ARYNews.tv | Urdu – Har Lamha Bakhabar

Tag: ڈرامہ

  • ایمی ایوارڈز 2016: ’گیم آف تھرونز‘ بہترین سیریز قرار

    ایمی ایوارڈز 2016: ’گیم آف تھرونز‘ بہترین سیریز قرار

    لاس اینجلس: امریکی شہر لاس اینجلس میں اڑسٹھویں ایمی ایوارڈز کا رنگا رنگ میلہ منعقد ہوا جس میں ستاروں کی بڑی تعداد نے شرکت کر کے تقریب کو چار چاند لگا دیے۔ شو میں مشہور امریکی ڈرامہ سیریز ’گیم آف تھرونز‘ نے میدان مار لیا۔

    ڈرامہ سیریز ’گیم آف تھرونز‘ نے سب سے زیادہ ایمی ایوارڈز حاصل کرنے کا ریکارڈ بھی قائم کرلیا۔ رواں برس 12 ایمی ایوارڈز کے ساتھ اس سیریز کے حاصل کردہ ایمیز کی تعداد 38 ہوچکی ہے۔

    رواں برس سیریز لگاتار دوسری بار بہترین ڈرامہ سیریز کا ایوارڈ حاصل کرنے میں بھی کامیاب رہی۔

    واضح رہے کہ ’گیم آف تھرونز‘ ایک تصوراتی افسانوی سیریز ہے جس میں اداکاروں کو ایک خیالی دنیا میں قوت و اقتدار کے لیے ایک دوسرے سے برسر پیکار دکھایا گیا ہے۔

    ایک اور امریکن سیریز ’ویپ‘ کو بہترین کامیڈی سیریز کا ایوارڈ دیا گیا۔ اس سیریز کا بھی یہ لگاتار دوسرا ایمی ایوارڈ ہے۔

    جولیا لوئی ڈریفس

    سیریز کی اداکارہ جولیا لوئی ڈریفس کو سیریز میں اداکاری کے لیے بہترین اداکارہ (کامیڈی) کا ایوارڈ ملا جبکہ بہترین اداکار (کامیڈی) کا انعام ’ٹرانسپیرنٹ‘ کے لیے جیفری ٹمبر کو دیا گیا۔

    رامی ملک

    ٹیٹیانا میسلانی کو ’آرفن بلیک‘ میں اداکاری کے لیے بہترین اداکارہ جبکہ ’مسٹر روبوٹ‘ کے مرکزی کردار رامی ملک کو بہترین اداکار کا ایوارڈ دیا گیا۔

    سیریز ’ڈاؤنٹن ایبی‘ بھی ایک ایوارڈ حاصل کرنے میں کامیاب رہی جس کی میگی اسمتھ کو بہترین معاون اداکارہ کا ایوارڈ دیا گیا۔

    emmy-1

    رنگا رنگ ایوارڈ شو میں بالی وڈ اداکارہ پریانکا چوپڑہ بھی شریک ہوئیں۔

  • عمراکمل پھراسکینڈل کا شکار، ڈرامہ دیکھنےگیا تھا کوئی لڑائی نہیں ہوئی، عمراکمل

    عمراکمل پھراسکینڈل کا شکار، ڈرامہ دیکھنےگیا تھا کوئی لڑائی نہیں ہوئی، عمراکمل

    لاہور: قومی کرکٹرعمراکمل پھراسکینڈل کا مرکزی کردار بن گئے، فیصل آباد میں اسٹیج ڈرامہ دیکھنےگئے جہاں لڑپڑے اورعزت سے نکال دیے گئے۔

    تنازعات میں نام پیدا کرنے والے قومی کرکٹر عمراکمل فیصل آباد کے تھیٹر میں رقص سے بھرپور ڈرامہ کڑیاں بلے بلے دیکھنے پہنچ گئے جہاں مبینہ طور پر ان کی لڑائی ہوگئی، عمراکمل کوتھیٹرمیں جھگڑےکے بعدباہرنکال دیاگیا۔

    اس واقع پر صفائی دیتے ہوئے عمر اکمل نے کہا کہ کوئی جھگڑا نہیں ہوا ، میں ڈراما دیکھنے گیاتھا،عمر اکمل میری اپنی لائف ہے میرے ساتھ کوئی نہیں تھا۔


