Tag: ڈاکٹر ظفر مرزا

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ کرونا کے مشتبہ مریضوں کی پکڑ دھکڑ سے اجتناب کیا جائے۔

تفصیلات کے مطابق معاون خصوصی برائے صحت ڈاکٹر ظفر مرزا نے نیوز کانفرنس کرتے ہوئے کہا کہ رپورٹ ملی ہیں کہ کرونا مریضوں کے ساتھ اچھا سلوک نہیں کیا جارہا ہے، کرونا مریضوں کے پیچھے پولیس، ایڈمنسٹریشن بھاگتی ہے، ایسا رہا تو کرونا مریض ڈر جائیں گے اور سامنے نہیں آئیں گے۔

انہوں نے کہا کہ نامناسب طریقے سے لوگوں کی پکڑ دھکڑ کی جارہی ہے جو درست نہیں ہے، گزارش کرتا ہوں مشتبہ مریضوں کی پکڑ دھکڑ سے اجتناب کریں۔

ظفر مرزا نے کہا کہ آنے والے ہفتے میں ٹیسٹ کی استعداد بڑھ جائے گی، 15 اپریل تک 9 لاکھ ٹیسٹ کرنے کی صلاحیت ہوگی، ادویات کی فراہمی کرنی ہے اور بنانی بھی ہیں، دکانوں اور کارخانوں سے متعلق گائیڈ لائن کل ویب سائٹ پر آجائیں گی۔

انہوں نے کہا کہ پاکستان میں مجموعی 15 ہزار 709 مشتبہ افراد کے ٹیسٹ کیے گئے، ٹیسٹ رپورٹ کے مطابق 1865 افراد کرونا سے متاثر ہیں۔

ڈاکٹر ظفر مرزا کے مطابق پنجاب میں 652 اور سندھ میں 627 کرونا وائرس کے مریض ہیں، صحت یاب ہونے والوں میں بتدریج اضافہ ہورہا ہے، 58 افراد صحت یاب ہوکر اپنے گھروں کو جاچکے ہیں۔

انہوں نے کہا کہ کرونا وائرس کے 861 مریض مختلف اسپتالوں میں زیر علاج ہیں، ملک بھر میں کرونا سے اب تک 25 مریضوں کا انتقال ہوا ہے، اس وقت میں ملک بھر میں 8 ہزار 606 افراد قرنطینہ میں موجود ہیں۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ جن بارڈرز کو بند کیا انہیں کھولنے سے پہلے مضبوط حکمت عملی بنانی ہے۔

تفصیلات کے مطابق قومی رابطہ کمیٹی کے اجلاس کے بعڈ ڈاکٹر مرزا نے گفتگو کرتے ہوئے کہا کہ اجلاس میں کرونا وائرس کے سبب پیش آنے والی صورت حال پر تفصیلی غور ہوا۔

اجلاس میں قومی سلامتی کمیٹی کے فیصلوں پر عملدرآمد کا جائزہ لیاگیا، قومی سلامتی کمیٹی اجلاس کے فیصلوں پر فوری عملدرآمد ہوگیا ہے۔ انہوں نے کہا کہ مغربی سرحدیں بند کر دیں، ایئرپورٹس پرخصوصی انتظامات کیےگئے ہیں، جن بارڈرز کو بند کیا انہیں کھولنے سے پہلے مضبوط حکمت عملی بنانی ہے۔

ڈاکٹر ظفر مرزا کا کہنا تھا کہ کروناوائرس سے متعلق عوامی آگاہی مہم کی تشہیر کا فیصلہ کیا، مہم سے متعلق وزارت اطلاعات ،آئی ایس پی آر حکمت عملی مرتب کرچکے ہیں۔

معاون خصوصی برائے صحت کا کہنا تھا کہ پاکستان میں کروناوائرس کے 30 کیسز مشتبہ ہیں، مشتبہ کیسز کے ٹیسٹ کیے جا رہے ہیں۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ کسی بھی ایمرجنسی سے نمٹنے کے لیے مکمل تیار ہیں۔

تفصیلات کے مطابق اسلام آباد میں معاون خصوصی برائے صحت ڈاکٹر ظفر مرزا کی زیر صدارت ایمرجنسی کورگروپ کا اجلاس ہوا جس میں کرونا وائرس سے متعلق بدلتی ہوئی صورت حال کا جائزہ لیا گیا۔

اس موقع پر ڈاکٹر ظفر مرزا کا کہنا تھا کہ کسی بھی ایمرجنسی سے نمٹنے کے لیے مکمل تیار ہیں، تمام ضروری اقدامات کو یقینی بنا رہے ہیں، وفاق اور صوبوں کی مربوط کو آرڈینیشن سے اقدامات کیے جا رہے ہیں۔

انہوں نے کہا کہ سرحد پار سے آنے والے مسافروں کے لیے ایک جامع پالیسی مرتب کی ہے، طورخم بارڈر پر اسکریننگ کا مربوط نظام موجود ہے، انٹر نیشنل ہیلتھ ریگولیشن کی یدایات پر عملدرآمد کو یقینی بنایا جا رہا ہے۔

