڈل ٹاﺅن کی تحقیقات پر مبنی جسٹس باقر نجفی کمیشن رپورٹ کا فیصلہ آئندہ ہفتہ تک آجائے گا، ہمارا مطالبہ ہے کہ نجفی کمیشن رپورٹ کو پبلک کیا جائے۔
لاہور: پاکستان عوامی تحریک کے سربراہ ڈاکٹر طاہر القادری نے کہا ہے کہ سانحہ ماڈل ٹاؤن پر بنے کمیشن کی رپورٹ پبلک کی جائے کیوں کہ اس میں شہباز شریف کو ذمہ دار قرار دیا گیا ہے، نواز شریف کے پیچھے اصل طاقت شہباز شریف کی ہے، شہباز شریف اپنی پھانسی کا انتظار کریں۔
یہ بات انہوں نے لاہور میں استنبول چوک پر سانحہ ماڈل ٹاؤن کے قاتلوں کی گرفتاری کے لیے دیے گئے خواتین کے دھرنے سے خطاب کرتے ہوئے کہی۔
دھرنے میں پاکستان عوامی تحریک کے وفد نے بھی شرکت کی جس میں فردوس عاشق اعوان، یاسمین راشد اور دیگر شریک تھے، جلسے سے یاسمین راشد اور فردوس عاشق اعوان نے بھی خطاب کیا۔
اپنے خطاب کے آغاز میں ڈاکٹر طاہر القادری نے سانحہ ماڈل ٹاؤن کے شہداء کے اہل خانہ اور دھرنے میں شریک خواتین کو زبردست الفاظ میں خراج تحسین پیش کرتے ہوئے کہا کہ ’’آپ نے آج اپنا دینی، قومی، ملی فریضہ ادا کیا اور ثابت کیا کہ 17 جون کے شہداء کا لہو رائیگاں نہیں گیا۔
خطاب کی مکمل ویڈیو
ڈاکٹر طاہر القادری نے تحریک انصاف کے وفد سمیت دیگر سیاسی جماعتوں کے رہنماؤں اور انسانی حقوق کے نمائندوں کو خوش آمدید کرتے ہوئے کہا کہ آج لوگوں کی بڑی تعداد کی موجودگی اس بات کی غمازی ہے کہ سانحہ ماڈل ٹاؤن کے متاثرین کو جلد انصاف ملے گا۔
انہوں نے کہا کہ پاناما کیس میں چور پکڑا گیا ہے ابھی قاتل کا پکڑا جانا باقی ہے، نواز شریف کے پیچھے اصل طاقت شہباز شریف کی ہے اس لیے آج پاناما کے چور آئین میں ترمیم کرنا چاہتے ہیں تاکہ ملک سے صادق اور امین کی شق ختم کردی جائے۔
پاکستان عوامی تحریک کے سربراہ نے کہا کہ آپ تنہاء نہیں جب تک آپ لوگ یہاں بیٹھے ہیں میں بھی بیٹھا رہوں گا اور رات کو 9 بجے آپ سے دوبارہ خطاب کروں گا، جب تک جسٹس باقر نجفی کی رپورٹ منظر عام پر نہیں لائے گی ہم اس احتجاجی تحریک کو جاری رکھیں گے، مظاہرین کے پرامن ہونے کا یہ مقصد نہیں کہ کوئی انہیں انصاف نہیں دے گا، ان کے صبر کا پیمانہ لبریز ہوا تو شریف برادران کا گریباں چاک بھی ہوسکتا ہے۔
طاہر القادری نے کہا کہ پاناما کیس میں ابھی چور پکڑا گیا ہے اور قاتل کا پکڑے جانا باقی ہے، نوازشریف کے پیچھے اصل ہاتھ شہباز شریف کا ہی ہے جب تک یہ دونوں بھائی نہیں پکڑے جاتے ہم خاموش نہیں بیٹھیں گے، پاناما لیکس کے چور آئین میں ترمیم کر کے صادق اور امین کی شق ختم کروانا چاہتے ہیں تاکہ آئندہ ملک میں احتساب نہ ہوسکے۔
انہوں نے الزام عائد کیا کہ نواز شریف نے پانچ پانچ ایم پی ایز لانے کی شرط عائد کی اور کہا کہ جو پانچ ایم پی ایز لائے گا وہ وزارت پائے گا، سال 1998ء میں جب بے نظیر بھٹو وزیر اعظم بنیں تو ڈیڑھ سال بعد ہی وقت کے صدر نے حکومت گرادی، اگر ووٹ کے تقدس کا خیال ہوتا تو آپ باہر نکلتے لیکن اس وقت آپ نے جمہوریت کا ساتھ نہیں دیا اور اگلے الیکشن لڑ کے وزیراعظم بنے۔
طاہر القادری نے کہا کہ نوے کی دہائی میں بے نظیر دوبارہ وزیر اعظم بنیں لیکن نواز شریف نے دوبارہ سازش کی اور بے نظیر کی حکومت گرائی اور خود دوسری بار وزیراعظم بن بیٹھے، ملک میں چھانگا مانگا کی سیاست نواز شریف نے متعارف کرائی، وہ چھانگا مانگا میں بیٹھ لوگوں کی بولیاں لگارہے تھے، ملک کو تبا ہ کرنے والے جمہوریت کی بعد کرتے ہیں۔
