Tag: ڈرون حملہ

ریاض: عرب فوجی اتحاد نے سعودی عرب میں حوثی باغیوں کے 2 ڈرون حملے ناکام بنا دیے۔

عرب میڈیا کی رپورٹ کے مطابق یمن میں برسرپیکار شدت پسند حوثیوں نے ایک بار پھر سعودی عرب پر ڈرون حملے کی کوشش کی، عرب اتحاد نے دہشت گردوں کے عزائم خاک میں ملا دیے۔

رپورٹ میں کہا گیا ہے کہ حوثی باغیوں نے خمیس مشیط شہر کو نشانہ بنان ےکی کوشش کی، عرب اتحاد نے دونوں ڈرونز کو فضا میں ہی تباہ کردیا اس طرح سعودی عرب مالی اور جانی نقصان سے ایک بار پھر بچ گیا۔

سعودی عرب میں تیل فیکٹریوں پر ڈرون حملہ، پاکستان کا اظہار مذمت

خمیس مشیط شہر کی جانب ڈرونز یمن سے بھیجے گئے تھے۔

سعودی عرب پر حوثیوں باغیوں کے جانب سے ڈرون کے وار کوئی نیا واقعہ نہیں اس سے قبل بھی درجنوں بار حوثی باغی عرب ریجن پر ڈرون داغ چکے ہیں جبکہ ردعمل میں عرب اتحاد نے بھی بھرپور جواب دیا۔

یاد رہے کہ رواں سال سعودی عرب نے متعدد حوثی ڈرون مار گئے ہیں۔ تاہم گزشتہ سال ستمبر میں سعودی عرب کی تیل کی دو بڑی فیکٹریوں پر ڈرون حملوں کے نتیجے میں آگ لگ گئی تھی جس سے شدید مالی نقصان ہوا تھا۔ یہ فیکٹریاں سعودی عرب کی ریاستی ملکیت میں چلنے والی کمپنی چلاتی ہیں۔

واشنگٹن: امریکا نے افغانستان میں کسانوں پر بمباری کا اعتراف کرلیا، ڈرون حملے میں 30 کسان جاں بحق اور 40 زخمی ہوئے تھے۔

غیرملکی خبررساں ادارے کی رپورٹ کے مطابق امریکا نے افغانستان میں کسانوں پر بمباری کا اعتراف کیا ہے، ترجمان امریکی فوج کا کہنا ہے کہ ننگرہار میں غلطی سے عام کسانوں پر ڈرون سے بمباری کی گئی۔

ترجمان امریکی فوج کے مطابق غلطی سے کسانوں کو داعش کا گروہ سمجھ لیا گیا تھا، بمباری کے واقعے کی مزید تحقیقات جاری ہیں۔

واضح رہے کہ گزشتہ روز مشرقی صوبے ننگرہار کے وزیر تنگی کے علاقے میں امریکی ڈرون حملے میں 30 کسان ہلاک جبکہ 40 زخمی ہوگئے تھے۔

مزید پڑھیں: افغانستان میں انٹیلیجنس ایجنسی کے دفتر پر خودکش دھماکا، 10 افراد ہلاک 85 زخمی

پولیس اور مقامی حکام کا کہنا تھا کہ حملہ بدھ کی شب اس وقت کیا گیا جب کسان ایک فارم ہاؤس میں گری دار میوہ جمع کرکے آرام کررہے تھے۔

یاد رہے کہ ماضی میں افغانستان میں امریکی اور نیٹو افواج کی جانب سے ڈرون حملوں میں کئی عام شہری جاں بحق اور زخمی ہوچکے ہیں۔

افغانستان میں نیٹو افواج، طالبان اور داعش کے مسلح افراد ایک دوسرے کو حملوں کا نشانہ بناتے رہتے ہیں اور اس دوران عام بے گناہ شہری ان حملوں کا نشانہ بنتے ہیں۔

خیال رہے کہ گزشتہ روز افغان صوبے زابل میں واقع نیشنل ڈائریکٹوریٹ آف سیکیورٹی (این ڈی ایس) کی عمارت کے قریب خود کش حملہ آور نے بارود سے بھراٹرک دھماکے سے اڑا دیا تھا جس کے نتیجے میں10 افراد ہلاک جبکہ 85 سے زخمی ہوئے تھے۔