ARYNews.tv | Urdu – Har Lamha Bakhabar

Tag: ڈبل سواری پر پابندی

  • ماہ ربیع الاوّل : کراچی میں ڈبل سواری پر پابندی کی مدت میں کمی کا اعلان

    ماہ ربیع الاوّل : کراچی میں ڈبل سواری پر پابندی کی مدت میں کمی کا اعلان

    کراچی : سندھ حکومت نے ماہ ربیع الاوّل کے موقع پر کراچی میں موٹر سائیکل کی ڈبل سواری پر دس روز کی پابندی کا فیصلہ واپس لے لیا، اب صرف تین دن پابندی رہے گی۔

    تفصیلات کے مطابق محکمہ داخلہ سندھ نے موٹر سائیکل کی ڈبل سواری سے متعلق نیا نوٹیفکیشن جاری کردیا، جس کے مطابق ڈبل سواری پر پابندی اب دس روز سے کم کرکے تین روز کردی گئی ہے، نئے حکم نامے کے تحت پابندی اب دس ربیع الاوّل سے13ربیع الاوّل تک ہوگی۔

    شہر میں قیام امن اور سیکیورٹی خدشات کے پیش نظر نوٹی فکیشن میں کہا گیا ہے کہ شہریوں کے اسلحہ لے کر چلنے اور لاؤڈ اسپیکر کےاستعمال پر پابندی ہوگی۔

    مزید پڑھیں: ماہ ربیع الاوّل ،حکومت سندھ نے موٹر سائیکل کی ڈبل سواری پر بھی 10روز کی پابندی لگا دی

    اس پابندی کا اطلاق جشن عید میلادالنبی کی محافل، ریلیوں اور جلوسوں پر نہیں ہوگا، اس کے علاوہ لائسنس یافتہ اسلحہ لے کرچلنے پر بھی پابندی ہوگی۔

  • ماہ ربیع الاوّل : حکومت سندھ نے موٹر سائیکل کی ڈبل سواری پر بھی 10روز کی پابندی لگا دی

    ماہ ربیع الاوّل : حکومت سندھ نے موٹر سائیکل کی ڈبل سواری پر بھی 10روز کی پابندی لگا دی

    کراچی : حکومت سندھ نے ماہ ربیع الاوّل کے موقع پر صوبے بھر میں دفعہ144نافذ کردی ہے، موٹر سائیکل کی ڈبل سواری پر بھی 10روز کی پابندی لگا دی گئی، محکمہ داخلہ نے نوٹیفکیشن جاری کردیا۔

    تفصیلات کے مطابق سندھ حکومت نے ماہ محرم کے بعد ایک بار پھر امن و امان کے پیش نظر ماہ ربیع الاوّل میں صوبے بھر میں میں دفعہ144نافذ کردی۔

    محکمہ داخلہ سندھ کے جاری کردہ حکم نامہ میں دفعہ144کے تحت موٹر سائیکل کی ڈبل سواری پر بھی پابندی ہوگی اور اس کا اطلاق ربیع الاوّل کی10تاریخ سے 20تاریخ تک ہوگا۔

    سندھ میں دس روز تک12ربیع الاوّل کی محافل نعت، اور جلوسوں کے علاوہ5سے زائد افراد کے ایک جگہ اکٹھے ہونے پر پابندی عائد کردی گئی ہے، دفعہ 144کانفاذ 20ربیع الاول تک ہوگا۔

    محکمہ داخلہ سندھ کانوٹی فکیشن کے مطابق نفرت انگیز تقاریر پر مبنی آڈیو اور ویڈیو بیانات چلانے پر پابندی ہوگی، اس کے علاوہ لاؤڈ اسپیکر پر پابندی اور اسلحہ لے کر چلنے کے تمام اجازت نامے بھی منسوخ کردیئے گئے ہیں۔

  • کراچی میں تین دن موٹر سائیکل کی ڈبل سواری پر پابندی عائد

    کراچی: محرم الحرام کی سیکورٹی کے سلسلے میں شہرِ قائد میں تین دن کے لیے موٹر سائیکل کی ڈبل سواری پر پابندی لگادی گئی۔

    تفصیلات کے مطابق محکمۂ داخلہ نے شہر میں محرم کے تین دنوں میں سیکورٹی خدشات کے پیشِ نظر موٹر سائیکل کی ڈبل سواری پر پابندی لگا دی۔

