Tag: ڈاکٹر مرتضیٰ مغل

پاکستان اکانومی واچ کے صدر ڈاکٹر مرتضیٰ مغل نے کہا ہے کہ ٹیکسٹائل سیکٹر کیلئے زیرو ریٹنگ کی سہولت ناکافی ہے ، اسے مزید سہولیات دی جائیں تاکہ پاکستان بین الاقوامی منڈی میں پاؤں جما سکے۔

اپنے ایک بیان میں انہوں نے کہا کہ پاکستانی معیشت میں اہم کردار ادا کرنے والے چودہ کھرب روپے کاٹیکسٹائل کا شعبہ توانائی بحران اور دیگر مسائل کی وجہ سے مسائل کا شکارہے ، جس کی بحالی کیلئے فوری اقدامات کئے جائیں۔

انہوں نے کہا کہ ملکی برامدات کا 57فیصدکمانے والا ٹیکسٹائل کا شعبہ جو مینوفیکچرنگ کا 46فیصد، لیبر کا 38فیصد اور حصہ جی ڈی پی کا نو فیصد ہے حال ہی میں اپنی تاریخ کے بد ترین بحران سے دوچار رہاہے تاہم بجٹ میں زیرو ریٹنگ کی وجہ سے اسے ریلیف ملا ہے۔

، مقامی مسائل اور حریف ممالک کی جانب سے اپنے ٹیکسٹائل کے شعبہ کو مراعات دینے کے سبب اسکے پاؤں بین الاقوامی منڈی سے اکھڑ رہے ہیں جبکہ اسے کھویا ہوا مقام دلوانے کیلئے حکومت مزید اقدامات کرے۔

اسلام آباد: پاکستان اکانومی واچ کے صدر ڈاکٹر مرتضیٰ مغل نے کہا ہے عالمی برادری تیل کی قیمتوں میں کمی کے سنگین بحران کا حل ڈھونڈے کیونکہ اس سے تیل برامد کرنے والے متمول ممالک سے قبل تیل درامد کرنے والے ترقی پزیر ممالک دیوالیہ ہو جائیں گے ، جس سے ایک نیا عالمی بحران جنم لیگا۔

اپنے ایک بیان میں انہوں نے کہا کہ پاکستان اخراجات گھٹانے، برامدات بڑھانے اور ویلیو ایڈیشن کیلئے ہنگامی اقدامات کرے ورنہ اسے آئی ایم ایف کا قرضہ بھی اسے ڈیفالٹ سے بچا نہیں سکے گا۔

ڈاکٹر مرتضیٰ مغل نے کہا کہ عرب ممالک سمیت تیل پیدا کرنے والے تمام ملک بحران کا شکار ہیں اور ماہرین کے مطابق اگرتیل کی قیمت کم رہی تو سات سو ارب سے زیادہ کے زرمبادلہ کے زخائر رکھنے والا ملک سعودی عرب بھی 2020 تک دیوالیہ ہو سکتا ہے۔

اس وقت چھانٹیوں کی زد میں پاکستانی لیبر بھی آرہی ہے ، جس سے ترسیلات کم اور ملک میں بے روزگاری بڑھے گی جبکہ ادائیگیوں کا توازن بری طرح بگڑ جائے گا ، جس پر قابو پانا ناممکن ہو گا۔

پاکستان اکانومی واچ کے صدر ڈاکٹر مرتضیٰ مغل نے ایس این جی پی ایل کی جانب سے گیس کی قیمتوں میں47 فیصد اضافہ کی کوشش پر شدید ردعمل ظاہر کرتے ہوئے کہا ہے کہ یہ ادارہ بعض بڑے سرمایہ داروں کے مفادات کی نگہبان بن گئی ہے جبکہ عوام اور کاروباری برادری کے مفادات کو پش پشت ڈال دیا گیا ہے۔

