Tag: ڈاکٹر ظفر مرزا

اسلام آباد: کرونا وائرس انفیکشن میں مبتلا تشویش ناک مریضوں کے لیے دواؤں کی دستیابی یقینی بنانے کے لیے ڈریپ نے اہم اقدامات کر لیے۔

اے آر وائی نیوز کے مطابق معاون خصوصی ڈاکٹر ظفر مرزا نے ایک بیان میں کہا ہے کہ کو وِڈ 19 کے تشویش ناک مریضوں کے لیے ریمڈیسیور اینٹی وائرل دوا کی دستیابی کو یقینی بنایا جا رہا ہے۔

ڈاکٹر ظفر مرزا نے بتایا کہ ڈریپ نے ریمڈیسیور کے ایمرجنسی استعمال کے لیے امپورٹ اور رجسٹریشن لیٹرز جاری کر دیے ہیں، ایف ڈی اے نے حال ہی میں ریمڈیسیور کے استعمال کی منظوری دی ہے۔

انھوں نے کہا ریمڈیسیور کی بڑھتی طلب کے پیش نظر 2 امپوٹرز اور 14 لوکل مینوفیکچررز کو اجازت نامہ جاری کیا گیا ہے، ریمیڈیسیور کا استعمال ڈاکٹر کی ہدایت کے مطابق تشویش ناک مریضوں کے لیے کیا جا سکتا ہے۔

ظفر مرزا کا کرونا کے علاج کے لیے ڈیکسا میتھاسون سے متعلق اہم بیان

ادھر ترجمان ڈریپ نے کہا ہے کہ امریکا، جاپان اور برطانیہ کی اجازت کے فوراً بعد ڈریپ نے این او سی کا اجرا شروع کیا، انجکشنز کی دستیابی یقینی بنانے کے لیے ایمرجنسی رجسٹریشن بورڈ کا اجلاس بلایا گیا، کابینہ اجلاس کو دوا کی قیمت تجویز کرنے کے لیے ڈرگ پرائسنگ کمیٹی کا بھی اجلاس بلایا گیا۔

کرونا کا کوئی علاج نہیں، دواؤں پر پیسے خرچ نہ کریں،فواد چوہدری

یاد رہے کہ گزشتہ ماہ معاون خصوصی ڈاکٹر ظفر مرزا نے نیشنل کمانڈ اینڈ آپریشن سینٹر (این سی او سی) میں بریفنگ میں بتایا تھا کہ امریکی کمپنی گِلی یَڈ نے پاکستان کو اینٹی وائرل دوا ریمڈیسیور بنانے کی اجازت دے دی ہے، یہ دوا اب پاکستان میں بی ایف بائیو سائنسز تیار کرے گی۔

اسلام آباد: معاون خصوصی برائے صحت ڈاکٹر ظفر مرزا نے کہا کہ اس عید میں عوام ایک دوسرے سے گلے نہ ملیں۔

تفصیلات کے مطابق وفاقی دارالحکومت اسلام آباد میں میڈیا سے گفتگو کرتے ہوئے معاون خصوصی ظفر مرزا نے کہا کہ پاکستان میں 24 گھنٹے کے دوران 50 اموات سب سے زیادہ ہیں۔

ظفر مرزا کا کہنا تھا کہ وزیراعظم نے صورت حال کو سامنے رکھ کر لاک ڈاؤن میں نرمی کی تھی،لاک ڈاؤن میں نرمی لوگوں کی زندگی کو آسان بنانے کے لیے کی گئی،کیسز،اموات میں اضافہ لاک ڈاؤن میں نرمی کے دوران ہوا۔

انہوں نے کہا کہ رمضان میں مساجد کے لیے ایس او پیز پر کچھ عمل ہوا کچھ نہیں ہوا،جمعتہ الوداع کے موقع پر بھی ایس او پیز پر عملدرآمد کیا جائے،کوشش کریں جمعتہ الوداع سمیت دیگر نماز گھر پر ادا کریں، 50 سال سے زائد عمر کے لوگ مساجد میں نہ جائیں۔

معاون خصوصی برائے صحت کا کہنا تھا کہ عوام، مارکیٹس،شاپس، ٹرانسپورٹ کے لیے ایس اوپیز بھی سامنے رکھے گئے،کرونا کے کیسز میں اضافے کے ذمہ دار بھی ہم خود ہیں،سماجی فاصلہ نہیں رکھیں گے تو آئندہ دنوں میں صورتحال مزید خراب ہوسکتی ہے۔

ظفر مرزا نے کہا کہ نماز عید کے موقع پر ایس او پیر کا خیال رکھیں اور بہتر ہے نماز گھر پر ہی پڑھیں، اس عید پر گلے نہ ملیں اور دور رہ کر ایک دوسرے کو مبارکباد دیں۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ کرونا وبا سے متعلق پاکستان نازک صورتحال سے گزر رہا ہے۔

تفصیلات کے مطابق معاون خصوصی برائے صحت ڈاکٹر ظفر مرزا نے نیوز کانفرنس کرتے ہوئے کہا کہ رمضان کے پہلے دن عوام نے زیادہ ذمہ داری کا مظاہرہ نہیں کیا، رمضان میں خصوصی احتیاط کی ضرورت ہے، عوام رش والی جگہ پر جانے سے گریز کریں۔

انہوں نے کہا کہ یاران وطن ویب سائٹ کا مقصد طبی ماہرین کی رضاکارانہ خدمات لینا تھا، ویب سائٹ پر دنیا بھر میں پاکستانی ماہرین رجسٹرڈ ہوسکتے ہیں، این سی او سی میں تمام وزرائے صحت کی مشاورت ہوئی ہے۔

