ARYNews.tv | Urdu – Har Lamha Bakhabar

Tag: ڈاکٹر قتل

  • ڈریسنگ کے بہانے آئے حملہ آوروں نے ڈاکٹر کو قتل کردیا

    ڈریسنگ کے بہانے آئے حملہ آوروں نے ڈاکٹر کو قتل کردیا

    نئی دہلی: بھارت کے دارالحکومت دہلی میں اسپتال میں داخل ہو کر ڈاکٹر کو فائرنگ کرکے قتل کردیا گیا۔

    بھارتی میڈیا رپورٹس کے مطابق نئی دہلی میں زید پور کے علاقے میں موجود اسپتال میں ڈریسنگ کے بہانے سے آنے والے حملہ آوروں نے ڈاکٹر کو فائرنگ کرکے قتل کردیا۔

    پولیس کا اس حوالے سے کہنا ہے کہ ملزمان کی تلاش کے لئے سی سی ٹی وی فوٹیج کی مدد لی جارہی ہے، جلد گرفتار کرلیں گے۔

    اسپتال کے عملے کا کہنا ہے کہ دو افراد زخمی حالت میں اسپتال آئے تھے، انہوں نے مرہم پٹی کے بعد ڈاکٹر سے متعلق پوچھا۔ ان لوگوں نے ڈاکٹر کے کیبن میں گھستے ہی فائرنگ کردی۔

    پولیس نے پورے معاملے کی تحقیقات شروع کردی ہیں اور آس پاس کے سی سی ٹی وی کو اسکین کیا جارہا ہے۔

    ابتدائی اطلاعات کے مطابق دو ملزمان ڈریسنگ کے بہانے اسپتال میں داخل ہوئے اور ڈاکٹر کو گولی مار کر قتل کر دیا۔ معاملے کی مزید تفصیلات کا انتظار ہے۔

    دوران خریداری نوجوان کی دل کا دورہ پڑنے سے موت، ویڈیو وائرل

    اس سے قبل بھی جولائی کے اوائل میں ایک نوجوان نے جی ٹی بی اسپتال کے ایک وارڈ میں ڈاکٹروں اور اس کے رشتہ داروں کے سامنے ایک 32 سالہ شخص کو فائرنگ کرکے قتل کر دیا تھا۔

  • بلدیہ ٹاؤن قائم خانی کالونی میں فائرنگ سے ڈاکٹر جاں بحق

    بلدیہ ٹاؤن قائم خانی کالونی میں فائرنگ سے ڈاکٹر جاں بحق

    کراچی: شہر قائد کے علاقے بلدیہ ٹاؤن میں قائم خانی کالونی میں فائرنگ سے ڈاکٹر جاں بحق ہو گیا۔

    تفصیلات کے مطابق بلدیہ ٹاؤن کے علاقے قائم خانی کالونی میں ایک ڈاکٹر کو گولی مار کر قتل کر دیا گیا، پولیس نے گولی مارنے والے ملزم کو گرفتار کر لیا۔

    پولیس حکام کا کہنا ہے کہ ملزم چوہدری اسلم ریٹائرڈ پولیس افسر ہے، ملزم نے ڈاکٹر ماجد کو رشتے کے تنازع پر قتل کیا، ملزم سے واردات میں استعمال ہونے والا اسلحہ بھی برآمد کر لیا گیا ہے۔

    پولیس حکام نے بتایا کہ ڈاکٹر ماجد ملزم کی بیٹی سے شادی کرنا چاہتا تھا۔

  • لبنانی فوجی نے منگیتر کے دانتوں کا علاج کرنے والے ڈاکٹر کو قتل کر دیا

    لبنانی فوجی نے منگیتر کے دانتوں کا علاج کرنے والے ڈاکٹر کو قتل کر دیا

    بیروت: لبنان میں ایک حاضر سروس فوجی نے منگیتر کے دانتوں کا علاج کرنے والے ڈاکٹر کو اس کے کلینک میں قتل کر دیا۔

    تفصیلات کے مطابق لبنانی فوج کے ایک حاضر سروس سارجنٹ سلیم فہد نے منگیتر کی شکایت پر ڈینٹسٹ کو قتل کر دیا، معلوم ہوا کہ منگیتر نے دانتوں کا درست علاج نہ کرنے کی شکایت کی تھی، جس پر وہ سخت طیش میں آ گیا تھا۔

    امارات الیوم اخبار کے مطابق یہ واقعہ لبنان کے علاقے ’ابلح الفرزل‘ میں پیش آیا، پولیس کو اطلاع ملی تھی کہ ایک شخص نے دندان ساز کو قتل کر دیا ہے، اور مقتول کی نعش اس کے کلینک میں پڑی ہے۔

