Tag: ڈرائیونگ لائسنس

کراچی : ڈرائیونگ لائسنس بنوانے والوں کے لئے اہم خبر آگئی ، لائسنس حاصل کرنے کے لئے کتنی فیس ادا کرنا ہوگی۔

تفصیلات کے مطابق سندھ ٹریفک پولیس نے صوبے میں کاروں اور موٹرسائیکلوں کے لیے ڈرائیونگ لائسنس کی فیس میں ترمیم کی ہے۔

موٹر وہیکل آرڈیننس کے تحت صوبائی حکومت نے ڈرائیونگ لائسنس کے حصول کی کم از کم عمر 18 سال مقرر کی ہے۔

عمر کے تقاضے کو پورا کرنے والے درخواست دہندگان کو ڈرائیونگ لائسنس برانچ میں جانے سے پہلے آن لائن پری اپائنٹمنٹ حاصل کرنا ہوگی اور ٹوکن لینے کے بعد انہیں اپنے اصل کمپیوٹرائزڈ قومی شناختی کارڈ کے ساتھ نامزد برانچ میں ذاتی طور پر حاضر ہونا ہوگا۔

رجسٹریشن کے بعد، درخواست دہندگان کو میڈیکل آفیسر کے ذریعہ فٹنس امتحان سے گزرنا پڑتا ہے۔

مستقل ڈرائیونگ لائسنس حاصل کرنے کے لیے افراد کو پہلے لرنر کا ڈرائیونگ لائسنس حاصل کرنا ہوگا، جو ایک سال کے لیے ہوگا۔

محکمہ ٹریفک کاروں اور موٹرسائیکلوں دونوں کے لیے مستقل ڈرائیونگ لائسنس جاری کرتا ہے، جس کی مدت تین سال اور پانچ سال ہے، تین سالہ لائسنس کی فیس 1,410 روپے اور پانچ سالہ لائسنس کی 1,860 روپے ہے۔

سال 2024 میں، کراچی کے رہائشیوں نے مختلف خلاف ورزیوں پر مجموعی طور پر 850 ملین روپے ٹریفک جرمانے ادا کیے جبکہ 1.157 ملین چالان جاری کیے گئے۔

کراچی میں سب سے زیادہ ٹریفک قوانین کی عام خلاف ورزیوں میں گاڑیوں کی نمبر پلیٹوں کے مسائل شامل ہیں، جس کے نتیجے میں 221,000 چالان اور 119.3 ملین روپے جرمانے ہوئے۔

اس کے بعد سگنل کی خلاف ورزی (196,000 چالان ور 124.9 ملین جرمانے)، اوور لوڈنگ (200,000 چالان اور 103.1 ملین روپے جرمانے) اور یک طرفہ/ غلط ڈرائیونگ پر (91,000 چالان اور 20.2 ملین جرمانے کیے گئے۔

کراچی : ڈرائیونگ لائسنس بنوانے والوں کی بڑی مشکل آسان ہوگئی، اب لائسنس بنوانے کے لیے دفتر جانے کی ضرورت نہیں۔

تفصیلات کے مطابق ڈرائیونگ لائسنس بنوانے کے خواہشمند افراد کیلئے بڑی خوشخبری آگئی ، اب لائنسنس بنانا مزید آسان ہوگیا۔

شہریوں کی سہولت کے لیے اب انتظامیہ کی جانب سے لائسنس بنوانے کے لیے ڈی ایل موبائل وین کی سہولت کا آغآز کردیا گیا ہے، جو پورے شہر میں عوام کو سہولت فراہم کریں گی

ڈی آئی جی ڈرائیونگ لائسنس اقبال دارا پاکستان چوک پہنچے، اس موقع پر انھوں نے کہا کہ ڈی ایل برانچ اور آن لائن سسٹم کے بعد موبائل وین شروع کی، ایک اور موبائل وین تیار کر رہےاس طرح 2 وین ہو جائیں گی۔

اقبال دارا کا کہنا تھا کہ موبائل وین سے لرنر، تجدید اور نان کمرشل لائسنس بنوا سکتے ہیں، یہی تمام سہولیات آن لائن سسٹم سےبھی حاصل کی جاسکتی ہیں، کوئی بھی کمپنی،دفتر یاادارہ درخواست پر وین بلا سکتا ہے۔