    محکمۂ داخلہ کے اعلامیے کے مطابق کراچی میں 10،9،8 محرم کو موٹر سائیکل ڈبل سواری پر پابندی ہو گی۔

    محکمۂ داخلہ کے مطابق موٹر سائیکل کی ڈبل سواری پر پابندی کا اطلاق آج رات 12 بجے سے ہوگا، یہ پابندی پولیس کی درخواست پر لگائی گئی ہے۔

    یہ بھی پڑھیں:  سندھ میں موٹرسائیکل کی ڈبل سواری پرپابندی عائد

    واضح رہے کہ دس دن قبل بھی سندھ حکومت کی جانب سے محرم الحرام میں صوبے بھر میں موٹر سائیکل کی ڈبل سواری پر پابندی عائد کی تھی۔

    محکمۂ داخلہ سندھ کے نوٹیفکیشن کے مطابق سندھ بھر میں اسلحے کی نمائش، لاؤڈ اسپیکر کے بلا اجازت استعمال پر بھی پابندی عائد کی گئی تھی۔

  • سندھ بھر میں ڈبل سواری پر پابندی کا فیصلہ

    سندھ بھر میں ڈبل سواری پر پابندی کا فیصلہ

    کراچی: محرم الحرام کی سیکیورٹی کے لیے سندھ بھر میں موٹر سائیکل کی ڈبل سواری پر 3 روز کے لیے پابندی عائد کرنے کا فیصلہ کیا گیا ہے۔

    اطلاعات کے مطابق اس بات کا فیصلہ کراچی میں منعقدہ امن و امان سے متعلق ایک اجلاس میں کیا گیا۔

    اجلاس کے مطابق محرم الحرام میں سیکیورٹی خدشات کے پیش نظر کراچی سمیت سندھ بھر میں اسلحہ لے کر چلنے اور ڈبل سواری پر پابندی عائد کی جائے گی جس کا اطلاق تین روز کے لیے 8 تا 10 محرم الحرام کو ہوگا۔

    فیصلہ کیا گیا کہ وفاقی و صوبائی حکومت کے احکامات اور ضابطہ اخلاق کی پاسداری کی جائے گی،مجالس اور جلوسوں کے راستوں کو تبدیل کرنے کی اجازت نہیں ہوگی، نفرت انگیز جھنڈے لہرانے، پمفلٹ، سی ڈیز کی ممانعت ہوگی۔

    شرکا کے مطابق 9اور 10 محرم الحرام کو موبائل فون سروس بند کرنے کی سفارش مجاز اتھارٹی کو پیش کی جائے گی۔

  • سندھ بھر میں ڈبل سواری پرعائد پابندی ختم

    سندھ بھر میں ڈبل سواری پرعائد پابندی ختم

    کراچی : چہلم امام حسینؓ کے موقع پر سندھ بھر میں عائد کردہ موٹر سائیکل کی ڈبل سواری پرعائد پابندی ختم کردی گئی۔

     سیکیورٹی خدشات کے پیش نظر سندھ حکومت نے 20 اور 21 نومبر کو صوبے بھر میں موٹر سائیکل کی ڈبل سواری پر پابندی عائد کی تھی جو پیر کی رات 12 بجے ختم ہوگئی۔

    سندھ حکومت کی جانب سے حضرت امام حسینؓ کے چہلم کے موقع پر امن و امان برقرار رکھنے اور کسی ناخوشگوار واقعے سے نمٹنے کے لیے ڈبل سواری پر پابندی لگانے کا فیصلہ کیا تھا۔

    چہلم امام حسین رضی اللہ عنہ کے موقع پر سندھ بھر میں ڈبل سواری پر پابندی عائد کرنے کا نوٹی فکیشن 17 نومبر کو جاری کیا گیا تھا جس کے مطابق 12 سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ قرار دیے گئے تھے۔

    قبل ازیں ڈبل سواری پر پابندی 8 محرم الحرام سے 10 محرام الحرام کی شب تک لگائی گئی تھی اور خلاف ورزی کرنے والوں کو ایک رات تھانے میں گزارنے کے ساتھ ساتھ 5ہزار روپے کی زر ضمانت کے عوض عدالت سے رہا کیا گیا ۔

