Tag: ڈاکٹر عافیہ صدیقی

اسلام آباد : اسلام آباد ہائی کورٹ نے ڈاکٹر عافیہ صدیقی کوامریکی حکام کےحوالےکرنے پرتفصیلی رپورٹ جمعہ کو طلب کرلی۔

عافیہ صدیقی کو کس نے امریکا کے حوالے کیا تھا؟َ وکیل مسٹر سمتھ کا بیان حلفی سامنے آگیا

تفصیلات کے مطابق اسلام آباد ہائی کورٹ کے جسٹس سردار اعجاز اسحاق خان نے کیس کی سماعت کی۔

عافیہ صدیقی کی بہن فوزیہ صدیقی ویڈیو لنک کے ذریعے عدالت میں پیش ہوئیں، انہوں نے عدالت کو بتایا کہ عافیہ صدیقی کی واپسی کی کنجی حکومت پاکستان کے پاس ہے۔

فوزیہ صدیقی کا کہنا تھا کہ نومبر سے حکومت ہماری مدد کرے جو بائیڈن حکومت کے ہوتے ہوئے عافیہ کا معاملہ حل ہونا چاہیے ،نئی امریکی حکومت کے آنے کے بعد معاملہ التواء کا شکار ہو جائے گا۔

عافیہ صدیقی کے وکیل مسٹر سمتھ کا بیان حلفی عدالت میں جمع کروادیا گیا، جس میں موقف اختیار کیا گیا ہے کہ 2003 میں سندھ حکومت نے عافیہ صدیقی کو بچوں سمیت اداروں کی حراست میں دیا، جس کے بعد انہیں امریکہ کے حوالے کیا گیا۔

اسلام آباد ہائی کورٹ نے عافیہ صدیقی کی امریکہ حکام کے حوالگی پر دو سوالات کے جواب طلب کرلئے۔

عدالت نے سوال اٹھایا کہ کیا اداروں کے پاس عافیہ صدیقی سے متعلق کوئی ثبوت تھا، کیا اداروں کے پاس یہ مینڈیٹ تھا کہ وہ عافیہ اور اسکے بچوں کو کسی اورکے حوالے کرے؟

عدالت نے جمعے تک عدالتی سوالات پر تفصیلی رپورٹ طلب کرتے ہوئے کیس کی سماعت ملتوی کردی۔

اسلام آباد: جماعتِ اسلامی کے رہنما و سابق سینیٹر مشتاق احمد کا ڈاکٹر عافیہ کی رہائی سے متعلق اہم بیان آگیا۔

تفصیلات کے مطابق ڈاکٹرعافیہ صدیقی کیس کی سماعت کے بعد  جماعتِ اسلامی کے رہنما و سابق سینیٹر مشتاق احمد نے میڈیا سے گفتگو کرتے ہوئے کہا کہ اسلام آباد ہائیکورٹ میں ہر سماعت کے بعد نئے راستے سامنے آرہے ہیں۔

مشتاق احمد کا کہنا تھا کہ روشنی بڑھتی جارہی ہے،ڈاکٹر عافیہ صدیقی جلد رہا ہو سکتی ہیں، عوام ہمارا ساتھ دیں تو آئندہ 5سے6 ماہ میں رہائی ممکن ہوسکتی ہے۔

انھوں نے کہا کہ ثابت ہوگیا ڈاکٹر عافیہ کی رہائی کی چابی حکمرانوں کے پاس ہے، حکمران سنجیدہ ہوں،عدالت اور وکلا نے بہت سی تجاویز دی ہیں۔

مشتاق احمد نے مزید بتایا کہ ماضی میں امریکانےایران ، روس کےساتھ قیدیوں کے تبادلے کا معاہدہ کیا ، اب وفاقی حکومت اقدامات سے ثابت کرے وہ اس عمل میں سنجیدہ ہے۔

اسلام‌ آباد : پاکستان نے امریکی جیل میں قید ڈاکٹر عافیہ صدیقی پر جنسی تشدد کے الزامات کا معاملہ امریکا سے اٹھانے کا فیصلہ کر لیا۔

تفصیلات کے مطابق ترجمان دفتر خارجہ ممتاز زہرا بلو صحافیوں کو ہفتہ وار بریفنگ دیتے ہوئے کہا کہ امریکہ میں قید ڈاکٹر عافیہ صدیقی پر جنسی تشدد کے الزامات ایک سنجیدہ معاملہ ہے، ماضی میں بھی امریکی انتظامیہ کو کہا ڈاکٹرعافیہ کو تشدد کا نشانہ نہ بنایا جائے۔

