Tag: ڈاکٹر فاروق ستار

ایم کیو ایم کے اعلیٰ سطحی وفد کی ایم ڈی کے الیکٹرک سے ملاقات

کراچی : متحدہ قومی موومنٹ کے اعلیٰ سطحی وفد نے ڈاکٹرمحمد فاروق ستارکی سربراہی میں کے الیکٹرک کے ایم ڈی سے ملاقات کی۔ وفد میں رابطہ کمیٹی کے قمرمنصور، سندھ اسمبلی میں قائدحزب اختلاف خواجہ اظہارالحسن اورڈاکٹرصغیرشامل تھے، جبکہ کے الیکٹرک کی جانب سے ایم ڈی سمیت مختلف شعبوں کے افسران شامل تھے۔

دوگھنٹے سے زیادہ جاری رہنے والی میٹنگ میں ایم کیوایم کے وفدنے کراچی کے شہریوںکو کے الیکٹرک کے حوالے سے درپیش مختلف مسائل اور بالخصوص غیر اعلانیہ لوڈشیڈنگ اورطویل دورانیئے کی لوڈشیڈنگ کے عذاب سے آگاہ کیااورانہیں فی الفور حل کرنے پرزوردیا۔

ایم ڈی کے الیکٹرک نے صارفین کی شکایات اورمصائب کوحل کرنے اورایم کیوایم کے منتخب نمائندوںسے زیادہ سے زیادہ رابطہ وتعاون رکھنے کی بھرپوریقین دہانی کرائی۔ایم کیوایم نےکے الیکٹرک کی انتظامیہ کے سامنے بجلی کے چیدہ چیدہ جن مسائل پراپنی تشویش کااظہارکیا۔

ان میںطویل دورانیئے کی اعلانیہ اورغیراعلانیہ لوڈشیڈنگ، متوسط اورنچلے طبقے کے مبالغہ آمیزبلنگ کی شکایت،بجلی کے نظام تقسیم میںنہ ہونے والی سرمایہ کاری،مرمت اورتوسیع کے کاموں میںشکایت ،بجلی اوربلنگ کی شکایت کے ازالے میںہونے والی غیرضروری تاخیراورایک ہی گھرمیںرہائش پذیرایک سے زادہ فیملیزکوایک سے زیادہ انفرادی میٹرزکی فراہمی پر بندش اورنیوکنکشن کے اجراء کی ناقص اورتاخیرپرمبنی پالیسیوںسے آگاہ کیا۔

ایم کیوایم کے وفدنے کے الیکٹرککوغریب اورمتوسطہ طبقے کی بستیوںمیں رہائش پذیرعوام پراعلانیہ سات،سات گھنٹے اوراس پرمزیدغیراعلانیہ تین،تین گھنٹے کی لوڈشیڈنگ کے عذاب سے آگاہ کیاپھرستم بالائے ستم پھرانہی علاقوں میںسروس اورمرمت کے نام پرہرماہ دوبارکم ازکم12،12گھنٹے کی مزیدبجلی کے ذریعے ہزاروںصارفین کوخودساختہ مبالغہ آمیزبلوںسے ان کی اذیتوں میں مزیداضافے کی شکایت سے بھی آگاہ کیا۔

ایم کیوایم کے وفدنے کے الیکٹرککی انتظامیہ سے مطالبہ کیاکہ دہندہ صارفین اورباقاعدگی سے بل دینے والی بستیوںاورنادہندہ صارفین کوایک ہی لکڑی سے ہانکنے اوردونوںکی مشترکہ پی ایم ٹی یافراہمی کوبنیادبنانے کی بجائےکے ذریعے بجلی کی فراہمی کے نظام کوالگ الگ کیاجائے۔

وفدنے ایم ڈی کے الیکٹرککوباورکرایاکہ کے الیکٹرکایک پبلک سروس کاادارہ ہے اسے خالصتاً تجارتی مقصدکے استعمال کے بجائے غریب اورپسماندہ علاقوںکے صارفین کے لئے مختلف ریلیف پیکیجز دیئے جائیں۔