اس وقت موبائل وین پاکستان چوک کے علاقے میں موجود ہے، جہاں شہریوں کی بڑی تعداد اس سہولت سے استفادہ حاصل کر رہی ہیں۔

اس سے قبل بھی عوام کی آسانی کے لیے آن لائن سروس پہلے ہی فعال کردی گئی تھی، شہریوں کا کہنا ہے کہ جو لوگ انٹرنیٹ سے شناسائی نہیں رکھتے ان کے لیے وین کسی سہولت سے کم نہیں۔

سال کے شروع میں پنجاب حکومت نے لاہور، راولپنڈی سمیت پنجاب کے تمام شہروں میں ہر قسم کے ڈرائیونگ لائسنس کی فیس میں بڑے اضافے کا اعلان کیا تھا۔

تفصیلات کے مطابق پنجاب حکومت نے 20 سال کے وقفے کے بعد ڈرائیونگ فیس کے اسٹرکچر پر نظرثانی کی ہے، صوبائی انتظامیہ نے لرنر لائسنس، کار + موٹر سائیکل لائسنس اور دیگر کی فیسوں میں اضافہ کیا ہے۔

صوبائی حکومت نے لرنر ڈرائیونگ لائسنس کے اجرا کی فیس 500 روپے مقرر کی ہے جبکہ پہلے یہ فیس صرف 60 روپے تھی۔

اس سے پہلے لاہور، راولپنڈی میں حکومت پانچ سال کی میعاد کے ساتھ موٹرسائیکل ڈرائیونگ لائسنس کے لیے 550 روپے فیس وصول کرتی تھی، اب اتھارٹی موٹر سائیکل ڈرائیونگ لائسنس کے لیے 500 روپے سالانہ وصول کررہی ہے۔

حکومت نے کار یا جیپ ڈرائیونگ لائسنس کی فیس ہر سال 1800 روپے مقرر کی ہے، اس سے قبل کار، جیپ ڈرائیونگ لائسنس کی فیس پانچ سال کی معاید کے لیے 950 روپے تھی۔

خیال رہے کہ لاہور، راولپنڈی سمیت پنجاب میں تمام اہل شہریوں کو گاڑی چلانے سے پہلے مجاز اتھارٹی سے ایک درست لائسنس حاصل کرنا ہوتا ہے، لائسنس نہ ہونے کی صورت میں شہریوں کو جرمانے یا قانونی کارروائی کا سامنا کرنا پڑ سکتا ہے۔

کراچی : ڈرائیونگ لائسنس کے لیے آن لائن سہولت کے آغاز کے ساتھ آئی جی سندھ غلام نبی میمن  نے اناڑی اور بغیر لائسنس گاڑی چلانے والے ڈرائیورز کو وارننگ جاری کردی۔

تفصیلات کے مطابق سندھ میں ڈرائیونگ لائسنس کے لیے آن لائن سہولت کا آغاز کردیا گیا ، اس حوالے سے آئی جی سندھ غلام نبی میمن نے اے آر وائی نیوز سے گفتگو کرتے ہوئے بتایا کہ تین دن میں 12 ہزار سے زائد شہری رجسٹرڈ ہوگئے جبکہ آن لائن 11 سو افراد نے اپنے لائسنس بھی بنوائے۔

غلام نبی میمن کا کہنا تھا کہ میڈیا میں جس طرح خبر چلی اب اس کی تعداد مزید بڑھے گی، ہم بھی یہ چاہ رہے کہ ڈرائیونگ لائسنس برانچزمیں رش کم ہو، اگلے مرحلے میں پورا زور قانون کے نفاذ پر لگائیں گے۔

انھوں نے بتایا کہ حادثات کی وجہ وہ ڈرائیور ہیں جن کو گاڑی چلانانہیں آتی، پہلے اس لیے سختی نہیں کی تھی کہ ڈرائیونگ لائسنس برانچز پر رش بڑھ جائے گا لیکن اب جنہوں نے ڈرائیونگ لائسنس نہیں بنوائے اس سہولت سے فائدہ اٹھائیں۔