ترجمان کا کہنا تھا کہ پاکستان ان الزامات کو سنجیدگی سے دیکھتا ہے اور نگران وزیر اعظم نے معاملہ امریکہ کےساتھ اٹھانے کی ہدایت کی ہے لہذا معاملہ امریکہ کے ساتھ اٹھائیں گے، رواں ہفتے اعلیٰ امریکی عہدیدار پاکستان کا دورہ کر رہے ہیں۔

ممتاز زہرا بلوچ نے دہشت گردی پر امریکی رپورٹ مسترد کرتے ہوئے اس کو حقائق کے منافی قرار دیا اور کہا کہ انسداد دہشت گردی اور دہشت گردوں کی مالی معاونت پر پاکستانی اقدامات کو دنیا تسلیم کرتی ہے۔

ترجمان دفتر خارجہ نے شہزاد اکبر پر حملے میں کسی پاکستان کے کسی کردار کی تردید کرتے ہوئے کہا کہ یہ ہماری پالیسی نہیں ہے کہ ہم بیرون ممالک مقیم اپنے شہریوں کو نشانہ بنائیں۔

ان کا مزید کہنا تھا کہ ہمیں برطانوی قانون نافذ کرنے والے اداروں ہر اعتماد ہے اور ان کی جانب سے کسی قسم کی معلومات کے تبادلے کا خیر مقدم کریں گے ابھی تک شہزاد اکبر نے پاکستانی ہائی کمشن سے کسی قسم کی امداد طلب نہیں کی۔

نیویارک : سینیٹر طلحہ محمود کا کہنا ہے کہ امریکی جیل میں قید ڈاکٹر عافیہ نے پاکستانیوں کو پیغام میں کہا ہے کہ مجھے جلد یہاں سےآزاد کیا جائے۔

تفصیلات کے مطابق سینیٹر طلحہ محمود کی امریکی جیل میں قید ڈاکٹر عافیہ صدیقی سے ملاقات ہوئی، طلحہ محمود نے ملاقات کے بعد جیل باہرسے ویڈیو پیغام میں کہا کہ میری 2گھنٹےتک عافیہ صدیقی سےملاقات ہوئی ، جتنی دیرملاقات رہی مجھے ذہنی طور پر عافیہ صدیقی پریشرمیں نظر آئیں۔

سینیٹر طلحہ محمود کا کہنا تھا کہ میں نے عافیہ سے پوچھا پاکستانیوں کو کیا پیغام دینا چاہیں گی؟ جس پر عافیہ نے کہا ایک ہی پیغام ہے مجھے جلد یہاں سےآزاد کیا جائے۔

یاد رہے ڈاکٹر فوزیہ صدیقی کی ڈاکٹر عافیہ صدیقی سے امریکی جیل میں ملاقات طے ہیں، دونوں بہنوں کی 2اور 3دسمبر کو ملاقات ہوگی۔

اس موقع پر سینیٹر مشتاق اور سینیٹر طلحہ بھی ڈاکٹر فوزیہ صدیقی کے ساتھ ہوں گے۔

اسلام آباد : ڈاکٹر فوزیہ صدیقی کی ڈاکٹر عافیہ صدیقی سےامریکی جیل میں ملاقات طے پاگئی ہے، 2اور 3دسمبر کو دونوں بہنوں کی امریکا میں ملاقات ہوگی۔

تفصیلات کے مطابق اسلام آبادہائیکورٹ میں ڈاکٹر عافیہ صدیقی کی رہائی سےمتعلق کیس کی سماعت ہوئی، جسٹس سردار اعجاز اسحاق خان نے کیس کی سماعت کی۔

ڈاکٹر عافیہ صدیقی کی رہائی سےمتعلق کیس میں اہم پیش رفت سامنے آئی ، ڈاکٹر فوزیہ صدیقی کی عافیہ صدیقی سےامریکی جیل میں ملاقات طے پاگئی ہے۔

ڈاکٹر فوزیہ صدیقی 2اور 3دسمبر کوعافیہ صدیقی سےامریکامیں ملاقات کریں گی ، سینیٹر مشتاق اور سینیٹر طلحہ بھی ڈاکٹر فوزیہ صدیقی کے ساتھ ہوں گے۔

ڈاکٹر فوزیہ صدیقی کے وکیل ایڈووکیٹ عمران شفیق نے میڈیا سے گفتگو کرتے ہوئے کہا کہ 2اور 3 دسمبر کو فوزیہ صدیقی کی ڈاکٹر عافیہ سے امریکا میں ملاقات ہوگی، دونوں بہنوں کی ایک مرتبہ پھر ملاقات ہو گی۔

ایڈووکیٹ عمران شفیق کا کہنا تھا کہ ڈاکٹر فوزیہ کی امریکا روانگی سے قبل کچھ سیکیورٹی خدشات ہیں، سیکیورٹی خدشات کودور کرنا حکومت کی ذمہ داری ہے۔