اپنے ایک بیان میں اس فیصلے پر شدید تنقید کرتے ہوئے انہوں نے کہا کہ حکومت موسم سرما میں کئے گئے اس اقدام کا نوٹس لے جبکہ اوگرا اضافہ کی اجازت نہ دے کیونکہ اس سے عوام کے مسائل میں اضافہ اور گیس استعمال کرنے والے یونٹوں کی کاروباری لاگت بڑھ جائے گی۔

ڈاکٹر مرتضیٰ مغل نے کہا کہ ایس این جی پی ایل پہلے ہی سترہ فیصد منافع کما رہی ہے اور ایل این جی کی تقسیم کے ضمن بھی غیر قانونی منافع کمانے میں مصروف ہے اسلئے گیس کی قیمت میں مزید اضافہ کا کوئی جواز نہیں۔

کراچی: پاکستان اکانومی واچ کے صدر ڈاکٹر مرتضیٰ مغل نے کہا ہے کہ روپے کی قدر کافی کم ہو چکی ہے اور اس میں مزید کمی ملکی مفاد کے خلاف ہوگی،برامدت بڑھانے کیلئے روپے کی قدر کے بجائے کاروباری لاگت کم کرنا ہو گی جس میں توانائی کی قیمت، ٹیکسوں میں چھوٹ اورپھنسے ہوئے ریفنڈز کی ادائیگی شامل ہے۔

اپنے ایک بیان میں انہوں نے کہا کہ روپے کی قدر کم کرنے سے درامدات جو برامدات سے دگنی ہیں کی قیمت بڑھنے کے علاوہ قرضہ اور اسکے سود میں بھی اضافہ ہو گا جبکہ افراط زر بڑھ جائے گا۔

اسکے علاوہ آئل، خوردنی تیل، مشینری اور دیگر اشیاء کی قیمت بھی بڑھے گی ، جس سے مہنگائی کا سیلاب آ جائے گا،روپے کے موجودہ زوال سے غیر ملکی قرضوں میں 248 ارب روپے کا اضافہ ہو چکا ہے۔

اگر ڈالر 110 روپے کا ہو گیا تو غیر ملکی قرضوں میں 620 ارب روپے کا اضافہ ہو جائے گا اور اسکا سود بھی اسی تناسب سے بڑھے گا ، جس سے ملکی خزانہ دباؤ کا شکار ہوجائے گا کیونکہ اس وقت کل جمع شدہ محاصل کا 44 فیصد قرضوں کے سود کی نزر ہو رہا ہے۔

اسلام آباد : پاکستان اکانومی واچ کے صدر ڈاکٹر مرتضیٰ مغل نے کہا ہے کہ دولت کی منصفانہ تقسیم یقینی بنائے بغیر دہشت گردی اور انتہاپسندی کے خلاف جنگ جیتنا مشکل ہو گا۔

پاکستان میں ستر فیصد محاصل بالواسطہ ٹیکس کے زریعے جبکہ صرف تیس فیصد ڈائریکٹ ٹیکس کے ذریعے وصول کئے جا رہے ہیں ۔

جس نے دولت میں غیر منصفانہ تقسیم اور سماجی و معاشی تفاوت کو نئی بلندیوں تک پہنچا دیا ہے، اپنے ایک بیان میں انہوں نے کہا کہ ٹیکس کا دباؤ عوام پر اور فائدہ اشرافیہ اٹھا رہے ہیں۔

سیاستدان، بڑے صنعتکار و سرمایہ کار اور بیوروکریٹ ملکی وسائل سے جونک کی طرح چمٹے ہوئے ہیں،چودہ کروڑ موبائل صارفین سے 34.5فیصد انکم اور سیلز ٹیکس وصول کیا جا رہا ہے جبکہ ان میں سے اکثریت قابل ٹیکس آمدنی نہیں رکھتے۔

پاکستان میں ڈیڑھ کروڑ امیر اور ڈھائی کروڑاپر مڈل کلاس سے تعلق رکھنے ہیں مگر ان میں سے صرف پانچ لاکھ ٹیکس ریٹرن جمع کرواتے ہیں۔