Tag: ڈاکٹر عافیہ صدیقی

اسلام آباد : اسلام آباد ہائیکورٹ میں ڈاکٹر عافیہ صدیقی کیس میں نیا موڑ آیا، وفاق کی عافیہ صدیقی کی رہائی کی درخواست فوری نمٹانے کیلئے متفرق درخواست دائر کردی۔

تفصیلات کے مطابق اسلام آباد ہائیکورٹ میں ڈاکٹر عافیہ صدیقی کی رہائی اور وطن واپس لانے کی درخواست پر سماعت ہوئی۔

اسلام آباد ہائیکورٹ کے جسٹس سردار اعجاز اسحاق خان نے کیس کی سماعت کی ، درخواستگزار وکیل عمران شفیق ایڈوکیٹ اور ایڈیشنل اٹارنی جنرل منور اقبال دوگل عدالت میں پیش ہوئے جبکہ ڈاکٹر فوزیہ صدیقی اور امریکی وکیل سمتھ ویڈیو لنک کے ذریعے پیش ہوئے۔

وفاقی حکومت کی عافیہ صدیقی کی رہائی کی درخواست فوری نمٹانے کے لیے متفرق درخواست دائر کردی ، اسلام آباد ہائی کورٹ نے حکومت کی متفرق درخواست پر نوٹس جاری کرکے جواب طلب کرلیا۔

دوران سماعت امریکہ کے حوالے کیے گئے داعش کمانڈر شریف اللہ کی حوالگی کا تذکرہ ہوا ، جسٹس سردار اعجاز اسحاق خان نے ایڈیشنل اٹارنی جنرل سے مکالمے میں کہا آپ کہتے ہیں امریکہ کے ساتھ قیدیوں کے تبادلے سے متعلق کوئی معاہدہ نہیں،کل آپ نے بغیر کسی ایگریمنٹ کے بندہ پکڑ کر امریکہ کے حوالے کر دیا۔

جسٹس سردار اعجاز اسحاق خان کا کہنا تھا کہ ڈاکٹر شکیل آفریدی کو امریکہ حوالگی سے متعلق آپ کو ان کیمرہ آگاہ کرنے کا موقع بھی دیا گیا، دو ڈیکلریشن آئیں حکومت کو جواب کا کہا گیا حکومت کی جانب سے غیر تسلی بخش جواب دیا گیا اور اب حکومت عافیہ صدیقی کی درخواست کو نمٹانے کا کہہ رہی ہے۔

جسٹس سردار اعجاز نے مکالمے میں کہا کہ ایڈیشنل اٹارنی جنرل آپ سادہ الفاظ میں یہ کہہ رہے ہیں کہ ہم اس کیس سے چھٹکارا حاصل کرنا چاہتے ہیں، وزیراعظم نے خط لکھنا تھا لکھ دیا، ان کو ویزہ چاہیے تھا دے دیا، آپ نے جو کرنا تھا کر دیا، ایسا رویہ اپنانے سے پوری دنیا کو پتا لگ جائے گا حکومت پاکستان نےکیا کیا، آپ نے کیا تیر مارے۔

اسلام آباد ہائی کورٹ کے جج کا کہنا تھا کہ پچھلی سماعت پر اٹارنی جنرل آفس کو کہا تھا کہ حکومت کو تجاویز دیں اور عدالت کو بھی آگاہ کریں لیکن آپ کہہ رہے ہیں کیس ختم کریں۔

عدالت نے متفرق درخواست پر نوٹس جاری کرتے ہوئے سماعت آئندہ جمعہ تک ملتوی کر دی۔

اسلام آباد: وزیر اعظم کے ڈاکٹر  عافیہ صدیقی کی رہائی کے خط کا امریکا سے تاحال جواب نہ آیا، عدالت نے کیس سے متعلق آئندہ ہفتہ اہم قرار دے دیا۔

تفصیلات کے مطابق اسلام آباد ہائیکورٹ میں امریکا میں قید ڈاکٹر عافیہ صدیقی کی رہائی اور وطن واپسی سے متعلق کیس کی سماعت ہوئی، اسلام آباد ہائیکورٹ کے جسٹس سردار اعجاز اسحاق خان نے کیس کی سماعت کی۔

وزیر اعظم کے عافیہ صدیقی کی رہائی کے خط کا امریکاسےتاحال جواب نہ آیا، عدالت نے کہا عافیہ صدیقی کیس سے متعلق آئندہ ہفتہ اہم ہے ، وزارت خارجہ ڈاکٹر فوزیہ صدیقی سے تعاون کرے۔

ڈاکٹر فوزیہ صدیقی کے وکیل عمران شفیق عدالت میں پیش ہوئے تاہم ایڈیشنل اٹارنی جنرل منور اقبال دوسری عدالت میں ہونے کے باعث پیش نہ ہوسکے، عدالتی حکم کے باوجود وزیراعظم کے بیرون ملک دوروں کا ریکارڈ پیش نہ کیا جاسکا۔

