کراچی: 9 اور 10 محرم الحرام کو موٹرسائیکل کی ڈبل سواری پر پابندی عائد کردی گئی ہے جس کا نوٹیفکیشن بھی جاری کردیا گیا ہے۔
سیکیورٹی کو بہتر بنانے اور امن و امان کا ماحول برقرار رکھنے کےلیے یوم عاشورہ اور اس سے ایک دن قبل 9 محرم الحرام کو موٹرسائیکل کی ڈبل سواری پر مکمل پابندی ہوگی، ٹو وہیلر کی ڈبل سواری پر پابندی کا نوٹی فکیشن ابھی سے جاری کردیا گیا ہے۔
سندھ حکومت نے محرم الحرام کیلئے سیکیورٹی پلان بھی جاری کردیا ہے، جس کے تحت بغیراجازت جلوس، روٹ میں تبدیلی، اشتعال انگیز مواد پر پابندی ہوگی۔
محرم کا چاند دیکھنے کیلئے مرکزی رویت ہلال کمیٹی کا اجلاس کل ہوگا
ماہ محرم میں بجلی، پانی، اسٹریٹ لائٹس، صفائی کےاقدامات کو یقینی بنانے کی ہدایت کی گئی ہے، حکام نے کہا کہ تمام جلوسوں کو مکمل سیکیورٹی کے بغیر اجازت نہ دی جائے، نفرت انگیز آڈیو، ویڈیو اور مواد کی خرید و فروخت پر مکمل پابندی ہوگی۔
پولیس، رینجرز اور انتظامیہ کے کنٹرول رومز قائم کرنے کی ہدایت کی گئی ہے، دونوں مکاتب فکر کو اسکاؤٹس اور پرائیویٹ سیکیورٹی رکھنے کی ہدایت کی گئی ہے۔
https://urdu.arynews.tv/muharram-unauthorized-processions-provocative-content/
