Tag: ڈرائیونگ اسکول

کراچی: وزیرداخلہ سندھ نے پی ٹی سی سعیدآباد میں ڈرائیونگ اسکول کا افتتاح کردیا، ایڈیشنل آئی جی ٹریننگ نے تفصیلی بریفنگ دی۔

تفصیلات کے مطابق ایڈیشنل آئی جی ٹریننگ نےڈرائیونگ اسکول سے متعلق تفصیلی بریفنگ دی، وزیرداخلہ سندھ ضیا الحسن لنجار نے کہا کہ سندھ پولیس ڈرائیونگ اسکول شہریوں کے لیے ایک تحفہ ہے، شاہراہوں کو حادثات سے محفوظ بنانے کےلیے اقدام قابل ستائش ہے

وزیرداخلہ سندھ ضیا لنجار کا مزید کہنا تھا کہ ڈرائیونگ اسکول سندھ پولیس کی تاریخ کا ایک اہم سنگ میل ثابت ہوگا۔

آئی جی سندھ غلام نبی میمن نے کہا کہ حادثات کی روک تھام میں اسکول اہم کردار ادا کریگا، ٹریفک پولیس میں اچھی شہرت کے حامل افسران تعینات کیے ہیں۔

غلام نبی میمن نے کہا کہ اسکول کو پبلک پرائیوٹ پارٹنرشپ کے تحت چلائیں گے، باڈی وارن کیمراز نے پولیس کی صلاحیتوں کو فروغ دیا ہے۔

https://urdu.arynews.tv/driving-schools-established-at-the-government-level/

لاہور : موٹرسائیکل اور کار ڈرائیونگ سیکھنے والی خواتین کے لیے بڑی خوشخبری آگئی ، خواتین کی سہولت کے لئےکلاسسز منعقد کی جائیں گی۔

تفصیلات کے مطابق وزیر اعلیٰ پنجاب مریم نواز کا خواتین کو با اختیار اورخود مختار بنانے کا مشن جاری ہے، خواتین کو موٹر سائیکل اور کار ڈرائیونگ سیکھانے کے لئے 04 ڈرائیونگ اسکول قائم کردیئے گئے۔

آبشارڈرائیونگ اسکول جیل روڈ، وویمن آن ویل اسکول ایل اوایس فیروزپورروڈ ، لبرٹی خدمت مرکز اورمناواں ٹریفک لائنزمیں ڈرائیونگ اسکولز قائم کئے گئے ہیں۔

خواتین کی سہولت کے لئے صبح 8 سےشام 4بجے تک کلاسسز جاری ہیں ، اس حوالے سے سی ٹی او کا کہنا ہے کہ ڈرائیونگ اسکولزمیں خواتین کو وویمن ٹو وویمن سروس فراہم کی جارہی ہے۔

وویمن آن ویل پروجیکٹ کے تحت خواتین کو موٹر سائیکل چلانے کی فری تربیت دی جا رہی ہے۔

وومن آن ویلز پروجیکٹ اور رائیڈ فار چینج پروگرام کا مقصد خواتین کو زیادہ پر اعتماد اور خود مختار بنانا ہے کیونکہ معاشرتی اورسماجی ترقی کیلئے مردوں کے ساتھ ساتھ خواتین کا کرداربہت اہمیت کا حامل ہے۔