  • سندھ بھرمیں دو روز کیلئے ڈبل سواری پر پابندی عائد

    سندھ بھرمیں دو روز کیلئے ڈبل سواری پر پابندی عائد

    کراچی : چہلم امام حسینؓ کے موقع پر سیکیورٹی خدشات کے پیش نظر سندھ حکومت نے  آج اور کل سے صوبے بھر میں  موٹر سائیکل کی ڈبل سواری پر پابندی عائد کردی ہے۔ جس کا اطلاق ہوچکا ہے۔ 

    اے آر وائی نیوز کے رپورٹر ارباب چانڈیو کے مطابق چہلم امام حسین رضی اللہ عنہ کے موقع پر سندھ بھر میں ڈبل سواری پر پابندی عائد ہوگئی جس کا نوٹی فکیشن گزشتہ روز جاری کیا گیا تھا۔

    سندھ حکومت کی جانب سے حضرت امام حسین کے چہلم کے موقع پر امن و امان برقرار رکھنے اور کسی ناخوشگوار واقعے سے نمٹنے کے لیے ڈبل سواری پر پابندی لگانے کا فیصلہ کیا گیا۔

    محکمہ داخلہ سندھ کی جانب سے جاری نوٹی فکیشن کے مطابق پابندی کا اطلاق آج رات 12 بجے سے شروع ہوچکا ہے جو 21 نومبررات 12 بجے تک ہو گا۔

    نوٹی فکیشن کے مطابق بارہ سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ ہوں گے،

    notification

    ترجمان سندھ حکومت کا کہنا ہے کہ ڈبل سواری کی پابندی کی خلاف ورزی کرنے والوں کے خلاف سخت کارروائی عمل میں لائی جائے گی۔

    اس سے قبل ڈبل سواری پر پابندی 8 محرم الحرام سے 10 محرام الحرام کی شب تک لگائی گئی تھی اور خلاف ورزی کرنے والوں کو ایک رات تھانے میں گزارنے کے ساتھ ساتھ 5ہزار روپے کی زر ضمانت کے عوض عدالت سے رہا کیا گیا ۔

  • کراچی میں ڈبل سواری پر پابندی عائد

    کراچی میں ڈبل سواری پر پابندی عائد

    کراچی : شہر میں محرم الحرام کے حفاظتی اقدام کے پیش نظر آج (ہفتے) شام 6 بجے سے 10 محرم تک ڈبل سواری پر پابندی عائد کردی گئی، جو 10محرم الحرام تک لاگو رہے گی۔

    سندھ حکومت کی جانب سے محرم الحرام کے مہینے میں امن و امان برقرار رکھنے اور کسی ناخوشگوار واقعے سے نمٹنے کے لیے ڈبل سواری پر پابندی لگانے کا فیصلہ کیا گیا ہے۔

    محکمہ داخلہ سندھ کی جانب سے جاری نوٹی فکیشن کے مطابق پابندی کا اطلاق آج 6 بجے سے شروع ہوچکا ہے جو 10 محرم تک جاری رہے گا۔

    نوٹی فکیشن کے مطابق بارہ سال سے کم عمر بچے، بزرگ ، صحافی اور قانون نافذ کرنے والے اداروں کے اہلکار اس پابندی سے مستثنیٰ ہوں گے،ڈبل سواری پر پابندی کی خلاف ورزی کرنے والوں کے خلاف پولیس سخت کارروائی کرے گی۔

    واضح رہے کہ پہلے ماہ محرم کی نو اور دس تاریخ کو ڈبل سواری پر پابندی لگانے کا فیصلہ کیا گیا تھا لیکن گزشتہ شب کراچی میں تین مقامات پر موٹر سائیکل سواروں کی جانب سے فائرنگ کرکے دو افراد کو جاں بحق کرنے کے بعد آئی جی سندھ کی جناب سے فوری پر ڈبل سواری پر پابندی لگانے کا فیصلہ کیا گیا تھا۔

  • سندھ حکومت کی محرم میں موبائل فون اور ڈبل سواری پرپابندی کی تجویز

    سندھ حکومت کی محرم میں موبائل فون اور ڈبل سواری پرپابندی کی تجویز

    کراچی : حکومت سندھ نے سیکیورٹی کو پیش نظررکھتے ہوئے وفاقی حکومت کو 8 سے 10 محرم تک موبائل فون اور موٹر سائیکل کی ڈبل سواری پر پابندی عائد کرنے کی تجویزدے دی ہے۔

    تفصیلات کے مطابق حکومت سندھ نے محرم الحرام میں سیکورٹی کو ممکن بنانے کے غرض سے وفاقی حکومت سے 8 سے 10 محرم تک صبح 8 سے شام 8 بجے تک موبائل سروس معطل رکھنے کی استدعا کی ہے