خرابپی ایم ٹیزکی درستگی اورمعطل بجلی کی بحالی اورغلط بلوںکی درستگی میںغیرضروری تاخیرکوہرحال میںختم کیاجائے اورہرشکایت کے ازالے کاایک وقت مقررکیاجائے۔وفدنے بجلی کی تقسیم کے نظام کوبہتربنانے کے لئے فی الفورنئے گرڈاسٹیشنز،نئے فیڈزاورنئیپی ایم ٹیزکے لئے خطیرسرمایہ کاری کی جائے تاکہ غیرضروری لوڈشیڈنگ اوربجلی کے تعطل کی اذیت سے لوگوں کوبچایاجائے۔

کے ڈبلیو ایس بی کے بڑے پمپنگ اسٹیشنزپرلوڈشیڈنگ اوربجلی کی معطلی سے ہرحال گریزکیاجائے اورکے الیکٹرک اور کے ڈبلیو ایس بی کے مابین تنازعات بات چیت سے حل کئے جائیں اوران کے سبب عوام کوپانی کی فراہمی میںخلل کی اذیت سے دوچارنہ کیاجائے۔

مئی 7, 2015
این اے 246: ڈاکٹر فاروق ستار نے الیکشن کیلئےآزاد مبصرین کا مطالبہ کردیا

کراچی : متحدہ قومی مومنٹ نےاین اے دوسوچھیالیس میں الیکشن کےلئےآزادمبصرین کامطالبہ کردیا۔ اس سسلے میں ایم کیو ایم کے رہنماء فاروق ستارکا کہنا ہے کہ عوام کےمینڈیٹ پرڈاکہ ڈالنے کی کوشش ہوئی توالیکشن کمیشن ذمہ دارہوگا۔

تفصیلات کے مطابق انتخابی معرکےکےمیدان میں اترنے سے چند گھنٹے پہلےایم کیوایم کےامیدوارکنورنوید اپنےدوسینئرساتھیوں کےساتھ پریس کانفرنس کےمیدان میں اترے۔

ڈاکٹرفاروق ستارنےکہا کہ دوسری جماعتوں کی فرمائشیں پوری کی گئیں،ایم کیوایم کاایک جائزہ مطالبہ بھی نہیں مانا جارہا ہے۔

انہوں نے مطالبہ کیا کہ الیکشن کاعمل دیکھنےکےلئےآزاد مبصرین کومدعوکیا جائے،عوامی مینڈیٹ پرڈاکا ڈالا گیا توالیکشن کمیشن ذمہ دارہوگا۔

فاروق ستارنےکہا کہ ایم کیوایم پرگھوسٹ پولنگ اسٹیشن بنانےاورزبردستی شناختی کارڈرکھوانےکاالزام لگایا جارہا ہے۔ الزام سچےہیں توایف آئی آرکٹوائی جائے ورنہ الیکشن ہارنے کے بعد کیا کوئی نیاعدالتی کمیشن بنوایاجائےگا۔

وسیم اخترنےاصلی شناخت کارڈ ہروقت ساتھ رکھنےکی ہدایت پربھی اعتراض کیا، ایم کیوایم رہنماؤں کا کہنا تھا کہ بےبنیاداورگمراہ کن الزامات بھی ضابطہ اخلاق کی خلا ف ورزی ہے۔ الیکشن کمیشن کونوٹس لینا چاہئیےتھا۔

اپریل 22, 2015
کسی کارکن کے ہاتھ میں ڈنڈا تھا نہ انڈا، فاروق ستار

کراچی: متحدہ قومی مومنٹ کے رہنما فاروق ستار نے کہا ہےکہ عمران خان اور ریحام خان کا بھرپور استقبال کیا ، کھانا بھی کھلاتے تحائف بھی دیتے لیکن پتانہیں کیابات ہوئی کہ عمران خان وہاں سےچلےگئے۔

پریس کانفرنس میں میڈیا سے بات کرتے ہوئےایم کیوایم کے رہنما فاروق ستار کا کہنا تھا کہ خوشی کی بات ہےعمران خان نے یادگار شہدا سے مہم شروع کی،عمران خان اور بھابھی کے لیے پر تکلف کھانے کا اہتمام کیا گیا تھا، نائن زیروآمد پر بھابھی ریحام خان کو تحفےتحائف بھی دیتے،پتا نہیں کیا بات ہوئی کہ عمران خان وہاں سےچلےگئے۔

فاروق ستار نے کہا کہ پی ٹی آئی رہنماؤں نےتھوڑی سی غیرذمےداری کامظاہرہ کیاہے، پی ٹی آئی رہنماؤں کوسیاسی پختگی، بردباری کا مظاہرہ کرنا ہوگا۔