    Akmal denies having tiff, says he went to watch… by arynews

    عمراکمل کا کہنا ہے کہ وہ ڈرامہ دیکھنے گئے تھے،کوئی غلط کام نہیں کیامیری کرکٹ پر ،اور میری پرفارمنس پر بات کریں، انہوں یہ بھی کہا ان کے کھیل کوڈسکس کریں،عمراکمل نے درخواست کی کہ پلیئرز کی ذاتی زندگی کو ہائی لائٹ نہ کیا کریں۔

    واضح رہے کہ اس قبل بھی عمراکمل تنازعات کا شکار ہوچکے ہیں حیدرآباد میں بھی ڈانس پارٹی میں چلے گئے تھےجہاں جھگڑا ہوگیا، لاہورمیں پولیس وارڈن سے لڑائی بھی زیادہ پرانی بات نہیں۔

  • ڈرامہ "دل لگی” آج رات 8 بجے اے آروائی ڈیجیٹل پر نشر کیا جائے گا

    ڈرامہ "دل لگی” آج رات 8 بجے اے آروائی ڈیجیٹل پر نشر کیا جائے گا

    کراچی : اداکار ہمایوں سعید اور مہوش حیات کے آنے والے ڈرامہ سیریل دل لگی آج سے اے آر وائی ڈیجیٹل پر نشر کیا جائے گا۔

    ہمایوں سعید ڈرامہ’دل لگی‘ کے ذریعہ 4 سال بعد چھوٹی اسکرین پر واپسی کریں گے، ڈرام سیر یل ‘دل لگی’ایک غیر روایتی محبت کی کہانی ہے، فلم ’جوانی پھر نہیں آنی‘ کی کامیاب جوڑی ہمایوں سعید اور مہوش حیات اس ڈرامے میں رومانوی کردار کرتے نظر آئیں گے، ڈرامے کی دیگر کاسٹ میں صبا حمید،عظمی حسن،عمران اشرف اورمریم انصاری شامل ہیں۔

    سیریل کی عکسبندی کراچی اور اندرون سندھ میں کی گئی ہے، ڈرامے کا ٹاٹل سونگ نصرت فتح علی خان کی مشہور زمانہ قوالی ’’تمہیں دل لگی بھول جانی پڑے گی‘‘ کی دوبارہ ترتیب ہے جس کو موسیقی کے استاد راحت فتح علی خان نے گایا ہے، جبکہ فلم ’جوانی پھر نہیں آنی‘ سے شہرت پانے والے ندیم بیگ اس کی ڈرامے میں ہدایتکاری کے فرائض انجام دیں رہے ہیں۔

    ڈرامہ دل لگی آج رات 8 بجے شب اے آر وائی ڈیجیٹل پر نشر کیاجائے گا۔

  • ہالی وڈ باکس آفس پر ڈرامہ سے بھرپور فلم وار روم بازی لے گئی

    ہالی وڈ باکس آفس پر ڈرامہ سے بھرپور فلم وار روم بازی لے گئی

    لاس انجلاس: ہالی وڈ باکس آفس پر رواں ہفتے ڈرامہ سے بھرپور فلم وار روم بازی لے گئی

    رشتوں کے اتار چڑھاو پر مبنی فلم ’وار روم‘ نے باکس آفس پر سب کو پیچھے چھوڑ دیا،گزشتہ ہفتے باکس آفس پر دوسرے نمبر پر رہنے والی فلم ’وار روم‘ اس ہفتے پہلی نمبرپر آگئی ۔

    ڈرامہ سے بھرپور فلم نے باکس آفس پر چورانوے لاکھ ڈالر کا بزنس کیا، فلم ایک ایسے خاندان کی کہانی پر مبنی ہے، جو اپنے مسائل کے حل کے لیے ایک معمر عورت کی مدد لیتے ہیں۔

     ایکشن سے بھرپور فلم ’اسٹریٹ آئوٹا کومپٹن‘باکس آفس پر پہلی سے دوسری پوزیشن پر آگئی، فلم نے رواں ہفتے اٹھاسی ڈالر کا بزنس کیا۔

    باکس آفس پر تیسری پوزیشن فلم ’اے واک ان دا ووڈز‘ جس نے بیاسی لاکھ ڈالر کمائے۔