Tag: ڈاکٹر عارف علوی

اسلام آباد: صدر مملکت ڈاکٹر عارف علوی نے کہا ہے کہ پاکستان فرانس کے ساتھ دو طرفہ تعلقات بڑھانے کا خواہاں ہے، پاکستان فرانسیسی سرمایہ کاری کا خیر مقدم کرے گا۔

تفصیلات کے مطابق صدر مملکت عارف علوی نے چیئرمین پاک فرانس بزنس کونسل تھیری فلملن سے گفتگو کرتے ہوئے کہا کہ پاکستان فرانس کے ساتھ دو طرفہ تعلقات بڑھانے، باہمی مفاد میں تجارت و سرمایہ کاری کے شعبوں میں تعاون کا خواہاں ہے۔

ڈاکٹر عارف علوی نے کہا کہ حکومت نجی شعبے کو ہر مرحلے پر سہولت فراہم کرنے کے لیے پر عزم ہے، پاکستان فرانسیسی سرمایہ کاری کا خیر مقدم کرے گا۔

ان کا کہنا تھا کہ فرانس کے سرمایہ کار پاکستان کی لبرل سرمایہ کاری پالیسیوں سے استفادہ کر سکتے ہیں، پاکستان میں سرمایہ کاری کی پالیسی سرمایہ کاروں کے لیے بڑی پرکشش ہے۔

آج پیر کو میڈف (ایم ای ڈی ای ایف) انٹرنیشنل کی پاک فرانس بزنس کونسل کے چیئرمین اور ٹوٹل گلوبل سروسز کے صدر تھیری فلملن نے وفد کے ہم راہ صدر مملکت ڈاکٹر عارف علوی سے ملاقات کی۔

یہ بھی پڑھیں:  وزیر اعظم عمران خان سے فرانسیسی کاروباری افراد کی تنظیم کے وفد کی ملاقات

ملاقات میں سرمایہ کاری بورڈ کے چیئرمین ہارون شریف اور پاکستان میں فرانس کے سفیر مارچ بارٹے بھی موجود تھے، اس موقع پر صدر مملکت نے کہا کہ پاکستان فرانس کے ساتھ اپنے تعلقات کو بے حد اہمیت دیتا ہے۔

انھوں نے کہا ’پاکستان بالخصوص مینوفیکچرنگ، تعمیرات، سیاحت، مواصلات اور روڈ انفرا اسٹرکچر کے شعبوں میں فرانس کے سرمایہ کاروں کے لیے سرمایہ کاری کے مختلف مواقع کی پیش کش کرتا ہے۔‘

صدر مملکت کا کہنا تھا کہ غیر ملکی کمپنیوں کو مقامی اور غیر ملکی بینکوں سے قرضے لینے کی سہولت بھی حاصل ہے، توانائی، سڑکوں، ریلوے کے نیٹ ورک، سافٹ ویئر ڈویلپمنٹ اور دوسرے بہت سے شعبوں میں سی پیک کے منصوبے فرانسیسی کمپنیوں کے لیے بہت سے مواقع کے حامل ہیں۔

انہوں نے کہا کہ اس وقت پاکستان میں 7 خصوصی اقتصادی زونز قائم کیے گئے ہیں اور فرانسیسی کمپنیاں ان زونز میں اپنے صنعتی یونٹ قائم اور منتقل کر سکتی ہیں۔ فرانسیسی کمپنیوں کو دعوت دیتا ہوں کہ وہ آگے آئیں اور مقامی و غیر ملکی کمپنیوں کے اشتراک سے کام کریں۔

اسلام آباد: صدر مملکت ڈاکٹر عارف علوی نے کہا ہے کہ پاکستان کے شمالی علاقہ جات انتہائی خوب صورت اور دنیا بھر کے سیاحتی مقامات سے زیادہ پُر کشش ہیں۔

تفصیلات کے مطابق صدر عارف علوی نے منگل کو اسلام آباد میں ٹور ازم سمٹ سے خطاب کرتے ہوئے کہا کہ سیاحت کے فروغ سے کثیر زر مبادلہ کمایا جاسکتا ہے۔

انھوں نے کہا کہ پاکستان کے سیاحتی مقامات دنیا بھر کے سیاحتی مقامات سے زیادہ پر کشش ہیں، موجودہ حکومت ملک میں سیاحت کے فروغ کے لیے جامع پالیسی پر عمل پیرا ہے۔

ڈاکٹر عارف علوی نے کہا کہ بیرون ملک سے سیاحوں کی کثیر تعداد ملک کے شمالی علاقہ جات آتی ہے، پرکشش سیاحتی مقامات کی سیر سے دل کو تسکین ملتی ہے۔

یہ بھی پڑھیں:  حکومتوں کو خواتین کے لئے مردوں کے مساوی مواقع فراہم کرنے چاہییں: صدر پاکستان

ان کا کہنا تھا کہ پاکستان میں آثار قدیمہ کثیر تعداد موجود ہیں اور ملک میں مذہبی و روایتی سیاحت کے وسیع مواقع ہیں۔

صدر مملکت نے کہا کہ سیاحت کے فروغ سے کثیر زر مبادلہ کمایا جا سکتا ہے، سیاحت کا فروغ شمالی علاقہ جات کی ترقی کا ضامن ہے۔

خیال رہے کہ صدر عارف علوی نے گزشتہ روز ینگ ویمن لیڈر شپ کانفرنس سے بھی خطاب کیا، ان کا کہنا تھا کہ معاشی خود مختاری ہی صحیح معنوں میں خواتین کی آزادی اور ترقی کی ضامن ہے، حکومتوں کو خواتین کے لیے مردوں کے مساوی مواقع فراہم کرنے چاہییں۔