Tag: ڈاکٹر فیصل

اسلام آباد: پاکستان نے بلوچستان لبریشن آرمی کو عالمی دہشت گرد تنظیم قرار دینے کا خیر مقدم کیا ہے، ترجمان دفتر خارجہ نے کہا کہ پاکستان میں بی ایل اے پہلے ہی سے کالعدم ہے۔

تفصیلات کے مطابق امریکا نے بلوچ لبریشن آرمی (بی ایل اے) کا نام دہشت گردوں کی فہرست میں شامل کر لیا ہے، پاکستان نے اس اقدام کا خیر مقدم کیا۔

دفتر خارجہ کے ترجمان نے کہا کہ امریکا نے بی ایل اے کو عالمی دہشت گرد تنظیم قرار دیا، پاکستان میں بی ایل اے 2006 سے کالعدم ہے، بی ایل اے نے حال ہی میں ملک میں کئی دہشت گرد حملے کیے۔

ترجمان دفتر خارجہ نے کہا کہ امریکی اقدام کے بعد امید ہے بی ایل اے کے لیے زمین مزید تنگ ہوگی، امید ہے تنظیم کے سہولت کاروں اور مالی معاونین کا بھی احتساب ہوگا۔

یہ بھی پڑھیں:  امریکا نے بی ایل اے کا نام دہشت گردوں کی فہرست میں شامل کرلیا

ترجمان کا کہنا تھا کہ بی ایل اے کو بڑھاوا دینے والوں کو بھی انصاف کے کٹہرے میں لایا جائے۔

واضح رہے کہ امریکا نے بی ایل اے اور جند اللہ کا نام دہشت گرد تنظیموں کی فہرست میں شامل کیا ہے، فہرست میں شامل دونوں تنظیموں کے اثاثہ جات بھی منجمد کیے جائیں گے، امریکی شہریوں کو ان تنظیموں سے کسی قسم کے لین دین پر پابندی ہوگی۔

رپورٹ کے مطابق بی ایل اے نے اگست 2018 میں بلوچستان میں چینی انجینئرز کو نشانہ بنایا، نومبر 2018 میں کراچی میں چینی قونصلیٹ پر حملہ کیا اور مئی 2019 میں گوادر میں ایک ہوٹل پر حملہ کیا۔

پاکستان کے علاوہ برطانیہ بھی بی ایل اے کو دہشت گرد تنظیم قرار دے چکا ہے، حکومت پاکستان اس سے قبل امریکا سے بی ایل اے کو دہشت گرد تنظیم قرار دینے کا مطالبہ بھی کر چکی تھی۔

اسلام آباد: پاکستان نے ایف اے ٹی ایف اعلامیے پر دیا گیا بھارتی بیان مسترد کر دیا، دفتر خارجہ کے ترجمان نے کہا کہ بھارت کا بیان ایک مخصوص سوچ کی عکاسی ہے۔

تفصیلات کے مطابق منی لانڈرنگ کے عالمی نگراں ادارے کی جانب سے جاری اعلامیے پر پاکستان نے بھارت کا بیان غیر ضروری قرار دیتے ہوئے مسترد کر دیا۔

دفتر خارجہ کے ترجمان نے کہا کہ بھارتی بیان ایف اے ٹی ایف معاملے کو سیاسی رنگ دینے کا ثبوت ہے۔

ترجمان کا کہنا تھا کہ پاکستان نے اپنے خدشات ایف اے ٹی ایف سے شیئر کیے ہیں، امید کرتے ہیں کہ ایف اے ٹی ایف اس سے واقف ہے، اور وہ بھارتی کوشش کو مسترد کرے گا۔

یہ بھی پڑھیں:  ایف اے ٹی ایف کا کرپٹو کرنسی کے خلاف کارروائی کا آغاز

واضح رہے کہ پاکستان نے فنانشل ایکشن ٹاسک فورس (ایف اے ٹی ایف) کی بلیک لسٹ سے بچنے کے لیے 3 اہم ممالک کا تعاون حاصل کر لیا ہے جن میں ترکی، چین اور ملائیشیا ہیں جس کے بعد پاکستان کو بلیک لسٹ میں ڈالنے کے امکانات معدوم ہو گئے ہیں۔

تاہم فنانشنل ایکشن ٹاسک فورس کی جانب سے پاکستان کو بلیک لسٹ میں ڈالنے یا نہ ڈالنے سے متعلق حتمی اعلان اکتوبر میں کیا جائے گا، عالمی ادارے کے صدر نے گزشتہ روز کہا ہے کہ اکتوبر میں پاکستان کے بلیک لسٹ ہونے کا امکان موجود ہے۔

دوسری طرف بھارت اس وقت ایف اے ٹی ایف کے ایشیا پیسفک گروپ میں شریک ہے اور پاکستان کو بلیک لسٹ میں ڈلوانے کے لیے سرگرم ہے، بھارت کا مؤقف ہے کہ پاکستان منی لانڈرنگ کی روک تھام کے لیے بین الاقوامی ضابطوں پر پوری طرح عمل کرنے میں ناکام ہو گیا ہے۔

اسلام آباد: پاکستان کے جذبۂ خیر سگالی کے مظاہرے پر بھارت کی منافقت کی ایک بار پھر سامنے آ گئی ہے، جس پر دفتر خارجہ نے رد عمل دیتے ہوئے کہا ہے کہ بھارت کو فضائی حدود کے استعمال کی اجازت بھارت کی درخواست پر دی گئی تھی۔

تفصیلات کے مطابق بھارت کی جانب سے وزیر اعظم نریندر مودی کے طیارے کے لیے پاکستانی فضائی حدود استعمال نہ کرنے کے اعلان پر ترجمان دفتر خارجہ کا ردِ عمل سامنے آ گیا ہے جس سے ایک بار پھر پڑوسی ملک کی منافقت طشت از بام ہو گئی ہے۔

دفتر خارجہ کے ترجمان ڈاکٹر فیصل نے کہا ہے کہ بھارت نے مودی کے لیے پاکستانی فضائی حدود کے استعمال کی اجازت مانگی تھی۔

ترجمان نے کہا کہ پاکستان کی جانب سے مطلوبہ مراحل کے بعد بھارت کو آج فضائی حدود کی اجازت دی گئی تھی۔

دفتر خارجہ کے ترجمان کے مطابق اب یہ بھارت پر منحصر ہے کہ وہ جو بھی فضائی راستہ استعمال کرے، بشکک جانے کے لیے بھارتی وزیر خارجہ کو بھی فضائی حدود کی اجازت دی گئی تھی۔

یہ بھی پڑھیں:  بھارت کی ہٹ دھرمی، مودی کے طیارےکیلئے پاکستانی فضائی حدود استعمال نہ کرنے کا اعلان

واضح رہے کہ شنگھائی تعاون تنظیم کے سربراہ اجلاس میں وزیر اعظم مودی کی شرکت کے لیے بھارتی ہائی کمیشن کی جانب سے ایوی ایشن ڈویژن کو 8 جون کو درخواست موصول ہوئی تھی جس پر آج پاکستان نے ایئر اسپیس کھولنے کا اعلان کر دیا تھا۔

تاہم بھارت کی ہٹ دھرمی برقرار ہے، پاکستان کی جانب سے مودی کے طیارے کے لیے فضائی حدود کی اجازت ملنے پر بھارت نے عمان ایران کے راستے جانے کا اعلان کر دیا۔

خیال رہے کہ وزیر اعظم عمران خان بھی دو روزہ سربراہ کانفرنس میں شریک ہوں گے۔