فاروق ستار کا کہنا تھا کہ ایسےعناصرپرنظررکھنےکی ضرورت ہےجوکشیدگی چاہتے ہیں یہ تاثردرست نہیں کہ عمران خان کی واپسی کسی واقعےکےباعث ہوئی۔

فاروق ستار کا کہنا تھا کہ ہمارے کسی کارکن کےپاس ڈنڈا تو کیا انڈا یا ٹماٹر بھی نہیں تھا۔

اپریل 9, 2015
کسی جرائم پیشہ کو90پر پناہ نہیں دی، فاروق ستار

اسلام آباد: کراچی آپریشن کسی ایک جماعت کے خلاف نہیں وزیر اعظم نواز شریف نے ایم کیو ایم کے وفد کو یقین دہانی کرادی، فاروق ستار کہتے ہیں سیاسی ساکھ کو نقصان پہنچایا گیا۔کسی جرائم پیشہ کو نائن زیرو پر پناہ نہیں دی۔

ایم کیوایم کے وفد کی وزیراعظم نواز شریف سے ملاقات ہوئی، ملاقات میں وزیراعظم نواز شریف کا کہنا تھاکراچی کی عوام نے بہت مشکلات کا سامنا کیا، شہر کے امن کیلئے مشترکہ کوشش سیاسی جماعتوں کی اخلاقی ذمہ داری ہے۔

ملاقات کے بعد میڈیا سے گفتگو میں ایم کیو ایم کے رہنما فاروق ستار کا کہنا تھا کہ نائن زیرو پر کسی جرائم پیشہ کو پناہ نہیں دی، لائسنس یافتہ اسلحےکی تشہیر سے ساکھ کونقصان پہنچا۔

خالد مقبول صدیقی نے بتایا کہ وزیر اعظم سے پوچھا کہ پھانسی سے چندگھنٹے قبل کسی کابیان لیا جاسکتا ہے؟؟ ایم کیو ایم کے وفد کا کہنا تھا کہ جرائم کےخاتمےکیلئے تعاون پہلےبھی کیا تھا اب بھی کریں گے۔

عمران خان کے آڈیو کال ٹیپ کے حوالے سے ایم کیوا یم کے رہنما خالد مقبول صدیقی کا کہنا تھا کہ آڈیو ٹیپ منظر عام آنے کے عمران خان کا اصل چہرہ بے نقاب ہونا چاہئے۔

مارچ 27, 2015
ڈاکٹر فاروق ستار اورعظیم فاروقی ایم کیوایم کی رابطہ کمیٹی میں شامل

کراچی :ڈاکٹر فاروق ستار اور رکنِ سندھ اسمبلی عظیم فاروقی کو ایم کیوایم کی رابطہ کمیٹی میں شامل کرلیا گیا ہے، ایم کیو ایم کے قائد الطاف حسین نے اسکروٹنی کمیٹی اور رابطہ کمیٹی کے فیصلوں کی توثیق کردی ۔

متحدہ قومی موومنٹ کی رابطہ کمیٹی لندن اور پاکستان کے اراکین نے اسکروٹنی کمیٹی کی جانب سے مزید دو ناموں کو کلئیر قرار دے دیا ہے، جن میں رکن قومی اسمبلی ڈاکٹر فاروق ستار اور رکن سندھ اسمبلی عظیم فاروقی شامل کرلیا ہے۔

رابطہ کمیٹی نے اسکروٹنی کمیٹی سے اتفاق کرتے ہوئے ڈاکٹر فاروق ستار کو رابطہ کمیٹی کی رکنیت پر بحال کرنے اور عظیم فاروقی کو رکن کی حیثیت سے رابطہ کمیٹی میں شامل کرنے کافیصلہ کیا ہے۔

واضح رہے کہ دونوں ارکان کا شمار تحریک کے انتہائی سینئر اراکین میں ہوتا ہے، ایم کیو ایم کے قائد الطاف حسین نے اسکروٹنی کمیٹی اور رابطہ کمیٹی کے فیصلوں کی توثیق کردی ہے۔

یاد رہے کہ کچھ روز قبل ایم کیو ایم کی رابطہ کمیٹی میں بڑی تبدیلیاں کی گئی تھیں، پاکستان کے انچارج قمر منصور اور لندن کے انچارج ارشد حسین کو فارغ کردیا گیا اور مصطفیٰ عزیز آبادی کو لندن رابطہ کمیٹی کا نیا انچارج بنادیا گیا ہے۔