عدالت کا کہنا ہے کہ 20 دسمبر کو وزیراعظم کےبیرون ملک دوروں کی تفصیلات جمع کرانےحکم دیاتھا ، جس پر نمائندہ وزارت خارجہ نے کہا کہ سیکریٹری خارجہ چین ہیں تفصیلات جمع نہیں کراسکے وقت دیاجائے۔

عدالت نے وزیراعظم کے بیرون ملک دوروں کی تفصیلات جمع کرانے کیلئے اگلے ہفتے تک مہلت دے دی۔

وکیل عمران شفیق نے بتایا کہ ڈاکٹر عافیہ صدیقی کی بہن ڈاکٹر فوزیہ صدیقی امریکہ پہنچ گئی ہیں ، فوزیہ صدیقی کی تاحال امریکامیں تعینات پاکستانی سفیر سے ملاقات نہیں ہو سکی، عدالت کا کہنا تھا کہ وزارت خارجہ ڈاکٹر فوزیہ صدیقی سےامریکامیں پاکستانی سفیر کی ملاقات یقینی بنائے۔

اسلام آباد ہائیکورٹ نے عافیہ صدیقی کیس کی سماعت 24 جنوری تک ملتوی کردی۔

اسلام آباد : ڈاکٹر عافیہ صدیقی کی رہائی اور وطن واپسی سے متعلق اہم خبر آگئی، وزیر اعظم نے امریکا جانے والے وفد کو مالی معاونت فراہم کرنے کی سمری پر دستخط کر دیئے۔

تفصیلات کے مطابق ڈاکٹر عافیہ صدیقی کی صحت یابی اور وطن واپسی سے متعلق ڈاکٹر فوزیہ صدیقی کی درخواست پر اہم پیش رفت سامنے آئی۔

وزیر اعظم نے عافیہ صدیقی کیس میں امریکہ جانے والے وفد کو مالی معاونت فراہم کرنے کی سمری پر دستخط کر دیئے۔

اسلام آباد ہائی کورٹ میں جسٹس سردار اعجاز اسحاق خان نے کیس کی سماعت کی، ایڈیشنل اٹارنی جنرل اور نمائندہ وزارت خارجہ ، ڈاکٹر فوزیہ صدیقی کے وکیل عمران شفیق اور عدالتی معاون زینب جنجوعہ عدالت میں پیش ہوئے۔

ایڈیشنل اٹارنی جنرل منور اقبال دوگل نے اسلام آباد ہائی کورٹ کو آگاہ کر دیا، نمائندہ وزارت خارجہ نے بتایا کہ وفد کے ویزوں سے متعلق درخواست وزارت خارجہ نے بھیج دی ہے امید ہے ایک ہفتے تک منظوری ہو جائے گی، ہم ڈاکٹر فوزیہ صدیقی کی ہر ممکن مدد کر رہے ہیں۔

ایڈیشنل اٹارنی جنرل کا کہنا تھا کہ ذاتی وجوہات کی بنا پر سینیٹر عرفان صدیقی وفد کے ساتھ نہیں جا سکتے ، حکومت کی جانب سے سینیٹر بشریٰ وفد کے ساتھ امریکہ جائیں گئی۔

بعد ازاں عدالت نے کیس کی سماعت 13 جنوری تک ملتوی کر دی۔

اسلام آباد : اسلام آباد ہائیکورٹ نے ڈاکٹرعافیہ صدیقی کیس میں امریکہ جانے والے وفد کے خرچے کے حوالے سے سمری وزیر اعظم کوبھیجنے کی ہدایت کردی۔

تفصیلات کے مطابق اسلام آباد ہائیکورٹ میں ڈاکٹر عافیہ صدیقی کی رہائی کی درخواست پر سماعت ہوئی، دوران سماعت عدالت نے استفسار کیا عافیہ صدیقی کی رہائی کیلئے وفد امریکا نجی طور پر گیا تو خرچہ حکومت دے گی یا نہیں ؟

۔۔اسلام آباد ہائی کورٹ نے وزارت خارجہ کو اس حوالے سمری وزیر اعظم کو بھیجنے کی ہدایت کرتے ہوئے کہا کہ وزیر اعظم کو سمری بھیجیں وہ زیرغورلائیں کہ امریکہ جانے والے وفد کا خرچہ کون دے گا۔

جسٹس سردار اعجاز اسحاق خان نے دلچسپ ریمارکس دیتے ہوئے کہا اگر سمری وزیر اعظم تک نہیں پہنچتی تو اس پر پی ٹی آئی لکھ دیں جلدی پہنچ جائے گی.

