Tag: ڈرون حملہ

عراق میں امریکا کی جانب سے ڈرون حملہ کیا گیا ہے، جس کے نتیجے میں عراقی ملیشیا کے کمانڈر 4 ساتھیوں سمیت جاں بحق ہوگئے۔

غیر ملکی ذرائع ابلاغ کے مطابق پینٹاگون کا اپنے جاری کردہ بیان میں کہنا ہے کہ بغداد کے شمالی علاقے میں عراقی کمانڈر مشتاق جواد کاظم الجواری کی گاڑی کو نشانہ بنایا گیا تھا۔ مشتاق جواد کاظم الجواری عراقی ملیشیا حرکتہ النجبہ (Nujaba) کے کمانڈر تھے۔

پنٹاگون کی جانب سے دعویٰ کیا گیا ہے کہ مشتاق جواد کاظم الجواری امریکی اہلکاروں پر حالیہ حملوں میں ملوث تھے۔ حملے میں کسی شہری اور انفرااسٹرکچر کو کوئی نقصان نہیں پہنچا۔

خبر رساں ادارے کا کہنا ہے کہ اسرائیلی جنگ سے غزہ میں تباہی کے بعد سے عراق اور شام میں امریکی اہلکاروں پر ایک سو سے زائد حملے کئے گئے ہیں۔ عراق میں امریکی فوج کے ڈھائی ہزار اور شام میں 9 سو فوجی موجود ہیں۔

عراقی وزیراعظم کے ترجمان کی جانب سے امریکی حملے کی مذمت کی گئی ہے اور اسے عراقی سیکیورٹی تنظیم پر بلاجواز حملہ قرار دیا ہے۔

دوسری جانب جنوبی لبنان کے علاقے نقورا میں عمارت پر اسرائیلی جارحیت کے سبب حزب اللہ کے سینئر رکن حسین یزبیک سمیت 8 افراد شہید ہوگئے۔

عراق میں امریکی فوجی اڈے پر حملہ

بین الاقوامی خبر رساں ادارے کی رپورٹ کے مطابق حزب اللہ کے رہنماء حسن نصر اللہ کا کہنا تھا کہ وہ اسرائیل کے ساتھ جنگ سے نہیں ڈرتے لیکن بڑے پیمانے پر کشیدگی سے باز رہیں گے۔

بیروت: شام کی ایک فوجی اکیڈمی میں ڈرون حملے کے نتیجے میں 100 سے زائد افراد جاں بحق ہوگئے۔

بین الاقوامی خبر رساں ادارے کا اس حوالے سے کہنا ہے کہ شام کے وزیر دفاع حملے سے کچھ دیر قبل ہی گریجویشن تقریب میں شرکت کے بعد اکیڈمی سے روانہ ہوئے تھے۔

اطلاعات کے مطابق 12 سالہ خانہ جنگی کے دوران یہ ڈرون حملہ سب سے خطرناک ہے جس میں شامی فوج کو ٹارگٹ کیا گیا ہے۔

شامی وزارت کے جاری کردہ بیان میں کہا گیا ہے کہ دہشت گردانہ حملے کیلئے ڈرون کا استعمال کیا گیا اور اس میں فوجی اور سویلین کی بڑی تعداد لقمہ اجل بن گئی۔

واضح رہے کہ فوجی اکیڈمی پر حملے کی ذمہ داری اب تک کسی بھی گروپ کی جانب سے قبول نہیں کی گئی ہے اور نہ ہی حکومت کی جانب سے کسی گروپ کا نام لیا گیا ہے۔