وکیل نے مزید کہا کہ ڈاکٹر عافیہ امریکا کی بدنام ترین جیل میں قید ہیں، ان پر جیل میں بدترین تشدد ہورہا ہے، اولین ترجیح یہ ہوسکتی ہے ڈاکٹر عافیہ کی فوری طور جیل تبدیل کی جائے۔

عمران شفیق ایڈووکیٹ نے بتایا کہ حکومت پاکستان سے بھی ہم نے عدالت کے ذریعے ریکارڈ حاصل کیا، تمام ریکارڈر کی موجودگی میں کیس کو مضبوط بنارہے ہیں، عافیہ کے امریکی وکیل نے اپنے افغانستان وزٹ سے بھی عدالت کو آگاہ کیا، امریکی وکیل افغانستان میں عافیہ پر مظالم کے ثبوت اکٹھےکررہےہیں۔

ان کا کہنا تھا کہ پاکستانی سفارت کارجوعافیہ سےملاقات کیلئےجاتے رہے اس کا بھی ریکارڈ لیا ہے اور عدالتی حکم پر وزارت خارجہ سےریکارڈ مل گیا ہے۔

اسلام آباد : امریکا میں ملاقات کیلئے ڈاکٹر عافیہ صدیقی کی بہن فوزیہ صدیقی کو5 سال کاامریکی ویزہ مل گیا، 29 سے 31 مئی تین دن ملاقات طے پا گئی ہے۔

تفصیلات کے مطابق اسلام آبادہائیکورٹ میں ڈاکٹر عافیہ صدیقی کی امریکی قید سے رہائی اورپاکستان منتقلی کی درخواست پر سماعت ہوئی۔

جسٹس سرداراعجازاسحاق خان نے کیس کی سماعت کی ، درخواست گزارڈاکٹر فوزیہ صدیقی اپنےوکیل عمران شفیق کےہمراہ پیش ہوئیں۔

ایڈیشنل اٹارنی جنرل منور اقبال دوگل نے اسلام آباد ہائیکورٹ کو آگاہ کیا کہ امریکامیں ملاقات کیلئےعافیہ صدیقی کی بہن فوزیہ صدیقی کو5 سال کاامریکی ویزہ مل گیا ہے۔

منور اقبال دوگل کا کہنا تھا کہ عافیہ صدیقی سے 29 سے 31 مئی تین دن امریکی جیل میں ملاقات طے پا گئی ہے، فوزیہ صدیقی اور امریکی وکیل کلائیو سمتھ عافیہ صدیقی سے ملاقات کریں گے۔

درخواست گزار کے وکیل عمران شفیق نے بھی ملاقات سےمتعلق عدالت کوآگاہ کردیا۔

وکیل درخواست گزار نے کہا عافیہ صدیقی کےنفسیاتی چیک اپ کیلئےالگ ڈاکٹرہوناچاہیے، جس پرعدالت کا کہنا تھا کہ وزارت خارجہ عافیہ صدیقی کےنفسیاتی چیک اپ کیلئےڈاکٹرفراہمی میں مددکرے۔

عافیہ صدیقی کےامریکامیں وکیل کلائیو سمتھ عدالت کےسامنے پیش ہوئے اور عافیہ صدیقی کیس سے متعلق عدالت کو آگاہ کیا۔

عدالت نے حکومت کو حکم عافیہ صدیقی سےمتعلق دستاویزات، معلومات وکیل سے شیئرکی جائیں اور کلائیو سمتھ یقین دہانی کرائیں گے معلومات عافیہ صدیقی کیس کےعلاوہ استعمال نہیں ہوں گی ، امریکی وکیل کےساتھ معلومات شیئر کرنے کا مقصد یہ ہے کہ تاکہ وہ کیس تیارکرسکیں۔

حکام دفتر خارجہ نے بتایا کہ حساس معلومات کی وجہ سےمجازاتھارٹی کی منظوری ضروری ہوگی، جس پر عدالت نے کہا کہ جس حدتک ممکن ہوسکاعافیہ صدیقی کےوکیل سےمکمل تعاون کریں گے، اقدامات اٹھائےجائیں تاکہ فوزیہ صدیقی کی امریکامیں سیکیورٹی سیفٹی یقینی ہو۔

عدالت نے ڈاکومنٹ صرف وزارت خارجہ کے ساتھ شیئر کرنےکی ہدایت کرتے ہوئے حکم دیا کہ امریکی وکیل کلائیو سمتھ کاشیئر کردہ ڈاکومنٹ کانفیڈینشل رہے گا۔

عدالت نے فوزیہ صدیقی کوہدایت کی کہ جب کبھی کوئی ایشو ہو درخوعدالت کی فوزیہ صدیقی کوہدایتاست دیں اگلے دن سن لیں گے اور کیس کی مزید سماعت عدالت نے 30 جون تک ملتوی کردی۔