لاس اینجلس : ہالی ووڈ کی فینٹیسی ڈراؤنی فلم ’بیٹل جوس ٹو‘ کا فائنل ٹریلر جاری کردیا گیا، فلم چھ ستمبر کو امریکی سنیماؤں پر دہشت پھیلائے گی۔
ہالی ووڈ کی نئی ڈراؤنی فلم ’بیٹل جوس ٹو‘ ایک دہشت ناک کہا نی ہے جسے دیکھنے والوں کا خوف کے عالم میں کپکپا جانا لازمی ہے کیونکہ بیٹل جوس 30 سال بعد دوبارہ آ رہا ہے۔
گھر پر ملکیت کا دعویٰ کرنے 30 سال بعد بھوت پھر لوٹ آیا، یہ فلم 30 مارچ 1988 کو ریلیز ہوئی تھی۔ یہ اس وقت کی ایک کلاسک ہارر فلم تھی جس میں مزاح، خوف اور فینٹاسی کے منفرد انداز شامل تھے جس کی وجہ سے یہ شائقین کو آج بھی یاد ہے۔
“بیٹل جوس” فلم میں، کہانی ایک نوجوان جوڑے، ایڈم اور باربرا میٹ لینڈ کے گرد گھومتی ہے، جو ایک کار حادثے میں مر جاتے ہیں اور بھوت بن کر اپنے ہی گھر میں رہنے لگتے ہیں۔
اب ان کے گھر میں ایک نیا خاندان، Deetzes، رہنے کے لئے منتقل ہوتا ہے، Maitlands انہیں ڈرانے کی کوشش کرتی ہے۔ تاہم، جب اس کی تمام کوششیں ناکام ہو جاتی ہیں تو وہ ایک شرارتی اور غصے والے بھوت کی مدد لیتی ہے جس کا نام (Betelgeuse) ہے، اب وہ اس کو بلانے کے لئے تین بار اس کا نام لیتی ہے تو وہ آ جاتا ہے۔
اس فلم کو ٹم برٹن نامی مشہور فلمساز نے ڈائریکٹ کیا ہے۔ وہ ایسی فلمیں بنانے کے لیے جانے جاتے ہیں جو قدرے عجیب اور بہت ڈراؤنی ہوتی ہیں لیکن ساتھ ہی بہت دلچسپ بھی ہیں۔ اس فلم میں بھی وہ مضحکہ خیز اور خوفناک چیزوں کو آپس میں ملاتے ہوئے دکھائیں دیں گے۔