معاون خصوصی کا کہنا تھا کہ تفتان بارڈر پرکرونا کنٹرول کرنے کے لیے ایک مربوط حکمت عملی بنائی ہے، قومی ایمرجنسی سمجھتے ہوے ہم سب مل کر کام کر رہے ہیں۔

ڈاکٹر ظفر مرزا نے کہا کہ کرونا وائرس کو کنٹرول کرنے کے لیے بروقت اقدامات کیے ہیں، کلینیکل گائیڈ لائنز کے لیے بروقت ایس او پی جاری کیے ہیں، تمام صوبوں کے ساتھ مل کر قومی ایکشن پلان پرکام کر رہے ہیں۔

انہوں نے مزید کہا کہ ملک میں 8 بڑی لیبارٹریز پر تشخیص کا نظام موجود ہے، ابھی تک پاکستان میں کروناوائرس کے 16 کیسزکی تصدیق ہوئی ہے۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ وزارت صحت میں میرٹ اور شفافیت کو یقینی بنانا ہے۔

تفصیلات کے مطابق معاون خصوصی برائے صحت ڈاکٹر ظفر مرزا نے وزارت صحت افسران سے خطاب کرتے ہوئے کہا کہ وزیراعظم عمران خان کے ایجنڈے کے مطابق حقیقی معنوں میں تبدیلی لانی ہے۔

ڈاکٹر ظفر مرزا کا کہنا تھا کہ کسی بھی افسر کو عوامی مسائل نمٹانے میں تاخیرکی اجازت نہیں ہوگی، سائلین کے مسائل نمٹانے کے لیے بر وقت فائلوں کو نمٹانا ہوگا۔

معاون خصوصی برائے صحت کا مزید کہنا تھا کہ وزارت صحت کو ایک ماڈل ہیلتھ بنانا ہے، صحت کے شعبے میں بڑے پیمانے پر اصلاحات کی جا رہی ہیں، وزارت صحت میں میرٹ اور شفافیت کو یقینی بنانا ہے۔

صحت کے شعبے میں بڑے پیمانے پر اصلاحات کی جا رہی ہیں، ظفر مرزا

یاد رہے کہ گزشتہ ہفتے ڈاکٹر ظفر مرزا کا کہنا تھا کہ صحت کے شعبے میں بڑے پیمانے پر اصلاحات کی جا رہی ہیں، عوام کومعیاری سہولیات کی فراہمی کو یقینی بنانے کے لیے لگن سے کام کرنا ہوگا۔

معاون خصوصی برائے صحت کا مزید کہنا تھا کہ پرائمری ہیلتھ کئیرسسٹم مضبوط کیے بغیرصحت کےشعبے میں بہتری نہیں آسکتی، 3 رورل ہیلتھ سینٹرز کو اپ گریڈ کر رہے ہیں۔

اسلام آباد: معاون خصوصی برائے صحت ڈاکٹر ظفر مرزا کا کہنا ہے کہ کرونا وائرس سے ڈرنا نہیں مل کر مقابلہ کرنا ہے۔

تفصیلات کے مطابق معاون خصوصی برائے صحت ڈاکٹر ظفر مرزا نے پمز اسپتال میں کرونا کے حوالے سے قائم آئیسولیشن روم کا دورہ کیا انہوں نے آئیسولیشن روم میں تعینات عملے،سہولیات کا جائزہ لیا۔

اس موقع پر ڈاکٹر ظفر مرزا کا کہنا تھا کہ پیرا میڈیکل اسٹاف، ڈاکٹر ایس او پیز پر سختی سے عملدرآمد کریں، عوام کو کرونا وائرس سے بچانے کے لیے ہرممکن اقدامات کر رہے ہیں۔

معاون خصوصی کا کہنا تھا کہ وفاق، صوبوں نے کرونا سے بچاؤ کے لیے اسپتال،علیحدہ کمرے مختص کر رکھے ہیں، صوبائی حکومتوں کے ساتھ مل کر قومی ایکشن پلان کے تحت کام کر رہے ہیں۔

ڈاکٹر ظفر مرزا نے کہا کہ کرونا وائرس سے ڈرنا نہیں مل کر مقابلہ کرنا ہے، پورے ملک سے 289 مشتبہ کیسز کے نمونوں کے ٹیسٹ ہوئے، ابھی تک6 کیس رپورٹ ہوئے ہیں، ایک مریض مکمل صحت یاب ہوچکا ہے۔

معاون خصوصی برائے صحت کا کہنا تھا کہ ہر نزلہ، زکام کروناوائرس نہیں ہوتا، عوام حفظان صحت کے اصولوں پرعمل کر کے احتیاطی تدابیر اختیار کرے۔

ہم سب کو مل کر اپنی عوام کو تحفظ فراہم کرنا ہے، ظفر مرزا

یاد رہے کہ گزشتہ ہفتے ڈاکٹر ظفر مرزا کی زیر صدارت کرونا وائرس سے بچاؤ کے لیے جائزہ اجلاس ہوا تھا جس میں ان کا کہنا تھا کہ یہ ایک قومی کاز ہے، ہم سب کو مل کر اپنی عوام کو تحفظ فراہم کرنا ہے۔