Tag: ڈاکٹر فوزیہ صدیقی

کراچی: امریکی جیل میں قید ڈاکٹر عافیہ نے ملاقات میں اپنی بہن کو کیا بتایا، وطن واپسی پر ڈاکٹر فوزیہ صدیقی نے بتادیا۔

تفصیلات کے مطابق ڈاکٹر فوزیہ صدیقی نے امریکا سے واپسی کے موقع پر ایئرپورٹ پر میڈیا سے گفتگو کرتے ہوئے کہا کہ میں واشنگٹن گئی اور کچھ لوگوں سے ملی، بہن سے ملاقات میں فون کام نہیں کر رہا تھا ،بات نہیں کرسکی۔

ڈاکٹر فوزیہ نے انکشاف کیا عافیہ نے بتایا میں قرآن پڑھتی ہوں تو یہ زیادہ بجلی کے شاک لگاتے ہیں۔

ان کا کہنا تھا کہ ملاقات کے وقت کچھ لے جانے نہیں دیتے، یہ کس جرم کی سزا ہے ، مسلمان کی غیرت کہاں ہے ، ہمارے حکمرانوں کی غیرت کہاں ہے۔

یاد رہے مارچ میں وزیراعظم شہبازشریف نے امریکی سفیر سے ملاقات میں ڈاکٹرعافیہ صدیقی کا معاملہ پُرزور طریقے سے اٹھایا تھا۔

امریکی سفیر نے کہا تھا کہ امریکا پاکستان کو ایک اہم پارٹنر سمجھتا ہے مضبوط تعلقات استوار کرنے کیلئے مل کر کام کرنےکی امید کرتے ہیں۔

اسلام آباد : ڈاکٹر فوزیہ صدیقی نے امریکا میں قید بہن عافیہ صدیقی سے ملاقات کا احوال بتاتے ہوئے کہا کہ عافیہ کی جان خطرےمیں ہے،اس کےجسم پرپہلے سے زیادہ زخم تھے۔

تفصیلات کے مطابق امریکا میں قید عافیہ صدیقی کی بہن فوزیہ صدیقی وطن واپس پہنچ گئیں، ائیر پورٹ پر میڈیا سے گفتگو میں فوزیہ صدیقی نے کہا اس بار کا ٹرپ پہلے سے دردناک تھا۔

ڈاکٹر فوزیہ صدیقی کا کہنا تھا کہ ایک دن انتظامیہ کو ملاقات کے کمرے کی چابی نہ ملنے سے ضائع ہوگیا اور دوسرے دن ملاقات کے لیے آٹھ گھنٹے کے دورانیے میں سے صرف تین گھنٹے ہی ملے، یہ دورہ پاکستانی سفارتخانے کےذریعےتھااس نےمعاملہ کیوں نہیں اٹھایا۔

انھوں نے مزید بتایا کہ عافیہ کی جان خطرے میں ہے، اس کےجسم پر پہلے سے زیادہ زخم تھے۔

یاد رہے امریکی جیل میں قید ڈاکٹر عافیہ صدیقی سے انکی بہن فوزیہ صدیقی کی رواں سال دوسری ملاقات کروائی گئی تھی، دونوں بہنوں کی ملاقات تقریباً 30 منٹ تک جاری رہی۔

ملاقات کے بعد ڈاکٹر فوزیہ صدیقی نے ویڈیو بیان میں بتایا تھا کہ جیل میں قید عافیہ صدیقی کی حالت پہلے سے زیادہ خراب محسوس ہوئی، ملاقات کے اختتام پر بہت دکھی ہوں، عافیہ صدیقی کو ایک بار پھر اسی حالت میں چھوڑ آئی ہوں۔

اسلام آباد : ڈاکٹر فوزیہ صدیقی کی ڈاکٹر عافیہ صدیقی سےامریکی جیل میں ملاقات طے پاگئی ہے، 2اور 3دسمبر کو دونوں بہنوں کی امریکا میں ملاقات ہوگی۔

تفصیلات کے مطابق اسلام آبادہائیکورٹ میں ڈاکٹر عافیہ صدیقی کی رہائی سےمتعلق کیس کی سماعت ہوئی، جسٹس سردار اعجاز اسحاق خان نے کیس کی سماعت کی۔

ڈاکٹر عافیہ صدیقی کی رہائی سےمتعلق کیس میں اہم پیش رفت سامنے آئی ، ڈاکٹر فوزیہ صدیقی کی عافیہ صدیقی سےامریکی جیل میں ملاقات طے پاگئی ہے۔

ڈاکٹر فوزیہ صدیقی 2اور 3دسمبر کوعافیہ صدیقی سےامریکامیں ملاقات کریں گی ، سینیٹر مشتاق اور سینیٹر طلحہ بھی ڈاکٹر فوزیہ صدیقی کے ساتھ ہوں گے۔

ڈاکٹر فوزیہ صدیقی کے وکیل ایڈووکیٹ عمران شفیق نے میڈیا سے گفتگو کرتے ہوئے کہا کہ 2اور 3 دسمبر کو فوزیہ صدیقی کی ڈاکٹر عافیہ سے امریکا میں ملاقات ہوگی، دونوں بہنوں کی ایک مرتبہ پھر ملاقات ہو گی۔

ایڈووکیٹ عمران شفیق کا کہنا تھا کہ ڈاکٹر فوزیہ کی امریکا روانگی سے قبل کچھ سیکیورٹی خدشات ہیں، سیکیورٹی خدشات کودور کرنا حکومت کی ذمہ داری ہے۔

وکیل نے مزید کہا کہ ڈاکٹر عافیہ امریکا کی بدنام ترین جیل میں قید ہیں، ان پر جیل میں بدترین تشدد ہورہا ہے، اولین ترجیح یہ ہوسکتی ہے ڈاکٹر عافیہ کی فوری طور جیل تبدیل کی جائے۔

عمران شفیق ایڈووکیٹ نے بتایا کہ حکومت پاکستان سے بھی ہم نے عدالت کے ذریعے ریکارڈ حاصل کیا، تمام ریکارڈر کی موجودگی میں کیس کو مضبوط بنارہے ہیں، عافیہ کے امریکی وکیل نے اپنے افغانستان وزٹ سے بھی عدالت کو آگاہ کیا، امریکی وکیل افغانستان میں عافیہ پر مظالم کے ثبوت اکٹھےکررہےہیں۔

ان کا کہنا تھا کہ پاکستانی سفارت کارجوعافیہ سےملاقات کیلئےجاتے رہے اس کا بھی ریکارڈ لیا ہے اور عدالتی حکم پر وزارت خارجہ سےریکارڈ مل گیا ہے۔