Tag: ڈاکٹر یاسمین راشد

لاہور : انسداد دہشت گردی عدالت نے تھانہ شادمان نذر آتش کیس میں ڈاکٹر یاسمین راشد کی درخواست ضمانت خارج کر دی۔

تفصیلات کے مطابق انسداددہشت گردی عدالت نے تھانہ شادمان نذر آتش کیس میں ڈاکٹر یاسمین راشد سمیت 34 ملزمان کی بعداز گرفتاری درخواست ضمانت پر فیصلہ دیا۔

انسداددہشت گردی عدالت کے جج اعجازاحمدبٹرنے فیصلہ سنایا، جس میں عدالت نے یاسمین راشد سمیت 12 ملزمان کی درخواست ضمانت خارج کر دی۔

ڈاکٹر یاسمین راشد کے علاوہ ارباز، طاہر، غلام عباس، زاہد اور علی حمزہ سمیت دیگر ملزمان کی درخواست خارج کی گئی۔

عدالت نے دیگر 22 شریک ملزمان کی درخواست ضمانت منظورکر لی ، ضمانت ملنے والے 22 ملزمان میں زیادہ ترکم عمر لڑکے شامل ہیں ، عدالت نے کہا کہ 4 ملزمان کےحق میں بیلف رپورٹ موجود تھی۔

لاہور : پنجاب حکومت نے جناح ہاؤس جلاؤ گھیراؤ کیس میں پی ٹی آئی رہنما ڈاکٹر یاسمین راشد کی بریت کو لاہورہائیکورٹ میں چیلنج کردیا۔

تفصیلات کے مطابق جناح ہاؤس جلاؤ گھیراؤ کیس میں پی ٹی آئی رہنما ڈاکٹر یاسمین راشد کی بریت کو لاہورہائی کورٹ میں چیلنج کردیا گیا۔

پنجاب حکومت نے ڈپٹی پراسیکیوٹر جنرل سلطان اصغر کے توسط سے اپیل دائر کی، درخواست میں مؤقف اختیار کیا کہ ڈاکٹر یاسمین راشد نے جناح ہاؤس پر حملے کی ہدایات دیں اور ورکرز کو جناح ہاؤس تک لے کر گئیں۔

درخواست میں استدعا کی گئی کہ عدالت اپیل منظور کرکےیاسمین راشد کی بریت کےفیصلےکوکالعدم قرار دے۔

یاد رہے انسداد دہشت گردی کی عدالت نے پی ٹی آئی رہنما ڈاکٹر یاسمین راشد کو جناح ہاؤس حملہ کیس سے بری کردیا تھا۔

عدالت نے فیصلے میں کہا تھا کہ ڈاکٹر یاسمین راشد کو شریک ملزم کے بیان کی بنیاد پر بلایا گیا ہے، کوئی ایسا ٹھوس ثبوت نہیں پیش کیا گیا کہ جس سے ثابت ہو کہ وہ اس جرم میں ملوث ہیں۔

عدالت کے تحریری فیصلے کے مطابق ڈاکٹریاسمین راشد کو مقدمہ سے ڈسچارج کیا جاتا ہے، اگر وہ کسی دوسرے مقدمہ میں مطلوب نہ ہوں تو انہیں رہا کردیا جائے۔

بعد ازاں وزیراعظم کے معاون خصوصی عطا تارڑ کا کہنا تھا کہ پی ٹی آئی رہنما یاسمین راشد کو جناح ہاؤس حملہ کیس میں عجلت میں بری کردیا گیا۔

عطا تارڑ نے کہا تھا کہ فرانزک رپورٹ میں یاسمین راشد کی موقع پر موجودگی ثابت ہوئی ہے، فرانزک رپورٹ عدالت میں جمع کروانی تھی لیکن انتظار نہیں کیا گیا۔

لاہور : پاکستان تحریک انصاف کی رہنما ڈاکٹر یاسمین راشد نے پریس کانفرنس سے متعلق سوال پر جواب دیتے ہوئے کہا ان کی دال یہاں گلنے والی نہیں۔

تفصیلات کے مطابق لاہور میں انسداد دہشت گردی کی عدالت میں پاکستان تحریک انصاف کی رہنما ڈاکٹر یاسمین راشد نے میڈیا سے مختصر گفتگو کی۔

ڈاکٹر یاسمین راشد نے کہا کہ اللہ سے امید ہے ، انشااللہ انصاف ملے گا، صحافی نے سوال کیا کہ کہیں آپ کو تو نہیں پریس کانفرنس کا کہا جا رہا؟

جس پر ڈاکٹر یاسمین راشد نے جواب دیا کہ مجھے تو کسی نے کچھ نہیں کہا، ان کی دال یہاں گلنے والی نہیں۔