    جب کہ سندھ حکومت محرم الحرام کے پہلے عشرے کے آخری تین دن 8 محرم سے 10 محرم تک صوبے کے اہم اورفرقہ واریت کے حوالے سے کشیدہ شہروں میں ڈبل سواری پر بھی پابندی عائد کرنے پرغور کررہی ہے۔

    واضح رہے محرم الحرام میں فرقہ ورانہ دہشت گردی سے نمٹنے کے لیے ہنگامی بنیادوں پر اقدام کیے جاتے ہیں تا کہ کسی بھی ممکنہ دہشت گردی کے واقعے سے محفوظ رہا جا سکے اس حوالے سے موبائل سروس میں بندش اور ڈبل سواری پر پابندی جیسے سخت اقدام بھی کرنا پڑتے ہیں۔

    دوسری جانب ڈی جی رینجرز اور وزیر اعلیٰ سندھ کے درمیان امن عامہ کے حوالے سے ہونے والی ایک اہم میٹنگ میں بھی سندھ حکومت کی جانب سے موبائل سروس اور موٹر سائیکل کی ڈبل سواری پر پابندی کی تجاویزات بھی زیر بحث لائی جائیں گی جب کہ ڈی جی رینجرز محرم الحرام میں سیکیورٹی کے حوالے سے طے کیے گئے پلان سے وزیر اعلیٰ سندھ کو آگاہ کریں گے۔

  • کراچی، سکھراورحیدرآباد میں ڈبل سواری پر پابندی عائد

    کراچی، سکھراورحیدرآباد میں ڈبل سواری پر پابندی عائد

    کراچی: سکھر حیدر آباد اور کراچی میں موٹر سائیکل کی ڈبل سواری پر تین روز کی پابندی عائد کردی گئی جس کا نوٹی فکیشن بھی جاری کردیا گیا ہے۔

    اطلاعات کے مطابق یوم شہادت حضرت علیؓ کے موقع پر دہشت گردی کے خدشات کے پیش نظر اور سندھ میں یوم علی رضی اللہ عنہ  پر امن و امان برقرار رکھنے کے لیے متعدد سیکیورٹی اقدامات کیے جارہے ہیں۔

    ان اقدامات میں سب سے اہم اور آزمودہ اقدام موٹرسائیکل کی ڈبل سواری پر پابندی ہے، اس حوالے سے وزارت داخلہ سندھ نے کراچی، حیدر آباد اور سکھر ڈویژن موٹر سائیکل پر ڈبل سواری کی پابندی کا نوٹی فکیشن جاری کردیا ہے۔

    پابندی کا اطلاق آج رات بارہ بجے سے ہوگا اور یہ 28 جون تک نافذ رہے گی۔ ذرائع کے مطابق مذکورہ پابندی پولیس حکام کی درخواست پر محکمہ داخلہ سندھ نے لگائی ہے۔

    واضح رہے کہ نوٹی فکیشن کے مطابق صحافی، بزرگ، خواتین،معذور افراد اور 12سال سے کم عمر لڑکوں پر اس پابندی کا اطلاق نہیں ہوگا، وہ اس قانون سے مستثنیٰ ہیں۔

  • کراچی میں موٹرسائیکل کی ڈبل سواری پرچاردن کیلئے پابندی عائد

    کراچی میں موٹرسائیکل کی ڈبل سواری پرچاردن کیلئے پابندی عائد

    کراچی : محکمہ داخلہ سندھ نے کراچی میں چار دن کیلئے موٹر سائیکل کی ڈبل سواری پر پابندی عائد کردی، نوٹیفکیشن بھی جاری کر دیا گیا۔

    تفصیلات کے مطابق کراچی میں چار دن کیلئے موٹر سائیکل کی ڈبل سواری پر پابندی عائد کر دی گئی ہے، اس حوالے سے محکمہ داخلہ سندھ نے نوٹیفکیشن بھی جاری کر دیا ہے۔

    موٹر سائیکل پر ڈبل سواری کی پابندی کا اطلاق صحافیوں، خواتین اور بزرگوں پر نہیں ہوگا۔ سندھ حکومت کے ذرائع کے مطابق پابندی کا اطلاق آج رات 12بجے سے ہوگاجو چار مارچ تک جاری رہے گا۔