وکیل کا کہنا تھا کہ حکومت کی طرف سے وفد میں کوئی نہیں تھا پہلےانوشہ رحمن کا بتایا گیا لیکن اب وہ نہیں جا رہیں پھر عرفان صدیقی کا بتایا اب پتہ چلا ہے وہ بھی نہیں ہیں اور ویزا ابھی نہیں ہوا، آفیشل ویزا چاہیے۔

عدالت نے امریکی وکیل سے استفسار کیا سابقہ ڈکلیریشن سے متعلق بتائیں کیا پوزیشن ہے تو عافیہ صدیقی کے امریکی وکیل نے عدالت کے روبروکہا اس موقع پر دورہ کی کامیابی کے زیادہ چانسز ہیں۔

بعد ازاں اسلام آباد ہائی کورٹ نے ڈاکٹر عافیہ صدیقی کیس کی سماعت پیر تک ملتوی کردی۔

اسلام آباد : ڈاکٹر عافیہ صدیقی کی رہائی کیلیے امریکا بھیجنے والے وفد کی تفصیلات اسلام آباد ہائیکورٹ میں پیش کردی گئیں۔

تفصیلات کے مطابق اسلام آباد ہائی کورٹ میں ڈاکٹر عافیہ صدیقی کی صحت یابی اور وطن واپسی سے متعلق فوزیہ صدیقی کی درخواست پر سماعت ہوئی۔

جسٹس سردار اعجاز اسحاق خان نے کیس کی سماعت کی، اٹارنی جنرل اور ڈاکٹر فوزیہ صدیقی کے وکیل عمران شفیق عدالت میں پیش ہوئے۔

اٹارنی جنرل نے امریکا بھیجنے والے وفد کی تفصیلات ہائیکورٹ میں پیش کردیں۔

اٹارنی جنرل نے بتایا کہ سینیٹر طلحہ محمود ، فوزیہ صدیقی ، انوشے رحمان اور ڈاکٹر پرمشتمل 4 رکنی وفد امریکا جائے گا ساتھ ڈاکٹر فوزیہ صدیقی اور ڈاکٹرز بھی وفد کا حصہ ہوں گے۔

امید ہےوفداگلے دو ہفتے تک امریکی آفیشنلز سےمیٹنگ کرے گا، امریکا کے الیکشنز کے فوراً بعد وفد امریکا جائے گا۔

عدالت نے وکیل زینب جنجوعہ ایڈووکیٹ کو دونوں فریقین کافوکل پرسن مقرر کر دیا، اٹارنی جنرل نے بتایا ڈاکٹر فوزیہ جس ڈاکٹر کو لے کرجانا چاہتی ہیں اس کی ویزا پوزیشن کیاہے۔

ڈاکٹر فوزیہ صدیقی کا کہنا تھا کہ میرے خیال میں ڈاکٹر کے پاس ویزہ ہے، جسٹس اعجاز اسحاق نے اٹارنی جنرل کی تعریف کرتے ہوئے ویری گڈ آپ معاملےمیں انوالوہوئے۔

اسلام آباد ہائیکورٹ نے کیس کی سماعت نومبر کے آخر تک ملتوی کر دی۔

اسلام آباد : حکومت پاکستان ڈاکٹر عافیہ صدیقی کیلئے رحم کی اپیل دائر کرے گی ، اٹارنی جنرل نے کہا کہ حکومت کےپاس کوئی وجہ نہیں کہ وہ رہائی کی اپیل پرنہ کھڑی ہو۔

تفصیلات کے مطابق اسلام آباد ہائیکورٹ نے امریکی جیل میں قید ڈاکٹر عافیہ صدیقی کی ہمدردی کی بنیاد پر رہائی کی درخواست پر تحریری فیصلہ جاری کردیا۔

جسٹس سرداراعجاز اسحاق خان نےگزشتہ سماعت کاتحریری حکم نامہ جاری کیا، اٹارنی جنرل نےڈاکٹرعافیہ کی رہائی سے متعلق درخواست پر اسلام آبادہائیکورٹ کو آگاہ کردیا۔

اٹارنی جنرل نے بتایا کہ حکومت کوڈاکٹرعافیہ کی ہمدردانہ بنیاد پررہائی کی اپیل پراعتراض نہیں، حکومت کےپاس کوئی وجہ نہیں کہ وہ رہائی کی اپیل پرنہ کھڑی ہو۔

حکم نامے میں کہا گیا کہ اٹارنی جنرل کےمطابق حکومت بھی الگ سےڈاکٹرعافیہ کیلئےرحم کی اپیل دائر کرے گی اور یواین اجلاس کے موقع پربھی امریکی حکومت سےبات کی جائےگی۔

عدالت کا کہنا تھا کہ ایڈیشنل اٹارنی جنرل کےمطابق امریکا سے قیدیوں کے تبادلے کے معاہدے پر کام ہو رہا ہے، قیدیوں کے تبادلے کے معاہدے پر3 ہفتوں کا وقت درکار ہے۔

تحریری حکم نامے میں کہا گیا کہ کیس  18اکتوبر کو دوبارہ سماعت کیلئے مقرر کیا جائے۔