ایم کیو ایم رابطہ کمیٹی پاکستان میں تین نئے جوائنٹ انچارج اور لندن میں ایک جوائنٹ انچارج کا اضافہ کردیا گیا ہے، جس کے تحت پاکستان میں عامر خان، خالد مقبول صدیقی اور ڈاکٹر نصرت شوکت کو جوائنٹ انچارج بنادیا گیا۔

اس سے قبل ایم کیو ایم رابطہ کمیٹی نے قائم کردہ اسکروٹنی کمیٹی کی تحقیقات کے بعد عبد الحسیب کو کلیئر قرار دیدیا، رابطہ کمیٹی نے الطاف حسین سے عبدالحسیب کو دوبارہ رابطہ کمیٹی کی ممبر شپ دینے کی گزارش کی تھی، جس پر الطاف حسین نے رابطہ کمیٹی کے فیصلے کی توثیق کردی۔

فروری 7, 2015
اکیسویں ترمیم کیخلاف ووٹ دینے والے ملک کے حامی نہیں،فاروق ستار

کراچی : متحدہ قومی موومنٹ کے رہنماء ڈاکٹر فاروق ستار نے کہاہے کہ اکیسویں آئینی ترمیم نے قائداعظم کے پاکستان اور طالبان کے درمیان نظریاتی لکیر کھینچ دی ہے،جنھوں نے اکیسویں ترمیم کے خلاف ووٹ دیئے ہیں وہ قائداعظم کے پاکستان کے حامی نہیں۔

کراچی میں جناح سندھ میڈیکل یونیورسٹی میں سالانہ میلے میں شرکت کے بعد میڈیاسے گفتگوکرتے ہوئے ڈاکٹر فاروق ستار کاکہناتھاکہ فوجی عدالتیں دہشت گردی کے خاتمے کامستقل حل نہیں بلکہ قائداعظم کے پاکستان کاایک حصہ ہے۔

ان کاکہناتھا کہ دوسالوں کے لیئے اکیسویں ترمیم کے نتائج سامنے آجانے چاہیئں۔ انہوں نے کہاکہ دہشت گردی اور انتہاپسندی کے خاتمے کے لئے ضروری ہے کہ کمیونٹی پولیس کانظام قائم کیاجائے اور لوگوں کواونرشپ دی جائے ۔

انہوں نے کہاکہ سانحہ پشاور کے بعد طلباء وطالبات کے والدین خوف کے باعث دیگرشہروں میں رہ رہے اور اس کشمکش میں مبتلاہیں کہ وہ اپنے بچوں کواسکول بھیجیں یانہیں۔

ڈاکتر فاروق ستار نے کہاکہ قوم کے معماروں اور اسکولوں کوتحفظ دینے کے لئے مستقل بنیادوں پراقدامات کرنے کی ضرورت ہے۔

جنوری 10, 2015
ایم کیو ایم کا اعلی سطحی وفد آج وزیراعظم سے اہم ملاقات کرے گا

کراچی: ایم کیو ایم کا اعلی سطحی وفد آج اسلام آباد میں وزیراعظم میاں محمد نواز شریف سے اہم ملاقات کرے گا،، ملاقات میں وفد کی سربراہی ڈاکٹر فاروق ستار کریں گے۔

ملاقات میں ایم کیو ایم کے سینئر رہنما بھی شریک ہوں گے، وزیراعظم نواز شریف سے ہونے والی ملاقات میں ملک کی سیاسی صورتحال، مسلم لیگ نواز اور ایم کیو ایم ورکنگ ریلیشن شپ اور کراچی کے میگا پراجیکٹ کے حوالے سے تفصیلی بات چیت کی جائے گی،، ذرائع کے مطابق ملاقات میں ایم کیو ایم، لیڈر آف دی اپوزیشن خورشید شاہ کی تبدیلی اور ان کے بیان کے حوالے سے اپنا موقف وزیراعظم کے سامنے رکھے گی۔

اکتوبر 28, 2014
ایم کیو ایم کا آزاد کشمیرحکومت سےعلیحدگی کا اعلان

اسلام آباد: متحدہ قومی موومنٹ کی رابطہ کمیٹی کے ڈپٹی کنوینئرڈاکٹر فاروق ستار نے کہا ہے کہ ایم کیو ایم نے آزاد کشمیر کی حکومت سے علیحدگی کا فیصلہ کرلیا ہے اور وزیراعظم آزاد کشمیر کو اراکین کے استعفے جلد بھجوادیئے جائیں گے،