    اس سلسلے میں ایک سی سی ٹی وی فوٹیج بھی منظر عام پر آئی، جس میں قاتل کو واردات کے بعد سکون کے ساتھ کلینک سے باہر نکلتے دیکھا جا سکتا ہے۔

    ابتدائی تحقیقات میں قتل کی وجہ یہ سامنے آئی کہ ملزم کی منگیتر اپنے دانتوں کا علاج کرانے کے لیے علی جاسر نامی ڈینٹسٹ کے کلینک گئی تھی، علاج کے بعد اسے کوئی خاص فرق نہیں پڑا جس پر اس نے اپنے منگیتر سے ڈاکٹر کی شکایت کرتے ہوئے اپنی تکلیف کا ذکر کیا۔

    منگیتر کی شکایت سارجنٹ سے برداشت نہ ہوئی اور وہ طیش میں آکر ڈاکٹر کے کلینک پہنچا، جہاں بحث کے دوران اس نے ڈاکٹر پر تیز دھار آلے سے حملہ کر دیا۔

    رپورٹس کے مطابق ڈاکٹر موقع پر ہی ہلاک ہوگیا تھا جس کی نعش پولیس نے اپنی تحویل میں لے لی، بعد ازاں فوجی کو بھی گرفتار کر لیا گیا۔ ڈاکٹروں کی یونین نے قاتل کو سخت سزا دینے کا مطالبہ کیا ہے، جب کہ سوشل میڈیا پر بھی لوگوں نے شدید غم وغصے کا اظہار کیا۔

  • کراچی میں بھتہ خور اور ٹارگٹ کلر پھر سرگرم ہوگئے، ڈاکٹر قتل

    کراچی میں بھتہ خور اور ٹارگٹ کلر پھر سرگرم ہوگئے، ڈاکٹر قتل

    کراچی : شہر قائد میں بھتہ خوری کے ساتھ ساتھ ٹارگٹ کلنگ کا سوئچ بھی آن ہوگیا ،گلشن اقبال میں کلینک پر فائرنگ سے ڈاکٹر جاں بحق ہوگیا، دیگر واقعات میں تین افراد جان سے گئے۔ پولیس نے کارروائیاں کرکے معتدد ملزمان اور ٹارگٹ کلرز کو گرفتار کرلیا۔

    تفصیلات کے مطابق کراچی میں بھتہ خوری کے ساتھ ٹارگٹ کلر بھی سرگرم ہوگئے۔ گلشن اقبال میں کلینک میں بیٹھے ڈاکٹر کو نشانہ بنایا گیا۔ ڈاکٹرعبدالخالق گولیاں لگنے سے جاں بحق ہوگئے۔

    کراچی کے علاقے ابو الحسن اصفہانی روڈ پر نامعلوم افراد نے کلینک پر فائرنگ کرکے ڈاکٹر کو قتل کردیا ۔پولیس کا کہنا ہے کہ کلینک کے سامنے سے نائن ایم ایم کے خول ملے ہیں، دیگر فائرنگ اور پرتشدد واقعات میں لیاری شاہ بیگ لین میں فائرنگ سے ایک شخص جان سے گیا۔

    کورنگی کے ڈی اے چورنگی پر فائرنگ سے ایک شخص جان کی بازی ہار گیا۔ کورنگی میں بھی ایک شخص جان سے ہاتھ دھو بیٹھا۔

    کراچی میں قانون نافذ کرنے والوں نے جرائم پیشہ عناصر کے گرد گھیرا تنگ کردیا۔ بریگیڈ پولیس نے کارروائی کرکے چار ٹارگٹ کلرز کو گرفتار کرلیا۔

    گرفتار ملزمان کا تعلق مذہبی جماعت سے بتایا جاتا ہے۔ ملزمان چار افراد کی ٹارگٹ کلنگ میں ملوث ہیں ۔ ملزمان بھتہ خوری میں بھی ملوث رہے۔

    گرفتار ملزمان نے پاکستان بازار میں پولیس موبائل پر فائرنگ کی اور بھتہ نہ دینے پر دواسکولوں پر دستی بم حملے کئے، نیو وائرلیس گیٹ سے بھی ٹارگٹ کلر دھرلیا گیا۔

    ملزم کے قبضے سے کریم بم اور اسلحہ برآمد ہوا ہے۔ جمشید کوارٹر سے بھی تین ملزمان گرفتار کئے گئے۔