ظفر مرزا نے کہا کہ پاکستان میں کرونا ویکسین بننے سے متعلق اقدام نہیں ہے، کرونا ویکسین سے متعلق چین کی کمپنی نے رابطہ کیا ہے، چینی کمپنی کے مطابق کرونا ویکسین کافی حد تک بن چکی ہے، چینی کمپنی نے ویکسین کے ٹرائل کے لیے رابطہ کیا ہے۔

انہوں نے کہا کہ کرونا ویکسین کے لیے جاپان میں بھی تحقیق جاری ہے، جاپانی سفارتخانہ نے ٹرائل کے لیے پاکستان سے رابطہ کیا ہے، ہم نے مزید معلومات اور دستاویزات جاپان سے مانگی ہیں۔

واضح رہے کہ ملک میں کرونا وائرس سے اموات کی تعداد 256 ہوگئی ہے، کرونا وائرس کے تصدیق شدہ کیسز کی تعداد بڑھ کر 12227 ہوگئی۔

خیال رہے کہ وفاقی حکومت نے ملک گیر لاک ڈاؤن میں 2 ہفتے کی توسیع کر دی ہے، 9 مئی تک موجودہ صورت حال چلے گی، صوبائی حکومتیں صوبوں میں صورت حال کے مطابق فیصلہ کریں گی، رمضان میں سحر و افطار میں بجلی کی لوڈ شیڈنگ نہیں ہوگی۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ کرونا وائرس کے خلاف جنگ میں پاک افواج کا بھی ایک بڑا کردار ہے۔

تفصیلات کے مطابق معاون خصوصی برائے صحت ڈاکٹر ظفر مرز انے نیوز کانفرنس کرتے ہوئے کہا کہ آرمی چیف جنرل قمر جاوید باجوہ کو بریف کیا گیا کہ آنے والے دنوں میں کیا چیلنجز ہیں، آرمی چیف نےبھی اپنی رائے سے آگاہ کیا۔

انہوں نے کہا کہ قومی سطح پر کرونا وبا کو روکنے کی کوشش کررہے ہیں، این سی او سی کے فیصلے کے مطابق ایک ہیلتھ کمیٹی تشکیل دی گئی ہے، کرونا ٹیسٹنگ کی استعداد 20 ہزار سے بڑھانے جارہے ہیں۔

ظفر مرزا نے کہا کہ ہیلتھ کمیٹی کی صدارت ان کے ذمے ہوگی، ہیلتھ کمیٹی میں چاروں صوبوں کے وزرا بھی شامل ہوں گے، کمیٹی میں تمام وزرائے صحت مربوط طریقے سے کام کریں گے۔

مزید پڑھیں: کرونا اقدامات: رمضان میں بھی پاک فوج تعاون جاری رکھے گی، آرمی چیف

معاون خصوصی برائے صحت نے کہا کہ ایک اور کمیٹی بنائی گئی ہے جس میں ہیلتھ کے ماہرین شامل ہوں گے، تمام صوبوں کے وزرائے اعلیٰ کا بے حد مشکور ہوں۔

انہوں نے کہا کہ رمضان میں پاکستان میں ایک الگ ماحول ہوتا ہے، ہمارے جید علمائے کرام نے 20 نکاتی ایس او پی پر اتفاق کیا ہے، سب سے گزارش ہے کہ پاکستان میں آنے والے دن اور ہفتے اہم ہیں، ہمارا فرض ہے کہ کرونا کو ملک میں پھیلنے سے روکنے میں کردار ادا کریں۔

اسلام آباد: معاون خصوصی برائے صحت ڈاکٹر ظفر مرزا نے وزارت صحت میں ہیلتھ سچویشن روم کا افتتاح کردیا۔

تفصیلات کے مطابق معاون خصوصی برائے صحت ڈاکٹر ظفر مرزا نے وزارت صحت میں ہیلتھ سچویشن روم کا افتتاح کردیا، سچویشن روم کو عالمی ادارہ صحت کے تعاون سے بنایا گیا ہے، اس موقع پر ڈبلیو ایچ او پاکستان کے نمائندے ڈاکٹر پلیتھا ماہی پالا بھی موجود تھے۔

ظفر مرزا نے کہا ہے کہ سچویشن روم صحت سے متعلق بروقت اور درست معلومات کا اہم ذریعہ ہوگا، صحت کے شعبے میں بڑے پیمانے پر اصلاحات کی جارہی ہیں، وزیراعظم عمران خان کے نزدیک صحت کا شعبہ اولین ترجیح ہے۔

مزید پڑھیں: حکومت اسلام آباد کو صحت کے حوالے سے ماڈل سٹی بنا رہی ہے،ڈاکٹر ظفر مرزا

واضح رہے کہ گزشتہ روز ظفر مرزا کا کہنا تھا کہ حکومت اسلام آباد کوہیلتھ کے حوالے سے ماڈل سٹی بنا رہی ہے اور یونیورسل ہیلتھ کوریج یقینی بنانے کے لیے پُرعزم ہیں۔

ظفرمرزا کا کہنا تھا کہ شعبہ صحت اور عوام کی فلاح کیلئے اتھارٹی کو فعال کردار ادا کرنا ہوگا، وزیر اعظم کےوژن کے مطابق صحت کا شعبہ ہمارا اولین ترجیح ہے۔

معاون خصوصی برائے صحت کا کہنا تھا کہ حکومت پرائمری ہیلتھ کئیر سسٹم کو مضبوط بنارہی ہے ، اتھارٹی کو شفافیت اور عوامی جواب دہی کی پالیسی پرگامزن رہنا ہوگا۔