سربراہ عوامی تحریک کا کہنا تھا کہ کون 10 سال تک ضیا الحق کی گود میں بیٹھا رہا؟ نواز شریف ضیا الحق کے نامزد کردہ وزیر اعلیٰ اور وزیر خزانہ بنے رہے، یہ تماشا تو آپ نے لگایا، اسے پالا آپ نے اور آج جمہوریت کی بات کرتے ہیں؟
انہوں نے کہا کہ نواز شریف خود وفاق میں چلے گئے پنجاب اپنے بھائی کو دے گئے اور اب وہاں سے لاشیں اٹھی ہیں اور نواز شریف کہتے ہیں کہ انقلاب لاؤں گا؟ نظام کا بدلنا نواز شریف کو سپریم کورٹ کے فیصلے کے بعد یاد آیا؟ کہ جب وہ نااہل ہوگئے۔
انہوں نے کہا کہ اس ملک میں سب سے طویل سول دور حکمرانی نواز شریف کا رہا ہے، اشرافیہ لفظ ہے شریف کی جمع، اشرافیہ ملک لوٹ کر کھا گئے،اشرافیہ یہ دونوں شریف ہیں، نااہلیت کے فیصلے سے ان کے انقلاب نے جنم لیا ہے، یہ انقلاب 35 سال پہلے کیوں نہ آیا؟ ماڈل ٹاؤن میں 14 لاشیں گرانے والے کس منہ سے انقلاب کی باتیں کرتے ہیں؟ اس انقلاب کا مطلب ہے نواز شہباز بچاؤ انقلاب۔
ڈاکٹر طاہر القادری نے ے کہا کہ نااہل ہونے کے بعد انہیں جو درد ہے میں وہ سمجھتا ہوں کیوں کہ اس درد کا نام ہے سانحہ ماڈل ٹاؤن، کیوں کہ اب دونوں بھائی لٹکنے والے ہیں اس کیس میں۔
انہوں نے کہا کہ شریف خاندان نے بیرون ممالک اپنی کمپنیاں رجسٹرد کرائیں اور اپنے فرنٹ مین رکھے ان میں یہودی اور ہندو بھی ہیں، فرنٹ مین کے یہ سارے کام شہباز شریف کرتے ہیں، میں نیب سے زیادہ آپ کے فرنٹ میں جانتا ہوں۔
انہوں نے کہا کہ ماڈل ٹاؤن میں مار ے جانے والے کیا انسان کے بچے نہیں تھے؟ جو انہیں اتنی بے دردی سے مادیا گیا؟ لوگ آج بھی ویڈیو دیکھ سکتے ہیں، بیریئر پر کوئی شہید نہیں ہوا، رکاوٹیں پیچھیں رہ گئی تھیں، پولیس میرے گھر پر گولیاں برسا رہی تھی میرے گیٹ پر دو خواتین شہید ہوئیں وہ کون سے بیرئیر پر ماری گئیں؟ منہاج القرآن کے گیٹ کے سامنے کوئی بیرئیر نہیں تھا؟ وہاں سیکڑوں لوگوں پر گولیاں برسائی گئیں۔
سربراہ عوامی تحریک نے کہا کہ کمیشن کی رپورٹ میں وزیر اعلیٰ پنجاب کو ذمہ دار ٹھہرایا گیا ہے، اگر ذمہ دار نہیں ہیں تو تین سال سے رپورٹ کیوں روکی ہوئی ہے؟ رپورٹ پبلک کیوں نہیں کرتے؟
انہوں نے کہا کہ ہمارا مقدمہ جاری ہے، مقدمہ لڑتے رہے ہیں، اگلی احتجاجی ریلیاں عیدالاضحی کے بعد فیصل آباد، ملتان، راولپنڈی اور دیگر شہروں میں نکالی جائیں گی۔
طاہر القادری نے کہا کہ ابھی مطالبہ صرف یہ ہے کہ رپورٹ پبلک کی جائے، آئین کی رو سے ہم جاننا چاہتے ہیں کہ رپورٹ میں کیا ہے؟ یہ ہمارا حق ہے، بتایا جائے کہ ججز پر کیا دباؤ ہے؟ ہمارا ججز پر اعتماد ہے مگر ایک غیر جانب دار بینچ تشکیل دیا جائے جو دونوں فریقین میں سے کسی کی طرف بھی نہ ہوں نہ کوئی رشتہ داری ہو۔
انہوں نے کہا کہ ایک بھائی آج پوچھتا ہے کہ مجھے کیوں نکالا، دوسرا بھائی کل پوچھے گا کہ مجھے کیوں نکالا؟ شہباز شریف اپنی پھانسی کا انتظار کریں۔
لاجر بینچ بہتر سمجھے گا تو رپورٹ پبلک کردی جائے گی، رانا ثنا اللہ
دوسری جانب مسلم لیگ ن کے رہنما اور وزیر قانون پنجاب رانا ثنا اللہ نے کہا ہے کہ ماڈل ٹاؤن کیس عدالت میں ہے رپورٹ پبلک نہیں کرسکتے، لارجر بینچ بہتر سمجھے گا تو رپورٹ منظر عام پر لائے گا۔
نجی ٹی وی سے بات کرتے ہوئے انہوں نے کہا کہ کمیشن کی رپورٹ لارجر بینچ کے سامنے پیش کردی گئی ہے،اس معاملے میں حکومت عدالتی فیصلے کی پابند ہے، خود اس رپورٹ کو خود عوامی تحریک نے چیلنج کیا ہوا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