یاد رہے گذشتہ ہفتے عدالت میں پیشی کے موقع پر صحافی نے یاسمین راشد سے سوال کیا تھا کہ کیا آپ بھی پی ٹی آئی چھوڑ رہی ہے؟ جس پر ڈاکٹر یاسمین راشد نے کہا کہ میں پی ٹی آئی اور عمران خان کے ساتھ کھڑی ہوں، پی ٹی آئی نہیں چھوڑوں گی۔

خیال رہے انسداد دہشت گردی عدالت نے جناح ہاﺅس میں جلاﺅ گھیراﺅ اور توڑ پھوڑ کے مقدمے میں ڈاکٹر یاسمین راشد کو جوڈیشل ریمانڈ پر جیل بھیج دیا تھا۔

اس سے قبل انسداد دہشت گردی عدالت لاہور نے پاکستان تحریک انصاف کی رہنما ڈاکٹر یاسمین راشد کو 3 روزہ جسمانی ریمانڈ پر پولیس کے حوالے کیا تھا۔

لاہور : تحریک انصاف کی رہنما ڈاکٹر یاسمین راشد نے پی ٹی آئی چھوڑنے کے سوال پر جواب دیا کہ عمران خان کیساتھ کھڑی ہوں، پی ٹی آئی نہیں چھوڑوں گی۔

تفصیلات کے مطابق تحریک انصاف کی رہنما یاسمین راشد کو انسداد دہشت گردی عدالت میں پیش کیا گیا، ان پر کور کمانڈر ہاؤس پر حملے کا الزام ہے۔

عدالت میں پیشی کے موقع پر ، صحافی نے یاسمین راشد سے سوال کیا کہ کیا آپ بھی پی ٹی آئی چھوڑ رہی ہے؟ جس پر ڈاکٹر یاسمین راشد نے کہا کہ میں پی ٹی آئی اور عمران خان کے ساتھ کھڑی ہوں، پی ٹی آئی نہیں چھوڑوں گی۔

یاد رہے 23 مئی کو انسداد دہشت گردی کی عدالت نے جناح ہاؤس حملہ کیس میں پی ٹی آئی کی رہنما ڈاکٹریاسمین راشد کو تین روزہ جسمانی ریمانڈ پر پولیس کے حوالے کردیا تھا۔

عدالت نے ڈاکٹریاسمین راشد کو 25 مئی کو دوبارہ پیش کرنے کا حکم دیا جبکہ تفتیشی افسر نے سات روز کے جسمانی ریمانڈ کی استدعا کی تھی۔

لاہور : لاہور ہاٸی کورٹ نے پی ٹی آٸی کی رہنما ڈاکٹر یاسمین راشد کی نظر بندی کا نوٹی فیکیشن معطل کرتے ہوٸے رہا کرنے کا حکم دے دیا۔

تفصیلات کے مطابق لاور ہاٸی کورٹ میں پی ٹی آٸی کی رہنما ڈاکٹر یاسمین راشد کی نظر بندی کے نوٹیفیکیشن کیخلاف درخواست پر سماعت ہوئی۔

جسٹس صفدر سلیم شاہد نے کیس کی سماعت کی، ڈاکٹر یاسمین راشد کے وکیل احمد اویس نے عدالت کو بتایا کہ وہ کینسر کی مریضہ ہیں ۔ انھیں گھسیٹ کر لے جایا گیا ۔ اس طرز عمل سے ان کی صحت کو شدید خطرات لاحق ہیں ۔

عدالت نے استفسار کیا کہ ڈاکٹر یاسمین راشد کے خلاف مواد کیا ہے، جس پر سرکاری وکیل نے بتایا کہ ان کے خلاف مقدمہ درج ہے لہذا یہ متعلقہ فورم سے رجوع کریں ۔

سرکاری وکیل نے اعتراض اٹھایا کہ عدالت روٹین کے مطابق اس کیس کو سنے آج ہفتہ کے روز درخواست سنی جارہی ہے، جس پر عدالت نے ریمارکس دیے کہ آپ غلط تاثر دے رہے ہیں اگر اتوار یا گزیٹیڈ چھٹی ہوتی تو آپ کہہ سکتے ہیں ججز تو ہفتے کے روز بھی عدالت آتے ہیں ۔

عدالت نے ڈاکٹر یاسمین راشد کی نظر بندی کا حکم معطل کرتے ہوٸے انھیں فوری رہا کرنے کا حکم دے دیا ۔

دوسری جانب عدالت نے گرفتار پی ٹی آٸی کی 17خواتین کارکنوں کی بھی رہاٸی کا حکم دیا۔