بھٹو کا وارث زرداری نہیں ہوسکتا،پی پی کے دیگر رہنماء اگر اپنے ذاتی مفادات کی خاطر یہ سب برداشت کرر ہے ہیں تو یہ ان کا مسئلہ ہے،

ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا۔ ڈاکٹر فاروق ستار نے کہا کہ ایم کیوایم کا حکومت سے علیحدگی کا اعلان حتمی ہے اور واپسی کی کوئی صورت ممکن نہیں۔

اب کسی صورت پیپلز پارٹی سے کوئی بات نہیں ہوگی،انہوں نے کہا کہ عید کے موقع پر بلاول زرداری کا بیان ناقابل برداشت ہے، بلاول زرداری نے عمر کا بھی لحاظ نہیں کیا اور نہ بعد میں کسی قسم کی معذرت یا شرمندگی کا اظہار نہیں کیا گیا،

آصف علی زرداری الگ اور ان کے صاحبزادے بلاول زرداری جارحانہ اندازرکھتے ہیں، انہوں نے کہا کہ پیپلز پارٹی اسی غیر سیاسی رویے کے باعث صرف ایک صوبے تک محدود ہو کر رہ گئی ہے،

ہم نے ہم آہنگی کی خاطر پیپلز پارٹی کاہر غیر جمہوری رویہ برداشت کیا،انکا کہنا تھا کہ اب پانی سر سے اونچا ہو چکا ہے صبر و برداشت کی حد ہو گئی تھی،

انہوں نے کہا کہ پی پی کے جلسے میں بلاول زرداری نے تمام سیاسی جماعتوں کیخلاف ایک محاذ کھول لیا، جو سندھ کی اکائیوں کو ساتھ لیکر نہیں چل سکتا وہ پورے پاکستان کو کیا ساتھ لیکر چلے گا؟

ڈاکٹر فاروق ستار نے کہا کہ کوٹہ سسٹم ختم کیا جائے، اب ون وے ٹریفک نہیں چلے گا،کوٹہ سسٹم پر نظر ثانی کرنا ہوگی۔ کراچی پاکستان کی شہ رگ ہے،

اکتوبر 22, 2014
وزیراعظم معاملات کوافہام وتفہیم سے حل کریں، ڈاکٹرفاروق ستار

کراچی:متحدہ قومی موومنٹ کے رہنما ڈاکٹر فاروق ستار نے کہا ہے کہ ملک کی موجودہ سیاسی صورتحال میں ہمارا خاموش رہنا ممکن نہیں، قائد تحریک الطاف حسین نے اسلام آباد واقعے کی شدید الفاظ میں مذمت کی ہے،انہوں نے کہا کہ مسائل حل نہ ہوئے تو معاملات سے لاتعلق سے نہیں رہ سکتے۔

ان خیالات کا اظہار انہوں نے کراچی میں پریس کانفرنس سے خطاب کرتے ہوئے کیا،انکا کہنا تھا کہ اگرپرامن مظاہرین کو وزیراعظم ہاؤس جانے دیا جاتا تو کیا ہوجاتا،اسلام آباد کے حالات پورے ملک پر اثر انداز ہورہے ہیں، لوگ ذہنی پریشانی میں مبتلا ہوگئے ہیں، ملکی معیشت کو ایک ہزار ارب روپے کا نقصان ہوچکا ہے۔

ہماری وزیراعظم سے پرزور اپیل ہے کہ خدارا معاملے کو جلد ازجلد افہام وتفہیم سے حل کیا جائے، فاروق ستار کا کہنا تھا کہ ایم کیوایم نے ملک گیر یوم سوگ منا کر پی ٹی آئی اور پی اے ٹی کے کارکنان سے اظہار یکجہتی کیا ہے۔

انہوں نے کہا کہ کل کے پولیس ایکشن سے ہماری معاملات کو سلجھانے کی تمام کوششیں ناکام ہوگئیں،وزیر اعظم سے گذارش ہے کہ اگر ان ہاؤس تبدیلی آسکتی ہے تو اس پر فوری عمل درآمد کیا جائے۔،

اگست 31, 2014
شہر میں ریاست کی عملداری نظر نہیں آتی، ڈاکٹر فاروق ستار

مارچ 19, 2014