آئی جی سندھ نے اناڑی ڈرائیورز کو وارننگ دیتے ہوئے کہا اب کوئی بغیر لائسنس گاڑی چلانے والا ڈرائیور قانون کی گرفت سے بچ نہیں سکیں گا۔

ان کا مزید کہنا تھا کہ جہاں قانون پسند شہریوں کو سہولیات فراہم کی جاتی ہیں وہیں اب قانون شکنی کرنے والے افراد کے خلاف بھرپور ایکشن کیا جائے گا تاکہ سڑک پر موجود عوام کی جان محفوظ بنائی جاسکے ۔

کراچی: وزیرداخلہ سندھ ضیاالحسن لنجار نے کہا ہے کہ آن لائن سروسز سے شہری باآسانی ڈرائیونگ لائسنس حاصل کرسکیں گے۔

کلفٹن ڈرائیونگ لائسنس برانچ میں شہریوں کے لیے آن لائن سروسز سے متعلق تقریب کا انعقاد ہوا، تقریب میں وزیر داخلہ سندھ ضیاالحسن لنجار نے مہمان خصوصی کے طور پر شرکت کی، ضیاالحسن لنجار نے کہا کہ آن لائن انٹرنیشنل ڈرائیونگ لائسنس کا اجرا سنگ میل ثابت ہوگا۔

وزیرداخلہ سندھ کا کہنا تھا کہ کراچی کے شہری اس سروس کے ذریعے باآسانی لائسنس حاصل کریں گے، جدید طرز پولیسنگ سے سندھ پولیس کاچہرہ مزید بہتر و تبدیل ہوگا۔

اس موقع پر اظہار خیال کرتے ہوئے آئی جی سندھ نے کہا کہ ڈرائیونگ لائسنس کے اِجراکی آن لائن سہولت کا مقصد ٹریفک حادثات کو کم کرنا ہے۔

آئی جی سندھ غلام نبی میمن کا تقریب میں مزید کہنا تھا کہ دنیا بھر میں ٹریفک نظام آئی ٹی کے تحت کام کررہا ہے۔

ڈرائیونگ لائسنس کا حصول ہر قانون پسند شہری کی ذمہ داری ہے، جس کے بغیر گاڑی یا موٹرسائیکل چلانے پر اسے سزا و جرمانے کا سامنا کرنا پڑ سکتا ہے۔

ڈرائیونگ لائسنس حاصل کرنے کے لیے، درخواست دہندگان کو نظریاتی اور عملی دونوں ٹیسٹ پاس کرنے ہوتے ہیں اور ضروری فیس ادا کرنا ہوتی ہے۔

اس سال کے آغاز میں پنجاب حکومت نے گجرات اور گوجرانوالہ سمیت تمام شہروں میں ڈرائیونگ لائسنس کے لیے فیس کے ڈھانچے پر نظر ثانی کی اور اضافہ کیا گیا۔

یہ اضافہ 20 سال کے بعد ہوا اور اس سے لرنر اور کار/موٹرسائیکل لائسنس سمیت مختلف قسم کے لائسنسوں کی فیسوں پر اثر پڑا۔

نئی فیسوں کا مقصد عمل کو ہموار کرنا اور جدید انتظامی اخراجات کی عکاسی کرنا اور ساتھ ہی شہریوں پر زور دینا تھا کہ وہ ممکنہ قانونی مسائل سے بچنے کے لیے ضوابط کی تعمیل کریں۔

لرنر لائسنس فیس کتنی ہے؟

صوبائی حکومت نے لرنر لائسنس کے اجراء کی فیس 500 روپے مقرر کی ہے۔ اس سے قبل یہ فیس صرف 60 روپے تھی۔

موٹر سائیکل کے لئے لائسنس کی فیس

حکومت موٹر سائیکل کے لائسنس کے لیے 500 روپے سالانہ وصول کرتی ہے جبکہ اس سے قبل پانچ سال کی میعاد کے ساتھ موٹر سائیکل  کے لائسنس کے لیے 550 روپے فیس لیتی تھی۔

کار اور جیپ  کے لئے  لائسنس کی فیس

حکومت کار کے  لائسنس کی مد میں شہریوں سے ہر سال 1800 روپے وصول کرے گی، اس سے قبل  فیس 950 روپے تھی۔